Wednesday 5 January 2011

Best:Airline?


عندي كذا استفسار

وبحاول اخلي كل واحد ببوست منفصل بعنوان

Best?

-=-=-



بالنسبه ل خطوط الطيران

منو جرب ال British Airways?

انا جربت القطريه اتينن

بس للاسف يمكن ما اقدر احجز فيها الحين


واذا عندكم خطوط ثانيه مجربينها شخصيا قولولي مزاياها وعيوبها


12 comments:

شاي الضحى said...

British Airways جربتها وايد

والطيران والمعامله زينين

الاماراتيه عجيبه خاصه البيزنيس كلاس مرييييح وكل شي فيه زين وايد احب هالطيران للمسافات الطويله

اير لنقس - الجزيره - الوطنيه للمسافات القصيره وتقزوره

طيران الخليج للمسافات الطويله تمرض تركبين صاحيه تنزلين مريضه

طيران الاتحاد للمسافات الطويله ماشي حالها بس المطار مو شي

الكويتيه شخباري هههههههه

ما اذكر بعد

Sn3a said...

جاي الضحي

تسلميين عروستنا
طمنتيني
انا احب الشي الخليجي احسه راهي والمعامله ممتازة
فمتخوفه من نفسيه البريطانيه وكراسيهم
اموت عالرهاة

ضحكتيني على طيران الخليج
جنه مستشفى مبارك;p

مشكووره

TruTh said...

انا مجربة البريتيش زينة و طيران الامارات روعة

اسوأ طيران جربته اهوا طيران الخليج

هالايام انا اخاف حيل من الكويتية لأن من زمااااان نسمع انهم ما يسوون صيانة للطيارات و الحين هالايام كل ما نقرا جريدة نلاقي اخبار عن اعطال و هبوط اضطراري و غيره في الكويتية و جد الله يستر لا نسمع وحدة طايحة قريب
الله لا يقوله

Sn3a said...

Truth

اي كلمن يمدح الاماراتيه
بس القطريه عالميا افضل اهيا المركز الثالث حسب ما اعرف
بس اشوه ردودكم ايجابيه على البرتش
مشكووووره

ساره النومس said...

الاماراتية

رورو الشخبوطه said...

انا ما جربت وايد..

بس الكويتين ..

يعني الجزيره والوطنيه والكويتيه..

وبالنسبه لي التوب فيهم الوطنيه ..

الكويتيه ماتسوى كلش وتتاخر وايد..

الجزيره ع قولت خالي راكبه باص..

خخخ..

وان شاءالله اجرب طيران يديد :)

I7na 3shagnaha said...

british is good
emirates is the best
watanya is cool and on time bas limited destinations

Sn3a said...

طموحه

وايد يمدحونها
بس الترانزيت 4 ساعات:(

رورو

تخيلي الكويتيه سعرها اعلى من غيرها اللي احسن منها مستوى
بس ستل تكسر خاطري:(
الجزيره جربتها لدبي وايران كانت زوينه
الوطنيه لحد الحين


احنا عشقناها

شوقتوني عالاماراتيه
بخاطري اجرب الوطنيه حق سفره قصيره بشوف شكل المطار والمقاعد
انا اهم شي المقاعد




ثانكس جميعا عالردود الحلوة

Anonymous said...

ana 3n nafsi ma arkab ella il british...

lo shino ma rekabt any other airlines that goes to Qatar o Dubai o 7altee 7ala... kilha 6 hours o o9al laish adouble el darb?!

Lo b3d il q8ya kanat khoosh 6yaran chan rekabt.ha lakin allah yhadahom o ye9le7hom ma tenrekeb...

Anonymous said...

ana 3n nafsi ma arkab ella il british...

lo shino ma rekabt any other airlines that goes to Qatar o Dubai o 7altee 7ala... kilha 6 hours o o9al laish adouble el darb?!

Lo b3d il q8ya kanat khoosh 6yaran chan rekabt.ha lakin allah yhadahom o ye9le7hom ma tenrekeb...

Sn3a said...

Daderma

انا من شفت بوست ال plain food
وانا ادري انج تروحين عالبرتش
بس اشوه معناته انج مرتاحه عليها
انا مشكلتي ماااحب القعده بالطياره ولا المطارات
فكنت خايفه من المقاعد ملوت البرتش
بس على قولتج كلها 6 ساعات

شكلي بجربها قريبا
ثانكس

|:| DUBAI |:| said...

سعيدة بالردود اللي ذكرت الاماراتية

وان شاء الله دوم نكون على قد المسؤولية

و عاشت الاماراتية

: )

ما أمدح لأني اشتغل فيها
لا لا والله لا

بس لان الاماراتية غير
في كل شيء

و جربت بعض الخطوط

ما وصلت مستوى الاماراتية

!!

مب 10 على 10

بس مميزة

: )