Tuesday 5 February 2008

مصر البيت..بيتك!

السلام عليكم جميعا
رحلتي السابقه كانت الى مصر
الصراحه السفره كانت خفيفه وحلوة

مع شويه disappointment
جذيه تنكتب
any way..
طبعا هالشويه تتكرر بكل دوله عربيه زرتها ماعدى دبي

لأن الملايين من السياحه توصلهم

بس الشوارع نفسها والخرابات نفسها

والمعاشات نفسها



مثل حالتنا مو

ملايين نحصل من البترول

وكل شي نفسه

بس غيرنا يغتني بفلوسنا وعقبها بيومين يسبنا
ماعليه
مو بيدنا


المهم


ماصورت وايد بالتلفون

بس بحط الصور اللي صورتهم مع الصور اللي صورتهم اختي
هذي من قوقل ترا

هذا فندقنا بالاسكندريه

الجو حلو

وهوا بارد


بس مشكلتهم هناك


وليلهم سهر وغناوي لين عقب 12


عصفور ميت بالفندق مو خوش استقبال

خنت حيلي عليه

اما مات من البرد

او دعم الجام ومات


شوفو النخل بيتكسر من الهوا
يومها بغينا نروح القلعه

بس امي قالت لا قلعه ولاهم يحزنون بهالبرد

جان ندش تشيليز نتغدا

تشيليزهم مو حلو يضيق الخلق

الباجي كله صوري وصور العايله الكريمه

ممنوعه من النشر بعد شنو يه

المهم عقب جم يوم رحنا القاهره بباص اجرناه

وبالطريج بنجر الباص

هذا منظر بس مو جميل بالطريج صورته لما بنجر باصنا


هذي القاهره



مدينه المليار هرن

دقيقه ماتطوف بدون مانسمع مليون دييدديد مع بعض

هذا واحنا بالشتا

بالصيف شيصير؟


الصوره التاليه للفندق خذيتها من مسيووو قوقل

بهلتون رمسيس كل يوم في عرس يحليلهم

بس ماله داعي قعده اللوبي لأن بتسمعوون حجي ومسبات ماتعلمتوها من بعض السواح الخليجيين فقعدو بغرفكم ابرك خصوصا الصبايا

مو يقولون اللي يشرب من ميه النيل يرجع لمصر ثاني
انتو لو تشوفون وصاخه ميه النيل

واللي قاعدين يسونه بميه النيل
كل شوي عروسه يايه ويا ريلها والزفه مالتها

شدعوة كل هذا عشان النيل

تخيلو باجر عروسه تروح شارع الحب

ولا تتمشى عالخليج ويا ريلها
يقال ان رأس الامام الحسين مدفون بهالمكان
الله اعلم صراحه
المهم زرنا المسيد وصلينا الحمدلله


وهم يقولون ان في اختلاف في مكان ضريح السيده زينب سلام الله عليها

اما سوريا او مصر

وهذا ضريح ام المصائب العقيله زينب اللي بمصر

والحين بتشوفون صور الاهرامات

بالنسبه لي كل ما اشوف الصور

افكر شلون هالمساكيين بنوهم جم سنه

شهالاستعباد اللي بدا من الاف ويمكن ملايين السنين


هذا من الاستعباد الحديث
اغلب الاطفال اللي يشتغلون يتاما
فيكونون رجاله البيت علقولتهم

اغلبهم حفاي
ومايحصلون الا يمكن 5 بالاميه من اللي يندفع حق الحصان وغالبا اقل من هالنسبه

هذا يوسف

اللي كان يمسك خيل اختي

اما الخيل الابيض خيلي واسمها بوشي

كيووت الولد

على قوله امي جم فركه وديتول يصير شحلوة


هذا هرم منقرع

اهم الكبار 3 اهرامات

خوفو وخفرع ومنقرع ,خوفو الكبير وخفرع ولده ومنقرع ولد خفرع


بالاضافه الى 6 اهرامات ميني عباره عن اهرامات لزوجاتهم


الملاعيين الرياييل من زمان كل واحد حصله بيزتين خذا على مرته


هذيل حراس المقابر

طبعا كانو خوش تماثيل

لكن التجويه والتعريه بدعت فيهم


وفي بعد مقابر للي صممو الاهرامات اول ماخلصو الاهرامات الفرعون ذبحهم ودفنهم عشان لايقولون عن احد عن الاسرار اللي اكتشفت حاليا واللي ما اكتشفت لحد الان




he needs a nose job

a ticket to iran is a way to go!

المطاعم بجراند حياة هوتيل عجيبه

اصلا الفندق بكبره عجيب
وهذي باخره الفندق
تقدرون تحجزون غدا او عشى
والعشى فيه رقاصه وشوي اشيا ماتجوز يعني لول
فامي عطتني ايماءه الرفض القاطع

يمه هلتون رمسيس جنه جبره

اني وي

كلينا كذا وجبه بجراند حياة

والباستا والبيتزا يمي عندهم

حتى المطعم الشرقي لذيذ واسمه القريه النوبيه
وفيه وحده تسوي الخبز او العيش البلدي جدامكم
حق الصبايا واللي يحبون الشوبنج المعلومات التاليه:
بالاسكندريه روحو,
-سان ستيفانو مول
-سيتي سنتر مول اللي فيه كارفور
اما بالنسبه للاشيا مثل الاقطان وغيره يعني سوالف امهات
-جرين بلازا مول
للسياحه والتنزه:
القلعه والمنتزه
وفي ناس يحبون وسط البلد والقهاوي وجذيه
في القاهره:
للشوبنج,
ستارز سيتي جنه اسمه, ماراح يخلص شكبره ماشاء الله بس حلو-
-فور سيزون الجيزة
اهم ترا نفس المحلات بس شكل المول غير
وللتنزه:
-الاهرامات طبعا
-القريه الفرعونيه,هالمره مارحنا
-باخره جراند حياة
-شارع الجامعه العربيه مطاعم وقهاوي
-خان الخليلي قهاويهم ويا قهاوي السيده للي يحبون
وهذا مقتطف من رحلتي الماضيه
ان شاء الله اعجبتكم:)

22 comments:

Anonymous said...

7mdella 3ala el salamah... oo welcome back

فتى الجبل said...

عجبتني القاهرة مدينة المليار هرن
تصدقين عاد حطوا قانون مخالفات حق الهرنات اللي مالها داعي بس هم ماكو فايدة

Sn3a said...

anonymous
يسلمكم ويخليكم ثانكس
نبي نك نيم معين مايصير؟

Sn3a said...

فتى الجبل
اي والله خيو في وايد اماكن حاطين ممنوع الهرنات بس ماكو فايده

اصلا لو الشارع فاضي وهذا من سابع المستحيلات بمصر هم راح تسمعون هرنات

5roofa said...

هاااي حمدالله على السلامه
لوول خووش رحبه فيها شويياات بس مو وايد تصدقين المهم تغيير الجوو

بالعافيه عليكم

تصدقين ويدي اروحها مو رايحه مصر كلش
يبيله نقنع ابوي بس المشكله ما يحب الدول العربيه

شكلع بوري العصفور و يقتنع لوو

حراااااام يا عمري ولله عور قلبي

salamz sweetee...

فريج سعود said...

الحمدلله على السلامة
وخطاج السو على روحتج مصر
بس تاكدي رجعتي كاملة ولا باقوا منج حتة

Sn3a said...

ابله خروفه
يسلمج ويخليج يالغاليه
الله يعافيج ويخليج
والله مصر حلوة بس حلوة اذا وياج يمعه وجذيه
بس ضحكو وفصلو هناك
العصفور يكسر الخاطر

Sn3a said...

حجي بوسعود
يسلمك ويخليك خيو
لول شدعوة
اي رجعت حته وحده
بس وحده من عدساتي طاحو بالمطار
اشوه موديه نظارتي

انا كثر ماقالولي ديري بالج من البوق
لامه جنطتي وتلفوني لم
اخرتها ماكو شي

حرام خوش ناس
الاسكندرانيين وايد احسن من عيال القاهره وضواحيها
هذيلاك حنه و24 طراره

Eng.S said...

حمدلله على السلامة.. اولا

مصر بلد ..لم و لن و ماكو امل .. استحمل القعده فيها ولو ترانزيت

تحياتي

بـابـل said...

صباح الورد

حمدلله عالسلامة

ومصر صج أم الدنيا

فيهاكل شي

وصراحة الصور عجيبة

والله يكتبلنا نروح لها مثل مارحتى


بوست سياحى روعة


تسلمين عزيزتى


وبس

بابل

Sn3a said...

eng.s
بيه ليش كل هذا
ترا حلوة

بس الدول اذواق
يسلمك ويخليك
نورت البلوق

Sn3a said...

بابل
ثانكس عالتواصل الحلو

الله يسلمك ويخليك
وانشالله تزور كل دول العالم الحلوة
يسلمك خيو ماقصرت

Aldenya said...

:>

حمدلله على السلامه


مشكلة مصر
ان ماكو واحد ما يدق هرن
اذا الشارع فيه الف سيارة
بتسمعين الف و واحد يدق هرن
وهالواحد من وين يه
ما تدرين
:p`


بس

Sn3a said...

اهلين اختي الدنيا
يسلمك ويخلييج
لووول عجبتني ماتدرين منو هالواحد
مت من الضحك

نورتي

Fahad Al Askr said...

خوش موضوع وخوش صور والحمد لله على السلامة

Sn3a said...

خيو فهد العسكر
شكرا للتواصل الحلو
والله يسلمك ويخليك

هـــدب said...

الحمد لله على رجوعج وعودتج سالمه اختي الغاليه سنعه بصراحه كلنا ناطرينج

Sn3a said...

هدب
يسلمج ويخليج
حبيبتي ماتقصرين:)

Eng_Q8 said...

الحمدلله على السلامه وعليج بالعافيه

Najmah said...

الحمدلله على السلامة
نورتييينا :)

ورحلة حلوة امتعتينا :)

Sn3a said...

eng q8
الله يسلمك
ويخليك ويعافيك ثانكس خيو

Sn3a said...

najmah


الله يسلمج ويخليج
مشكورة حبيبتي