Friday, 1 December 2006

شي في بالي..

احب الكويت
واحب ريحه اهل الكويت
انا اعشق الديره
واموت بكل بيت وبيت
قلبي تشعله غيره
لو اي حد ظلم الكويت
**
تعودنا على اهل الخليج
اهلنا وحبايبنا
ومن كثر مانحبهم
شوفنا بشارع الخليج
اللي عنه ماغبنا
**
نحب الحب
ونعشق شي اسمه رومانسيه
واكبر دليل بشارع الحب
سياييرنا مرسيه
**
ترا احنا بمستوانا كبار
ونموت بشي اسمه شوكلاته
مترززين بجوكليت بار
وكلمن مار
عرفنا قصه حياته
**
وعشان نريح الانفس
مالك الا ستاربكس
روح اطلبلك اللاتيه
وعن الواقع لا تتيه
وبمسئوليتك اصحى وحس!
**
ولين زهقت من الدنيا
روح نافوره الكوت
واقعد اسمعلك اغنيه
واغطس ب(جايك) احلى بسكوت
**
ادري بكلامي وحروفه
مالها معنى ..وصوفه
لكن فكرو دقيقه
وبتعرفون اقسى حقيقه
ان ايامنا صارت
قز.. وروحه ..وجيه
والدراسه منسيه
**
واحلامنا ظلت
احلام ورديه:)

4 comments:

q8_des said...

صباح \ مساء الخير :)

سنعة ..

في المنتديات إبداع ..

و الحين هنيئا لعالم الـ(blogs) بوجودك فيه ..

هذي كتابتج ولا نقل ؟

و سجليني متابع للبلوق .. مو تطولين

موفقة

MARSHAL Q8 said...

اول رد لي راح يكون مختصر
:)

بس

*متابع جديد

Sn3a said...

اول شي مساء الخير
وسامحوني عالتأخير صادفتني مشكله بدخول البلوق
والمشكله اهي اني ناسيه الباسوورد
وناسيه الايميل اللي مسجلته عليه


وثاني شي

مشكورين على المرور
والتشجيع
مجرد هالكلمات وقراءتها خلتني اعصر مخي واتذكر وارد البلوق

اما بالنسبه لكتاباتي
فأنا ما انقل
واللي تقرونه
اهي حروفي شخصيا
ويعطيكم العافيه

Q8_Q8 said...

ههههههههههههه
واكبر دليل بشارع الحب
سياييرنا مرسيه

**************
ذاك اليوم رايح الحب قلت اغير جو ادور حب ، فتريت ، قتريت ، فتريت

أطل يمين أطل يسار ماكو حب بس سيارات أتشوخط " وررررررر" ورررررر"
وين الحب الي يقولون عنه لووووول

........................
إقتباس : الحياله