Sunday 21 January 2007

We Will ..We Will Rock You!... did they?

اغنيه يكاد مرشحينا الاعزاء ان يغنوها بكل جوارحهم من خلال مقارهم الانتخابيه الذيذه (احلى مافيهم بوفيهم) وخطبهم الرنانه
صراحه ماشفنا rocking
اللي شفناه بريك دانس على انغام سامريه
عمري 20 صيفا
العالم جاوس ابتكر المتتاليه حين كان يبلغ مايقارب 16 عام
وانا؟اقصى انجازاتي بعمره كيف اتهرب من كلاس الرياضه, و كيف اقنع امي وابوي بالموبايل وممم كيفيه وزن ابيات شعريه
يريت وزنتهم عدل عاد!
شنو امكانيات جاوس؟
ورقه
وقلم
و
ممم
عقل
امكانياتي
عقل
بيت مجهز بأكثر الجهزة تطويرا
ترفيه
كتب
انترنت
وهلم جرا
كويتيه ان ماكانت عندي هالامور اطلع تقليد
...
صراحه
جزء من المسئوليه يقع على عاتقي (مسكين هالعاتق)
شنو قدملي هالنواب؟
شنو قدمو لاخوانهم,لخواتهم, ولأبنائهم!
اوكي ماننكر البسمه اللي ترتسم سخريه لما يسبون بعض ولما يتكلمون عن نانسي وهيفا
لكن
صعبه تقديم مشروع شبابي يشغلنا نحن الى حين الوظيفه؟
صعبه تتولى الحكومه الرشيده (عسى) ان تجابلنا شوي واحنا نشكل 65 بالاميه من هالديره الغاليه؟
الخاص شسوالنا؟
البنوك مثلا,حطتلنا الشمس بيد والقمر بيد ومنو اللي يقبلون بارت تايم؟
جماعتهم الى جانب المتقدمين اللي يدرسون البزنس والفاينانس وغيره يعني دهنهم بمكبتهم
لوياك: صراحه تجمع وايد حلو لكن مشكلته ماينفع الكل كتوقيت يعني ملززوم بالتطوع الى جانب الوظيفه الى جانب الاجتماعات والرزات المطلوبه لكن قام يخرج شباب واعي و نشيط
همم: صراحه ماسمع عنهم الا لما يسوون الشغله ويخلصونها مادري حتى طريقه الانضمام شلون معني حضرت الافتتاح وكنت متأمله خير كالعاده, مشروع اسمه شطوله وجنه اوان انفصلت عنه مع انها كانت خوش شريك
نطمع بشي على مستوى
نبي مشاريع مايحتكرها جماعه فلان ومافيها شليله وماتبي الرزة بس
مشروع مسئوليته يلتزم فيها ناس اصحاب شهايد وخبرات مو اصحاب شيكات وانواط
ابي افتخر بال
cv
ابي اسوي شي غير اني ادرس واجابل النت واطلع لمجرد الطلعه!
ان لقيتو المكان
لاتتردون وعطوني خبر

0 comments: