Wednesday 9 January 2008

مرض الدكتوره


مع اني عايشه حلمي الكبير
دكتوره اطفال بلا غرور ممتازة يطلبوني بالاسم
وام لأجمل طفلين بالدنيا
زوجه لشخص قمه بالاحترام
واعيش حياة احسد عليها , ناس يسمونها مثاليه
لكني اعيشها كتمثيليه, اتمنى يكون بيدي الريموت لأغيرها
الانسان طماع
كنت اطمع بكل هالاشيا اللي حاصلتلي
وبكفه ثانيه
كنت اطمع فيه
قبل سنين
دخلت كليه الطب ,
وبديت اعيش الشي اللي كنت احسبه حلمي ومستقبلي
كان يشتغل باحدى القوائم
استغربت من وضع كليتي الانتخابي
كنت اتوقع ان اطبه المستقبل بالهم جدا مشغول موفاضيين
كان يدور زميلته بالقائمه
اشوفه يلف ويهه يمين ويسار
لقاها , ينطرها تلتفت عشان تبنتبه لي وتكلمني عن قائمتها
لما عجز منها
اقترب مني,
وسلم
وعطاني ورقه وقال اسف عالازعاج لكن احس هالورقه ومبدأها يفيدج
ومشى
ماجذب
كانت اول مره بحياتي يكلمني ريال غريب
جايز هالشي عطاها مدخل خاص لي
وللي بداخلي,
ماقريت الورقه رغم اني ظليت اطالعها بالساعات
وانطر يمر اليوم عشان اشوفه اقين
اليوم الثاني دورت بنت من نفس القائمه
طلبت منها الباج وحطيته على طرف الجنطه
درت بالكليه كلها ولما شفته
مادري ليش ابتسمت
واهو ابتسم
وماجذب
زادت ابتسامته لما شاف الباج
ومن يومها حبيت اكون طبيبه
وحبيت اكون له زميله
...
يتبع

12 comments:

5roofa said...

hiiiiiiiii

امبييي حبييييييييييييت

صج؟؟

يعني القصه صج عنج

واااااي عفيه قولي اي و ونسيني ودي بقصه صج
تعبت كل ما ادش مكان اقره قصه خياال

واولهم بلوقييي لووووول
موفقه يارب
و ناطرين التكمله

salamz dear...

Aldenya said...

قوة سنعة
بصراحة من زمااان مادشيت عندج
واليوم بديت اقراج
من هالقصه الى اعترافاتج اللى كانت ألطف اعترفات قريتها
أتمنى لج يوم جميل
وبإنتظار تكملة القصة
":>

Maximilian said...

اهو بغض النظر عن القصة بأكملها وما فيها من عواطف ومشاعر جياشة .. احب اقول ان الله سبحانه وتعالى يحبج كونج في النهاية ما رحتي طب ! لول

Sn3a said...

خروفه
اهلين ابله
منوره كالعاده


اقولج سر:
بكل قصه كتبتها هني او كتبتها باللابتوب عندي
في موقف صارلي بالواقع
اصعب شي تكتبين قصتج
لكن ان شاءالله بحاول اكتبها كلها
عاد مادري انشرها
او ادزها لج بشكل خاص

Sn3a said...

الدنيا
صحيح من زمان ماشرفتينا بهالمرور الحلو

ان شاء الله تعجبج التكمله
اللي لحد الحين انا محتاره فيها

Sn3a said...

ماكسميليان
انا مو قد الطب ومسئوليه انسان مريض
انا اسوي قنابل وعطور ومواد تخرب البيئه بس:P

ميرسي عالمرور اللطيف

Sara said...

حبيت القصة يا سنعة بس للحين ماستوعبت إذا انتي طبيبة ولا كنتي تتمنين ؟

سوري بس استيعابي بطيء :S

esTeKaNa said...

سنعه
!!
تفاصيل القصه واقعيه لحد التصديق
جميله لحد الحلم
كبدايه قصه ..أجد نفسي انتظر الجزء الثاني بفارغ الصبر
وعلى فكره
انا غرت من خروفه
ابي يوصلني القصه بعد
:p~

Sn3a said...

sara
صباح الورد

هذي قصه خياليه
انا مو طبيبه
وبيني وينج مو قد مسئوليه ناس لول
انا ادرس هندسه
بس هالقصه خياليه

عن دكتوره حققت كل شي كانت تتوقع انها تبيه

Sn3a said...

استكانه
صباحج ورد

تبي الصج
انا احس ان كل قصه نألفها او نسمعها تكون حقيقيه عند شخص ثاني
ماراح استغرب ان شفت انسانه عاشت قصتي او اني عشت قصه بورق شخص ثاني

تبون قصه حياتي لول
ممم
شكلي من صج بكتبها بس لما احطها بشوف اذا راح تدرون هذي قصتي ولا لا


نورتي الغاليه

Anonymous said...

Hi san3a... If you wrote your story oo didn't publish it send it to me too please... I'll be interested :p

Sn3a said...

anonymous
لهالدرجه فيكم فضول لول
اذا انت\انتي نفس الانونمس اللي بباجي البوستات خو سوولكم نك نيم يه
ببلاش:P

افكر اكتب قصتي الممتعه جايز اصير انسانه مهمه بعد جم سنه وتبون تتعلمون مني :P