Tuesday 13 November 2007

he was a friend!


كان مثل الوساده
تريحني
تشيل الدمع من خدي
تسندي..

كان ملجأي
كان يمثل كل معاني الصداقه بالنسبه لي بدون حتى ما اشوف شكله
عرفته من سنين
وبصراحه
كان قبي wrong way!

يرسم الضحكه باي ويه
ماكو شي صعب عليه
ان كان الشخص واصله نفسيته لين تحت القاع
يصعدها اخر سما
بشوش
ومايبي يخلي احد حواليه يعيش بحزن
كنت كل ما اكلمه
يسردلي يومه بالتفصل
وكان كل مايسالني شلون كان يومي
كنت اقول ان يومي ماكتمل لأني ماكلمتك..اهو متى اكتمل يومي وانت معاي!
كان بحر ياكل بهمي
بمشاكلي
عمره ماشكا
كان يقولي مشتاقلج
كنت ارد
مشتاقتله!
كان يقولي ذكرتج وانا بالمكان الفلاني
كنت ارد
انا اذكره بكل مكان

يقمت كل شي بقلبه
ماقالي انك مو كفو
ماقالي فكري بغيره
قالي ربي يسعدج مثل مانورتي حياتي
كنت اقوله
اهو نور حياتي
مايرد بشي غير ربي يهديه لج

لما تعرضت لخيانتك
كان يهديني
يبررلي وضعك
يقول جايز
ويمكن
ماستغل الفرصه
وحاول يبعدني عنك
لأني مثل ماكنت دقه قلبه
كنت لي دقه قلبي
!

رديت لك
وانا اذوق المر
يوم عن يوم
الهم يزيد
مانكر اني عشت معاك
ساعات حلوة
لكن عشت سنين كدر
ماكو شي خلاني اتمسك بالدنيا غير خوفه علي

ولما كنت اهددك اني اكلمه عليك
كنت تقولي انتي قلبج انخلق لي
انا لو اخونج بدال المره الف
مردج بتسامحيني

ابلع الكلمه واسكت
لأنك وقتها
كنت صاج بحرف حرف
عودتني عليك
لين نسيت شلون تكون الدنيا بدونك

حلفتني امسحه من المسنجر
قلتلك حاضر
دورت زله عليه
والمشكله
الموضوع طول
لأن هالانسان بدون زلات

حسيت اني انكسرت
لما مسحته عن حياتي
لأني كنت عارفه شعوره
كان شعوره مثل شعوري
كأن احد اخذك مني غصب

صرت اشكي لنفسي
وادعي على نفسي
وادعيلك..
تقاطعني بالشهور
تقول شغل
وانا بين لحظه ولحظه قلبي يموت

كان مثل البلسم
بعز الهم والانكسار
دزلي ايميل ان تخرج
وبيدش الجيش اختصاص
عشان بس.. يشغل نفسه عني
ودعالي بالتوفيق
وقالي بالحرف ام بدر مو تعرسين من ورانا
بغشمره !
اول مره احس بطعنه
كأن قلبي وانا بكامل وعيي انقص نصين
وانداس
لكن مو اهو اللي داسه
كلامه اللي يخصنا
داس قلبي!

4 سنين
وانا بين الحياة والموت
وانت موج
يوم فرعون.. ويوم مقموت

وبهالسنين مادري وين ارضك..ووين سماك
جربت نص انواع البنات
ويوم عرفت معدني زين
او جايز عرفت طوله البال اللي فيني
رديت؟

بعد سنين فرقا
يفاجئني سؤالك بالتلفون

تتزوجيني؟
ربي خلق فيك جرأة باختصار..قويه
وتضحكلي بخبث كأنك عارف الجواب

عقب فتره


وانا بفرح لويه العرس
واستعداداتي to be a wife
يوصلني مسج غريب
انتي تسوينها وترضين بغيري؟!؟

احتفظت بالرد
لأني مخطوبه واعتبرت نفسي على ذمة ريا ل


لكن هالرد كان ودي يوصله:

اللي كان لي اقرب صديق
شفاني منك
ورد لعيوني البريق








22 comments:

حنطفيس said...

هذا منو ؟؟

شصاير؟

شصار بعدين ؟

فريج سعود said...

الكويتيين ما يسالون شلون كان يومج
الكويتيين يسالون شنو الغدا ؟

Sn3a said...

حنطفيس
مافهمت ولا شي من ردك خيو!

Sn3a said...

فريج سعود
لا حرام عليك

ابوي يسألني شلون كان يومي

عالية said...

الله يخليلج الوالد ويطول بعمرة

Sn3a said...

عاليه
يسلمج ويخليج ماقصرتي
نورتي

الـفــــجـــ الــبـــعـــيـــد ــــــر said...

عندي مسج قديم وكنت ادوره عشان يكون هو الرد لهالبوست

بس يكفي منك اي ملام
عفت حبك عفت سوفك يا ظنون
مابي منك لاكلام ولا سلام
خل غيري يعتني بك لو يروم

Sn3a said...

الفجر البعيد..

نورتي البلوق
والمسج حده حلو
خصوصا:


خل غيري يعتني بك لو يروم

Fahad Al Askr said...

كان بحر ياكل بهمي

حبيت الوصف

Sn3a said...

خيو فهد العسكر
منور كالعاده

يسلمو خيو حبتك العافيه

5roofa said...

مشالله عليييج هذي قصه ولا صج

امبي اندمجت فيها حييييييييييييل

سرد ولا اروع مشالله علييج

salzm sweete...

فتى الجبل said...

ماعليج منه
دفعة مردي والهوى شرجي

Sn3a said...

خروفه
قصه يالغاليه:)
بعد عمري تسلمين على رايج الحلو
تلاميذج احنا ولو

Sn3a said...

فتى الجبل

لول ضحكتني اخوي
لاتحاتي اهيا مجرد قصه
نورت

Eng_Q8 said...

فتقتي فيني الجروح
بس سؤال هالقصه من وحي الخيال والا قايلج اياها احد
اهم شي من وحي الخيال

Shather said...

تصيييييير ..
مشكله بعض الرياييل يخليج تتعلقين فيه و لين صعب عليج فراقه يهجرج و يتركج على صخر ..
يبتعد زمن و لي سمع انج تزوجتي قال انج خاينه و و و
وينك يوم صديت ؟؟

احتريت :P

تسلمين يالسنع

esTeKaNa said...

.....سنعه
انته تريد وانا اريد والله يفعل ما يريد!!
أحيانا نرسم لحياتنا بشكل معين
بخطوات محدده
وطوال فتره السعي نجو المستقبل شخص واحد هو في خيالنا ووجدانا
نظن ..ان حياتنا انوجدت لتكون معه
نفسيا وعاطفيا وبلا وعي منه نحن ندور في فلكه،نظن انه نصيبنا الدائم
اعتيادنا عليه يجعلنا نعتاد الهم
نغمض عينا عن الجروح
ونعيش في كل ليله مع ألم جديد
موج بحر..اجدتي التعبير
ساعه في السماء وساعات كثيرة انتي في قاع بئر عميق
!!
في لحظة تنتشلين فيها نفسك من ما انتي فيه
وتخرجين لترين الصورة من بعيد
تكتشفين انه هناك قلوب كثيرة قادره على اسعادك اكثر،ومنحك الاجمل والاكثر استقرار
مرحله صعبه..الرضوخ بالنصيب واليقين بان ما يكتبه رب العالمين هو الخير ولكن،بعد هذه المرحله الصعبه هناك مرحله لذيذه من الراحه
:))
تعليق طويل
ولكن البوست مؤثر
اشعر بان دموعي سالت من قلبي
لا من عيني
اتمنى انج تكونين بكل خير
:**

Sn3a said...

انا حدي ناسيه البلوق
السموحه اخواني

ENG-Q8
سلامتك من كل جرح
وعلى ماقلت
اهيا من(وحي) الخيا
نورت

Sn3a said...

شذر
هذا المشكله
صرتي خاينه
لين عشتي حياتج بدونه
ولين كنتي معاه وسويتيلي اللي يبي
كنتي لزقه او ماعندج كرامه

نورتي يالغاليه

Sn3a said...

استكانه
نفسيا وعاطفيا وبلا وعي منه نحن ندور في فلكه،نظن انه نصيبنا الدائم
اعتيادنا عليه يجعلنا نعتاد الهم
نغمض عينا عن الجروح
ونعيش في كل ليله مع ألم جديد


بالضبط!


الكومنت روعه استكانه
جد كان كأنه تلخيص ممتاز للبوست او فكرته العامه

نورتي حبيبتي

Eng_Q8 said...

خيال يتماشى مع الواقع
جميل جدا هذا مشروع كاتب كبير ومبدع
الى الامام دائما

Sn3a said...

انشالله كاتبه مبدعه
ثانكس وايد اخوي