Wednesday 4 February 2009

ابتسامه!

واقف تناظرني هناك
وصوت نبضك واصل جنبي.. يلعب بحسبه قليبي
وينتفض
واللي مركون بحشاك
خجلان تفصح عنه ... وخجلي اكبر اني افتهم ..
او يصادفني سوء بالفهم

لاني من اصحاب الامل
ولاني افهم بالتفاؤل
اتعامل بالحساب.. زائد وناقص
شخص يعطي وشخص ياخذ
راضيه ابقى تلميذه بميادين الهوى
واتعلم كيف اعشق عيونك.. عيوبك
على اني اكون استاذه بميادين السياسه
واصدر لاطفال الاوامر

شفني اعيش احلام غيري
وانجز امالهم.. وتسيرني دوربهم
ودربي قدامي اشوفه
دربي بعيونك اشوفه

انا صرت منك اقوى وعرفت وش تعني مشاعري
وترجمت دقات قلبي لما اناظرك
وبمسا كل يوم خططت وش اللي بقوله لك
ان كلمتني.. ان كسرت حدود الخجل
ان حتى صادفتك بيوم
او ان جمعتنا ظروف العمل


صرت اتدرب على رسمه البسمه كل ليله
لجل احاول ابتسم لما ترميني بالسلام
رغم ان صوتي عالي
وغيري عيا ينصحني اخفضه
الا انه يختفي من اشوف زولك
واعجز رغم عني.. رغم محاولتي
اعجز ارد السلام
وافشل حتى برسم الابتسامه

الا ان التافتك وانت ماشي
كنك ناسي شين تاخذه
او شين تقوله
ترضي بهاللفته غروري
وتولد بهاللفته ابتسامه.. مني ومنك
واجلس انتظر بعدها نفس السلام
ونفس الالفتاته
وانتظر نفس الابتسامه باجر وعقبه
مابي اطمع بالكثير
لجل ماخسر ابتسامه


23 comments:

Kuwait said...

"
ونفس الالفتاته
"
الله يسامحج انعكف حلجي وانا أتهجاها :\
صح لسانج وربي لا يحرمج من الابتسامه الحلوه :***

Kuwait said...

اووووووووووووووووووولى
وثاااااااااااااااانيه
;p

nikon 8 said...

شوقتيني للحب
:)
عاد الفالنتين جاي قريبا
:))

Sn3a said...

لوول كويت
تدرين قعدت اقرا بصوت عالي
قلت بجرب ينعكف حلجي ولا لا

بعد عمري صح بدنج
ويسلمو عالمتاابعه الاولى والثانيه والمليون

Sn3a said...

نيكون

لول اي والله قريب
ربي يرزقج باحلى حظوظ الحب

قانونى كويتي said...

مساء الخير


يعطيج العافية على كلمات الحب الدافية

:))

تحياتى

SHAHAD said...

مساائج حب وأحلى ابتساامة : )

يا حلااة لقا المحبين من بعيد لـ بعيد
تحسين القلوب تتواصل
والعيون تناااظر بعض بـ حب
بس كل شي مغطى بـ خجل
حتى الابتسامة تكون خجلى : )

اشتقت لحروووفج من صج ..
لا تحرميننا

Don Juan said...

اييييييي يا سنعه الحين تخرجتي و رديتي تكتبين خواطرج مرة ثانية ;D

A smile can explain better than a poem :)

الدســتور said...

شسالفة بوستات هاليومين
كلها حب و حب

الله يديم عليكم انشاءالله

Sn3a said...

قانوني كويتي
مسا الورد
ربي يعافيك ويخليك

يسلمو عالمرور

Sn3a said...

شهد
هلا والله
اشتاقتلج العافيه بعد قلبي تسلميين
كل شي من بعيد حلوو

نورتيني بهالتواصل الله لايحرمني منكم

Sn3a said...

don juan

لول شفت الفراغه شتسوي
عاد يريت خواطر حلوين شخابيط وبس لول

اي والله الابتسامه تغني عن الكثير

Sn3a said...

ابو الدستور
من الفراغه اخوي
دراسه وخلصت
وبديت عطله ووراي وظايف اقدم عليها
قلت نشخبط شوي لول

يسلمو عالتواصل

قانونى كويتي said...

العفو ولو

بانتظار المووضع القادم

تحياتى

kuwaitawy said...

الله لا يحرمج من الابتسامه



الخاطره روعه

عــــــابره said...

اول جملة دخلت قلبي

مشكورة خاطرة حلوه

|:| DUBAI |:| said...

يا ربي على الرومانسية

سنعة يا سنعة

نبى نسمع قصصج

متى ؟

ساره النومس said...

شهالكلمات الفللي ..



اخيييييي لا تذكريني ..

الحب وما ادراكم ما الحب .. اخييييي

فديتج والله يالغالية ... تسلمين على الكلمات الروعة

Sn3a said...

قانوني كويتي
يسلمو عالتواصل

Sn3a said...

فاير فايتر كويتاوي

اجمعين ان شاءالله
مرورك الاحلى والله

Sn3a said...

عابره
يسلملي قلبج
مشكوره عالتواصل

Sn3a said...

هلا بالغاليه دبي

تسلمينلي حبيبتي
ان شاءالله اكتب قصه قريب

Sn3a said...

طموحه مملوحه
الحمدلله على السلاامه

لول يسلمو عالتعليق الحلو
جعل ايامج كلها حب بحب