Wednesday 25 November 2009

عاجل

السلام
شلونكم وشخباركم
كل عام وانتو بخير جميعا وعيدكم مبارك
ابي اعرف
اذا بتهدون الوالد والوالده
شنو تهدونهم
مليت من سوالف عطر وبوك وقلم وخاتم
يعني تدرون الام والابو غير
وانا ماعرف اشتري هدايا سنعه تليق بمقامهم
يعني مثلا انا توني ادري ان الغتره لها مقاسات
انا عبالي الطول حسب الجفسه;p
من وين يشترون الغتر وشنو انواعهم وماركاتهم
وبالنسبه للامهات
امي ماشاءالله عندها وايد خواتم فما تحتاج
وعطورات فل
مادري
help me:)

13 comments:

joe said...

موشرط شي يكون تقدمينه لهم
تقدرين مثلا تعزمينهم على مطعم او تسوين لهم مفاجأه بالبيت يعني مثلا بليل ينامون و الصبح يقومون يلقون البيت مزين و شي حلو

ان شاء الله اكون اني فدتج

شاي الضحى said...

ماعرف حق الرياييل ... بس الكبار يحبون المسابيح

والحريم في وايد افكار حتى لو شي بسيط

توني سألت امي قلت لها شنو تبين هديه جان تقولي ""غساله"" لوووووووول

تقدرين تروحين سبا تايم او لافندر وتاخذين لها كوبون هديه مساج او تنظيف بشره او غيره وتحطينه لها في سله كلها ورد وشموع

انا اكثر شي احب اسويه حق امي اغير غرفتها بالكامل من الكفر والاكسسوارات وكل شي

او اخذيلها بيجامات شتويه للبيت دام ياينه البرد واخذي معاهم نعال بيت وانتي بكرامه وسوالف من لاش او بودي شوب

انتي شوفي اهيا شنو تحب او شنو محتاجه الحين او اذا في شي بخاطرها يعني سحبي منها حجي انا صرت خبره بتسحب الحجي لووووول

انشالله اكون فدتج ولو بشي بسيط

شكرا :)

Anonymous said...

شوفي بالنسيه للغتر احسن شي عطار المسلم من عند المسلم بالمباركيه يم الصرافين وبالنسيه للشماغ احسن شي البسام انجليزي من نفس المحل والطول يعتمد على طول الوالد اذا ابوج طويل هاتي له مقاس ٦٠ واذا نص ونص هاتي له ٥٦ واذا قصير هاتي له ٥٤ وهناك الريال الشايب ابو احمد المسلم يعطيج خصم.. كما اقترح شراء بخور للوالد ممكن من القرشي سوق شرق اكو عرض بخور سيوفي عشر تولات ب ٣٠٠ دينار او مسباح كهرب من البيت الاثري مجمع الصالحه سألي عن السيد بهبهاني او خام شتوي من عند محلات السفير شارع فهد السالم مقابل حديقة البلدية سألي عن علي صفا يساعدج بالخام .. كما اقترح للوالد جواريب وشالات صوف من محلات دينار مجمع الصالحيه جبال المطحنه ... وبالتوفيق مع تحياتي ... سنع

Sn3a said...

شكرا على الاستجابه السريعه جميعااا


المباركيه
العزيمه بعزمهم بس ابي شي مادي
وانا ماعرف ازين كتب الثنويه للحين بداري مارتبتها;p
بس صج ثانكس عالمساعده


شاي الضحى
ابوي واايد يحب المسابيح بس مادري من وين يشتريهم
تخيلي اشتري غساله لول
امي فيها دسك ماتعبر على سوالف سبا
بس تنظيف البشره نايس
و عجبتني سالفه الكفر صج مايات على بالي
يسلمووو




Any.
صج انك سنع لول
لا جد كل شي كتبته
خصوصا انك عطيتيني كل شي بالتفصيل
ماااقصرت

شاي الضحى said...

المسابيح من الافنيوز في محل جبال كارفور عنده مسابيح حلوه خاصه الي فيهم ريحه وشكلها حلو والكركوشه بعد عجيبه وعنده الغالي والرخيص

انا مره خذيت هديه الي يصير فيه ريحه وشكله وايد ذرب بـ 25 دينار

صبا said...

سنعه شخبارج .. انشالله بخير
:***
والله انج سنعه..

حجزي لهم غرفه لمدة بومين بالموفامبيك الي بشويخ عند فيلا مودا
المكان جدا هادي بس على شرط حجزي الدور الارضي على حمام السباحه لانه الغرفه تحت فيهابابين باب من داخل الفندق الباب الرئيسي والباب الثاني على حمام السباحه ...وبالليل الجو حلو بالحديقه وكل يوم يكون العشا بره بالحديقه او داخل
الخدمه والمكان شي اينن .. والله ما تتحسفين وبيدعون لج
:**

وفي قعده حلوه بره على حمام السباحه
يقدرون يسهرون بره الغرفه بالليل ومحد له شغل فيهم ...اصلا كله انجليز واجانب ومافيه هيلق
:)
طيعيني ما تتحسفين
:)
انا متعاقده معاهم كل اسبوع هناك
:)

وعيدج مبارك يالغاليه
:****

QiYaDiYa said...

توني ماره بنفس الشعور
الام و الابو لو مهما نعطيهم نحس ان مقصرين بحقهم ..

انا شفت شنو يحتاجون
يعني مثلا امي تلفونها قديم خذيتلها تلفون ..
و اخترت لها واحد صج اهي تحتاجه ..

و ابوي تلفزيونه اخترب شريتله تلفزيون

تفكيري كله الكتروني ;p

و عندج بعد لو تسويلهم وقف
حدهم راح يستانسون

الحين دخلت الشتا
اخذيلهم اشياء شتويه
مثلا بشت حق الوالد
و شال حق الوالده

فكرت احجز فندق او شاليه
بس بالعيد زحمه حييل
فقلت بخليها مرة ثانيه ..

و في وايد اشياء
على حسب شخصية امج و ابوج ;)

Sn3a said...

ماشاءالله عليكم
صج صج ماقصرتو وياي


شاي الضحى
حسااافه امس كنت بالافنيوز لو ادري جان داشه المحل
بس مو مشكله اروح الافنيوز والصالحيه حق المسابيح




صبا
هلا حبيبتي ماقصرتي
انا بغيت احجز لهم يسافرون
بس ابوي فيه طبع حلو ومو حلو
انسي انسي يسافر مكان بدون عياله
يقول ماحب اونس نفسي وعيالي بالبيت
زين ياولد الحلال عيالك راضين
لا مو راضي
حتى العمره قلناله روح خذا واحد من اخواني وراح
فسالفه الفندق ان حجزتلهم غرفه اهم بيدفعون زياده حق سويت وييمعونا وياهم اعرف طبعهم

بس صج موفمبك يهبببل
خصوصا بهالجو



قياديه
عدل كلامج يا اختي
صح زين سويتي بصراحه شريتي هديه وبنفس الوقت شي يحتاجونه
خل احاول اسحب منهم حجي
امس طافج داشه دماس بشتري سوار
جان يطلع فوق معاشي ب 500 دينار
جان انسحب بابتسامه;p

علي said...

احجزي لهم تذكرة لزيارة العتبات المقدسة

وتذكرة ثانية يزورونا

شفتي شلون احلى هدية
:D

Anonymous said...

اللله يخليهم لج
ابووج يبيله عزج الله جوتي الرياييل يحبون الجواتي او بوك لان الابهات ماادري شفيهم مايغيرون بواكتهم الا لما البوك يقوله تكفة بدلني او دهن عوود وبخور من أمل الكويت
الماما
جلسة بدكير مانكير
يووون لي البيت وشغل عجيب كازا سبا CASA SPA
جنطة
بدلة شتوية
ساعة

اقصوصه said...

عسلا كل ايامكم عيد :)

Small River said...

عيدج مبارك سنعة

أنا أحسن هدية أشتريه حق أبوي خام دشداشة ، واحنا ألحين داشين بالشتا فإخذيله خامين من الخامات الشتوية السنعة من سوق البلوكات

أما حق الوالدة فعطيها مبلغ وقدره وخليها إهي تتصرف فيهم على راحتها

Ļa ƒéммé said...

عيدج مبارك وكل عام وانتي بخير :)

للوالد مسباح يستانسون الرياييل على المسابيح بس لازم احد عنده خبره يساعدج

للوالده جنطه ماركة توها نازله
اذا متحجبه لفات يدد
واذا اتحب الدراريع الطاهر ماكوا على ماركه ناتوري زووغه تقدرين اتجهزيلها مستلزمات شتويه على دخله الشتا

والأفضل شي اهي خاطرها فيه وتبيه واتيبينه لها راح تفرح فيه اكثر والله يخليكم لبعض ويسعدكم دووووووووم آمين