Saturday 10 May 2008

is she ME?-1- (A Story)




excellent sara ,well done

قالها الدكتور لما جاوبت على سؤال بالكلاس

ليش ماقمت افرح بهالكلام

قبل كنت احس اني ملكت الدنيا لما احد يمدح شغلي

دراستي

او طبعي

الحين

ابد!

wait ساره

هل هذا اللي تبينه

هذي الدنيا اللي تبين تعيشينها لين ربج ياخذ امانته؟

انتي شنو تحبين؟

تذكري

(كلمات اقولها لنفسي بعد كل شي يصير لي)

وانا صغيره

خل اذكر شنو كنت احب

مممم ..ادري اني ماكنت احب يعاملوني كياهل او يحملوني مسئوليه كبار

اني وي

كنت احب... العب باربي ,

واليهال يتروالي يحبون يطبقون احلامهم على العابهم

كانت باربيتي غالبا مديره بنك او مصممه ازياء

الحين انا شنو؟

ادرس هندسه

wait a minute..am i in the right place

ابطل عيني على صوت رفيجتي:

ساره .. وين وصلتي بيه خلصت المحاضره وانتي بعالم ثاني

ابتسم.. كاني قريبه ماوخرت بعيد

اشيل ملفي وامشي بالكليه

اوكي انا احب الدراسه

بس هل انا احب اكون مهندسه؟

اقعد بالكافيتيريا

اضيع بسوالف البنات

سبحان الله كل شخصيه مختلفه عن غيرها

يتروالي حتى الشخصيات اللي لهم مليون نقطه تشابه

تلقى نقطه اختلاف وحده تفرق بينهم

يسألوني: سوير..بالذمه شفتي نفنوف نانسي بهلا فبراير من صجها اموت واعرف ليش الشريطه السوده

والثانيه: انتي خلي الشريطه...ماشفتي فاطمه شلابسه بالكلاس ..مهوله بعمرها منو يلبس وردي ببنفسجي الحين

وانا ارد : تهقون مع كل هالاصوات اللي ماتبي النواب, خصوصا ربع الفرعيات وجماعه الرشاوي..اخرتها بيوصلون صح..

-ليش ماقمتي ياساره تتكلمين مثل باجي البنات..مو حزه تفلسف-

يطالعوني: ويه احنا شكو,

تنط لي وحده:

انا لو مقيده جان عطيت هيثم واي حده كيوت

اطالعها , ابتسم, بيني وبينكم ضحكت بداخلي حيل

والثانيه تساسرني

شفتي شيخه,تراها تشتري اصوات لولد عمها...وتقول مستعده توصل المبلغ لي البيت,ماعندج احد بدائرتهم

قلتلها: لا

يوصلني مسج من الغاليه:يما شتبين اسويلج غدا

نخلص دوام

وارجع البيت

وانا بالسياره

القى نفسي بدوامه الاسأله

ساره ليش صايره تافهه, ليش تبين سياره حلوة,ليش ماتحبين الناس يشوفونج بنفس اللبس مرتين , ليش هاميينج الناس

هل انتي من زمان جذيه؟

لا ساره ماكنتي جذيه

كنتي جدا قنوعه..بس شاللي غيرج؟

شاللي فقدتيه وخلاج تدورين على توافه لاتسمن ولا تغني من جوع

ابطل الرادو

ينساب صوت رويشد:وينك,ماوحشتك عيني وحنيت

وينه ياساره

وش يبي بعيونج

راحت عليج:)

مادري شلون لقيت نفسي سافطه ببيتنا

سبحان الله.لما الواحد يتعود على روتين على كلام على طريج معين يسوويه ومايحس بعمره

ضيعت 10 دقايق بعمري وانا اكلم نفسي

هل فعلا انا ضيعت 10 دقايق

او اني عشت 10 دقايق بعد ماضيعت سنين

ليش ماقمت اعرف نفسي؟

ماقمت اعرف اتعامل مع نفسي؟


ضعت بحروف الاسئله

ياترا سهل الجواب؟

بين الحكي والامثله

اقسي على نفسي بالحساب



يتبع

يمكن الموضوع غريب

لكن ساره فيها شي مني

وابي اعرف علاجه

23 comments:

Qa6Wa said...

malich shi'3il... banat el jam3a kilhom we3!!! nuthin but shallow minded group of gurls... hamhom el wa7eed joti flan el flani ma '3ayrah min awal el course

Don Juan said...

Sara hathi lazm tbda 7ayat yedida ;)

Blog 3amty said...

هذي روحج ملت تصرفات جسدج !!

يا تطاوع روحج جسدج يا العكس !!

حاولي تقعديهم مع بعض وخل يتفاهمون وراح يوصلون لحل بالنهاية حتى وان كان غير مرضي لأحدهم .. بس راح يريضج أنتي بالضرورة...

وايد تصير فيني، وأخليهم بالدار وأطلع أرجع ألاقيهم متصافين !

عادي عادي ..


Q8 Chili

5roofa said...

اذا سارة لقت الحل خل تقولي و خاصه انها ما تحس بالفرح من القلب او تستانس بالمدح

تصدقين سنعه تعرفين الضحك الي من قلب يصير
الي من كثر ما تضحكين قلبج يعورج و دموعج تنزل

ضحك الي ما تقدرين تنفسين من وراه

شلون شعورة؟؟؟
شلون تحسين في؟؟؟

:"(

ايييييييي والله عورتي قلبي بهالبوست

salamz sis....

Mok said...

:)تغير نمط الحياة

`~MnO YeNSa! ~` said...

صعبة
الدنيا
و من يا
ترى
يفهمها
..
الاهتمامات
تتغير
نمط الحياة نفسه يتغير
لازم شخصياتنا
تتغير
تتأثر

..
عجبني السرد

kuwaitawy said...

بوست رائع اختي سارة

واسلوب اروع يجعل القارئ قريب من الكاتب عندما يقرا مقالته

وهذا اللي حصل معاي :)

دخلت بعالم ثاني عند قرائتي لموضوعك الجميل واسلوبك العفوي

تقبلي مروري وبالتوفيق يا
(( مهندسه سارة ))

Sn3a said...

blasha
most of them
but not all of them
thanks for passing by
btw very nice blog you have!

Sn3a said...

don juan
she can't fine the starting point!

Sn3a said...

q8chili
exactly
حبيت سالفه خليتهم بالدار
حبيت الكومنت
يعطيك الف عافيه ونورت

Sn3a said...

خروفه
حلو هالضحك
خصوصا لما مايكون عندج مسئوليه
ماتحسبين الاشيا اللي فاقدتها
تكونين بس انتي
تعيشين لنفسج
واي صج ابي جذيه!


نورتي يالغاليه

Sn3a said...

mok
اي اخوي
يتروالي هذا اللي المفروض يصير

Sn3a said...

منو ينسى
عدل كلامج خيتي
بس ماندري شنغير
وشنخلي؟
ونخاف نفقد نفسنا


يسلملي هالتواصل الحلو

Sn3a said...

kuwaitawy
ضيف جديد وعزيز

اول شي انا مو ساره
اسم اللي بالقصه ساره
بس صح انا ادرس هندسه

مرورك الاروع خيو ماقصرت
ثانكس عالكومنت اللطيف

Anonymous said...

Maybe you should focus on the positives more oo what makes you happy at the moment. Stop thinking about what is missing or what you are missing we all missing something at least you might know what you are missing ;) some ppl don’t!

Barrak said...

انا بصراحه شللت بهالبوست


احب الانسان لما يتكلم بصراحه
واحب اللي يختلي بنفسه ويفكر بعقله شويه وبروحه وقلبه شويتين

شوفي ياسنعه
انتي اسمج سنعه بعد مايحتاي

انا ماراح انصحك انا بس باعلمك انك صاحبة احساس راقي وعندك مبدا وهذا الشي نادر نشوفه هالايام

ليش ماقمنا نفرح

لانه ببساطه مافي شي يفرح هالايام
بس الذكاء اننا نخلق لنا شي ونفرح فيه
انتي شنو تحبين

انتي تحبين تعيشين طبيعيه لان الامور حوالينا هالايام موطبيعيه
على قولتج وحده تشتري اصوات ووحده ماادري شنو

بالنهايه انتي عقلك اكبر من سنك هذي كل السالفه
وتراها ميزه ومرات تكون سلبيه
وعندي دليل
لما تتكلمين عن باربي
هذا تأكيد على ان عقلك كبير واحلامك اكبر من سنك

تحلمين وايد وهذا شي زين وايد
عشان انزيمات المخ ماتتحجر
حلوه انزيمات

وبالنهايه اللي يسمع اغنية وينك

يملك احساس مرهف

انتي ماتعرفين تتعاملين مع نفسك لانه احلامج وتفكيرج اسرع من الاحلام العاديه
ماتلحقين عليها

وعموما هذي حالة طبيعيه
الكل يمر فيها

مافيج الا العافيه
بس خففي هالاحلام شوي
العمر طويل
ولسه بدري

Sn3a said...

anynomous
صح
لازم ادور شغلات بوسيتيف
عاد تدري\تدرين
انا اكثر وحده تقول للناس عيشو اللحظه
بس انا نفسي ماطبق هالشي
احاتي وايد

Sn3a said...

براك
بالبدايه
واايد واايد حبيت الكومنت
مشكور ياخوي ماقصرت على هالكلام الطيب
تدري عدل كلامك
لازم اخفف احلامي او ابدي اطبقهم ما انطر شي يوصلي
العمر كاتبه الرحمن ماندري بطوله او قصره
لكن ابي ينتهي وانا مسويه شي احبه او اشياء احبها
مشكور
ويعطيك الف عافيه

فريج سعود said...

الله يستر الظاهر بتتنقبين

Najmah said...

انا انتظر التكملة
وبأجل التعليق
:)

Sn3a said...

فريج سعود
ويه ليش يعني؟

Sn3a said...

نجمه
كنت كاتبه التكمله
بس ماعجبتني
!
خل اعدل فيها

يسلمو عالتواصل الحلو

Qa6Wa said...

yer most welcome n thank u :*