زهايمر

الفلم حلو

ومؤثر جدا سواء بضحكه او دمعه!

انا كنت متخوفه اروحله لان عادل امام لما كبر الله يهداه افلامه تفشل

بس ابوي كان بخاطره فكان بها

ملاحظه صغيره:
عادل امام كل ما يغسل ويهه بالفلم صبغه الشيب تذوب بالماي

يعني بالذمه محد لاحظ بالمونتاج لقطتين اذا مو اكثر

ملاحظه كبيره: جنه الاطفال منازلهم

يهال بو اشهر ليش يايبينهم

هالامهات ماكو احساس ووقت العروس اليهال محذفين عند الخدم

بالسينما هوايتها اذيه خلق الله!

KNCC:Laila

i know that KNCC doesn't apply Mondays half priced tickets on holidays
but why Laila cinema is the onlyone who do so

Eat .. Pray .. Love

it was rich and deep
i felt like i met a dear friend
i needed that friend
a friend that you need to talk with, listen to, dream and remember things together


i left pieces of my heart with each memory at each place
the movie collected them all,, arranged them
i got my heart again
i got my self back again

you just won't feel the audience, the noise , you'll gonna be there

you'll gonna be with her

هذي مو دعايه للفلم ولا حتى انصح تشوفونه

هذا بس شعوري لما شفته

واتمنى اشوفه مره ثانيه

بروحي

في جم مشهد بخاطري انزلي جم دمعه;p

أين تذهب هذا المساء 3

ECLIPSE!

EYANNEN!


Can't wait for The Breaking Down

أين تذهب هذا المساء 2

TOY STORY 3

Make sure to check out the 3D edition!

هالجزء مختلف وايد

ومؤثر بصراحه

وبتعرفون شلون مؤثر لما تشوفونه

note

بليز اللي عنده عيال نيو بورن ولا بو سنتين ترا السينما مو مكان مناسب !

اذونا هالناس بالسينما!

مو حاله هذي الابو يمسك بنته يغنيلها ويلعبها والام بجو ثاني مابقى الا يمشونها بنص المسرح عشان اللتل برنسس تستانس!

ترا عيب

Cinescape .. Serously!

Production of 2005

Common! where are the Arab Gulf investors , businessmen,,,etc!
we need another cinema company

I know what you did this Friday

Alice in Wonderland

me like

specially because

and





Life With Cocao

me like too

but the dark chocolate as i remember 62%
however, my dark chocolate should be more than 75%

i also tried Posh Cafe
can't judge it because i only had 4 kinds salad plate

My Name Is Khan

RECOMMENDED!

وايد حلو الفلم حبيته من صج

خصوصا ان مافيه اغاني وفجأه ميتين شخص يرقصون ورا الممثلين

الفلم ممتع ويشد

في كذا ملاحظه عليه منهم

ان ان شفتوه بتتذكرون Forrest Gump

وان في مشهد الممثل يقول ان بعد 3 ايام الانتخابات وفجأه ينتقلون لمشهد ثاني وبنفس اليوم وفجأه الانتخابات بنفس اليوم

جاملو وايد على حساب الاسلام مثل سالفه زواج المسلم من غير الكتابيه و حكم الزكاه لغير المسلمين مادري اذا يجوز او لا

وفي مشهد وايد عجبني لما الام تعلم ولدها ان الانسان اما صالح او طالح وهذا الفرق الوحيد بين البشر واساس التعامل وياهم

وهالشي يأكد عليه الامام علي سلام الله عليه لما يقول:

الناس صنفان, اما اخ لك في الدين او نظير لك في الخلق

بشكل عام انصحكم تشوفونه

MY NAME IS KHAN

SHAHROKH KHAN

KAJOL

مدته 165 دقيقه وفي بريك بنص الفلم

SJP and Desigual

Sara Jessica Parker

i saw her movie 'Did you hear about the Morgans'

she simply can teach us how not to act/behave when we are like 100 years old!!

it's funny how she refuses the fact that she is too old, she keeps jumping, behaving like 5 years girl with her scary hands!!

Desigual

it's open now
360 Mall ,Kuwait

what i like, what i don't

وايد حبيته

كافي منى زكي فيه

صج فيه شغلات ماعجبتني مادشت بمخي

بس عجبني كقصه وفلم وتمثيلهم روووعه

not recommended

-Living Room

ماني قايله غير جيكو عالاكل قبل لاتاكلونه

وعاملونا عادي حتى بس اعتذرو اعتذار بسيط ماجنه يهمهم سمعه مطعمهم!

-Fouchon

كاكاوهم حلو بس الكيك والكوفي نوووو

in love

With

New Moon

سينما و عشا

OMG!

هالفلم انا ناطرته

وتعمدت ما اشتريه دي في دي

تحسفت;p

اول شي اقولكم عن الفلم

اينن!

اول مره احس كاميرون دياز تعرف تمثل

جد شي شفاف

جنه يصير جدامنا

اهتمام الوالدين بالطفل المريض على حساب كل الاسره

وبس الباجي انتو شوفوه

طبعا الدموع اربع اربع

وليش تحسفت؟

بكل صراحه انا اكره 70% من اللي كانو وياي بالسينما اليوم

اللي يضحكون لما الممثلين يبجون

واللي تسولف بالتلفون لا وتصارخ زين انها ماقالت للموظفين يوقفون الفلم عشان خاطرها

واليهال ..ليش يايبه ياهل كل شوي يسال يماا ويماا استغفرالله!

ومنو؟ ربع البي بي ام ..طبعا السينما كان فيها سيرفس وماتسمع الا هالنغمات

***

Falafel Nadia

Overrated!!

ابوي يقول لو طالبه الصمونه بروحها احسن

عجبته الصمونه;p

انا عجبوني اكثر فلافل Napket

صج يم يمي

عرفت عنهم ببلوق الاخت انسام http://ansam518.wordpress.com/

وحتى فلافل الكلحه يم يمي

صبحج الله بالخير..بالليل;p

اليوم كان جدا ممتع
ترا بدت تعجبني البطاله خلاص مابي اداوم
;p

باجر عندي مقابله عمل
كاااشخه سنعه تروح مقابلات بعد

قمت اليوم صباحا لاني معزومه على ريوق ب Dean and Deluca
جان شنو اكل

طبعا دندرمه بدعت فيني شويه بريوق دين اند ديلوكا بالصور القاتله
http://danderma.wordpress.com/2009/07/06/the-yummiest-breakfast-in-q8-so-far/
ومايلي هو افطاري اللذيذ

احم احم

حبيت الوافل وايد ,علي بالف عافيه

واختي كلت بان كيك

وتمشينا بالافنيوز وكانت رحله ممتعه ورديت البيت

وانا للحين بخاطري شي:(

بخاطريUP

جان بالغلط ادش سايت السينما اختي قالت جربي وجان ما اشوف الجمله المعهوده Seat:0

شفت ان في كراسي تنطرني

وين؟

ب 360

ورحنا , صراحه حلو المجمع صج مابطلو الا جم محل بس له مستقبل واعد

لاتشوفوني شلون مستانسه لما سحبت التكتس

والله يهبلللل, اشوه اني رحت حدي حبيت الفلم صج صج حلو شكلي اخر وحده شفته بالكويت

اشوه اني رحتله ولا جان صار فيني شي;p

ولفت نظري مطعم زهر الليمون يبيله تجربه ان شاءالله عن قريب

وبعدين جان انزل جيان الجمعيه العوده;p

ولقيت كاكاو بو فلفل اللي قريت عنه ببلوق من البلوقات

اهو فلفله مو قوي بس اشوه ماحطيت بخاطري وذقته

واخر شي رحت بيت عمتي

كان يوم جميل وممتع وانختم بخبر حلوووووو الحمدلله

ربي يرزقكم احلى الايام ان شاءالله

-Update-أين تذهب هذا المساء

بما اني مازلت اعيش البطاله

حبيت افيد الاقتصاد وبالاخص السينما
انا كنت اكره السينما

ماحب ريحه اكلهم

ماكنت احب النفيش وماخلي احد يطلب ناتشوز لان اتنرفز منه
ومو فاهمه ليش الناس يطلعون من البيت عشان يشوفون فلم ويا ناس مايعرفونهم !

اوكي شفيه الدي في دي

جايز نفس السبب اللي يخلينا نقعد بكوفي شوب نشرب قهوه بدينارين وبالبيت نقدر نسوي احلى منها;p

غير جذيه التقصص بالافلام

يعني اوكي مقطع هذا شي لازم يقصونه

كلمه يقصون اخر حرف بالله ليش؟

استغفرالله جني عيوز ماني عارفه اكتب بوست بدون تحلطم

اني وي

وفجأه قمت اروح افلام من عقب ماكنت ما ادش السينما الا مرتين بالسنه

وفجأه قمت اكل بوب كورن مكس كراميل وعادي;p
خلال هالشهر دشيت 3 مرات

الاول The Night At The Museum 2:Battle of the Smithsonian

من بطوله Ben Stiller, Owen Wilson

صج اني موشايفه الاول لكن فهمت القصه

يقولون الاول احلى

انا المهم كان بخاطري سينما دشيت حجزت اونلاين ورحت

حتى ماكنت ادري منو يمثل فيه

بس الفلم جيد والله يونس

اهو باختصار عن لوحه معينه تبث الحياه بالتماثيل والمجسمات وعاد شوفو المغمرات

احلى شي الميني اينشتاين

والثاني The Proposal

انا وايد احب Sandra Bullock

ماكنت مقتنعه ب Rayan Reynolds

بس حبيته بالفلم , الفلم قصته عااديه جدا وباختصار اثنين واحد منهم يكره الثاني وبعدين لما يعرفون بعض يحبون بعض,عاد شلون يعرفون بعض عدل هذي حبكه الفلم

حبيته لان بنو احداث حلوة من قصه جايز مرت علينا مليون مره وحبيت هدوم ساندرا بولوك بالفلم;p

واخيرا وليس اخرا
اليوم رحت الكليه معرض مشاريع التخرج بعد شوي تلقوني اتحلطم بس خل اكملكم ريفيو السينما

رحت اليوم Taking of Pelham 123

طبعا الفلم من بطوله فارس احلام مراهقات اخر السبعينات اول الثمانينات John Travolta

والمبدع Denzel Washington

الفلم واايد حلو من صج حبيته مع ان مو نوعي سوالف جذي ,حبيته هم القصه عاديه قطار ينخطف ويبون فلوس اوكي شالجديد
يايكم الحجي

روحو شوفو الجديد ترا كلها 3 دنانير التذكره!

بس حلو لايطوفكم

***

قبل الفلم مثل ماقلتلكم رحت المعرض والمعرض مسوينه بخيمه!

الله يهداكم

ديره فلوس وخير عندها,وجامعات تنبني بره على حساب الديره

خو جان اجرتو صاله ولا فندق حق هالمساكين!

حررر والمشاريع مظلومه بالتقسيمه صراحه

فوق هذا مو مرتبيين حلاته كل قسم مشاريعهم يم بعض

صاير كيميكال جدامه مدني وصوبه كمبيوتر

يعني جد الطلبه تعبانين على شغلهم جذيه تسوون فيهم!

هذا غير المبالغ اللي انقطت عالمشاريع

صح ان هالخيمه اكبر من قاعه فاروق البرغش اللي كانو يسوون فيها المعرض

بس عالاقل قاعه فاروق البرغش اهيا بمبنى 14 خ
يعني الطلبه والمهندسين يقدرون يطلعون من المعرض يقعدون بالبراد

لا جد الكليه قاعده تصير مادري شلون! للأسوأ!

صج اني احبها وبالنسبه لي تظل احلى مكان عشت فيه احلا ايام بس الحق ينقال

لامبلغ سنع حق الرعايه

ولا حتى مبلغ الرعايه النتفه يستلمونه الطلبه مبجر

يستلمونه عقب مايخلصوووون

شدعوة عليكم

يعني الشركات معطتكم المبلغ للطلبه

عطوهم بدايه الكورس

سواء المبلغ انصرف كله ربعه نصه هالشي راجع للطلبه

مع انهم يدروووون ان المبلغ مايوصل نص اي مبلغ ينقط على اي مشروع

المهم خلونا من هالجامعه ومؤسسات الدوله اللي تييب الهم

الطلبه ..سوري سوري..المهندسين

ماشاءالله بدعو

المشاريع تينن وايد حلوة وللاسف من الحررر مامريت عليهم كلهم باجر بروح امر مره ثانيه

نصيحه روحو منها تشجيع للمهندسين ومنها تاخذون فكره عن معرض مشاريع التخرج ومنها جايز تتعلمون شغلات ييديده

المعرض مقام بخيمه تشوفونها على يساركم اول ماتدخلون بوابه -1- بكليه الهندسيه والبترولباجر الخميس اخر يوم والمعرض من 10 الصبح لين الساعه 4 ونص العصر

ولاتاخذون كاكاو وايد اخذو وعلطول اكلو لان اليوم الكاكاو ذاب وخرب جنطتي:(

-Update-:

احم احم

اليوم رحت

The Accidently Husband

بطوله Uma Thurman, Colin Firth and Jeffrey Dean Morgan

طبعا الفلم سخيف ومليق وثقييل عالجبد

بعدين صج اوما ثرمن ليمتى تمثل؟ جد والله خلاص جم مليون دافعين على راسها عشان هالدور السخيف

وعلقوله بمسلسل Paul Reiser Mad About You

يقول شنو يعني اسم وحده اوماا

وبعدين يعني

انا رحت الفلم لاني مالي خلق اقعد بالبيت بس المهم قلت اقولكم عشان لاتروحوله

القصه عن الحب الحقيقي وهالخرابيط

بس عجبتني جمله بالمسلسل

You Don't Have To Be So Right Every Time

جد الواحد لايكون متمسك بحقائق وافكار ولا يحاول كل شوي يصحح معلومه غلط ويعدل اخطاء غيره

التزمت شي منفر ويخلينا نشوف الدنيا بدون الوان

باجر وين اروح مممم;p