Wednesday 5 September 2007

Make ..O V E R


gonna be 21 Soon..
ابي اتغير
خلال هالسنه مريت بوايد تغييرات
غالبها على الصعيد الاجتماعي والعاطفي
والشكلي غالبا
لكن ابي اكثر
احس اني كبرت
احس اني صرت 21 من زماان
احس ااني مريت بتجارب ال 21 ليما 29 من فتره مو طويله
التاريخ مو مهم
ترتيب الارقام مايرتب العقل
ابي اتغير
مو تغيير شامل
لكن تغيير ملحوظ داخليا وخارجيا
ابي اغير بشكلي اكثر
واغير بتعاملي اكثر
ابي اسوي انجاز لنفسي خصوصا بكل شهر
نفس صور ال calender


كل صورة مختلفه باللون..
بالتصميم..
بالوقت..
وبالاحساس..
any ideas..?

20 comments:

Sowhat said...

التغيير شي حلو و كلمة روعة لاننا دايما يبهرنا كل ماهو غريب عنا و كل شي لا نملكة
التغيير للأحسن طبعا مطلوب بالنسبة لي التغيير مو بهل السهولة فأناانسان جدا تقليدي بكل شي ( مرادف لكلمة ممل ) ولكن عندما اريد تغيير طبع او شيء فيني اجتمع انا وانا مع نفسي وندرس جدوى التغيير ثم نحاول ان نضع خطة للتغيير

بالتوفيق في خططك والى الأفضل ان شاء الله

Sn3a said...

sowhat
اسعدني مرورك اخوي
انا اتغير بدون ما ادري
يعني فجأه الاحظ على نفسي صفات يدد
يعني بالنسبه للسنه اللي مضت قمت اتكلم اقول شنو ابي قبل كنت ارضى بأي شي

يعطيك العافيه
والله يوفق الجميع

ReLaaaX said...

عندي لج اقتراح :
بكل بساطه ييبي ورقة وقلم
وسجلي التغيرات (الاهداف) اللي تبينها

طبعاً لازم تكون الاهداف متنوعه
1. جانب ايماني
2. جانب اجتماعي
3. جانب ثقافي -عقلي
4. جانب صحي
5. ولاتنسين جانب التسلية والترفيه ضروري بأي خطه تحطينها

وحاولي توزعين الاهداف تحت هالجوانب اللي حطيت لج اياها

---

مثال يعني لو كنتي تبين التطوير بـ:

الجانب الايماني اهوا : المحافظة على اذكار الصباح والمساء مع محاولة حفظهم --> هدف حلو ومفيد وبنفس الوقت تكسبين فيه اجر

نيي للجانب الاجتماعي ( نفرض انج مقصره مع احد من افراد عايلتكم وتحسين ان كلا لاهيه عنهم وموقاعده اتوجبينهم ) فتكتبين التغيير بهالجانب اهوا
صلة الرحم مع سين من الناس

الجانب الثقافي : تخلصين كتاب 1 وكتاب 2 وكتاب 3
طبعاً مكان الارقام حددي الكتب اللي بتخلصينها خلال هالسنة

الجانب الصحي : المحافظة على وزنج مثل مااهوا ! او انج تبين تنقصين جم كيلو من وزنج ! ...الخ

جانب التسلية والترفيه --> هذا بالذات خليه على حسب الفرص اللي تكون جدامج .. يعني مرات تصير عطله حلوه تستغلينها بسفره مثلا ! ممكن تصير فيه دورات بأشيا غير دراستج وودج تزيدين خبرتج فيها ..الخ

---

ملاحظه :
1. الخطة لاااااااااااازم تكون واضحه
2. مافي مانع ان كل جانب يكون فيه اكثر من هدف .. يعني اللي حطيته مجرد مثال !
3. نقطة مهمة لاااازمه تنتبهين لها : حاولي تجزئين الهدف الكبير ، مثال : ناويه تكملين ماستر .. جزئيها الهدف لأن كبير يحتاج منج ( سؤال واستفسار + اكتساب معلومات وخبرات من اشخاص لهم خبره بهالمجال + التسجيل + الدراسه + خلال جم سنة تقدرين تخلصينه اللي متوقعه طبعا )
4. حددي الاهداف اللي كتبتيها على الاشهر اللي جدامج
5. الفترة اللي تحطينها لانجاز الهدف خل تكون معقوله !؟ مثال : ماتقدرين تخلصين كتاب في يوم!؟ الا اذا ماعندج الا هالكتاب مجابلته وتقرينه من الصبح لما تخلصينه .. بس تقدرين تخلصينه مثلا في اسبوع !
6. لاتنسين جانب التسليه بالخطه يعني حلو انج تكافئين نفسج بشي تحبينه عقب ماتخلصين من هدف من الاهداف !
7. طبعا الورقه لاتقطينها اللي مقسمه فيها شغلج .. والورقه اللي راح تطبعين فيها رزنامتج (يفضل) تكون شهريه - كل شهر بورقه - بحيث انج تكتبين في كل شهر شنو تقدرين تسوين
8. في نهاية السنه اللي حطيتي فيها اهدافج حاولي تحطين تقييم حلو لج .. بانج انجزتي مثلا 75% من الخطة اللي حطيتيها .. واللي ماخلصيته حاولي ترحلينه للسنة اللي وراها ... واللي بديتي فيه وماخلصتيه كمليه ولاتيئسين ;)


الله يوفقج وسامحيني على القرقه

Sn3a said...

Relax
رد روعه
صراحه حبيت كل فكره من هالافكار
ونويت التزم بهالشي
لأن الترتيب يخلينا ننجز اكثر مانضيع وقت بالتجميع او الفرز او غيره

طبعت الكومنت على ورقه
وانشالله بلتزم بمعظمها

يعطيج الف عافيه صج فدتيني

Anonymous said...

swy ashya2 maknty tsweenhaa mn gbl>>bs y3ne ashya2 zeenh mo t5trbeen :P
...
mm b3d try to think difrrent..7awly t'3yreen n'6rtch bl omor

oo swy new look..go on a diet gain or lose some weight

Sn3a said...

مت من الضحك لما قلتي لاتختربين
لاتحاتيني انا يلا هالصيفي بديت اعرف شلون اغشش بالامتحانات;p
بس هالنيو لوك ودي اسويه
والدايت مشكلتي
ويريت اقدر اخفف كاربوهايدرات
وفكرت اسجل بنادي لأن فيه التزام شوي
يسلمو يالغاليه
وحاولي تخلصين القصه بسرعه ببلوقج لأني تنرفزت لما قالت حق ريلها لا يكون ريلها عاد شريف روما;p

عثماني said...

صبحج الله بالخير اخيتي السنعة

من وجهة نظري المتواضعة... يكفي ان نعيد اكتشاف ذاتنا

سنجد العديد من نقاط التغيير التي نطمح بالوصول اليها

عندما كنت ادرس الهندسة قبل اكثر كم عشر سنوات ... شعرت بنفس الرغبة بالتغيير

و عثرت على التغيير الذي انشدة
بالبحث داخل روحي

دامت روحك الجميلة

Sn3a said...

عثماني
اهلين
صبحك الله بالنور اخوي
انا حاليا بهالمرحله..مرحله اكتشاف الذات
اجرب كل شي
عشان اعرف شنو اللي ابيه
عرفت اشيا عن نفسي ماكنت اتوقع انها فيني

نورت البلوق
واسعدني مرورك

Shather said...

سنــعه ...

خلاص اذا نويتي ان شاء الله تتغيرين وخطيتي الخطوه اخذيني معاج ..

احس اني عايشه عالروتين .. و الروتين بالنسبه لي يقـــتل !!

الله يقدّرنا معاج عالتغيير للافضل..

:}

Sn3a said...

شذر الروتين يقتل من صج
وخصوصا لما يكون مايناسبج
او انج منجبره تعيشينه
انا نويت من اليوم اتغير
مو جذريا
لكن شوي شوي
ابي اكون راضيه بنفسي لما يصير عمري 21
يعني جدامي شهر انشالله اقدر اغير فيه اشيا بسيطه
واذا قدرت ابدي
راح اقدر اكمل

مرورج يسعدني دايما

Dental said...

تدرين بدش في 21 عشرين قريب بس ما افكر بالتغير، ما اني على قولتج عشت باشياء المفروض تمر فوق هالعمر بوايد :)

Sowhat said...

سوري للرد مرة ثانيه

لكن من خلال قرايتي لمدونتج اشوفج اسم على مسمى سنعة ما شاء الله عليج

لازلت في حيرة من الرغبة في التغيير يمكن .. لاني اصعب شي علي التغيير

عاجـل said...

هناك طرق كثيرة
اهمها

تسافرين التشيك

Sn3a said...

Dental
التغيير شي مو سهل
والشخص اذا مرتاح بنفسه
بصفاته وبعلاقاته حرام يغير نفسه
وهابي بيرثدي مقدما

Sn3a said...

sowhat
ur most welcome any time
بالعكس ليش الاعتذار
المكان مكانك اخوي
والف شكر على هالكلام من ذوقك..
انا بغير نفسي لأني مو مرتاحه مع نفسي
قاعده اصفي النيه ويا نفسي لأني اهملتها وايد
اما اذا انت مرتاح جذيه
فليش التغيير
مجرد تغيير طفيف بالروتين يكون زين

Sn3a said...

عاجل
بصير 21
مو 71 عشان اروح التشيك
;p
kidding
اتغشمر وياك
السفر بحد ذاته تغيير
بس تغيير مؤقت
وانا التغيير اللي ابيه اني اسمع نفسي شنو تبي مني واسويلها اللي تبيه

نورت البلوق

Ginuwine said...

sn3a
el banat etghayrooon wayed o ebser3a lamman eseeron 3ala 26 wella 27 senah .. ehny bas yarkedooon o yathbetooon ... fa yan3y entay lail7eeenich esqeera mashallah .. ge3day qayray laiman etseereen eb thak el3imir .. o bas saway stop :) ra7 etshoofeen el taghyeraat kethera eb 7ayatich am sure ... which is also very normal and expected for ur age my friend :)

Sn3a said...

ginuwine
احنا نتغير وايد لأن اغلب تغييراتنا نتيجه مشاكلنا مع نفسنا
وصح كلامك
اذا بديت بالتغيير المتدرج من الحين
جايز اوصل للي ابي اكونه بفسي لما اوصل 26
بس انا اللي حبيت اسويه الحين مثل هديه لنفسي لما اوصل 21 يعني اكافئها لأنها تحملت وايد

ثانكس وايد عالمرور\
وكلامك عدل
نورت البلوق

special vision said...

خليج بعيده عن علميات التجميل ترا ما وراها غير الامراض
افضل التغير ان يكون في مراحل لان اذا كان على دفعه وحده بتتشتتين وماتعرفين تتحكمين بنوع التغير الي ممكن تواجينه


وارشح انج تبدين في تغير افكارج .. وتسوين عملية جرد للافكار المهمله والافكار الي تستحق انها تبقى من غير تغيرر

وارتقي دائما الى الافضل

التزمي باخلاقج .. وانفعي نفسج وغيرج لما يحبه الله ويرضى

كل عام وانتي بخير

Sn3a said...

special vision

شرفتينا
انا توني صغيره على هالعمليات
لكن اللي قصدته تغيير باللبس بالشكل بالالوان هذا بالنسبه للتغير الشكلي

عدل كلامج
وانا بديت اغير بأفكاري
والغي اللي مو مقتنعه فيه

وعسى ربي يكتبلي رضاه ورضا والديني

نورتي البلوق
وتسلمين