Saturday 31 July 2010

قلبي..هناك

بمكة شرفها الله


و بطيبة ارض المدينة




اجمل واغلى ايامي قضيتها الاسبوع اللي طاف


اليوم ماكان ودي اركب الطياره
اول مره اروح بيت الله واللي زايره مايلومني
اخيه ياحلاة القعده هناك بس شوفوه كافي
والمدينة الله يحفظها خفيفه نسمات هوى بارد تنسينا الدنيا باللي فيها


من كثر ما ربي باركلي بهالسفره الحمدلله لمست تقريبا كل مكان بالكعبه ماعدا الحجر الاسود لان اصعب مكان طبعا
ياحلو ريحته يا حلو ملمسه
يابخت اللي عايشين هناك
والفال لكم حج وعمره يارب


دعواتكم ربي يقبل عمرتي ويكتبلنا مثلها ويرزقنا حج بيته ان شاء الله



17 comments:

رورو الشخبوطه said...

عمره مقبوله وحج قريب يارب..

انا خاطري اروح لها وان شاءالله الله يبلغني بزياره قريبه لها..

Anonymous said...

عمره مقبوله

ياحلو مكه والمدينه

والعايده لنا كلنا نحج يااااارب :)

Anonymous said...

عمره مقبوله ان شاءالله

واللهم امين

انا رحت لما كنت برابعة متوسط

وحبيت الحجر الاسود

الله يكتب لنا عمره ثانيه وحج يارب

شاي الضحى

panadool said...

مقبوله إنشالله

هديــل said...

الله يتقبل منج :)

اي والله ميته ع الروحة لهناك

والله يكتبها لنا ولا عمري مسكت الكعبة

يا حلات القعدة هناك لو شكثر ما تملين وما تحسين بالوقت اصلا

ياااارب تكتبلنا عمرة قريبة

ANGEL HEART said...

عمره مقبوله والفال لي يارب

Anonymous said...

الله يتقبل منج صالح الأعمال
صج العمرة حلوة ووناسة.. الله يكتبلي وأروح هناك قريب ان شالله..

Faith said...

حبيبتي عمرة مقبولة و الله يتقبل يا رب
من جد الواحد لما يروح ما وده يرد.. و انشاء الله المرة الجاية يمديج تتباركين بالحجر الأسود ترى مو مرة صعب تلمسينه اذا رحتي بالوقت الصح.

الله يكتب لج حج قريب يا رب.

esTeKaNa said...

روحة مكة والمدينة ترد الروح
تسوي رفرش ايماني
وتعطيج لحظات هدؤ وسكون مع نفسج
تخليج تعيدين احساباتج وتفكيرج بأمور كثيرة
.
.
ولأني ادري حجم الراحة النفسيه اللي يشعر فيها الواحد بعد العمرة فأنا جد سعيده بروحتج
تقبل الله طاعتج وصالح أعمالج يارب
الله يشرح قليبج ويسعدج
:*

Anonymous said...

احساسك فعلا كان صادق وجميل ومؤثر في هذا البوست ... تقبل الله ... سنع

ri7ana said...

يتقبل الله منج صالح الاعمال
والرسول عليه السلام دعى للمدينه نسيت الدعاء للاسف بس اغلب الناس الي تروح تحس ماودها ترد خصوصا بمسجد الرسول
شوقتيني صارلي سنه مو زايره :(

|:| DUBAI |:| said...

alaaaaaaaaaaaaaaaH ya alaaaaaaaaaaaaaaaH

: )

3mra Magboola inshalla

o inShala ma Nsitina b6eeb D3waaCh..

Allah yrzgch doM Ya raB !

مهرة سالم said...

السلام عليكم..
ماشاء الله
تقبل الله طاعتكم...
وأسأل الله أن يهل لنا ولكم الحج والعمره ويتقبلها اللهم آمين..
...
بروحي مشتاقه وزدتيني بتدوينتج
...
دمتِ بخير

Engineer A said...

تقبل الله طاعتج وياحلو بيت الله صج

آخ من يوديني اهناك :)

Sn3a said...

منا ومنكم جميعا
وان شاءالله ربي يبلغكم الزياره حجا وعمره

وصج صج ارد اقول
احلى ايامي اللي قضيتها هناك

عبيــر الجهني said...

تقبل الله منك
والله يكتب لك الروحه لهآ مره ثانيه
(:

زينب علي حبيب said...

الله يتقبل منج يااااااااااااااااا رب

و يرزقنا حج بيته الحرام :)