I Support

Good Luck

والله معاكم يا رب

**

الصوره من قروب المصمم م.محمد العنزي

http://www.facebook.com/groups.php?ref=sb#/group.php?gid=136571102741

جمعيه المهندسين الكويتيه

تقيم جمعيه المهندسين الكويتيه حفل لتكريم المهندسين المشاركين
في معرض مشاريع التخرج الاخير للفصل الدراسي Spring 2008-2009
مابي اترجم الفصل لان كلش مايلوق;p

وذلك في تمام الساعه السابعه والنصف من مساء هذا اليوم , السبت 27 يونيو 2009



الف مبروك للمهندسين وتستاهلون كل خير

وان شاءالله منها للاعلى

وربي يوفقكم بحياتكم العمليه



هذا لنك الخبر

http://www.kse.org.kw/newsDetailsar.aspx?news=119

-Update-أين تذهب هذا المساء

بما اني مازلت اعيش البطاله

حبيت افيد الاقتصاد وبالاخص السينما
انا كنت اكره السينما

ماحب ريحه اكلهم

ماكنت احب النفيش وماخلي احد يطلب ناتشوز لان اتنرفز منه
ومو فاهمه ليش الناس يطلعون من البيت عشان يشوفون فلم ويا ناس مايعرفونهم !

اوكي شفيه الدي في دي

جايز نفس السبب اللي يخلينا نقعد بكوفي شوب نشرب قهوه بدينارين وبالبيت نقدر نسوي احلى منها;p

غير جذيه التقصص بالافلام

يعني اوكي مقطع هذا شي لازم يقصونه

كلمه يقصون اخر حرف بالله ليش؟

استغفرالله جني عيوز ماني عارفه اكتب بوست بدون تحلطم

اني وي

وفجأه قمت اروح افلام من عقب ماكنت ما ادش السينما الا مرتين بالسنه

وفجأه قمت اكل بوب كورن مكس كراميل وعادي;p
خلال هالشهر دشيت 3 مرات

الاول The Night At The Museum 2:Battle of the Smithsonian

من بطوله Ben Stiller, Owen Wilson

صج اني موشايفه الاول لكن فهمت القصه

يقولون الاول احلى

انا المهم كان بخاطري سينما دشيت حجزت اونلاين ورحت

حتى ماكنت ادري منو يمثل فيه

بس الفلم جيد والله يونس

اهو باختصار عن لوحه معينه تبث الحياه بالتماثيل والمجسمات وعاد شوفو المغمرات

احلى شي الميني اينشتاين

والثاني The Proposal

انا وايد احب Sandra Bullock

ماكنت مقتنعه ب Rayan Reynolds

بس حبيته بالفلم , الفلم قصته عااديه جدا وباختصار اثنين واحد منهم يكره الثاني وبعدين لما يعرفون بعض يحبون بعض,عاد شلون يعرفون بعض عدل هذي حبكه الفلم

حبيته لان بنو احداث حلوة من قصه جايز مرت علينا مليون مره وحبيت هدوم ساندرا بولوك بالفلم;p

واخيرا وليس اخرا
اليوم رحت الكليه معرض مشاريع التخرج بعد شوي تلقوني اتحلطم بس خل اكملكم ريفيو السينما

رحت اليوم Taking of Pelham 123

طبعا الفلم من بطوله فارس احلام مراهقات اخر السبعينات اول الثمانينات John Travolta

والمبدع Denzel Washington

الفلم واايد حلو من صج حبيته مع ان مو نوعي سوالف جذي ,حبيته هم القصه عاديه قطار ينخطف ويبون فلوس اوكي شالجديد
يايكم الحجي

روحو شوفو الجديد ترا كلها 3 دنانير التذكره!

بس حلو لايطوفكم

***

قبل الفلم مثل ماقلتلكم رحت المعرض والمعرض مسوينه بخيمه!

الله يهداكم

ديره فلوس وخير عندها,وجامعات تنبني بره على حساب الديره

خو جان اجرتو صاله ولا فندق حق هالمساكين!

حررر والمشاريع مظلومه بالتقسيمه صراحه

فوق هذا مو مرتبيين حلاته كل قسم مشاريعهم يم بعض

صاير كيميكال جدامه مدني وصوبه كمبيوتر

يعني جد الطلبه تعبانين على شغلهم جذيه تسوون فيهم!

هذا غير المبالغ اللي انقطت عالمشاريع

صح ان هالخيمه اكبر من قاعه فاروق البرغش اللي كانو يسوون فيها المعرض

بس عالاقل قاعه فاروق البرغش اهيا بمبنى 14 خ
يعني الطلبه والمهندسين يقدرون يطلعون من المعرض يقعدون بالبراد

لا جد الكليه قاعده تصير مادري شلون! للأسوأ!

صج اني احبها وبالنسبه لي تظل احلى مكان عشت فيه احلا ايام بس الحق ينقال

لامبلغ سنع حق الرعايه

ولا حتى مبلغ الرعايه النتفه يستلمونه الطلبه مبجر

يستلمونه عقب مايخلصوووون

شدعوة عليكم

يعني الشركات معطتكم المبلغ للطلبه

عطوهم بدايه الكورس

سواء المبلغ انصرف كله ربعه نصه هالشي راجع للطلبه

مع انهم يدروووون ان المبلغ مايوصل نص اي مبلغ ينقط على اي مشروع

المهم خلونا من هالجامعه ومؤسسات الدوله اللي تييب الهم

الطلبه ..سوري سوري..المهندسين

ماشاءالله بدعو

المشاريع تينن وايد حلوة وللاسف من الحررر مامريت عليهم كلهم باجر بروح امر مره ثانيه

نصيحه روحو منها تشجيع للمهندسين ومنها تاخذون فكره عن معرض مشاريع التخرج ومنها جايز تتعلمون شغلات ييديده

المعرض مقام بخيمه تشوفونها على يساركم اول ماتدخلون بوابه -1- بكليه الهندسيه والبترولباجر الخميس اخر يوم والمعرض من 10 الصبح لين الساعه 4 ونص العصر

ولاتاخذون كاكاو وايد اخذو وعلطول اكلو لان اليوم الكاكاو ذاب وخرب جنطتي:(

-Update-:

احم احم

اليوم رحت

The Accidently Husband

بطوله Uma Thurman, Colin Firth and Jeffrey Dean Morgan

طبعا الفلم سخيف ومليق وثقييل عالجبد

بعدين صج اوما ثرمن ليمتى تمثل؟ جد والله خلاص جم مليون دافعين على راسها عشان هالدور السخيف

وعلقوله بمسلسل Paul Reiser Mad About You

يقول شنو يعني اسم وحده اوماا

وبعدين يعني

انا رحت الفلم لاني مالي خلق اقعد بالبيت بس المهم قلت اقولكم عشان لاتروحوله

القصه عن الحب الحقيقي وهالخرابيط

بس عجبتني جمله بالمسلسل

You Don't Have To Be So Right Every Time

جد الواحد لايكون متمسك بحقائق وافكار ولا يحاول كل شوي يصحح معلومه غلط ويعدل اخطاء غيره

التزمت شي منفر ويخلينا نشوف الدنيا بدون الوان

باجر وين اروح مممم;p

شكرا..لجمعيه المهندسين الكويتيه

السلام عليكم

يوم الاربعا اللي طاف وبتاريخ 18 مارس 2009 اقامت جمعيه المهندسين الكويتيه حفل لتكريم الطلبه المشاركين بمعرض مشاريع التخرج الاخير في كليه الهندسه وكانت الحفله في جمعيه المهندسين طبعا

وبصراحه الحفله كانت جدا ممتازة من عده نواحي اهمها التنظيم والفيديووو اللي بحطه لكم بعد شوي

الحفله كانت برعايه البنك التجاري الكويتي وبنك الكويت الدولي اللي ماقصرو

واختتم الحفل بتوزيع الدرع التذكاري..اهو زجاج بس مادري اذا هم يسمونه درع;p

بصراحه وايد استناسنا وكافي اليمعه الحلوة

و حاطين بكل طاوله ستكرز على الكراسي بشكل عشوائي وتبدل الستكرز بهدايا بنهايه الحفله

انا ماحطيت الموضوع الا لما نطرت الفيديو ينزل بموقع جمعيه المهندسين الكويتيه

صراحه كان روعه..يخلي العين تدمع غصب اختصر مشوارنا الدراسي كله

واهم شي حاطين اسهل مقرر بالكليه بو وحده وحده اللي اهو مقرر

الورشه وكاتبين افف اصعب مقرر لوول

مع العلم ان الفيديو هم سووه جمعيه المهندسين ولاتشوفون الصاله وقتها الكل مندمج

يمكن وايد ماراح يحسون باللي حسيناه بالحفله لكن من تشوفونه بتعرفون قصدي

شكرا جمعيه المهندسين الكويتيه وشكرا للجهات الراعيه والشباب والبنات اللي نظمو هالحفله

كان في نداء للمهندسين حديثي متوجه من جمعيه المهندسين وطبعوه على الدرع وهم معلقينه بالحفله كبانر و كان وايد معبر للمرحله الحاليه خصوصا واهو

مبروك..تفوقتم بالجامعه بس الحياة تختلف..مثل ما انتو مبدعين قبل,الكويت محتاجه ابداعكم الحين..شدو الحيل

مهندسه

وافتخر

Open Day

مسا الخير

هالاسبوعين الكليه كل يومين فيها يوم مفتوح تقيمه وحده من الجمعيات اللي ماسكه الاقسام

اي ترا احنا بالهندسه حتى الاقسام فيها انتخابات ;p

المهم اليوم حضرت اليوم المفتوح مال قسم الهندسه الميكانيكيه اللي ماسكتها ASME

American Society of Mechanical Engineering

بس فرع الكويت طبعا

بكل مكان كانو حاطين نشاط مختلف

انا شاركت بمسابقه وربحت فلاش ميموري واشوه سؤالي سهل ماله داعي مرتزة واشارك واخسر برستيجي يخترب جدام الكليه

هذي الصوره من قوقل نفس فلاشي اللي ربحته;p

للاسف ماحضرت اليوم المفتوح اللي اقيم بتعاون جمعيه المهندسين المدنيين وجمعيه الهندسه الصناعيه لان محد عزمني:(

وامس كان اليوم المفتوح لجمعيه الهندسه الكيميائيه CHESS

CHESS:Chemical Engineering Student Society

يقولون كان عندهم خوش باستا;p

ويوم الاربعه يتروالي اليوم المفتوح لجمعيه الهندسه الكهربائيه

عاد مادري من الفراغه يمكن اروح واعطيكم اخر الاخبار

وعلى الاسبوع الياي اتوقع يبدا الاسبوع المهني

ان شاءالله اعطيكم خبر متى بالضبط

زقرت كليتنا مو

Graphology

Graphology is the study and analysis of handwriting especially in relation to human psychology. (By Wikipedia)

me know english... me this!;p

اليوم حضرت محاضره تعريفيه بعلم القرافولوجي, والمحاضره من انشطه الاتحاد الوطني لطلبه الكويت ويلقيها الاستاذ عبدالرحمن القريشي

كانت جدا ممتعه ومن التعريف بالاعلى واضح ان هالعلم يعتمد على تحليل خط اليد وطريقه رسم الكلمات والاشكال

انا نقلت بعض المعلومات حبيت افيدكم فيها , هالعلم قديم جدا لكن اعتبروه علم قابل للدراسه والتعليم من وقت قصير (من 104 سنين في امريكا) . هالعلم تتحكم فيه او نقدر نقول تلم باكبر اسراره خمس دول اهم اسرائيل, المانيا, امريكا وكندا لكن الجدير بالذكر ان اغلب الممارسين لهالعلم يتمركزون بفرنسا

لهالعلم فوائد كبيره طبعا ولكن نقدر نختصرها بالتالي

-بالامكان تحليل الشخصيات اعتمادا على الخط

-معرفه مهارات الشخص ومميزاته وميوله

-معرفه الامراض النفسيه والعضويه

هالعلم تستغله اكبر الدول باختيار الاشخاص المناسبين للوظائف , معرفه جرائم انتحال الشخصيه عن طريق التواقيع, وبامريكا يتم اختيار هيئه المحلفين بالمحكمه عن طريق عينه خطوط عشوائيه لاعداد مختاره من البشر

--

وبالحصول على مذكرات صدامو الملعون لما كان بالسجن تم التأكيد ان هالشخص المسجون اهو صدام حسين عن طريق تحليل الخط , من التحليل تبين ان الشخص مصاب بسرطان الدم كما كان صدام , وان قوي الشخصيه وذكي ومهذب لكن على عكس صدام قبل السجن كان خطه السابق فيه قوه وتحدي

وهالشي اكدته عالمه او استاذه قرافولوجي اسرائيليه اسمها ستيلا مادري شنوالباجي -اهم شي اني موقادره افهم خطي-;p

--

حبيت جمله قالنا اياها الاستاذ عبدالرحمن ان اليد تعمل عمل الطابعه يعني مجرد اداه لرسم الصور المحفوظه بالذاكره

our hands work as printers

من فروع تحليل الشخصيات اهو تحليل التوقيع

وهالتوقيع ينقسم لاربع اقسام

-انا وعائلتي

-انا والاخرين

-البيئه

-الاهداف

وتحليل التوقيع يعتمد على عده امور مثل:ضغط القلم على الورقه, حجم التوقيع,الهوامش,ميل التوقيع,مكان التوقيع,طريقه الكتابه اما ان تكون حاده او سلسه

--

طبعا كان في عده تمارين بالمحاضره

الاول عباره عن كتابه رساله كلها جذب لشخص معين

ان مافي شي بهالرساله صحيح

وبالتالي نعد عدد مرات كتابتنا لحرف ال(نون) وعدد التكرار يدل عن اشيا معينه انا رسالتي كانت جدا قصيره فما كررت حرف النون الا 6 مرات

والتمرين الثاني عباره عن رسم مربع وداخله دائره وداخل الدائره نرسم اي شي نبي

وطبعا لكل شي دلاله معينه

اعلمكم؟;p

مابي اطول بالحجي

لكن المحاضره جدا ممتعه

وفي دوره قادمه بالاسبوع القادم مدتها 5 ايام جايز اسجل فيها عن علم القرافولوجي

والتسجيل بالاتحاد الوطني بالخالديه مبنى 20

--

وبما اني ماقدر ماتحرش ولا اطفر الاتحاد

الدورات مختلطه;p

بس خوش انشطه صراحه قواهم الله

Mission Accomplished

Taken by AmerAlDahleh

-----

144 Cridits DONE

GPA,MGPA=*

i am Engineer Sn3a

تم بحمد الله قضاء مايقارب 4 سنين ونصف في كليه الهندسه والبترول

so

MISSION ACCOMPLISHED

*: Terms of Confidentiality Applied;p