is she ME?-1- (A Story)

excellent sara ,well done

قالها الدكتور لما جاوبت على سؤال بالكلاس

ليش ماقمت افرح بهالكلام

قبل كنت احس اني ملكت الدنيا لما احد يمدح شغلي

دراستي

او طبعي

الحين

ابد!

wait ساره

هل هذا اللي تبينه

هذي الدنيا اللي تبين تعيشينها لين ربج ياخذ امانته؟

انتي شنو تحبين؟

تذكري

(كلمات اقولها لنفسي بعد كل شي يصير لي)

وانا صغيره

خل اذكر شنو كنت احب

مممم ..ادري اني ماكنت احب يعاملوني كياهل او يحملوني مسئوليه كبار

اني وي

كنت احب... العب باربي ,

واليهال يتروالي يحبون يطبقون احلامهم على العابهم

كانت باربيتي غالبا مديره بنك او مصممه ازياء

الحين انا شنو؟

ادرس هندسه

wait a minute..am i in the right place

ابطل عيني على صوت رفيجتي:

ساره .. وين وصلتي بيه خلصت المحاضره وانتي بعالم ثاني

ابتسم.. كاني قريبه ماوخرت بعيد

اشيل ملفي وامشي بالكليه

اوكي انا احب الدراسه

بس هل انا احب اكون مهندسه؟

اقعد بالكافيتيريا

اضيع بسوالف البنات

سبحان الله كل شخصيه مختلفه عن غيرها

يتروالي حتى الشخصيات اللي لهم مليون نقطه تشابه

تلقى نقطه اختلاف وحده تفرق بينهم

يسألوني: سوير..بالذمه شفتي نفنوف نانسي بهلا فبراير من صجها اموت واعرف ليش الشريطه السوده

والثانيه: انتي خلي الشريطه...ماشفتي فاطمه شلابسه بالكلاس ..مهوله بعمرها منو يلبس وردي ببنفسجي الحين

وانا ارد : تهقون مع كل هالاصوات اللي ماتبي النواب, خصوصا ربع الفرعيات وجماعه الرشاوي..اخرتها بيوصلون صح..

-ليش ماقمتي ياساره تتكلمين مثل باجي البنات..مو حزه تفلسف-

يطالعوني: ويه احنا شكو,

تنط لي وحده:

انا لو مقيده جان عطيت هيثم واي حده كيوت

اطالعها , ابتسم, بيني وبينكم ضحكت بداخلي حيل

والثانيه تساسرني

شفتي شيخه,تراها تشتري اصوات لولد عمها...وتقول مستعده توصل المبلغ لي البيت,ماعندج احد بدائرتهم

قلتلها: لا

يوصلني مسج من الغاليه:يما شتبين اسويلج غدا

نخلص دوام

وارجع البيت

وانا بالسياره

القى نفسي بدوامه الاسأله

ساره ليش صايره تافهه, ليش تبين سياره حلوة,ليش ماتحبين الناس يشوفونج بنفس اللبس مرتين , ليش هاميينج الناس

هل انتي من زمان جذيه؟

لا ساره ماكنتي جذيه

كنتي جدا قنوعه..بس شاللي غيرج؟

شاللي فقدتيه وخلاج تدورين على توافه لاتسمن ولا تغني من جوع

ابطل الرادو

ينساب صوت رويشد:وينك,ماوحشتك عيني وحنيت

وينه ياساره

وش يبي بعيونج

راحت عليج:)

مادري شلون لقيت نفسي سافطه ببيتنا

سبحان الله.لما الواحد يتعود على روتين على كلام على طريج معين يسوويه ومايحس بعمره

ضيعت 10 دقايق بعمري وانا اكلم نفسي

هل فعلا انا ضيعت 10 دقايق

او اني عشت 10 دقايق بعد ماضيعت سنين

ليش ماقمت اعرف نفسي؟

ماقمت اعرف اتعامل مع نفسي؟

ضعت بحروف الاسئله

ياترا سهل الجواب؟

بين الحكي والامثله

اقسي على نفسي بالحساب

يتبع

يمكن الموضوع غريب

لكن ساره فيها شي مني

وابي اعرف علاجه

ثقيل طينه

لين وصفت حالك والظروف

صرت اناني الطبع وثقيل طينه

ماهو بطبعك تشتكي من اللي تشوف

لكن تحسبه الحبيب اللي يحاتيك وتعينه

صارت همومك ثرى

وحرقه قليبك دلع

والاه مالها قلب يستمع

***

ماقلنالك من الاول تجنبها حسوف

خل همك لك.. غيرك يستهينه

خلك قلبك لك.. لاتبيعه بالوف

وحلو المشاعر ختامها جروح.. حزينه

وتتساءل حينها وش جرى!

وينكسر خاطرك من ما سمع

وحرقه قليبك

!يحسبها دلع

***

يوم رتبت الهموم واخفيتها بين الرفوف

عشان توفر لخاطره السكينه

وحملت شوقك اللي كان يثقل هالكتوف

صرت بعينه تمثل كسره النفس اللعينه

وهو بجرحك مابرى

ولا اهتز لصرخه وجع

وحرقه قليبك

يحسبها دلع!

______________________

دعواتكم

توني سويت جراحه لورمه بحلجي

العوار بدا يطلع لان البنج بدا يخف

نحبج..بس من عيالج فيه محتاجين!

اذا عالحب

حبج عجز عصفور يشدو فيه

واذا عالخير

بحر ماله نضوب يفنيه

واذا عالارض

جنه الدنيا ..رملج تبر نخجل ندوسه

واذا عالشعب

ترا في منه يغطيه الحرير وفي عشان لقمته عايشه بحوسه

واذا علينا

ربي يخليج

ولنا يحفظج وينميج

مكانج عالراس

ومحد من بين كل هالناس

بيهجرج لو مالقى لقمه

او بينساج لو مالقى في مستشفى سرير

لو ماعرف وش معنى حرير

وكان ستره قماش خيشه

بيحمد ربه بصباحه وبالليل

اللي كتبله في ارض الكويت عيشه

تذكـــــ ! ـــر

يباغت اباه

ويطلق لساقيه العنان

وكأنه يهرب من شي ما

يرتطم برجليها

برائته كطفل لاتخفي شقاوته

وصوت والده يناديه ويتوعده بالعقاب الكبير فهو قد فشلهم!

تثني ركبتيها حتى تقارب طوله

وتناظره

اطالت النظره

انها تعرف عينيه الجميلتين

بل انها تحفظ تماما تلك التقاسيم

يقترب الوالد

تراه

يختل توازنها فتمسك اقرب كرسي حتى تقف

تناظر الوالد

ها هو والده

وهي من كان يفترض بها ان تكون الام!

يقترب خطوة ويرجع خطوتين

تمسك الطفل تضمه تشم شعره بكل انفاسها

تقبل جبينه

وعينيها تناظر الطفل الكبير الذي قد كبر معها

وتدلل بحنانها

وتمتع بمشاعرها

ورحل

تمسك يدي الطفل

حتى تقدمها لوالده

تمضي

فتسابق دموعها خطواتها على الارض

حتى تخلف اثرا رسم ذكرى اخيره على فصوله

بل ربما تكون الاولى

فهي حتى الان لاتعلم ان كانت تنبض بالحياة بعد انتقال قلبه الى جوف اخر!

تذكر .. لما كنا احباب انت وانا؟

تذكر, لما كنت تغيب..وكنت انا اشتاق..والثواني تمر! اطول من سنه

لما ترجع (بابتسامه) انسى نفسي و (الملامه) وكل شــــي يغيب..الا انت..وانا!

http://iraqi.salmiya.net/songs/rabab/ram/rabab84.ram

هالاغنيه timeless

enjoy!

ذكريات

وش يفيد الماضي فينا

غير امل عدانا, وفات

غير قلب بصغره.. مات

غير احزان تهجر الدنيا وتجينا

الا يالغالي تعال

انا من زمان كان بودي اسئلك

يللي قلم الخواطر ماجف واهو يكتبك

ليه بعد ماكان ودك تصرخ بهالدنيا بهوانا

صرت منه تبتعد و تستره تحت الظلال؟

ماهو اللي بينا كان خطوة نحو رابط بالحلال؟

ولا لعبه مغامر!

لعبه اسمها.. حب ..عابر

تعال

تعال
خلنا نتذكر ثمر الايام
تعال نشوف شالللي زرعنا
واللي سقينا من بحر الالام


تذكر؟
لما كنت ناوي تدرس بعيد.. خنقول تهجر!
جايز لأني ماعرفت اتعامل مع بعد المسافه
وقلبي عمره صغير.. جهل كيف يصبر!
كابرت وكابرنا..
رحلت وتوادعنا
لبست احزاني بلون الغرور
و كفي ودعت لحظات السرور
قلت.. مانساها لج.. بعتي من شراج .. منهو غيري بيتحملج!
طبعج صعب
قلبج صعب
صعب
وصعب

ورحت هناك..
والوقت يحسب

وبعد سنين طوال
كبرت
وكبرنا
و سبحانه كتب
تجمعنا خيوط المسافه
وكلمن يستذكر سنينه
ويعيد كلمه حسافه!
خطيت خطوة لورا
لماضي بلحظاته سبق اشواقنا و.. جرى
ماعرفت اخطي للامام
وانت ذكرى ماضيه عيت تنام!

يشاغبني احساسي بالخطا
لاني من طفى السرى
وظلم باسبابي الطريج.. طريجنا

باعنادي.. اخمدت الهوى!
ببرود الوريد.. اللي دمك هاجره..

حاولت اغير كل مافيني..
دورت الغرور اللي تخبى بين حجرات الخفوق
وهدمته
وتهاوى قلب جمعنا

قلتلك
يافلان
محتاج تبنيني
انا مليون قطعه مبعثره..
دور يدي
وامسكها
ونظراتك..تدخل عيوني .. وتقرا خطوط حمره
فيها
توقدت جمره
وهرولت على وجني .. لحين شاغلتني ودخلت بين الشفايف
وحرقت كل ما لمسته بسفرها
ودخلت قلبي
حاولت
ماقدرت
حبك .. كسرها.. ضعفت وسكنت داخل
احلفك
دورها
ابعدها
واجمع البقايا
شكلها مثل ماودك تشكلها
انا مالي بهالدنيا جناح
ارسمني من جديد
للبنت اللي ودك بهالدنيا تشاركها

لاتعاند
ولاتمسك السمع وكل مافيك يصرخ
مثل مانت واقف على هالباب جامد
تراني على وجهه الثاني اسمع انفاسك .. اقرا خطوط يدك على خشب جاف كنها ترويه وترد لونه للحياة
حلفتك بالله
رد لوني
ولا اقولك
لوني على كيفك .. بس مد يدك وساعد
وافتح الباب الوحيد
وعلمني وش معنى سعيد!
تراني نسيت اللغه وماذكر الا اداه التخاطب
انت..بس اللي اذكره
انت..ياللي اطلبه

واللي اغير لجله حدود الهوى.. وارسمله حدود جديده
تعال
القلب بارد
وكفك يقيده

بعد ما اصرخ.. شسوي؟

شخصيتي غريبه
مصدر غرابتها
اني عشت بكل مرحله من حياتي حياة مستقله تماما عن الاخرى
طفوله ملتصقه باهلي منعزله عن العالم بما فيه
مراهقه منعزله عن اهلي متصله بالعالم بكل مافيه
شابه منفصله متصله

الكل جرب يفقد صديق
بس اكثر شي يؤلم
او يضحك
ان نفقد باكج من الاصدقاء
بكل سنه شخص
وبكل شخص تسأل ليش
وماتلقى جواب
جايز الصداقه تختلف
صحيح انها كلمه غير مطاطيه
لكن نيه الشخص لما يقيم هالصداقه ماتكون نظيفه 100%

صديقاتي السابقات
الى لحظه الخلاف
كانت الواحد منهم كفر يدفيني
مخده تجمع دموعي
وكتاب يجمع لحظاتي
ما انكر
غالبا ماقصرو معاي
لكن بالاخير
عوضو كل هالاهتمام بطراقات

والحال نفسه بالنسبه حق قريناتي من الاهل

هالشي خلاني لفتره معينه منعزله
اراجع نفسي
طبيعي مو كل الناس غلط وانا الصح
لكن اللي ضعت فيه
شنو الغلط
او شنو اهو الصح!

ماعلينا
كانت دايما تمر علي لحظات اتمنى فيها اختبر الحياة بدون احد
شسوي
ان كنت على جزيره منعزله
مافيها الا انا
شنو اول شي بسويه
؟
اصارخ
يس
ابي اصرخ من قمه راسي
ابي اجرب صرخه قمه الراس هذي اللي يقولون عنها
وبعدين؟
ابي اركض
اركض لين ينهد حيلي
الركض مريح حيل
بره الديره
استغل فرصه ان رحنا مثل رحلات لمناظر طبيعيه
اني اركض حيل
جد الحيويه اللي تلبسني تكون حلوة والهوا نظيف وبارد

وبعدين؟
عقب كل هذا
راح اقول يريت احد معاي

المشكله ان احنا نعرف بعجزنا عن الحياة بدون ولا شي
لكن نتمناها
قالها الامام علي سلام الله عليه:
رب دهر بكيت منه,فلما صرت في غيره..بكيت عليه

ليش نطمع باشيا
ماراح ترضينا
او جايز
ترضينا لفتره بسيطه جدا

بس السؤال:
شسوي بروحي بعد ما اصرخ؟
شبسوي بروحي بعد ما اركض؟

كن .. صديقي بتفسيراتي الخاصه!

سوف ابحر لعالم خاص بنا نحن النساءاكاد اجزم ان ما امرأة قد قرأت الابيات التاليه او سمعتها بصوت السيده ماجده الرومي ولم تسافر في عالمها الجميل

بالنسبه للشاعر:

الدكتوره سعاد الصباح

سعاد محمد الصباح ، مواليد 22 مايو 1942. شاعرة وكاتبة وناقدة كويتية حاصلة على درجة الدكتوراه في الاقتصاد والعلوم السياسة، وهي المؤسسة لدار سعاد الصباح للنشر والتوزيع عام 1985. تجيد اللغتين الإنجليزية والفرنسية بالإضافة للغتها العربية الأم. تم تكريمها في العديد من الدول لإصداراتها الشعرية وإنجازاتها الأدبية ومقالاتها الاقتصادية والسياسية.
من ويكيبيديا


كن صديقي

1-
كن صديقي.كن صديقي.
كم جميل لو بقينا أصدقاء
إن كل امرأة تحتاج أحياناً إلى كف صديق..وكلام طيب تسمعه..
وإلى خيمة دفء صنعت من كلمات
لا إلى عاصفة من قبلات
فلماذا يا صديقي؟.لست تهتم بأشيائي الصغيرةولماذا...
لست تهتم بما يرضي النساء؟..

من منظوري الخاص.. ان هذا الصديق هو حبيبها لكنه بشكل ما او باخر لم يعلم ان علاقه الحب تجمع الاخوة والصداقه بالاضافه لمشاعر الحب
فهو يرفض سوا ان تكون حبيبته يتبادل كلام العشاق معها دون ان يسأل عن حزنها او يستفسر عن غيابها احيانا فهو لا يعلم ان النساء يحبون كلمات الرجل الحقيقيه ولا يميلون لمجرد كلمات استنزفت في الاغاني والافلام


2-
كن صديقي.كن صديقي.
إنني أحتاج أحياناً لأن أمشي على العشب معك..
وأنا أحتاج أحيانا لأن اقرأ ديواناً من الشعر معك..
وأنا – كامرأة- يسعدني أن أسمعك..

فلماذا –أيها الشرقي- تهتم بشكلي؟.
.ولماذا تبصر الكحل بعيني..ولا تبصر عقلي؟
.إنني أحتاج كالأرض إلى ماء الحوار.
فلماذا لا ترى في معصمي إلا السوار ؟.
ولماذا فيك شيء من بقايا شهريار؟.

بالنسبه لي هذا مقطعي المفضل
شخصيا احس برائحه مطر نظيف حينما اقرأ هذه الابيات
فما اروع تلك اللحظات من السير لوقت طويل وحتى رؤيه شريكها يخوض في الحديث .. يكون بشخصيته الجديه
ولكنه لا يقابلها سوى بكلمه: انت جميله والتي بظنه انها ستسعدها كما علمته ابجديات الرجوله السابقه
فهي تريده ان يتكلم بشي سوى احبك وحبيبتي ونحب واحببنا
يريد اسكاتها كما كان شهريار


3-
كن صديقي.كن صديقي.
ليس في الأمر انتقاص للرجولة
غير أن الرجل الشرقي لا يرضى بدورٍغير أدوار البطولة..
فلماذا تخلط الأشياء خلطاً ساذجاً؟
ولماذا تدعي العشق وما أنت العشيق.
.إن كل امرأةٍ في الأرض تحتاج إلى صوت ذكيٍ وعميق.
وإلى النوم على صدر بيانو أو كتاب..فلماذا تهمل البعد الثقافي..
وتعنى بتفاصيل الثياب؟

الرجل الشرقي يسعى لصداقه من لايمكنه تملكها ويرى في تلك الصداقه انتصاراو بدايه انتصار ليصل لمرحله التملك فلا يريد ابدا ان يكون صديقا بل يريد الحب الا..
يريد ان يكون هو .. هو فقط في حياتها سواء شاءت ام ابت.. بل سواء كانت تريد التريث والتأكد من مشاعرها حتى لاتظلمه فيما بعد
تحتاج لصوته لمساندته تحتاج لكونه قريب


4-
كن صديقي.كن صديقي.
أنا لا أطلب أن تعشقني العشق الكبيرا..
لا ولا أطلب أن تبتاع لي يختاً..وتهديني قصورا..
لا ولا أطلب أن تمطرني عطراً فرنسياً ..وتعطيني القمرهذه الأشياء لا تسعدني ..
فاهتماماتي صغيرة وهواياتي صغيرة
وطموحي .. هو أن أمشي ساعاتٍ.. وساعاتٍ معكْ.
تحت موسيقى المطر..وطموحي، هو أن أسمع في الهاتف صوتكْ..
عندما يسكنني الحزن ...ويبكيني الضجر..

كالعاده الانثى لاتريد قصور تحجزه
اتريد وجوده فقط


5-
كن صديقي.كن صديقي.
فأنا محتاجة جداً لميناء سلام
وأنا متعبة من قصص العشق، وأخبار الغرام
وأنا متعبة من ذلك العصر الذي يعتبر المرأة تمثال رخام.
فتكلم حين تلقاني ...
لماذا الرجل الشرقي ينسى،حين يلقى المرأة، نصف الكلام؟
.ولماذا لا يرى فيها سوى قطعة حلوى..وزغاليل حمام..
ولماذا يقطف التفاح من أشجارها؟..ثم ينام..

تريد الوقوف لمده بعيدا عن سيناريو العشاق بملذاته وجروحه
تريد ان تكون انسانه بدل ان تعامل كامرأه المطلوب منها ان تكون كامله..
كامله بنظر الرجل فقط

هذه كانت تصوراتي الخاصه

فحين اعشق اغنيه خصوصا ان كانت بلغه فصحى او انجليزيه

احب ان اقرأ كلماتها واتخيلها من منظوري الشخصي