Saturday 18 August 2007

غبــــ .. ــــار

دفتري الخاص


الذكريات تضحك

مراهقتي بدايتها اعجاب باللاعب (بشار عبدالله)

وحبي له كبر(لول حبي) لما صدف ان عيدميلاده نفس عيدميلادي


مثل غالب البنات

كان لي دفتر اسرار
دفتري كان فيه مشاعري
ومشاعر غيري

البنات كانو يقولولي فلانه كتبيلي شعر مثلا حبيبي زعلان
ولا حبيبي ولهان
ولا حبيبي مالت عليه
وانا اكتب

الكلمات تضحك والله توني فصلت عليها
بس والله اشيا حلوة
اول صفحه بالنوت اغنيه لديانا حداد
من غبت عيني ماتنام
وان غبت جافني الكلام
وان غبت صارت كل جروحي
شمعه ذوبها الغرام

اخيه حلوة الاغنيه مو..
الصفحات التاليه فلم
كنت كل اسبوع اروح بيت خالي يقرون
ويقولون وااي شحلاته
شدعوة !
كان ايامها البنات هابين بالمريخي بس ليش مادري
فديت بشار عبدالله انا;p


وبعدين هبيت بمجله اليقظه
قمت اكتب فيها باسم مستعار

(شفافيه الروح)
ونشرولي شعر عنونو بالوطن
محد كان يدري
واول مره اتكلم بالموضوع
للأسف ماتذكر متى بديت اكتب هالدفتر
لكن انا اتذكر ان حياتي بدت بسنه 99

فجايز بدايتي كانت 98-99
واتذكر اني رحت مزرعه رفيجتي وخذيت من هناك ورده وحطيتها بالنوت
طبعا ماله داعي اقول اني قطيت الورده عقب ماتلفتني وللحين كل ما ابطل النوت يطيحون اشياء صغار

كنت اكتب بكل وقت
اخذ النوت كل مكان
وحتى ابلات العربي استانسو علي لأن اجوبتي حتى بالامتحانات كانت اغلبها بقافيه

احب الشعر
احب العب بالحروف
احب اخلي الكتابه كأنها موسيقى تعزفها المشاعر
ورقه طاحت من النوت
تاريخها مو بعيد
حبيت اكتب اللي فيها...

تعرض علي الهوى كنه بضاعة

ياجاهل الحب ترا ضيم وملاعيب

كلامك ارفض بكلي سماعه

ماعاد الهوى يشتري بناسه الطيب

تشوهت المشاعر وصارت شماعه

نعلق عليها الكذب والوفا يعيب

بعد ماكان للحب من الاه مناعه

صار غرقان الهوى محتاج تطبيب

تغيب عن محبوبك دقايق ولا ساعه

شيمنعك دام الوله برجالنا يعيب

ظني ان الحب الصادق اشاعه

والحقيقه مالنا من الصدق نصيب

ياسائل عن درب العشق حذرك تواعى!

تالي خفوقك يمرض وبثانيه يشيب

شفافية الروح... 6 فبراير 2004

صحيح الكلمات متكرر وايد
لكن مادري شاللي خلاني اكتب هذا بذاك الوقت
رابعه ثنوي
والسنه اليايه بدخل سنه رابعه جامعه

...


مقاله كتبتها باليقظه
المضحك المبكي
كنت انقد على يمنى شري
مذيعه المستقبل
وعلى حركاته بهلا فبراير الاول
اخ يا يمنى لو تقرين مقالتي الحين وتشوفين قناتين ولا 3 من التي في
شبتسويين فيني؟

مقاله ثانيه بعدد ثاني
فيها كتبت عن مسلسل خطوات على الجليد
بجيت فيه بجي
بطوله جمال الردهان وفرح علي
وبنفس المقاله تحلطمت على اللي نقدو على قطعه 13


والله ايام




17 comments:

Shather said...

لووول يحليلج والله نفسي انتي

لا و مجله اليقظه هذي محبوبتي الغاليه

صداقتي معاها من كنت بعمر ال 8 سنين

لا و كان عندي مشروع اني اكتب بزاويا من زوايا اليقظه بس ترددت باخر لحظه و السبه اني استحي لول

و شعرج ما شاء الله يقطر عسل :}


اتوقع لج مستقبل باهر باذن الله

Sn3a said...

مجله اليقظه للحين لازم اقرالها كل عدد
والله فيني طاقات بس الحيا مانعنا
كتبي فيها عشان انا اتشجع بعد
ذوقج العسل تسلمين
مشكورة :)

Shather said...

ولو حبوبه ;)

اشرايج انتي تكتبين و تشجعيني ؟؟ لوول

وحده خل تسحب الثانيه

yoyo said...

يبه أنا بكتب وأشجعكم بس المشكله أنا ولد وما يمنعني شي وعلى فكره ذكرياتج كنز ووقتج بعد حاولي تكون كلها حلوه وترفع الراس
كلماتج تهبل
قبل لا أكتب بالمدونه توقعت إنه بديرتنا مافي بنات عندهم حس الكتابه
يا رب ألتقي بإنسانه جذي بالحقيقه
واو بس للأسف بطلنا نحب
بالتوفيق

Sn3a said...

شذر شفتي شلون مشكلتنا بتظل ازليه


يويو
اول شي حياك الله يويو بالبلوق
ثاني شي يسلمو عالمرور ومشكور على رايك الحلو
ديرتنا كلها ناس سنعه من شبابها ومن بناتها بس المشكله بنقطه البدايه بس
انشالله ربي يكتبلك نصيب مع الانسانه اللي تناسبك
وحياك الله خيو

Sowhat said...

للأسف كان عندي دفتر فية الشعر الي كنت اكتبة و ضاع مني اذكر انه ضاق خلقي عليه وقتها بس عدت

حلو لمن نرجع لذكرياتنا اناتوني راجع من غربة طالت سنين كثيرة و قاعد اضبط غرفتي ولقيت امس دفاتر الثانوية :) ومت على نفسي من الضحك .. كله تعليقات اشوة ان الأستاذ ماكان يصلح

مدونة روعة و اسم على مسمى :)

تحياتي

Shather said...

hehe

يالله ان شاء الله تنفج عقدتنا في المستقبل القريب

Unknown said...

ههههههههه
ضحكتينى لان انا نفس الشى كان عندى دفتر صغير اكتب فيه لما صار خرجه
/:))

بس ما كان عندى معجبات من الممثلات
:)

Sn3a said...

سو وات
انا هالدفتر ان ضاع اضيع
المشكله ان مو بس دفتر
دفتر وارواق وكروت الهدايا كلهم بصندوق
واحلى شي ايام الثانويه
يسلموو على رايك من ذوقك خبو:)

Sn3a said...

شذر
عسى..:)


مشاري
يلا طلع ذكرياتك خنشوف
عيل كنت معجب بمنو؟

Dental said...

موضوعكم مشوق

انا دفتري لي الحين عندي و من فترة لي فترة أزيد جم شي كاتبته و اخر موضوع عندي كتبت شي من الي اكتبهم:

حسبتك لي صديق .....و أكثر من أخو
وخاب فيك ظني....و ظلمتني أكثر من عدو
الحقيقة ان الثقة..ماتعطي واحد مو كفو
مثلك ما يمشي....معاه السماح والعفو



أنا ما كتبت في مجلة ، فكرت ابي كلماتي تتغنى كلاماتي ( لوووووووول) ولد خالتي يعرف ناس بس ماشى الحال قالو حلو بس كلام ما يتغنى ؟!!

بس طبعا غير الي كاتبته فوق

Sn3a said...

اهلين دنتل:
الاسم يمثلي رعب ازعلي
لكن حياااج الله بالبلوق
نورتي..
ويه حتى انا فكرت كلماتي يغنونها
جان اقول ويه فشله اقول حق ابوي والله مطربين بيغنون كلماتي
شوفي الثقه
مافكرت اعطي الكلمات حق احد
مافكرت اوري مطرب اشعاري
علطول تأكدت من الموافق وقعدت احاتي موقف ابوي
ثقه !
لول
خوش كلمات والله

Sn3a said...

بدليه
ازعلي = ازلي
لول كله من النك نيم مو مني ترا

MANAF said...

زين وناسه زادو الشاعرات بالديره

:)

اذا ودج تسجلين قصايدج

حاولي تواصليني على ايميلي

وحتى اذا ودج تصورينهم كفيديو كليب

هم حاضر

:)

ومن جد العرض مو قاعد اتغشمر

hamdool said...

ماشالله ماشالله

Really impressing :)

حاولي تكتبين أشياء يديده
وخلينا نستـــــــــــانس

شفافية الروح هااا!؟

;)

ليش ما تكملين بنفس الإسم إهني!؟

Sn3a said...

مناف
اول شي شكرا على العرض الحلو
لكن هالسوالف كانت احلام مراهقه فقط
وبالديره في شكثر شباب يكتبون كلام احلى بمليون مره من كلامي
نورت ..

Sn3a said...

hamdool
انا اكتب اشيا يدد بين فتره وفتره لكن ماحطيتها بالبلوق انشالله بنقي احلاها وبحطها


اسم شفافيه الروح كان يخص مرحله من حياتي
اما هالمرحله فاخترت اسم سنعه
اثقل مو؟
نورت البلوق خيو