Monday 18 May 2009

لما سلمت على الاولــ معصومه ـــى






اليوم كان في استقبال للاولى في الدائره الاولى
اول وزيره

ونقدر نقول اعلى نائبه بعدد الاصوات
واول نائبه عن الدائره الاولى

وان شاءالله اول رئيسه لمجلس الامه



طبعا انا وايد احبها
واتمنى اوصل مواصيلها واكون نفسي واسمي مثلها
فنطرت بالدور وصورت وياها
وطلعت الصوره مشوشه:(
بس لا والف لا
سنعه تخليهم
اخر شي خليتهم يصوروني مره ثانيه ;p

الصوره التاليه يتروالي مكالمه مع تلفزيون الراي!


الاستاذ محمد السنعوسي يهنئها

وتهنئه من يوسف الجاسم

طبعا يا مادري اي شيخ مادري وزير شدراني خو احنا كليوم وزير
والدكتوره موزة المالكي من قطر
وسفيرنا بالعراق علي المؤمن
وممثلين وفنانيين وغيرهم وغيرهم
وماذكر منو بالضبط قالها خليج نائبه لاتقبلين اي منصب وزاري جان تقول اكيد ان شاءالله


ويات المرشحه ذكرى الرشيدي جان سنعه تروحلها مادري من وينلي جرأه مسكينه امي تطالعني احسها تقول وين بنتي لاني لسان
عالفاضي;p
بس لازم اصير جذيه لان لازم ابني نفسي واحجزلي مكان بين هالرموز ان شاءالله
فلازم نتعرف على الزملا النيابيين والسياسيين
المهم مالكم بالطويله
قلتلها الف مبروك وعدد اصوات لايستهان فيه صراحه
جان تقولي الله يبارك فيكم
طبعا سنعه لازم تقطلها قطه واهيا ماشيه
جان اقولها ان شاءالله ارقامج تكون دبلات بالحل الياي
جان تخزني احسها تقول شفيها ناويه عالشر
بعدين قالتلي المجلس في عناصر جيده ومكتمل
طبعا هالكلام مو 100% لاني لما اكلم احد اول مره انسى شنو اكون قايله فاعذريني ذكرى ان في شي نسيته او شي بسيط ضفته

ولما يايت السفيره الامريكيه سلمت علينا بروحها يحليلها جان تقول لنا

future parliament

جان اقول ان شاءالله بحق محمد وال محمد

اهيا مادري فهمت محمد وال محمد

بس ردت قالت ان شاءالله;p

وعقب معصومه رحنا حق رولا بالجابريه
بس للاسف كانت توها طالعه رايحه تبارك لمعصومه
بس خوش حلو عنده مع اني ماذقته بس شكله يوحي;p





تصوير الوالده;p
لما وصل دوري اني اباركلها


قلتلها مبروك علينا احنا مثلج يمثلنا,مع اني ماقيدت بس اعتبرها تمثلني وليش اعتبرها الارقام تثبت انها تمثلني فديتها
وقلتلها ادعيلي اصير مثلج
جان تقول
ليش لا وبتصيرين احسن واحسن

ان شاءالله يادكتوره معصومه
منو مايتمنى

الف شكر للناخبين فرحتوني ووصلتو معصومه

والشكر موصول للمتطوعين اللي يتروالي للحين مانامو تنظيم ممتاز وطولتو بالكم عالكل مع ان في ناس نرفزوني من الحريم اللي ياييين اشوه اني ماشتغلت معاكم جان سكرت ليت الخيمه عناد;p


P.S.; الصوره الثانيه طلعت عجيبه بس مابي احطها لكم

43 comments:

مَـــــعْــــمَــــعَـــــه said...

تستاهل د. معصومه كل خير ومو بعيده عليها تكون اول أمرأة رئيسة لمجلس الأمه فهي الاولى دائما ونتمنى لها التوفيق

Q8EL5AIR said...

كفو والله .. هالمرأة دشيت التاريخ من أوسع أبوابه .. وبإستحقاق وبجدارة بعد:)

تستاهلكل خير والله :)

وعسى الله يوفقها وتكون عند حسن ظنا ..



خوش تغطية :)


وتحياتي ..
ويسلموااااااااااااااااا :)

Dr. Ali Maarafi said...

يلا عالبركة
و تستاهل الدكتور النجاح الباهر و ان شاالله تبدع لنا بالمجلس

يلا شدي حيلج و من الحين هيئي نفسج حق الانتخابات
عشان نصوت لج

TruTh said...

تستاهل الدكتورة معصومة حدي فرحت لها لأني مثلج واااااايد احبها
:)

عسى الله يوفقها اهيا و كل النواب اللي قلوبهم على الديرة

حطيلنا صورتج الثانية معاها
ليش النحاسة
;)

chandal/danchal!! said...

خوش تغطية يا سنعتنا

:)

وان شاء الله تمثلينا وتمثلين عيالنا بالمستقبل

:)

ضحكتيني بسالفتك مع ذكرى لوووووووووووووول

شناوية عليه؟

وعلى قولتك في ناس يبيلك تطفين الليتات والمكيف عنهم!

يبيلهم قلب ما يتعب

علي said...

تستاهل هالدكتورة
على فكرة حتى احنا في البيت الحريم كلهم يببوا لما فازت معصومة

تستاهل والله

Sn3a said...

مغمعه

ان شاءالله يارب
الله يوفق الجميييع

Sn3a said...

كويت الخير

اي والله دشت التاريخ ودشته بخطوات نظيفه وواضحه
الله يوفقها ويوفق كل من عينه عالكويت

الله يسلمك ويخليك

Sn3a said...

دكتور معرفي

هلا دكتورنا
جدامي طريج طويل وان شاءالله اكون نفسي مثلها

Sn3a said...

Truth

اي والله تستاهل
الله يوفق كلمن قلبه على الكويت ويمثل شعب الديره بكل امانه

مايصير احط صورتي الثانيه فيها قبايل;p

kuwaitawy said...

تستــاهل معصـــومة



وانشاءلله انتي تحققين اهدافج بعد

Sn3a said...

هلا بجندللل هلا والله الغاليه

ان شاءالله ان كنت استاهل ياارب;p

اييي لا وفوق ان كلامي مع الناس اليدد كله بدليات رايحه مجابلتها المسكينه واقولها بالحل الياي
شسوي تعودنا خو;p

نورتي

Sn3a said...

علي الملا

هلا والله اخوي اي والله تستااهل
دكتوره ومثقفه وواعيه ومتزنه اكثر من جذيه شنو نبي

Sn3a said...

فاير فايتر كويتاوي

اي والله تستاهل

ان شاءالله يارب ارد للكويت جزء صغيييير من فضلها واحقق احلامي يارب

Mr-Mohd said...

بصراحة القطة قوية خصوصا يوم قلتي "ارقامج تكون دبلات بالحل الياي

بس تعبر عن اهتزاز في الثقة بالمجلس


احنا نعيش تحت مرحلة اسميها الامل الجديد وتجديد الثقة



وبالنسبة للسفيرة الامريكية .. شكلها حبوبه ودمها خفيف وتشابه هيلاري كلنتون بس على اقصر :)


نصيحتي .. قيدي باقرب فرصة @@ لانه ما تدرين يمكن ينحل المجلس بعد 6 اشهر !! هذا اذا لحقتي تقيدين


تحياتي

الدســتور said...

تستاهل الفوز

Sn3a said...

q8cool

بالنسبه حق ذكرى
ترا تستاهل ارقام اكثر
لكن هم حققت نتييجه واايد حلوة بدائرتها مع اني توقعت ان ارقامها وايد اقل من جذيه

بس هذي نتيجه عزوف البعض عن التصويت بدائرتها بحجه ان الدوائر الرابعه والخامسه محسومين
لو يدرون ان في مجال غيرهم يطلع حتى لو مركز 11 او 12 جان راحو صوتوو

وصح كلامك انا كانت ثقتي باختيارات الشعب معدومه
صحيح اني وقت التقييد ماكنت بالكويت
لكن لما رديت سبحان الله مددو سبوع
جان اقول تكفا يعني نفس الشعب اختار نواب التأزيم وبيختارهم

لكن الف الحمدلله ان ظني خاب باهلي الكويتيين
صحيح اني كنت سلبيه وماقيدت
لكن شهر فبراير الياي اذا الله احيانا بقيد طبعا

Sn3a said...

ابو الدستوور

هلا والله اخوي
صدقت
واايد ناس فرحتلهم والله مو بس معصومه
لكن معصومه ركزت عليها لانها مواطنه ماكان لها امتيازات عايله سياسيه او تجاريه تدعمها
بنت نفسها بروحها
خذت اعلى الشهادات وطريجها نظيف

حبيت الدرب اللي مشت فيه
والله يقدرني اكون نفسي جذيه

Paris said...

انا كلش مادري عن هالسوالف حتى انتخابات البحرين مادري عنها و لا ادري اشصاير بالديره و لا ممثلين و لا مرشحين ماعرف حتى اساميهم

بس مبروك الفوز

شكله علي الملا قام يتابع سوالف الكويت بعد :P

Salah said...

معصومة تستاهل

مبروك

وان شاء الله بحق محمد وال محمد توصلون المجلس أو تخدمون بلدكم من أي موقع انتوا فيه

:)

joe said...

هنيأ لها الفوز وهي بالفعل تستحق





حياكم اكبر تجمع بلوقرزي على قروب
q8_Blogarz

group171891@groupsim.com

Small River said...

اكتساح معصومة يعتبر ضربة قوية حق المخضرمين اللي في الدائرة..

عاد المفروض ألحين يبدي الشغل الصح ونشوف شنو راح يقدمون لنا في المجلس
..
Sn3a أقول

إنتي متأكدة السفيرة الأمريكية مو زوجة السفير الإيراني؟؟
موفقة بحق محمد وآل محمد

Sn3a said...

باريس

بالكويت مانحب نقول مانعرف شي;p
نحب نعرف عن كل شي ماتشوفين قنواتنا كل البرامج اللي فيها باختلافها نفس المذيع;p

حيااج الله يالشيخه

Sn3a said...

اخوي صلاح

اي والله تستاهل

ان شاءالله نخدم الديره باي مكان نكون فيه لان مو مهم المكان كثر ما اهي مهمه الخدمات

Sn3a said...

المباركيه

الله يسلمك ويوفقها مشكوور اخوي

Sn3a said...

Small River

انتصار معصومه انتصار لنا
لوووول ايي والله متاكده لاني شايفتها بالجرايد
;p

Manal said...

بنت العم الغالية

انتي رحتي وسويتي الي ودي اسويه

يالله انا وانتي واحد
:)

بس عاد الصورة الثانية تدزينها على الايميل بنطر ابي اشوف

:)


زمبروك علينا وعلى الكويت التغيير في المعترك السياسي
والخير بالطريج ان شاءالله
:)

Maximilian said...

خوش تستاهل الدكتورة معصومة، بس والله وارتفع سهمنا، اثنين حساوية مرة وحدة ؟
:P
نتمنى ان نفرح بأداء المجلس، مثل ما فرحنا بالنتيجة
------

على فكرة هذي صورة الاعلامي يوسف الجاسم اعتقد مو محمد عبدالقادر الجاسم

Sn3a said...

حماده

شكرا عالاعلان

Sn3a said...

منال
هلااا حبيبتي
كلنا واحد افا عليج بنت عمي

لول ان شاءالله


وان شاءالله يكون هالتغيير بدايه عهد جديد بالكويت وللكويتيين

Sn3a said...

دكتور ماكس

ماشاءالله عليك صج دكتور;p
اي والله واخزياه كاتبه اسم الريال غلط
حتى بوست مثل العالم موعارفه اكتب مادري شفيني لول

لوول ايي من قد الحساويه
بس صراحه معصومه مو عشان حساويه مثلي بس احب انها بنت نفسها بنفسها وماوقفها شي عن تحقيق حلمها ماشاءالله عليها


خل اغير اسم الريال لحد يشوف البوست بعدين ويعيب;p
محد درا محد درا

بنت الشاميه said...

يستاهلون نائباتنا فى البرلمان
بس معصومه احبها واميزها غن غيرها
لان مواقفها بالغزو وبعده بالمحطات الفضائيه غسلت جبدونا هى والدكتور الربعي الله يرحمه
الله يوفقها و يعينها على المسؤليه

اقصوصه said...

بالتوفيق يا رب

fatto said...

حدي استانست لمن فازت .. لأنها قدها وقدود

Shaima'a Alkandari said...

الل9ه يوفقها تستاهل

ماشاءالله بكل شي اهي اولى :)


وخوش صور بس في منهم موواضحين

ولد الديرة said...

خلج من معصومة الحين



الوالدة شنو عندها مستقبل بالتصوير

Sn3a said...

بنت الشاميه

اي والله يا اختي صدقتي
مو مهم نجاحهم كثر ما اهو مهم خدمتهم للديره وللشعب

Sn3a said...

اقصوصه
ربي يوفق الجميع ان شاءالله

Sn3a said...

فاتو

اي والله صدقتي قدها
الله يوفقهم كلهم

Sn3a said...

شيماء الكندري

اي ماشاءالله عليها
الله يسلمج استحي اصور بالعلن
خصوصا ببعض الصور اني كن واقفه يمها احس فشله;p

بس الصوره الاخيره امي وامي ماتعرف تصور بتلفوني

Sn3a said...

ولد الديره

لاتعطيها عين
خل ابخرها;p

human said...

من سار على الدرب وصل

كبرياء وردة said...

مبروووووك

تستاهل والله

يلا ناطرينج بعد جم سنة

ان شاء الله نشوفج نائبة او وزيرة:D

بس ابي اشوف الصورة الثانية:p