Thursday, 25 June 2009

-Update-أين تذهب هذا المساء

بما اني مازلت اعيش البطاله
حبيت افيد الاقتصاد وبالاخص السينما
انا كنت اكره السينما



ماحب ريحه اكلهم

ماكنت احب النفيش وماخلي احد يطلب ناتشوز لان اتنرفز منه
ومو فاهمه ليش الناس يطلعون من البيت عشان يشوفون فلم ويا ناس مايعرفونهم !
اوكي شفيه الدي في دي
جايز نفس السبب اللي يخلينا نقعد بكوفي شوب نشرب قهوه بدينارين وبالبيت نقدر نسوي احلى منها;p

غير جذيه التقصص بالافلام
يعني اوكي مقطع هذا شي لازم يقصونه
كلمه يقصون اخر حرف بالله ليش؟

استغفرالله جني عيوز ماني عارفه اكتب بوست بدون تحلطم
اني وي

وفجأه قمت اروح افلام من عقب ماكنت ما ادش السينما الا مرتين بالسنه

وفجأه قمت اكل بوب كورن مكس كراميل وعادي;p
خلال هالشهر دشيت 3 مرات
الاول The Night At The Museum 2:Battle of the Smithsonian
من بطوله Ben Stiller, Owen Wilson
صج اني موشايفه الاول لكن فهمت القصه

يقولون الاول احلى
انا المهم كان بخاطري سينما دشيت حجزت اونلاين ورحت

حتى ماكنت ادري منو يمثل فيه
بس الفلم جيد والله يونس
اهو باختصار عن لوحه معينه تبث الحياه بالتماثيل والمجسمات وعاد شوفو المغمرات
احلى شي الميني اينشتاين

والثاني The Proposal

انا وايد احب Sandra Bullock

ماكنت مقتنعه ب Rayan Reynolds

بس حبيته بالفلم , الفلم قصته عااديه جدا وباختصار اثنين واحد منهم يكره الثاني وبعدين لما يعرفون بعض يحبون بعض,عاد شلون يعرفون بعض عدل هذي حبكه الفلم

حبيته لان بنو احداث حلوة من قصه جايز مرت علينا مليون مره وحبيت هدوم ساندرا بولوك بالفلم;p










واخيرا وليس اخرا
اليوم رحت الكليه معرض مشاريع التخرج بعد شوي تلقوني اتحلطم بس خل اكملكم ريفيو السينما

رحت اليوم Taking of Pelham 123

طبعا الفلم من بطوله فارس احلام مراهقات اخر السبعينات اول الثمانينات John Travolta
والمبدع Denzel Washington

الفلم واايد حلو من صج حبيته مع ان مو نوعي سوالف جذي ,حبيته هم القصه عاديه قطار ينخطف ويبون فلوس اوكي شالجديد
يايكم الحجي


































روحو شوفو الجديد ترا كلها 3 دنانير التذكره!

بس حلو لايطوفكم



***



قبل الفلم مثل ماقلتلكم رحت المعرض والمعرض مسوينه بخيمه!

الله يهداكم

ديره فلوس وخير عندها,وجامعات تنبني بره على حساب الديره

خو جان اجرتو صاله ولا فندق حق هالمساكين!

حررر والمشاريع مظلومه بالتقسيمه صراحه

فوق هذا مو مرتبيين حلاته كل قسم مشاريعهم يم بعض

صاير كيميكال جدامه مدني وصوبه كمبيوتر
يعني جد الطلبه تعبانين على شغلهم جذيه تسوون فيهم!
هذا غير المبالغ اللي انقطت عالمشاريع

صح ان هالخيمه اكبر من قاعه فاروق البرغش اللي كانو يسوون فيها المعرض
بس عالاقل قاعه فاروق البرغش اهيا بمبنى 14 خ
يعني الطلبه والمهندسين يقدرون يطلعون من المعرض يقعدون بالبراد



لا جد الكليه قاعده تصير مادري شلون! للأسوأ!
صج اني احبها وبالنسبه لي تظل احلى مكان عشت فيه احلا ايام بس الحق ينقال
لامبلغ سنع حق الرعايه
ولا حتى مبلغ الرعايه النتفه يستلمونه الطلبه مبجر
يستلمونه عقب مايخلصوووون


شدعوة عليكم
يعني الشركات معطتكم المبلغ للطلبه


عطوهم بدايه الكورس

سواء المبلغ انصرف كله ربعه نصه هالشي راجع للطلبه

مع انهم يدروووون ان المبلغ مايوصل نص اي مبلغ ينقط على اي مشروع

المهم خلونا من هالجامعه ومؤسسات الدوله اللي تييب الهم
الطلبه ..سوري سوري..المهندسين
ماشاءالله بدعو
المشاريع تينن وايد حلوة وللاسف من الحررر مامريت عليهم كلهم باجر بروح امر مره ثانيه
نصيحه روحو منها تشجيع للمهندسين ومنها تاخذون فكره عن معرض مشاريع التخرج ومنها جايز تتعلمون شغلات ييديده

المعرض مقام بخيمه تشوفونها على يساركم اول ماتدخلون بوابه -1- بكليه الهندسيه والبترولباجر الخميس اخر يوم والمعرض من 10 الصبح لين الساعه 4 ونص العصر

ولاتاخذون كاكاو وايد اخذو وعلطول اكلو لان اليوم الكاكاو ذاب وخرب جنطتي:(

-Update-:




احم احم
اليوم رحت
The Accidently Husband


بطوله Uma Thurman, Colin Firth and Jeffrey Dean Morgan
طبعا الفلم سخيف ومليق وثقييل عالجبد
بعدين صج اوما ثرمن ليمتى تمثل؟ جد والله خلاص جم مليون دافعين على راسها عشان هالدور السخيف
وعلقوله بمسلسل Paul Reiser Mad About You
يقول شنو يعني اسم وحده اوماا
وبعدين يعني
انا رحت الفلم لاني مالي خلق اقعد بالبيت بس المهم قلت اقولكم عشان لاتروحوله
القصه عن الحب الحقيقي وهالخرابيط
بس عجبتني جمله بالمسلسل
You Don't Have To Be So Right Every Time
جد الواحد لايكون متمسك بحقائق وافكار ولا يحاول كل شوي يصحح معلومه غلط ويعدل اخطاء غيره
التزمت شي منفر ويخلينا نشوف الدنيا بدون الوان
باجر وين اروح مممم;p


32 comments:

DoDoq8 said...

الله يعافي كومار

شكلي بشتري منه فلم ساندرا بولك

ثاانكس

طموحة مملوحة said...

مسكينة ماعندج واسطة ؟


جم صار لج قاعدة بالبيت؟

الزين said...

يااا صباح البطاله

والتحلطم

:)

يا بنتي استمتعي بالبطالة هاليومين ولاحقة على الكرف


وعلى طاري السينما

صاري سنه ما دشيت ويمكن اكثر

واللي بخاطري من الأفلام انزله من النت

بلا نفيش بلا هم

في ناس تروح السينما عشان تهذر

انا شنو ذنبي ادفع ثلاث دنانير عشان اسمع قرقتهم




وليش ما غيرتي اللوك مال بلوقج

!!


تبيني اغيره لج

ترى ما عندي مانع

:)

chandal/danchal!! said...

صباح الخير سنعتنا

أمس رحت فيلم ذا بروبوزال ووايد حبيت الممثل... طينة ينة

:)

الفيلم وايد حلو... كافي المكان اللي قاعدين فيه... الجو يرد الروح ويرد الشباب


بس نرفزتني وحدة قاعدة يمي تاكل بوب كورن وأكبر حجم

من طريقة أكلها مبين انها وايد عصبية!

esTeKaNa said...

صباحك سكر
:)
أعجبني السؤال:
لما نتقهوى بدينارين في كافيه ونسوي قهوة اجمل بالبيت؟
نتقهوى مني
:P~
جوابه جواب لأسئله كثيرة ،وامور كثيرة نمارسها يوميا بلا منطق ولكنها قد تسبب لنا بعض الفرح
وليس كل شئ يخضع للمنطق يا سنعه استكانة
:))
صار لي فتره بخاطري اروح سينما مو لاقيه وقت،السينما بالنسبه لي شئ مو اساسي
لاني ببساطة ما اذكر اني قعدت ساعه او ساعتين على بعضها بالبيت اتابع فلم
انا اكتشفت ماحب التلفزيون
لذا فروحة السينما بالنسبه لي مشوار وطلعه من باب التغير
:)
المعرض:
فعلا يستحقون اهتمام اكبر
اذكر اني عاصرت تخرج صديقتي القريبه نورا،وعايشت اهتمامها بمشروعها وفخرها فيه ومن بعدها عرفت معنى هذا المشروع واهميته عند كل مهندس خريج
فعلا يستحق اهتمام اكبر



صباحك بطاله لذيذه
استمتعي بالراحة يا سنعه
:)

thespanian said...

السينما شي جميل الواحد يقضي فيه وقت فراغه .. بس جم معطينج عشان تكتبين عنهم؟! .. ولا تساحلينهم عشان تشتغلين عندهم؟!

تعالي صج جان قدمتي على البترول وصندوق التنميه .. اعتقد قاعدين ياخذون طلبات .. وان شاءالله اسمج يطلع قريب .. كلمت لج ناس انا :p

اما عن كليه الهندسه .. اييييييه .. والله واحد من الربع قالي امش نروح لهم نشوف المشاريع بس مشغول ما اقدر .. ولا بخيمه تقولين ها .. والله صراحه اوسع لأن اذكر قبل ايام 14 خ كانوا مساكين الميكانيك يقطونهم بره مع مشاريعهم!! .. ودايما الكهربا والعماره اهم اللي عند المدخل!!

|:| DUBAI |:| said...

Sn3OoO......

Awal film, il3aaM Nazl 3dna :S !

Anonymous said...

as i knw that the students ehma elle ybon el khaima ;) fa malhom 7ag yt7l6om b3d :P

خديجة البهاويد said...

والله انا ضد فكرة السينما
اولا الفلم الي بشوفه ب 3 دنانير ومقطع وينرفز من التقطع على سنع وعلى غير سنع اقدر اطالعه واطالع معاه فلمين بالبيت وانا متسدحة وقاعدة على كيفي ولابسة على راحتي

ومع هذا لا راحو الاهل الينما لازم اروح وياهم :)
ماقول لا

Sn3a said...

DoDoq8

لول هالكومار اشهر من نار على علم
اي حلو الفلم طلبيه
ولكم

Sn3a said...

طموحه

عندي واسطه
بس مابي استخدمها عالاقل مو الحين
احس ابي اشتغل بشهادتي مابي احد يكون له فضل علي غير الله سبحانه

وفوق هذا لو الواسطه شغلتني بمكان وماعجبني
فشله اطلع منه
فليش احرج نفسي خصوصا ماحب اطلب من الناس خدمات

صارلي الله يسلمج من شهر 2

Sn3a said...

الزين

انا من قريت نكج قلت ويييه ماغيرت التصميم
مالقيت حلويين الاسود ماتبونه والالوان تعور العيون
خل ادورلي هالجم يوم لوك جديد بجديد

ايي انا من اللي يهذرون
;p
عشان جذيه اروح افلام الساعه 2 ولا 3
بس فوق اني اهذر
هم انزعج من اللي يهذرون;p

Sn3a said...

جندل


اي انا حبيته مع اني ماكنت احبه ويهه كان ينرفزني
حتى كنت اقول شلون مرته الجميله سكارليت تشوفه


امبيه المكان اينن
اهم قالو الاسكا انا عبالي ثلج وبيوت قديمه
بس صج صج روووعه!

لول انا للاسف البوب كورن يخلص اول عشر دقايق من الفلم
عاد نصه على هدومي مرات ما ادل حلجي بالظلمه

Sn3a said...

الغاليه استكاانه

صباح الشهد;p
اذا اخضعنا كل شي للمنطق الحياه تصير كئيبه
انا احب استانس فما الجأ او افكر بالمنطق بكل الامور

والله حتى انا بالنسبه لي السينما كانت ابيخ طلعه
بس انا اصلا ماحب الافلام
تجذبني المسلسلات الاجنبيه اكثر
لكن صرت اروح السينما كتغيير


اي لانج شفتيها تتعب فعرفتي قيمه المعرض عندنا وعند الطلب
لكن في ناس جد عبالهم المعرض مجرد شو وتفلسف مهندسين

صباح النوم;p

Sn3a said...

The Spenian

لول ماعطوني شي
ان عطوني مانقول لا;p

قدمت البترول
وصندوق التنميه ماراح يفيدني انا وايد سألت بالموضوع
اقصد بالنسبه لتخصصي


هذاك ايام قبل يحطون بره
الحين كبرو القاعه بس هم ماكفت
لان هالكورس اكبر عدد طلبه بالمعرض
العماره مساكين مظلومين
مشروعين يتروالي يستلمون
ومايعرضون الا نادرا

Sn3a said...

دبي دانه الدنيا
اتوقع العام كان نازل الجزء الاول
لان هالفلم من انتاج 2009

Sn3a said...

Any.
صج انا هم سمعت ان الطلبه كانو طالبين الخيمه
الخيمه كفكره ترا حلوة انا ما اذمها
بس كترتيب ماعجبني
يعني اللي صار ان في مثلا قروبين متقابلين بينهم متر
ومكان ثاني قروبين متقابلين بينهم مترين

فتخيلو الوضع
ظلم كان لبعض القروبات
لكن اليوم الزحمه اخف فالوضع كان افضل

بس ان شاءالله المنظمين يتعلمون من هالاخطاء
لان ملو طلبه الهندسه يكونون حقل تجارب

صج اني تخرجت لكن بظل اتحلطم احب كليتي مابي اشوف فيها اخطاء جذيه

Sn3a said...

خديجه البهاويد

اي انا ماكنت احب السينما لهالاسباب
بس مليت من التسوق والكوفي شوبس
فقلت تغيير

New Bride said...

واااااي عيل انا اموت على السينما و الله الجو عجيب :) بس تدرين ودي مره اني اروح بروحي :) ودي اجرب يقولون وناسة

Sn3a said...

New Bride

ايي وايد من رفيجاتي جذيه يحبوون طلعه السينما
امبيه تصدقين حتى انا
ودي اسافر بروحي
وودي سينما بروحي

اصلا استمتع لما اهلي يروحون الشاليه اني اسوق سيارتي بروحي طول الطريج

مادري ليش

dr-maarafi said...

بيه البطالة جذي تسوي
خوفي تستلمين الوظيفة و يزيد التحلطم على الوظيفة و الدوام

شكلهم خوش افلام اللي رحتيها خل تنزل عندنا و نشوفها

الله يوفقكم المهندسين وتترسون مشاريعكم في الديرة

Sn3a said...

Dr.Maarafi

شي طبيعي بتحلطم عن الوظيفه
بوطبيع ماييوز عن طبعه;p

بس عادي انا كنت اتحلطم عالدراسه مرات لاني احبها

اي والله الافلام تونس

The.One said...

sn3a ..
بما انه انتي اول بلوق عرفته ,حبيت اشاركج وضعـي ^^.

سؤال بما اني اول الطريج بالبلوق وماعندي خلفيه عنه ..
ألحيـن الواحد مدونـته اشلون الكل يعرفها ؟
أشلون الناس تدري عن مدونتي ,كومنتس وحطينه بس المدونين وينهم

يمكن محـد يقول هالكلام كرمـال البرستـيج ,بس لانه ضاقت فيني الضوائـق على قولتهم :d

Sn3a said...

The One

بييه عادي اخذي راحتج اصلا حتى انا للحين مليون شي ماعرفه بهالبلوقر

شوفي انا الناس عرفو بلوقي لما انا عرفت بلوقهم
فجذيه لما يعجبني موضوع او بعلق على بوست راح يبين اسمي عندهم
فاهم يقدرون يتعرفون علي وعلى بلوقي وحتى اللي يعلقون عندهم يقدرون يتعرفون عالبلوق ويزورونه

وبعدين شسويت شاركت بصفات البلوقر
اهو موقع اللي سووه ماقصرو جمعو البلوقرز بالكويت
وكل ماتنزلين بوست ييديد اهم ينزلونه عندهم
وبجذيه تتوسع القاعده ويعرفونج ناس اكثر

هذا موقع الصفاة
http://safat.kuwaitblogs.com/

Makintosh said...

امبيه بدعتي
لووووووول
عاد انا السينما مكاني المفضل
رحت فلم ساندرا وايد عجبني وايد ضحكت خاصه اخر شي يوم خلص الفلم وقاعدين يقابلونهم ملوت الفيزا

-----
The Accidently Husband وااايد قديم انصدمت يوم شفتهم عارضينه بس لابأس فيه
---------
سنعه ترى شركات البترول كلهم حاطين اعلان وظائف يبون مهندسين واكثر شي ميكانيك وكيمياء
دخلي مواقعهم وسجلي
شركه ناقلات النفط
Knpc
KOC
KPC

Sn3a said...

ماكنتوش

لول من الفراغه شسوي
اييي سكتي
احنا كنا بنقوم
بس قعدنا اخر شي صج يونسسسس

امبيه كلمن قالي عن الاعلان
تدرين ان انا سجلت بنفس اليوم الصبببح يمكن من اول 10 مسجلين انا;p

The.One said...

بييييــه اذا بنعرف من هالبلوق الي عطيتيني اياه لا باالله مانعرفنـــا:p

جنه الدلييل الاصفر لوووول


بس دقرة انه لما يكون الصيف " لاتعليق حداا ملل

"
ماعندج شي تسوينه غير مجابل هالبلوق
وآخر شي حتة كومنت زغنطوطـ


ماتلقيـن
الله كريم :)

Sn3a said...

The One

الاهم بعالم البلوق انج تكتبين اللي بقلبج
سواء احد قراه او لا
لان بلوقج يكون مثل مذكرتج
بس ماتكون خاصه

لاتهتمين بعدد الزوار او الكومنتات
اهتمي بالكومنت نفسه وصاحب الكومنت
لان انا اقدر اكتب شكرا بكل بلوق اشوفه
وجذيه وايد ناس بيشوفون بلوقي
وهم اصحاب البلوقات بيستانسون من الكومنتات الوايد
وهالشي ماراح يفيدج او يفيدهم

Hashimoto said...

you had to watch he movie
"UP"

=P

Taking Over Pelham is Great !
===>Denzel Fan
=)

Sn3a said...

Hashimoto

تصدق بش مهندس كل ما بحجزله يصير شي
اخر شي يوم السبت بغيت اروحله وتالي اروح الحفله
ماقدرت

وايد بخاطري اشوفه

صدقت وايد حلو فلم جون ترافولتا
بس ليش دنزل واشنطن صاير دب يخرع

Fishah said...

فلم المتحف الاول انا عجبني .. اكو تمثال احبه هههههه يقوله هلووو دم دم وير از ماي جم جم :))
شوووفييييييييييه
:))

الثاني ليلحين ماشفته

وفلم اووما (ياثقل دمها) عندي دي في دي شفت بس اول شي منه .. وصلت ليما بالمطعم اللي عبالها كشت فيها ويه .. ماراح اكمله شكله باااااااااايخ

وشوقتيني على هدوم ساندرا هههه .. احب افلامها عموما

宮保雞丁Alex said...

cool!i love it!情色遊戲,情色a片,情色網,性愛自拍,美女寫真,亂倫,戀愛ING,免費視訊聊天,視訊聊天,成人短片,美女交友,美女遊戲,18禁,三級片,自拍,後宮電影院,85cc,免費影片,線上遊戲,色情遊戲,日本a片,美女,成人圖片區,avdvd,色情遊戲,情色貼圖,女優,偷拍,情色視訊,愛情小說,85cc成人片,成人貼圖站,成人論壇,080聊天室,080苗栗人聊天室,免費a片,視訊美女,視訊做愛,免費視訊,伊莉討論區,sogo論壇,台灣論壇,plus論壇,維克斯論壇,情色論壇,性感影片,正妹,走光,色遊戲,情色自拍,kk俱樂部,好玩遊戲,免費遊戲,貼圖區,好玩遊戲區,中部人聊天室,情色視訊聊天室,聊天室ut,做愛