-t7deeth-بلملم اوراقي..وبنوي عالسفر

تامروني على شي؟

بٌكره السفر

l jaw mooo 9ej

bs el wath3 b7amdooon! shesalfa mako ausralieen kella 5lejieen

tagged..

ID Name: Sn3a …

My friends called me: well I can't write it :P

My Nickname(s): AaDoo… Narjesya
Birthday: 12th of Oct 1986

Major:Chemical Engineering

Job Title: Chemical engineer on the end of January 2009 ,, til now am just a student

...

...

Favs

.Boys name : A7mad..Fahad..3li..7assan..7sain..Yousef

Girls name :Fatma..Lujain..Jood..Jawa..Wajd..

Perfume : Mont Blanc..Chloe..Miracle

Fruit : Green Apple.. Strawberry
Veggie : carrots..,broccoli..lettuce..mashrom

Fast food place : Mcdonalds..ana a7ebba:P

Favorite cartoon character : Lady..Sally..Marocco..Betty Boop, Floona..
Animal : hate them all..yakh

Ice Cream : Hagen Daz..yummyyyy Belgium chocolate specially

...

...

Have u ever ?!

Bungee jumped : I may try it this summer,, but don't count on that:P

Used someone : I did..;S
Had bloody nose : no

Played truth or dare : no

Put your tongue on a frozen pole: lool I did not

Been in a physical fight:yeah,,with my brothers,,but long time ago
Knocked on wood: yes

Broken a bone : no hopefully never

Broken the law: no

...

...

Last Time

Laughed and why : in the morning..dad spokes FARESY with many many many badleyat:P
Cried and why? : maby 4 days ago..don't remember why

Hugged someone and whom ?mother..no reason

Recieved a Call and from whom ?daddy.. he pick me from collage with mom

Used a Pen and what did you write ? : wrote my name on my last final then continue the test with a pencil

Took a Shower: yesterday

Put Make-up On :today

Ride a bike : mmmm 7-9 years ago

...

...

What does it mean to you ?

Your family: means the world to me ..

Your home: my comfort..

Your friends: people that try to make me smile..whenever..wherever

Yourself: well.. me is me .. sometime I get aggressive..others I feel alone hard to deal with actually

Your birthday: as any other day..what really make it special is my mom's and dad's kissYour

bedroom: love to keep it either quiet or noisy.. well ma7eb a7ad yg3ad weyay feeha hatha mkany broo7eee

Your car: used to love driving..not any more

Your mobile :well '3aleban saket..bs ethat bedegoon 3alay l nas aw sms kella y9eer eb wagt wa7ed

Your PC/laptop: e5tarbat ba66areeta:( a7ebba my HP Pavillion dv6000

Blogging: a7eb all about itMoney: bedoona ash3er bel ekte2ab:P

...

...

Right Now

Eating: No.

Thinking : meta y2athen

Smelling: nothing

Watching:shahat l lap top,noor hal mosalsal l maleeq..so laish tshofena sn3a?

Listening to : stupid conversation between l de3la muhannaaad and the d3la nor

Feeling: : sleepy

Wearing: PJ's

Waiting for : nothing

Hating: todays final@@

Missing: nothing

Loving: none

Worried about: my weight

Planning: nothing

Annoyed with: my mother comments

...

...

Mention two things that...

Make you happy: yam3atna ana ommy o oboy o e5wany.. reaching my dreams
That you're obsessed with:Shopping..sleeping

Make you sad:feeling alone sometimes.. feeling unproductive
You hate: lamma yefhmony '3ala6.. o lamma a7ad yesta3be6

You're doing: this tag nothing else

You like to eat: burgers..italian food

Smell Bad: Asian food including see food … some people are well dreassed but they don't bother to take a shower

That we probably don’t know about you:my name.. my other face:P
That you did today:nothing important

That are dangerous : speeding..trusting people

That you'e good at: a7el l mashakel.. bs not any more, am good at convincing people ..also not any more…

That hurt: comments.. lonelyness

...

...

Random

Tell us something your "3ax el nas": mmm .. madry

Can you play any instruments? : no

List four things that you are less than 3 meters away from: mirror..calculator..mobile..mug..my labellloooo

If they were to make a movie about your life, what would that movie be called?day of Sn3a's life:p

Have you ever been told you look like someone, if yes, who? : no ,

What bad habits do you have? :mmm a7eb ag3ad eb coffee shop weya rfejaty o net6ammash 3al ashkal l '3reeba..o lamma ma a7eb a7ad ma ajamla o akser feeeeeh

If you could have one day being the opposite gender, What would you do?smallah 3alay..nothing ,, bur frankly I will travel alone

Worst Thing that has happened to you this year : being lazy in winter semester getting only b+'s.. and something bad I don't wanna talk about

What's your current Habba Song?no air no airrrrr, bleeding love and LABBAIH

Any last words ?
Was nice long tag
Thanks for spending time reading

منذ 18 سنه نزفت الكويت من جار..والان تنزف من اهل الدار!

شهدائنا
وشهدئنا الاسرى

ماراح ننساكم
وحتى لو شالو الغزو من كل الكتب
واخباره من كل الجرايد
لو هدمو بيت القرين عشان لايجرحون شعور فلان وعلان
بنظل نعلم عيالنا
وبنقولهم عنكم
وبنفهمهم ان الديره بامان لين صارو عيالها مثلكم
سنيهم مع شيعيهم
بدويهم مع حضريهم
لما الدم اختلط
رجعت الديره

ربي حماها لطيبه شعبها
ربي حماها لايمانهم القوي فيه
وربي حماها وبيظل يحميها ان شاء الله لين خلينا خلافاتنا وشفناها

عسى بس نكون كفو هالارض
وكفو ترابها
وكفو ان احنا كويتيين مثلكم
وكفو ان نسكن على ارض دمكم رجعها

سامحونا
بس وعد
بترجع الكويت
اللي انتو حميتوها

كل ريال فيكم ابونا
وكل شاب اخونا
وكل مره اهيا امنا
وكل بنت تراها اختنا

مافيكم غريب علينا
الله يعلم الظروف اللي مريتو فيها
الله يعلم الالام اللي تعرضتو لها
العذاب النفسي
التكسير والتجريح
قلع العيون الاظافر
قص الاصابع
الخنق
الضرب
الاهانه
من منو؟ من امه ربي غاضب عليها
من خمه ديرتهم منبع للشر بكل زمان
من ردايا ماحفظو من قبل نسل نبينا

صحيح مو كل اهل العراق ظلمونا
لكن احنا شفنا مظاهر حقد البعض
وفي قلوب للحين مليانه حقد وماتبين


شكرا
لدول الخليج
اللي لو شنو نختلف معاها بتظل شالتنا وشالت عيالنا واحفظت كرامتهم
شكرا ل
السعوديه
الامارات
البحرين
قطر
عمان

شكرا ل
مصر
سوريا

شكرا ل
امريكا
بريطانيا
فرنسا

اما دول الضد
حمدلله حالتكم من ردا الى اردا والحين تيون ديرتنا تطرون البيزة عقب ما اذيتو عيالنا حسبي الله عليكم

همسه للكويتيين فقط
ماعوركم قلبكم على حال الكويت
لاسمح الله لو صار غزو ثاني
تهقون بترجع الديره؟ واحنا اخر همنا نكفر غيرنا .. اخر همنا بيزة نحصلها من صوت .. واخر همنا ناكل ونشرب والديره قاعده تنوكل

الله يحفظج ياكويت
ويخليلج عيالج البرره والبرره فقط


-تنويه
للاسف ماحصلت كل الاسامي للشهداء وللشهداء الاسرى فقلت من الافضل اني ما احطهم عشان لا انسى اسم وترا كان بين هالاسامي اسامي شهداء بدون دمهم ماغفرلهم واحتسبهم ضمن الاعمال الجليله وفق شروط حكومتنا الجليله والعظيمه

ال ايه
ال بيسمونه الغزو الصدامي
خير ان شاء الله


عنوان البوست اهو اساسه
اتقو الله بديرتكم
خلو الخلافات تفيدكم وتزيد ثقافتكم بدل من انها تفرقكم
احنا شكو بغيرنا
خلونا نرد ديرتنا نظيفه وحلوة وامنه مثل قبل

دايسه 180..زقرت مو؟

كافي

يتروالي مافيني احد عنده شي اهم من نفسه او اخوه او اخته او امه او ابوه

قبل يوم وصلني خبر عن وفاة احد الشباب بسبب حادث
وهالشاب وحيد امه يعني بظرف دقايق امه انكسرت احلامها
بظرف دقايق الشاب صار بدون مستقبل
وبهالدقايق انتقل الى مكان اخر في امان الله


المشكله ان شنو
ان الدوس صاير فخر للشباب والبنات بعد
ماتقعد بمكان الا وتسمع فلان شاخط 140 ولا علان حياته كلها تبتون بالسيايير
ولا بنت مستانسه انها بغت تسوي حادث (بس) الله حماها .. يعني وناستها ان الله حماها نست انها بغت تروح وبغت تخلي شخص ثاني او ثالث يمكن يروحون


من الوفيات اللي سمعت فيها

-شاب طالع من بيتهم بعمر الزهور للحين ماشاف خير الدنيا من شرها رايح يشتري لامه كيكه بمناسبه عيدميلادها
لا الشاب شرا كيكه
ولا اهو رد حق امه
والام من سنين للحين تشوف صورته وساكته
-بنت توها بتصير عروس..رايحه تشتري جهازها عمرها ماصار 20 ترد لاهلها ميته ليش؟ الام للحين ماشافت بنتها بفستانها الابيض ولا الريال عاش عمر وياها وبنو عايله
-بنت معروف عنها الاخلاق وبر الوالدين تنقلب بجيب على البحر ليش؟ لان شاب مع احترامي حمار كان يتحرش فيها واذاها بالطريج وراحت البنت من اهلها والابو عينه مازالت تدمع بصمت على بنت احسن تربيتها وماشافها تعرس ولا شاف احفاده
-شاب طالع مع ربعه قروب سياكل ومرته بالبيت يدقون عليها المستشفى تعالي..البنت تروح تتمنى ان مافيه شي او ان مجرد اجراء روتيني ..تشوفه والشرشف مليان دم ومغطي عيونه .. البنت حاليا عمرها 45 وللحين تمسك صورته
-شاب توه خاطب ونفس الشي بسيكل رايح بسيكل للنادي.. العمه تدق على اهل الخطيبه ولدنا توفى بحادث والبنت توها شاريتلها نفنوف ملجه لا اهي لبسته ولا امه شافت ولدها يصير معرس

ترا هالقصص غيض من فيض
مو مهم منو اللي دايس
مو مهم
الموت حق وجايز يزور الشخص بكل الحالات ..نايم مريض يسوق بالدوام صايم فاطر مصلي مسمي بديسكو اي مكان واي ظرف
لكن مانكون احنا وسيلته


اللي يدوس مايدري ان وراه ام تنطر.. او زوجه ولهانه عليه..او اخو معتمد عليه.. او ابو يشوف فيه الدنيا..او اخت تستند عليه؟
مايدري ان وراه دنيا للحين ماعاشها وان الشارع مايقدر يتحكم فيه ومايقدر الا ان يدير باله ويسوق عدل
ماهمه كل هذا ماعليه

مايدري ان بالشارع غيره يهتم
ريال راد من دوامه حق عايلته ولهان عليهم
بنت توها خالصه امتحانها بترجع تطمن اهلها
شاب رايح المسيد
او عروس رايحه الصاله
او معرس امس زافينه

ان كانت حياتك مو مهمه كيفك!
بس حياة الناس ماتقدر تعاملها نفس الشي

ماظنتي ان في شي بالدنيا اهم من صحه الشخص وسلامته
ولا ظنتي ان احنا واايد واثقين من اعمالنا وصلاتنا وصيامنا اللي مستعيلين لهدالرجه على الحساب والقبر
يتروالي كلنا مقصرين

اتقو الله بانفسكم واهلكم
واتقو الله بغيركم!

لاتقطعون قلب مثل هالابو!

http://www.youtube.com/watch?v=nMcSd422LV8

الوطن زادت جراحه!

خلنا نبدي بكل صراحه
البلد زادت جراحه
اللي يطعن بالرموز
واللي نسى شنو يعني يجوز
وتغنى باللي مايجوز
والذيول اللي ودها
برضى روس عفنه تفوز

شافوالبلد كيكه كبيره
كلمن يطمع بنصيبه
مافكر بشقى ابوه وجده
وشيطانه مافكر يصده
وادعى ان الحاجه تحده
والبلد صارت نار
والله يعل النار تحرق كلمن
نوى على الكويت يمد يده

وشهي حاجه يامواطن
وانت بارض الخير ساكن
جنب الباب سافط البورش
وحمام سباحه بوسط الحوش
ومنت مقصر بالرتوش
ومن مطعم لقهوه لسينما
حيل تملي هالكروش


اللي طلع بلا دليل
واللي بمرض البوق عليل
واحنا مالنا الا الشكاوي
هذا باوروبا من انفلونزا يداوي
وهذا قول بلا فعل للجذب هاوي
ونقول خير ديرتنا لبره
ردو الديره نظيفه والله ملينا رجاوي

لكويتنا الماضي كلا فينا الحنين
اللي حماها دم بيت القرين
يوم كلمن عارف وطنه ودينه
وتفاخرنا بوجود احدث مدينه
ياللي حاط الكويت بنص عينه
وينك .. ارضك عيت تناديك
بيدك حطم اطماع لعينه

اشتقت الى ان احب

ونحن في غمره استمتاعنا بهندسه الحروف التي تراقصت على لحن مميز وخرجت لنا باغنيه ترنم بها جيلين وهي لاخطاوينا
-لا لاتخاف..حاول حبيبي
حاول حبيبي..ولا تخاف
-مابقى بحبنا بعد..شي عليه ينخاف

تغلق الرادو على نحو مفاجئ وترمي بسؤال مفاجئ اكثر
ماودج تغنينها من قلب؟
بخبث البنات اتساؤل؟ كيف.. لمن؟ ماكو شغل
تضحك
انا ودي احب
فانثر بذور احلامها الاولى باستفساري غبي.. لكن لم يدر بخلد احد ربما من قبل: شلون ودج؟ شنو اللي ودج تسوينه.. او شنو اللي ودج تعيشين فيه
فترمي بخصلاتها التي قد لاعبت اهداب عينيها العسليتين وتسند ظهرها على باب السياره
وتقول : انا راح اقولج
فارمقها بنصف عين مستصغره ماتقول واخرى مترقبه القادم وعين تناظر الشارع الذي امتلأ بمركبات جميله واخرى غريبه مما يبدو ان وجودنا في (شارع الحب) اثار لديها الشوق لشي قد عاهدنا انفسنا على هجرانه بعدما رأينا فيه نيه لتركنا هو الاخر
تقول:
بالبدايه.. اتمنى ان اعيش شعور ان اكون في مكان..وليس اي مكان..بل مكان مكتظ بالناس وان تجذب عيناه عيني واكون وحدي..من اراه بطريقه اخرى, ان انظر الى بخجل حينا وان اوجه نظري من ذات الخجل الى شيئ اخر ..وان اراه بفضول حينا اخر, اود ان اشعر ببروده المكان وحراره قلبي الذي اضعفته دقاته حتى انه يعد الثواني للرحيل الى جوف اخر .. ارغب بان يراني وحدي.. وان يثير غيرتي برؤيه اخرى وينصب عينيه ليرى رده فعلي الغاضب الذي اعجز ان اغلفه بشعور اللامبالاة
اتعلمين..حينها سيكون ذات المكان المكتظ لا يحوي سوا كلينا وان نسمع بوضوح نبضاتنا المتبادله
من الغريب انني متلهفه لاشعر بقلقي حينما يهم بالرحيل فاسعد بخطواته المتثاقله والتفاته يريد ان يضفي عليها طابع اخر .. انه التفت لظنه نسى شيئا ما.. بل انه بالداخل علم تماما انه للتو وجد ماكان مفقودا فاتعذر برغبه للدخول الى دوره المياه القريبه حتى ارتب اهدابي التي جذبها ماتجهله فيه
وحينها اعد تلك العيون منها من هو واضح في طيات الوجه ومنها التي انتصفت في القلب انها ستروى من حضوره يوما ما

فتتنهد وتراني ضائعه ابحث عن حلمي في حلمها وتقول
توقعتج تضحكين
جهلت اني في تلك اللحظات كنت ابحث عن حلمي في حلمها واراه متشابه..ربما جميعنا البنات نتشابه باحلامنا لكننا نختلف في الوانها وتزيينها فقط
واقول: لم اجد حبا يطفو بتلك الامواج المتراطمه
فتجيب بابتسامه: جمال الاشياء يكمن بانها موجوده ولكن علينا استخراجها
فاحسست بغبار تلك المشاعر التي نفضتها في داخلي لما المكابره فمن لا يشتاق للحب او مايشابهه
فاقول: اكملي

فتقول فما يلي تلك اللحظات ربما يمتد لايام وربما تبقى مجرد لحظات فان كتب لها الاستمرار
فاني اريد ان اراه في ذات المكان يوما اخر
وان تعتريني رياح التساؤل عن الخطوة التاليه.. او النبضه التاليه ان صح القول.. حينها اريد ان اتظاهر باني نسيت من يكون.. واريده ان يتظاهر بالمثل حتى انه يحاول ان يخفي نظراته المصوبه باتجاهي بدخان لفافه التبغ التي تراقصها اصابعه
وتضيف
واصل تدخينكَ .. يغريني
رجلٌ .. في لحظةتدخينِ
ما أشهى تبغكَ .. والدنيا
تستقبلُ أوّل تشرينِ
والقهوةُ .. والصحفُ الكسلى
ورؤىً .. وحطامُ فناجينِ
دخّنْ .. لا أروعَ من رجلٍ
يفنى في الركن .. ويُفنيني ..
رحم الله نزارا..فقد قال كل ماودت انثى قوله في كل لحظاتها

فتكسر الهدوء بقولها: ترا الاشاره خضره ..وين رحتي
ابخل بالحقيقه واقول: مادري شلبس حق الدوام
لاتصدقني..فهي تعلم ان لدي اقسى قناع يخفي اضعف امرأه في الدنيا
فتزيد:
ساعه اريده ان يتقدم الي ويكسر كل جزيئات الهواء التي تفصلنا ويكلمني واخرى..اريده برزانته جالسا هناك..بعيدا يتسائل عن الخاتم الذي يزين خنصري والذي لربما يحدد اتجاه خطوته القادمه .. اتعلمين.. ساترك تلك الخطوة له فقد بالغت باحلامي التي شملت استراتيجيه الرجل وذاته

فماعلى الانثى الا ان تملك كل الادوات وتترك هذه.. فخطوته هي من ستحدد استجابتها

فترفع من صوت اذاعه خجوله بما لديها من اغنيات ربما تحمل من المشاعر بعضها.. فصديقتي هذه قضت على كل محاوله اخرى لترجمه ماهيه الحب

فيحين دور الست بالحديث وتقول:
رجعوني عينيك لايامي اللي راحو..
علموني اندم,على الماضي وجراحو
اللي شفته..ابل ماتشوفك عينيا
عمر..ضايع..يحسبوه ازاي عليا؟

فهي تحلم بلحظات..وتحلم حتى بشخصيه من سياعيشها تلك اللحظات

اما انا فارقب مركبه تسير بجانبنا وكان هو فيها هو من ملك ماضيي وتوسد احلامي القادمه يعيش حلم فتاة غيري بنفس الدور الذي كان مرسوما له بمخيلتي الا انها زينت حلمها بابن منه يداعبه حينما يصل كل اشاره حمراء في شارع الحب

فمن الخطأ ان نبني احلام تشمل غيرنا ونحزن حين يكون لهم احلامهم الخاصه

احـــــــنا..واهم!

قريتلج شعر حلو كاتبته بمجله
صج؟ اي انا احب الادب واحاول اكتب اشعار او ابيات حلوة بس قلت اخليها هوايه وادخل كليه العلوم الاداريه حسب كلام صديقاتي اضمن لمستقبلي
نو , غلط.. انتي سوي مستبقلج..مو تخلين احد يحددلج شنو الاضمن وشنو لا
عدل.. بس انا اقتنعت برايهم
قود..
انزين توعدني ماتردني ؟
امري
تقولي شنو اللي قريته لي على فنجان ساخن من الشوكالاته اللي تطالبني اياها
بيه..متذكره
اي مانسيت
توقعتج نسيتي.. او يمكن نقول تناسيتي؟
يلا نروح؟
ورفيجتج
اكيد شافتني اكلمك وراحت كملت حوستها لما تبيني تدق

بالكوفي شوب

كل شي تغير
شكثر صايرلك مو ياي الديره
سنتين
تصدق..مع انهم مو وايد لو حسبناهم..بس الديره باللي فيها بتغير مستمر وسريع
يعني كل يوم تشوف شي ييديد..تسمع افكار ييديده..تشوف اشكال غريبه..

اي والله اشكال غريبه صدقتي
بالله هذا شنو اللي فوق راس هالبنات..خلينا صريحين..كلا الجنسين يتجملون للاخر.. وفي منهم للمنافسه
فكري فيها,اذا الشباب نفسهم لايعه جبودهم من هالمنظر.. فمعناته نروح حق الاختيار الثاني
ان البنت قاعده تسوي بعمرها جذيه عشان تنافس غيرها من البنات
معناته في وحده خبله قالتلهم ان هذا حلو وقصت عليهم..واهم قاعدين يتبارون بالحجم واحنا نضحك
انتي لي تحجبتي مو تسويلي هالسوالف

(تضحك)..اي الله كريم

اي الله كريم عدل ماكو اكرم منه .. بس حضرتج ليمتى مطلعه هالكشه وهالسيقان مو عيب عليج

اقول حسين

خلاص اسف ماتدخل

اي عفيه عالشاطر.. حسين بقولك شي

ادري شبتقولين..ماعليه انا مو زعلان,بعدين انا طلبت منج تدزينلي ايميل ان وافقتي .. وان لا ماله داعي تكسرين وانتي سويتي اللي طلبته

مادري.. ترا مو لعيب فيك ولا شي لكن انا الحين..
يقاطعها
فاطمه, لاتبررين من حقج تسوين اللي تبينه.. وانا كنت متسرع يمكن بس ماحبيت تروحين بدون ما اقولك اللي بقلبي ..فاطمه انا مو صغير.. انا فاهم موقفج وفاهم ان هالخطوة كبيره

اوكي.. بس بغيت اقولك انها كانت فتره حلوة وايد وحبيت كل شي فيها.. صحيح اني درست لغه لكن تعلمت اشيا وايد غير هاللغه, وعمري ماراح انسى اي مكان كنا فيه او اي شي قلتلياه.. حسين انا عزيتك وايد..مانكر اني انعجبت فيك وقتها .. بس بصراحه خفت..خفت اني اظلمك باني اخليك علاج من شخص ثاني.. والعلاج فتره وينتهى وانا مو استغلاليه.. انا سافرت بقلب مكسور.. ورديت بقلب قوي خلاني اكسر غيره, انا كتبتلك الرساله بس مادزيتها
كنت كل يوم من وصلت اكتبلك فيها شي ييديد وقبل لايعدون الاسبوعين بيومين قريتها.. شفت كلام انسانه ثانيه.. شفت كلام وايد.. خفت ومادزيت الرساله مادري شالسبب.. انا اخاف من الشي اللي ماعرفه..و اخاف اكثر من اني افقد شي اعرفه.. خفت ادزها .. لاني خفت افقدك بعدين

فاطمه بس, انا ماقلتلج برري
.. رديتيني اشهر ورا
ذكرتيني بحالتي وانا مثل الياهل اللي يوقف عند الباب ينطر وصول امه وابوه
كنت امسك اللاب توب كل مكان يافاطمه كل مكان.. قمت اسمع رويشد يقول وينك, ماوحشتك عيني وحنيت؟ ومثل المينون ارددها وراه , حتى اغنيه ردي الزياره يتروالي الاي بود مل منها
تدرين فاطمه.. انا مادشيت الجيم عشان اظعف ولا عشان صحتي
انا دشيت لاني كرهت حسين الضعيف اللي عاش عمره قوي واخرتها قلبه يخليه ضعيف كنت بغير هالحسين.. بخليه شخص ثاني,ببنيله شخصيه ثانيه .. بس اليوم..الحين دريت انا لو شنو اسوي ماراح انسى شي انا شخصيا مابي انساه
واشوفج الحين جدامي صحيح انتي تغيرتي لكن بكل بساطه انتي كبرتي .. نظرتج توسعت للدنيا
بس فاطمه انا مابي اكون ضعيف.. خصوصا جدامج
انا لما كنت بالطياره كنت ادعي اني ما اشوفج وبنفس الوقت ادعي تكون رده فعلج حلوه ان شفتيني
بذمتج شفتي مثل هالتناقض

حسين
هلا
سوري
قلتلج لاتأسفين
بس منتي هينه ها
شلون؟
تسإلين ان كنت بيي ويا الشباب يالنتفه
شدراك؟
قالي وهابو.. عاد بيني وبينج..انفرجت اساريري

(تضحك) انفرجت اساريريك ها
لاتخليني اعيدها ترا قعدت احفظها شهر

فطوم
يس
ميس يو
مي تو

بس بليز ابي تلفونج..تلفوني طافي ومادري وين الشباب

اوكي

كاهو تلفونك يرن..

اي ادري انا دقيت عليه عشان اسيف رقمج خفت تدلعين وماتعطيني اياه وبصراحه مو كيفج غصبن عليك بكلمج كل يوم سواء تبيني ولا لا
والحين يلا قومي جدامي روحي حق رفيجتج ماله داعي احد يشوف قاعده مع مزيون وبعدين يسيء الظن فيج ولا شي
مزيون
ليش انتي شايفه شي ثاني
لا حشا يلا جاو جاو
جاو يالغاليه

جود وينج؟
اشرب هوت جوكليت بالكوفي شوب شفييج
يالعياره.. تتطنزين وينج
يم اول محل دخلناه

بالسياره

جود:يه وانا بضطر منج الحجي
شتبين تعرفين
كل شي وصولا الى العطر اللي حاطه
اوكي .. كان يقول
يقاطعهم صوت المسج
ترا بغيت اتكن وما ادزلج شي الا عقب جم ساعه.. بس ماكو فايده فيني المهم ان فضيتي عطيني خبر

اولا بدينا مسجات .. بعد
وانتي شفيج يه مستعيله خو نطري اقولج
اقول فاطمه
هلا
عسى دوم
شنو اهو
اني اشوفج جذيه فريش وماكو هموم على قلبج,شبتسوين
بعطي نفسي.. او بعطي نفسنا فرصه نشوف

اوكي.. بس ديريبالج مابي اشوفج منكسره.. او مهمومه.. فاطمه انا اقربلج من اخوانج واعزج وايد صحيح فهد اخوي بس ماعرف قدرج عدل او يمكن مكابرته خلته يفقدج لكن مابي اسمح لاحد يردج للحاله مثل قبل

انشالله

بالليل

ماعدت اخشى من هجر شمس النهار
دامك معي اللي تشوفه يبتعد
ولا همني ليلن نوا يعلن قرب الانكسار
بجنبك يحلالي اشوفه للنهايه يستعد

تكتب ابيات وتمسحها وتعدل بغيرها وتضيف لغيرها كلمات
غريبه
لما تحس بوحده تكتب عن احساسها باقوى الكلمات ويكون بامكانها تكتب حتى عن حب ماعاشته.. او شوق ما ارتوى.. او حب مانفذ
لكن .. لما تكون احاسيسها مختلطه.. تكون سعيده.. ماتقدر تترجم هالمشاعر بقصيده او بيت شعر

الو
مسا الورد فاطمه
مسا النور هلا والله
شلونج؟
بخير
انت شخبارك
الحمدلله
مشغوله؟
لا ابد توني بتصل
عياره محاتيه رصيدج
يوز عني انا فواتير
عيل لو ادري ناطر
خلاص راحت عليك.. سولفلي وين رحت وشسويت
الله يسلمج رحت بيت يدي وتالي ديوانيه الاهل وسوالف وعشى وشفت يهال ماكنت ادري بوجودهم
الله يهداك بعد غايب سنتين ماتدري عنهم

مرو ساعات
وظل حسين يقول كل شي وماينسى اي تفصيل
فطوم يلا نماز تايم صلي ونامي غثيتينا بهالسوالف الي ماتخلص
(ونماز لغير المتحديث بالهجه العيميه المتفرعه من اللغه الفارسيه فهي تعني الصلاه)
انا غثيتك ماجنك مبطلي الرادو بل ماتسكت حتى لون هدوم دكاترتك بالكليه قلتهم
يلا لاتطولين حجي خنصلي وننام
تصبح على خير
فاطمه
هلا
ثانكس جد حبيت كل شي صار بهاليوم
مي تو, سويت دريمز باي حسين
باي عيونه انتي

صلت .. بس مانامت كانت تبتسم واهيا تذكر كل كلمه او كل موقف قاله لها
غريبه بيوم وليله تشوف كل شي بطريقه مختلفه
بس مابي اتفائل وايد
ليش ما اتفائل؟
نشوف شيصير؟

يصيحها صوت التلفون
بونجور
اهلا بونجورين شلونك
صح النوم يلا وين النشاط والحيويه
الله يهداك امس نايمه عال 6 مقومني 11 تبي نشاط وحيويه
6؟ شمقعدج؟
مادري مانمت علطول
فكرتي بشنو؟
وايد اشيا
فاطمه فكري بالاشيا الحلوة
فكري بالاشيا اللي تبينها تصير
مو تفكرين باشيا سلبيه
واو اشيا ماتبين تمرين فيها

ان شاء الله .. شنو بتسوي اليوم

والله مادري.. عطيني اقتراحات.. بس من هالاقتراحات اني اشوفج

ولليه ضروري يعني؟

نعم؟؟ شنو ولليه.. خلاص يبا مابي اشوفج زين .. بسألج سؤال
تفضل؟
شنو اللي فكرتي فيه؟ بتعطينا فرصه؟
نستاهل هالفرصه

النهايه