Friday 17 August 2007

حجي فاضي:)

احاول انظف شموع مليانه غبار


ارتب مجلات

احط ال (بونيز) ملوت ماكدونالدز هابي ميل عالمكتبه

!!!

wait ami

ارتب كتب الجامعه!
شسالفه


الملل خراب والله!

صج ان الوقت الزايد يدمر الانسان ويخلق فيه صفه ماكبر عليها


سنعه صارت مرتبه!


...


صايره blogaholic


كل شوي ادور بلوقات يدد


اللي شفته بعظم البلوقات ينقسم نصين


بلوقات بناتيه: خواطر واشعار وحب ومحبه


بلوقات شبابيه:لاعنين خير الحكومه والمجلس بس للحين ماعرفت منو يكيكي اللي يقصدونه


,


لقيت بلوقات ..لقيت نفسي فيها


حلو ان نلقى ناس يشاركونا بالمشاعر
لكن غريب ان نلقى ناس نحسهم نسخه ثانيه منا
اقضي الساعات وانا اقرا بلوقات اتعرف فيها على نفسي
والقى بنات مختارين نفس الكلمات,نفس الحروف نفس الاسلوب
نفس ستايل البلوق!

wierd ha..
صحيح في بعض منها رجعني كذا سنه قبل
لكن حلو ان نمشي جدام ونحاول نلتفت ورا عشان نتشجع ونتقدم اكر واكثر..
من البلوقات اللي عجبتني..


انا سكره


كله مطقوق

عادل القلاف

فري موا


نيبانو

سنعه ولكن


جاي حليب

كويتيه حساويه ..تحيز;p


na9ir

q8swallow


علي خاجه

بيت القرين

وغيرهم الكثير
...


ببالي كذا فكره ومليون بالاميه مالي خلق اسوي اي وحده فيهم
ودي ارجع صحافه الحائط..شدعوة عليج سنعه حائط,المهم برجعها حق الكليه او قسمي خصوصا
بعد اللي قريته بالبلوقات
شفت باخواني وخواتي طاقات ابداعيه حلوة وشي مميز ان ننشرها بالجامعه

بس استحي اقترح!

...

7 comments:

Shather said...

خووش اقتراح والله

سويها قبل لا ابوق الفكره منج ..

والا اقولج
سيري و نحن من ورائك :P

Anonymous said...

awl shy thnx sis

am happy enh u liked my blog

seconed:
etha btst7en sis mrch mara7 tswen shy.... fa trust in ur self oo 8admy el e8tera7 5oosh fekraa walah

Sn3a said...

شذر
نايس نيك نيم بوقي الاقتراح المهم يتطبق لول

فري موا
ادري وايد اشيا ببالي استحي اقدمها مادري خنجرب بالكورس الياي
يسلموو يالغاليه وبلوقج لو مو حلو جان ماكتبته

Anonymous said...

Ma fahamt shnu el fikra. Anyways, malal! I wanna go back to college!

Sn3a said...

فكره البوست اللي طاف
مافيه فكره بس فضفضه من الملل

Unknown said...

اول شي اتمنالج التوفيق انشا الله في البلوق ,. وفي حياتج يارب ,.

وانا فخور جدا ,. بوجود اسمي ,.بين هالاسماء الحلوة الي حاطتها ,.

وانا افخر , ان بلوقي المتواضع حاز على رضاج ,. وانشا الله دايما ,

وباذن الله بكون من المتابعين :)

عسااج على القوووة يااارب

وتقبلي مني تمنياتي لج بالتوفيق الدائم انشا الله

شكراا

Sn3a said...

اهلين خيو
يسلمو عالدعوات
بلوقك وايد حلو مشالله عليك
الله يقويك
وحياك الله المكان مكانك