Sunday 23 August 2009

تمرية ديا

كل عام وانتو بالف خير

وربي يتقبل منا ومنكم صالح الاعمال


سؤال محير


تلفوناتكم فيها كاشف؟

اعرف الجواب

بس ليش كل مسج رمضاني او معايده ينختم بــ: فلانه الفلاني او فلان الفلاني

انا استغرب رغم اني مرات اسوي نفس الشي

ولا الحين هابين بسالفه ييديده

المهندسه فلان الفلاني

ولا الدكتوره فلانه الفلاني

زين ليش يعني

الكبر لله ياعالم


وبالمناسبه

تمرية-خرما جارمك- ديا وديا اللي اهيا يدتي الله يطولي بعمرها

تعلن عودتها بقوة

فها هي ديا كعادتها في كل مارمزون-رمضان- تجلس بثقه خلف الدريول الذي يتخطرف في انحاء المناطق القريبه اثناء القايله دون ان يتجرأ بالاعتراض


يمي يمي التمريه

ودلعتنا بخبز التبدون اليوم بعد



مع اني حساويه 50 بالمئه الا اني بديت من جم شهر باكل التمر

وابوي يايبلي انواع مختلفه من مكه شرفها الله والمدينه المنوره احتفالا بعوده الفرع للاصل منها العجوة واللي يذكرني بفوايدها وانها غاليه بالقيمه والسعر;p

وبالاضافه لانواع المعمول


ومع كل هذا

هالرمضان انا صايمه عن هالمغريات

اطالعهم ومبرطمه

ربنا يدييمك ياكورن فلكس فتنس;p

61 comments:

SHAHAD said...

مبااارك عليييج الشهر يا حلوة
وبالعااافية يااارب : )

Yin مدام said...

مبارك عليج الشهر يا سنعة

والتمر لابد منه
:)

الله يتمم عليكم الشهر الفضيل باليمن والخير والبركة وقبول صالح الأعمال



كل عام وأنتم بخير
:)

Ducati said...

مبارك عليج الشهر

واحسن ما في الموضوع التمر

ترا شي عظيم والله

احم احم حتى لو احنا 50% ولكن لازم في جانب منك يشدك للتمر

:)

Dr. Ali Maarafi said...

مبارك عليج الشهر اختنا العزيزة

و بعدين سالفة المسجات الناس تحط اسماءها لان بعض المرات الناس مو مخزنة الرقم فعشان تعرف منو اللي داز

بيه مبلشه اكل صحي ,
انا من بعد هالغربة اي شي يطيح جدامي ما طوفه سواء يمتن و لا يضعف !
و بالعافية
fitness :-)

fatto said...

مبارك عليج الشهر :)


ومن صجج من يفكر يسوي ريجيم برموضان .. خلي عنج فتنس وبتنس وهبصي على كيفج .

Sn3a said...

Shahad

اهليين وسهليين
علينا وعلييج حبيبتي
وربي يعافيج ويخليج

Sn3a said...

مدام Yin

علينا وعلييج
ايي والله صاجه لابد منه

اجمعيين يارب منا ومنكم
وانتي بالف خير وصحه وسلامه

Sn3a said...

Ducati

عليينا وعليييك اهليين
اي والله
انا ماكنت احبه لان مادري شلون ينمسك
وشكله مايوحي ان لذيذ

Sn3a said...

Dr-Maarafi

علينا وعليك دكتورنا هلا والله
صاج والله يمكن هذا سبب من الاسباب

انا بحاول كثر ما اقدر يكون اكلي صحي
شسوي كنت مسويه رجيم ووقفته شهرين ومابي اضيع تعبي

انت مالومك لازم تتمتع بالاكل بعد هالغربه خنت حيلي الله يلوم اللي يلومكم

Sn3a said...

فاتو

علينا وعليج حبيبتي
مت ضحك على كومنتج
وللحين اضحك

ZooZ "3grbgr" said...

شيخة السنع

عيدج مبارك يالغالية

وعساج تعودينه بكل خير انتي ومن تحبين


المدونة زووزا

:p~~









وعلى فكرة

انا بعد ناويه جذي

لا للمغريات

:")

SHOOSH said...

كل رمضان و انتي بخير

حركاااات

لزوم البرستيج و تماشيا مع الهبات

انا معطيه روحي العافيه

ما ابارك حق أحد

بس اللي يدز لي أرد عليه

:)

و مبراك عليج الشهر و كل سنه و انتي طيبه

شوووووووووش

يمكن ما عندج كاشف بمدونتج و ما يطلع غسمي فوق

:)

SHOOSH said...

مبراك = مبارك

غسمي = إسمي


تصليح بدلياتي اللي فوق

Anonymous said...

I usually take it easy in Ramadan! Otherwise my tummy wont handle it! I ate dates and soup at iftar... after half an hour I had salad and around 6 tbsp of tashreeba :-) Its better this way ;-)

chandal/danchal!! said...

اتستبدلون الذي هو ادنى بالذي هو خير؟

:)

احد يعاف التمر وعجوة المدينة ويجابل كورن فليكس؟ وبرمضان!



الله يعطيها الصحة والعافية... ومبارك عليكم الشهر

:)

joe said...

مبارك عليج الشهر
وتقبل الله اعمالج وقيامج

ممنوع منعا باتا التشويق بالبوستات ;p
هذي عليها مخالفه
يا انج تعزمينا كلنا بمطعم على فطور او سحور لوول


يعطيج الف عافيه

aL-NooR . said...

مبارك عليج الشهر يا سنعة

تدرين انا ماني صوب التمر ولا الخلال ولا الرطب .. بس برمضان التمرية الناطعة ما استغني عنها ابد ابد


شوقتيني الله يغربل بليسج
:P
************************

Anonymous said...

مبارك عليج الشهر اول شي مهندزه

ثاني شي .. انا صراحه من اللي يشجعون ان الواحد لما يدز مسج يبارك بالشهر او عيد يكتب اسمه تحت .. لأن مو سالفة اكو كاشف او لأ .. بس ساعات اتدزين حق ناس عندج بالكونتاكت لست وانتي من زمان عنهم ويمكن ماعندهم رقمج اليديد ان كنتي غيرتيه .. فا عالاقل الواحد يعرف من وين المسج!!

وعلى الهبه .. انا هم اشجع وما اشوف فيها كبر .. يعني لما اكتب جدام اسمي مهندس اصير تكبرت؟! .. هذا حق لي اصلا تعبت وكرفت عشان احصله فا مو عيب افتخر اني حققت هالانجاز :)

kuwaitawy said...

اول شي كل عام وانتي بخير ومبارك عليج الشهر يا سعادة المهندسه


;p



والله يطول بعمر يدتج يارب

الدســتور said...

اولا علينا و عليج
ثانيا لازم يحطون الاسم
في ارقام مومخزنة عندي
بس سالفة يحطون اللقب قبل الاسم

يعانون من نقص مو طبيعي

رزنامــــــة said...

قبل كنت اقول نفس الحجي
واقول شنو هالتفلسف

الى ان شاء الله
وغيرت تلفوني ونص الارقام اللي كانت مخزنة عندي ما انتقلت الى الجديد

فاصبح وجود مثل هالمسجات فرصة لتعديل قائمتي لووول

واصبح التفلسف ضرورة وحاجة

ShaymoOona said...

مبارك عليج الشهر ..واخليلج ديا يارب

Daddy's Girl said...

عاش فتنس عاش... زميلي في السحور من شعبان

حطي فوقه موزاية و شوفي شلون الزواج ناجح جدا بيناتهم

شدعوه يا حافظ ماكو نقصة تبدون مني مناك؟

و على المسج... دازيت حق الأوادم مبارك عليكم الشهر حاف

زفني أخوي... ليش ما تكتبين أسمك..

ليش يعني ما دريت أنا منو؟

Desserts said...

الله يعينج .. رجيم برمضان ^__^
ترى تعب صراحه ..

وبعدين بسألج هل هذا الكورن فلكس صج
خوش رجيم ؟؟ يعني مجربته ولا توج تجربينه ؟؟



ومبارك عليج الشهر حبيبتي ^__^"

bakah said...

كل عام وانتم بخير اختنا الكريمة

واعادكم الله عليه في كل عام بأمن وأمان ورضا من الرحمن ..

Don Juan said...

انا هالسنة مقاطع التشريبة ;Pp

Sn3a said...

زوزااا
هلا والله الغاليه

لول ترا من كومنت البلوقرز عرفت ان في فايده لكتابه الاسم بعد المسج
ومنكم نستفيد

زين تسوين

Sn3a said...

SHooSh

لوول فهمت البدليات لاتحاتين
والله انا ادز للي يواصلني
ما ادور ناس مادري عنهم من سنين
بس في ناس لا والله بكل المناسبات يدزون فواجبي ادزلهم بالمقابل

Sn3a said...

Ansam

ماشاءالله عليج
اهو هذا المفروض
نظامج صح

رغم ان وزني يقل برمضان
الا اني دايما احس بثقل وكسل

Sn3a said...

جندل

لول انا خو اكل شوي من هذا وشوي من ذاك
الله يعافيج ويخليج حبيبتي

Sn3a said...

المباركيه

منا ومنكم صالح الاعمال يارب
الحين انا رفقا فيكم ماحطيت الصور
لا وديا يايبتنا اليوم كبابها السبشل الله يعيني:(


يعافيك ويخليك خيو

Sn3a said...

al-NooR

علينا وعليييج تسلمين
انتي طافج
انا كل ما ادخل المطبخ اكلي شوي

عشان لا احس بالذنب

Sn3a said...

the spanian

علينا وعليييك اهليين
هم صح كلامك
انا منكم دريت فايده لكتابه الاسم

بالنسبه للقلب
انا احس المعايدات خصوصا برمضان شي فيه وديه وحميميه مايحتاج للالقاب

يعني انا لما اسلم على بنت خالي اقولها هلا دكتوره بس كميانه
بس مادري بالنسبه لي ماشوفها حلوة ان ينكتب دكتوره او مهندسه بالمسج

بالعكس رايك احترمه وصح كلامك الواحد تعب على هالشي لكن تعب عشان وظيفه يحبها مو لقب

Sn3a said...

فاير فايتر كويتاوي

وانت بالف خير وصحه وسلامه
وعلينا وعليك لول

الله يخليك ويطول بعمر غاليك ان شاءالله

Sn3a said...

ابو الدستور

هلا والله علينا وعليك
صح كلامك فطنتوني على هالنقطه

اما بالنسبه للالقاب انا ماحبها

تقبل الله صيامكم وقيامكم

Sn3a said...

رزنامه

اي صاجين
انا مانتبهت لهالشي الا منكم

وتقبل الله صيامكم وقيامكم

Sn3a said...

Shaymona

علينا وعليج
وربي يحفظلج كل غالي ياارب

Sn3a said...

Daddy's Girl

لول اي والله عاش فتنس
ماحب المووز كلش

وبالنسبه للتبدون يه من عيوني لكن للاسف مايوصل الطعم بالايميل

انا رغم اني استغربت من الاسم لكن هم حطيت اسمي بالمسجات;p

Sn3a said...

Desserts

شوفي اهو مو رجيم بحد ذاته
بس يشبع
بس بصراحه انا اخلط فتنس ويا نوع ثاني
والسحور امس كليت سلطه
مادري شاكل اليوم

اهو هالنظام ماينفعلج ان كنتي تداومين بس انا بطاليه فما اتحرك ما ايوع

Sn3a said...

مطعم باكه

وانت بالف خير وصحه وسلامه
اجمعين عساك من العايدين
وربي يتقبل منا ومنكم صالح الاعمال اخوي

Sn3a said...

Don Juan

ايي لكن المقاطعه مؤلمه اخيه;p

هيفاء بهبهاني said...

عساج من عوادة ..

و الشاطر اللي ما يزيد وزنه برمضان .. :)

-mate said...

وانتي بخير وصحة وسلامة
:)

على طاري الدكتور .. هذا واحد من الربع توا صاير دكتور ما مداه, سيدة حط دال ونقطة .. اي والله اشدعوة يبا, الكبر لله

شوقتيني على التمرية وبالعافية عليكم تمر المدينة .. والكورن فليكس ماعندك سالفة
;p

Q8 TeaCHeR said...

هني وعافيه :) ومبارك عليج الشهر

Bahrain Fashion said...

مبارك عليج الشهر

:)

elq87obi said...

بالعافية يارب

مبارك عليج الشهر

و تقبل الله منا و منج صالح الاعمال

و سلامي لج :)

علي said...

يا ستي لا تتحججين !!
اصلا تصير احيانا انا توصلني مسجات من ناس مو مخزن عندي رقمهم واتحير مادري منو هذا فانقهر اقول ليش هالانسان ما كتب اسمه شنو يضره !!


كل عام وانتي بخير
سلام بر ديا
وسلام بر خرميييييي

كبرياء وردة said...

مبارك عليج الشهر

وربي يعودج

كورن فليكس برمضان @@

شلون ركبتيها هذي ؟

The.One said...

ربي يخليلج يدتج يابنت عمي :)
التمر بالدم يمشي

Om MoD said...

مبارك عليج حبيبتي ..ما تبقى من الشهر ..,ينعاد عليج ..



أكو أحد ما يحب التمر ما عندج سالفه ....


زين انج جربتيه ولا جان طافج نص عمرج ....التمر لذيذ :) ومفيد

Sn3a said...

بيض الصعو

عساكم من العايدين والفايزين

اشوه اني شاطره;p

Sn3a said...

mate

تلاقيه مزهب المسج من اول سنه جامعه;p

يعافيك ويخليك
والله لذيذ الكورن فلكس;p

Sn3a said...

Q8 teacher

يعافيج ويخليج
علينا وعليج وعساج من العايدين

Sn3a said...

Bahrain Fashion

علينا وعليج
نورتينا يابنت المملكه الغاليه

Sn3a said...

q8 7obbi

الله يعافيكم ويخليييكم
ربي يتقبل منا ومنكم صالح الاعمال

Sn3a said...

علي الملا


اي منكم والله عرفت فايده الاسم باخر المسج

وانت بالف خير وصحه وسلامه

لول الله يسلمك

Sn3a said...

كبرياء ورده

علينا وعليج ربي يخليج

جربيه;p
انصح فيه جداا

Sn3a said...

The One

ويخليلج كلمن يعز عليج ياارب
لول ايي اخيرا رجع الفرع للاصل;p

Sn3a said...

Om Mod

علينا وعليج يا ام الكتاكييت

ايي انا شكله ماكان يشوقني
بس والله طلع لذيذ لول

Anonymous said...

واي ليش انا ماحب التمر وماقدر احبه

كل الناس تحبه وتاكله الا انا عاره انا عايلتنا


وهم شتحبين بهالكورن فلكس

وصج يضعف ؟؟

Anonymous said...

واي ليش انا ماحب التمر وماقدر احبه

كل الناس تحبه وتاكله الا انا عاره انا عايلتنا


وهم شتحبين بهالكورن فلكس

وصج يضعف ؟؟