Monday 25 June 2007

none

just takin' control
my blog so i cant write (NOTHING)

ودي اكتب
ودي اترجم كل شي
بس نسيت شلون!

Friday 15 June 2007

صيفي؟!؟

بالذمه هالاسبوع اللي طاف محسوب علينا بريك ؟
اذا انا طول ايام الاسبوع ماعدا الاربعه
كنت اراكض فيه على درجاتي
مو حرام!
الله كريم

Wednesday 13 June 2007

BRAVO!

بجد واجتهاد
كراف واستعداد
لأول مره منذ بدايه مسيرتي الجامعيه معدلي يروح فوق مو تحت!
سمالله علي الرحمن الرحيم
وكله من فضل ربي ومساندته وماقصرو وياي اهل البيت
و الحمدلله والف شكر لدكاترتي ومهندسيني هالكورس
ماقصرتو:)
وانشالله يرتفع المعدل شوي بس بعد الصيفي ان الله كتب لي:)

Sunday 10 June 2007

Get a LIFE!

معقدين!
لازقين بكليتهم!
لاتشوفهم حزة الامتحانات!
ماعندهم حياة!
ناسين معالم الكويت!
يداومون يوم اليمعه عشان لايطوفهم شي!
كليه 24 ساعه زحمه!
وبعد
تعليقات كثيره
علي وعلى زملائي طلاب وطالبات الهندسه
اليوم
حسيت ان هالتعليقات مالها اي معنى
معرض مشاريع التخرج في كليه الهندسه
مايقارب 60 مشروع
تصميم طلابي باشراف دكاتره ومهندسين الكليه
تعب مابعده تعب
شفناه بالمرحله النهائيه وكان بأحلى واكمل صورة
المعرض كان زحمه
بس هالزحمه مامنعتنا نطوف على معظم المشاريع
طلاب الأمس ... مهندسين الغد
ليش الغد!
مهندسين اليوم,
كل واحد يتكلم عن مشروعه بثقه مابعدها ثقه
والصراحه الثقه كلمه طلعت عشان هالمهندسين
روعه!
ربي يعطينا عمر ويقدرنا نسوي مشروع ينافس هالمشاريع الحلوة
واللي بيقول طلاب الهندسه ماعندهم حياه
اقول
they are creating the life which you are very happy to live in!

Saturday 2 June 2007

غريبه..

غريب امرها هالجروح
اللي دما منها يروح
والجرح اللي ماله للعين من اثر
هو اللي يقصر اعمار البشر
هو اللي يطفي الروح..
***
وشفيك يافلان!
طعنتك سبه وفاتي
والله يستر من اللي آتي
هذا وانت حبيب الروح
ناوين تنبش رفاتي؟
طامع بشوفة سواتك؟
قولي اهي بتوقف حياتك,
ان كففت ظلمك علي..
ان سمحتلي بشعاع ضي,
مالعب ابليس فيك
عندك يظل تلميذ وغلاتك!
***
ودام نبض روحي توقف
شبينفعني يوم انك تحسف؟
روح..تراك بادي تخرف
اي ماضي تبيني اذكر؟
واي جرح فيهم ناوي تجبر,
صدقني لو بتظل تعذر
الصغير مثلك عمره مايكبر!