Friday 1 December 2006

شي في بالي..

احب الكويت
واحب ريحه اهل الكويت
انا اعشق الديره
واموت بكل بيت وبيت
قلبي تشعله غيره
لو اي حد ظلم الكويت
**
تعودنا على اهل الخليج
اهلنا وحبايبنا
ومن كثر مانحبهم
شوفنا بشارع الخليج
اللي عنه ماغبنا
**
نحب الحب
ونعشق شي اسمه رومانسيه
واكبر دليل بشارع الحب
سياييرنا مرسيه
**
ترا احنا بمستوانا كبار
ونموت بشي اسمه شوكلاته
مترززين بجوكليت بار
وكلمن مار
عرفنا قصه حياته
**
وعشان نريح الانفس
مالك الا ستاربكس
روح اطلبلك اللاتيه
وعن الواقع لا تتيه
وبمسئوليتك اصحى وحس!
**
ولين زهقت من الدنيا
روح نافوره الكوت
واقعد اسمعلك اغنيه
واغطس ب(جايك) احلى بسكوت
**
ادري بكلامي وحروفه
مالها معنى ..وصوفه
لكن فكرو دقيقه
وبتعرفون اقسى حقيقه
ان ايامنا صارت
قز.. وروحه ..وجيه
والدراسه منسيه
**
واحلامنا ظلت
احلام ورديه:)

as A Start

بسم الله الرحمن الرحيم
كويتيه,شابه,طالبه
,
من الملل
وقله الدراسه
وقله الوناسه
وكثره الفضاوة
وكثره التملل من انعدام الوقت!
وقله استغلاله
وكثره ضياعه..
نويت اسوي هالبلوق
اكتب فيه اللي ابيه
واكتب احيانا اللي ما ابيه
اكتب اللي احس فيه
واللي غيري يحس فيه
ليش؟
مادري
اللي اعرفه اني احب اكتب
احب اتكلم عن اللي فيني
واللي اعرفه
ان ماعندي اللي اكتبله
واكلمه عن اللي فيني
سواء قريتو اللي كتبته
اهتيميتو باللي كتبته
او حتى ماشفتوه
المهم..
اني كتبته
وأعلن..
اني الموقعة ادناه
مسئوله فقط عن اللي يعجبكم
واللي مايعجبكم ماني ماسئوله عنه
وقواكم الله:)