Thursday 22 October 2009

Thanx Ansam;>


مسا الخير
اليوم الصبح صورت هالصوره
وبتعرفون السالفه الحين


Ansam




كانت مسويه مثل مسابقه
تحط صور
وقراء البلوق يخمنون وين هالصوره






هالصوره من بلوق انسام


وانا فزت
وهالصوره طبعا من نابكت
الافنيوز phase 2

هذا اهو البوست


واليوم الصبح
استلمت الهديه
ثانكس وايد انسام
ونستيني وايد
وماقصرتي

Tuesday 20 October 2009

I Support



Good Luck

والله معاكم يا رب
**
الصوره من قروب المصمم م.محمد العنزي

Saturday 17 October 2009

سينما و عشا


OMG!
هالفلم انا ناطرته
وتعمدت ما اشتريه دي في دي
تحسفت;p
اول شي اقولكم عن الفلم
اينن!
اول مره احس كاميرون دياز تعرف تمثل
جد شي شفاف
جنه يصير جدامنا
اهتمام الوالدين بالطفل المريض على حساب كل الاسره
وبس الباجي انتو شوفوه
طبعا الدموع اربع اربع
وليش تحسفت؟
بكل صراحه انا اكره 70% من اللي كانو وياي بالسينما اليوم
اللي يضحكون لما الممثلين يبجون
واللي تسولف بالتلفون لا وتصارخ زين انها ماقالت للموظفين يوقفون الفلم عشان خاطرها
واليهال ..ليش يايبه ياهل كل شوي يسال يماا ويماا استغفرالله!
ومنو؟ ربع البي بي ام ..طبعا السينما كان فيها سيرفس وماتسمع الا هالنغمات
***
Falafel Nadia
Overrated!!
ابوي يقول لو طالبه الصمونه بروحها احسن
عجبته الصمونه;p
انا عجبوني اكثر فلافل Napket
صج يم يمي
عرفت عنهم ببلوق الاخت انسام http://ansam518.wordpress.com/
وحتى فلافل الكلحه يم يمي

Sunday 11 October 2009

turning twenty somethin' ;p




انا حالي حال معظم البنات



اكره واشدد على حرف الكاف



اكره ازيد بالعمر






ياربي انا عشت سنين مجابله كتب لا مراهقه ولا شباب



علطول خط سريع






اذا حساب البنك



صار من زينه لين الشباب



حتى الازرق ما مر علي



والحين يقولولي حساب لك اللي اهو حساب المستقبل مال البنات الكبار






ربنا يسامحكو:(






المهم



الحمدلله على كل حال



لله ما اعطى ولله ما اخذ شنسوي بعد









الحمدلله وانا بهالعمر ربي كتبلي اسوي اهم الاشياء اللي المفروض اسويها



وبمناسبه عيدميلادي اللي يصادف غدا الاثنين



اليوم كليت ماك دونالدز من بعد مقاطعه شرسه تمتد الى 10 اشهر مضت;p









و






Happy Birthday To Me;p


















***






تنويه:الكيكه اللي بالصوره من


The November Bakery






عنوانهم:






دليتو؟


ييبوها لي باجر;p


___________




تحديث:)


كان يوم جميل


ابتداءا من الافطار كسيده في le notre


وانتهاءا ب عشاء كشابه على ضوء الشموع وين؟


Slider Station of corse;p


وصدف ان كان في احد عيدميلاده نفس اليوم


الكيكه كانت مجسم سيكل


بس ماذوقونا;p




وكيكتي الصجيه
اللي كانت هديه من صديقتي الجميله
Thaanx 7bebtee;**
واحلى شي انها كانت مفاجأه حلوة ماتوقعتها


حياكم



الكب كيك من
little treats
عنوانهم
Salmiya, Al-Wataniya complex, Mezzanine floor
والرقم:
2.57.57.292
والصراحه
احلى
frosting!!
ذقته

Thursday 1 October 2009

في مركز تجميل

في مركز التجميل رجوتها:
اجعليني مختلفه

فكم شهدت تلك الخصلات الامي
ولكم تبللت بدمعات ساخنه
لا اطيق طولها ولا انسيابها بشكل ثابت .. ممل
فهي كما الهموم
تزيد ثقلا على رأسي
فتعجز كتفاي عن تحمل المزيد
حتى اصبح مجرد رفع رأسي مهمه صعبه
اخرجت ماغزاني من دموع
قل الضغط ..ولم يختفي
رتبت بعض الهموم
استقر عدد منها في قلبي
واخرون فضلو اعلان وجودهم الاسوداسفل عيناي
اه ليتك تعلمين
ان كل شعره تلمس الارض انهزاما.. تهزم بذاتها احزاني

قصي لي غره
اريد ان ابدو صغيره
اريد ان ابدو كما هو سني
اريد ان ابدو كما اريد ان اشعر.. وكما اريد ان اعيش

اريد ان يبدو شعري جميلا ..بل لذيذا
لونيه بلون الشكولاته الداكنه
فهي المفضله لي
وحينما تنتهين

ارسمي عيناي
اجعليها شقيه
فسألقي عباءه الإمرأه الشرقية
لوني شفتاي بروح التوت
فهذا اللون يشعرني بدفئ الليل وانتعاش شمس الصباح

لقد رميت كل ما هو ممل في خزانتي
لا ابه بالوان منسقه
ولا ابه ان ابدو كناضجه
اريد ان ارتدي الجينز متى ما اردت
ولا ابالي ببضع سانتيميترات تضاف الى طولي بهذا الحذاء الذهبي الجميل
فليبدو الكون حولي قصيرا

ولتبق الان وحيدا
فقد حان الاوان!
لن انظر للاسفل بعد الان لاراك
بل عليك ان تبحث عن من يساويك طولا..وقيمه