لهم ..ولنا!

لندع لهم الاقوال

.

.

.

لندع لهم الافعال

.

.

.

وليدعو لنا ..الكمام

my diet reward:Chocolateness

بونسوار

انا توقعت لما اوزن بعد الالتزام هذا القى وزني صفر

مانزلت الا نتفه:(

بس الفتره قصيره فبنطر لين نهايه الشهر جووود استانس

بس الحمدلله انزل ولا اصعد

عاد عشان اعالج حاله الاكتئاب شنو كليت؟

;p

عاد شكثر كنت اشوفه ببلوقات وكان يشوق لما اشوف صوره بالفيس بوك

http://www.facebook.com/home.php?#/group.php?gid=61160777216

لذييذ

واهم شي ان خفييف ومايقث

صج احلى مولتن ذقته

كانت تجربه ممتعه خصوصا اني مو ماكله كاكاو من مادري متى

جربوه

للطلب:99906890

الصوره من القروب بالفيس بوك

المولتن كليتها بمعرض يلا شباب فما مداني اصور;p

تمرية ديا

كل عام وانتو بالف خير

وربي يتقبل منا ومنكم صالح الاعمال

سؤال محير

تلفوناتكم فيها كاشف؟

اعرف الجواب

بس ليش كل مسج رمضاني او معايده ينختم بــ: فلانه الفلاني او فلان الفلاني

انا استغرب رغم اني مرات اسوي نفس الشي

ولا الحين هابين بسالفه ييديده

المهندسه فلان الفلاني

ولا الدكتوره فلانه الفلاني

زين ليش يعني

الكبر لله ياعالم

وبالمناسبه

تمرية-خرما جارمك- ديا وديا اللي اهيا يدتي الله يطولي بعمرها

تعلن عودتها بقوة

فها هي ديا كعادتها في كل مارمزون-رمضان- تجلس بثقه خلف الدريول الذي يتخطرف في انحاء المناطق القريبه اثناء القايله دون ان يتجرأ بالاعتراض

يمي يمي التمريه

ودلعتنا بخبز التبدون اليوم بعد

مع اني حساويه 50 بالمئه الا اني بديت من جم شهر باكل التمر

وابوي يايبلي انواع مختلفه من مكه شرفها الله والمدينه المنوره احتفالا بعوده الفرع للاصل منها العجوة واللي يذكرني بفوايدها وانها غاليه بالقيمه والسعر;p

وبالاضافه لانواع المعمول

ومع كل هذا

هالرمضان انا صايمه عن هالمغريات

اطالعهم ومبرطمه

ربنا يدييمك ياكورن فلكس فتنس;p

إنا لله وإنا إليه راجعون

لا حول ولا قوة الا بالله

حريق في محافظه الجهراء يخطف اروح نساء واطفال

الضحايا تجاوزو ال 44 امراه وطفله

والجرحى بالعشرات

الادله الجنائيه تدعو اهل الضحايا للتعرف على الجثث

المستشفيات لم تستوعب الاعداد

وقوانينا تقر بعد مصائبنا

جم بيت فقد بركته؟

يهال تيتمو

ويهال انطفت شمعتهم

اللي فقد امه

واللي ذبلت بنته بهالحريجه

واللي راحت اخته بدون وداع من هالدنيا

الله يرحم ميتهم

ويشفي عليلهم

ويصبر قلوب اهلهم

عظم الله اجرج يالكويت على هالمصيبه

محافظه طول بعرض مافيها الا مستشفى واحد يقدم خدمات طبيه اقل من المتواضعه

برقبة منو؟

درينا هذي سياسه

ودرينا بالواجبات الانسانيه

لكن مايجوز هالشي والديره نفسها بحاجه

سياسيا هالشي مقبول بل واجب لا ويريت عاد حامدين ربهم وشاكرين

نصهم ياكلون من خيرنا ويسبونا بعد اللقمه

بس هل ربي راح يتقبل مساعدات الكويت للدول واهلها معتازين جم مستشفى على جم بيت على جم شارع يتعدل؟

الاهم

هالضحايا بيحللونكم؟

تلفزيون حاطلي فلم

والثاني يدورله فتنه مني مناك حق رمضان

حافظج الله ياكويت

شنو البلوى اللي ناطرينها عشان تجابلون الديره؟

وانتو تتبرعون مني ومناك

وانتو تزورون الدول سياحه على بو اجتماعات

وانتو تمرون يم مناطق تشيب بالنسبه لكم

تخيلو منظر رب اسره فقد ايده اليمين بالبيت

او سايرو دمعته لما يشوف كتاب جامعه لبنته ومابقى الا اسبوع للفاينل بس لسان النار كان اسرع

ولا اقولكم شلون

تخيلو بنت مهي قادره تربط شعرها لان امها احترقت بالعرس

ولا اقولكم شتتخيلون.. شاب راجع من الدوام بيطل المطبخ بيشوف امه شنو بتسوي فطور بس يتذكر ان امه هدته قبل رمضان بايام لان الاسعاف اللي كان شايلها وصل مستشفى الجهرا وردوه لان فل

الموت حق

لكن التخبط واقع

2-8

يا واحد يا احد يافرد ياصمد
ياودود ياودود
ياذا العرش المجيد
يا فعال لما يريد
يا من امره بين الكاف والنون
يا من امسك السماوات
وثبت الارضون
ياقادر ياكريم يارحمن يارؤوف يارحيم
اني اتوجه اليك وارجوك يا الهى ان تصلي على محمد وعلى ال محمد
وان تحفظ الكويت وتجعل بلدنا امنا يا الله
ربي احمها من شر يتربص بها خارجها وداخلها
ربي ارزقها الامان وارزق شعبها الاطمئنان واكتب لهم العيشه الكريمه تحت شمسها وفي ظلها يا وهاب
ربي اجعلنا كفؤ لهذه النعمه وتقبل منا الشكر يا من رزقنا شرف الكويت
ربي ارحم شهدائها وارجع من تغرب عنها نية او قسرا
ربي احفظ شباب و شابات الكويت واجعل نموها وتقدمها بهم
واطل في عمر ابائنا فهم بركه هذا البلد
وامنن علينا بمستقبل عظيم لاطفالنا

يا من رحمته وسعت كل شيء لاتجعل فيها محتاجا, مسكينا ,مريضا , فقيرا او جائعا
واطل في عمر شيوخنا وارزقنا البطانه الصالحه ذات الضمائر الصاحيه ياقوي يارب

يارب
ان هذا البلد صغير المساحه
الا ان ارض الدنيا لاقيمه لها امام حبة من ترابه
يارب فمن اراد ان يكيد فيه فكده ياعزيز
وثبت ايماننا في قلوبنا واجعل الدنيا اخر همنا
وتقبل منا ياكريم

اللهم صلي على محمد وعلى اله وصحبه اجمعين

another lovely tuesday..

مسا الخير

اليوم كان عندي شغله الصبح

(ترا من زمان ودي اقول عندي شغل او عندي شغله اقضيها لان الكل يقول هالكلمه ويحسسني اني مو انسانه مهمه لان ماعندي شغل!)

اني ويززز..

خلصت الشغله الساعه 8 وعشر صباحا

رحت مركز سلطان الرعب-فرع السالميه-

شريت اشيا مابيهم وماي

شفت مسافط مرينا كرسنت تصفر

جان اتذكر الwish list

وحده من امنياتي اني اقعد بكافيه بروحي الصببببح

لاني بصراحه morning person

المهم وبناءا على تجربه البطاطا الحره المغموسه في حمص باللحمه والصنوبر من قبل البلوقر

مطعم باكه http://freej-alhailag.blogspot.com/2009/07/blog-post.html

ابت سعادتنا الا ان تخوض هذه التجربه ايمانا بمبدأ البلوقرز ذوقهم حلو بالاكل اعتمادا على تجربه وافل دين اند ديلوكا ;p

بصراحه اول مره اجرب فيلا فيروز كل اللي طلبناه كان مقبلات وشبعنا

الاكل لذيذ+راهي

واهم شي ان الجماعه مستغربين شلون اني اجرب اماكن ييديده واعرف شطلب;p

وبما ان لازم نحلي خو

ريحنا بالبيت شوي

ورحنا جربنا strawberry millefeuille بلورينزينو

اهم شي اني جيكت السبلنج بقوقل;p


بصراحه ماذكر انا وين شفتها وتشوقت عليها اما ببلوق او بالفيس بوك لكن اشوه كانت لذيذه وخفيفه

وماكو سينما اليوم ;p

صبحج الله بالخير..بالليل;p

اليوم كان جدا ممتع
ترا بدت تعجبني البطاله خلاص مابي اداوم
;p

باجر عندي مقابله عمل
كاااشخه سنعه تروح مقابلات بعد

قمت اليوم صباحا لاني معزومه على ريوق ب Dean and Deluca
جان شنو اكل

طبعا دندرمه بدعت فيني شويه بريوق دين اند ديلوكا بالصور القاتله
http://danderma.wordpress.com/2009/07/06/the-yummiest-breakfast-in-q8-so-far/
ومايلي هو افطاري اللذيذ

احم احم

حبيت الوافل وايد ,علي بالف عافيه

واختي كلت بان كيك

وتمشينا بالافنيوز وكانت رحله ممتعه ورديت البيت

وانا للحين بخاطري شي:(

بخاطريUP

جان بالغلط ادش سايت السينما اختي قالت جربي وجان ما اشوف الجمله المعهوده Seat:0

شفت ان في كراسي تنطرني

وين؟

ب 360

ورحنا , صراحه حلو المجمع صج مابطلو الا جم محل بس له مستقبل واعد

لاتشوفوني شلون مستانسه لما سحبت التكتس

والله يهبلللل, اشوه اني رحت حدي حبيت الفلم صج صج حلو شكلي اخر وحده شفته بالكويت

اشوه اني رحتله ولا جان صار فيني شي;p

ولفت نظري مطعم زهر الليمون يبيله تجربه ان شاءالله عن قريب

وبعدين جان انزل جيان الجمعيه العوده;p

ولقيت كاكاو بو فلفل اللي قريت عنه ببلوق من البلوقات

اهو فلفله مو قوي بس اشوه ماحطيت بخاطري وذقته

واخر شي رحت بيت عمتي

كان يوم جميل وممتع وانختم بخبر حلوووووو الحمدلله

ربي يرزقكم احلى الايام ان شاءالله