Wednesday 25 February 2009

يا اغلى النعم

يا اغلى النعم ياكويت
ياكف عليها ربيت
يحفظج ربي من شر حواليج
وشر ينوي يعشش فيج
ودمتي لنا اوسع بيت
يا ارض الخير والنوير
كل كبير جدامج صغير
ماعدا ويهه سبحانه
من رزقنا بهالامانه
سامحينا على التقصير
سامحينا على التقصير
يا اغلى النعم ياكويت
كل عام وانتي بخير
ربي يخليج لنا
ويحفظج ويبعدج عن شر كل حاسد اذا حسد
ويرزقج جيل مايشوف بالدنيا غيرج
ماهمهم كرسي ولا خرده
ويبعد عنج كل نفس دنيه
ويجعلج دوم بامان داخلي وخارجي
ويخليلج خواتج بالخليج ويحفظهم ويبعدهم عن كل شر
ويكتبلج فيهم ويكتبلهم فيج قوه وسند
ربي ارحم شهدائنا
وارحم شيوخنا لاسيما ابونا جابر وابونا سعد
ربي يطول لنا بعمر اميرنا صباح وولي عهده الشيخ نواف
ربي ادم علينا الحريه والعيش في بلاد الديمقراطيه
واكتب لنا رضاك يارب
وعاشت لنا الكويت
وعاشو اهلها

Sunday 8 February 2009

إليها



وبين ضبابها كان اللقاء
حين أطعمنا الحَمام ساعات سويا
وارتشفنا العشقَ عالي النقاء
وداعبت ساقينا عُشبا طريا




وفي عين لندن نظرنا المدينه
رأينا الدرب الذي فيه سرنا
ولحظات احاطت ذكريات ثمينه

وفي عينينا.. انعكاس عينينا وجدنا







تامروني على شي؟

Wednesday 4 February 2009

ابتسامه!

واقف تناظرني هناك
وصوت نبضك واصل جنبي.. يلعب بحسبه قليبي
وينتفض
واللي مركون بحشاك
خجلان تفصح عنه ... وخجلي اكبر اني افتهم ..
او يصادفني سوء بالفهم

لاني من اصحاب الامل
ولاني افهم بالتفاؤل
اتعامل بالحساب.. زائد وناقص
شخص يعطي وشخص ياخذ
راضيه ابقى تلميذه بميادين الهوى
واتعلم كيف اعشق عيونك.. عيوبك
على اني اكون استاذه بميادين السياسه
واصدر لاطفال الاوامر

شفني اعيش احلام غيري
وانجز امالهم.. وتسيرني دوربهم
ودربي قدامي اشوفه
دربي بعيونك اشوفه

انا صرت منك اقوى وعرفت وش تعني مشاعري
وترجمت دقات قلبي لما اناظرك
وبمسا كل يوم خططت وش اللي بقوله لك
ان كلمتني.. ان كسرت حدود الخجل
ان حتى صادفتك بيوم
او ان جمعتنا ظروف العمل


صرت اتدرب على رسمه البسمه كل ليله
لجل احاول ابتسم لما ترميني بالسلام
رغم ان صوتي عالي
وغيري عيا ينصحني اخفضه
الا انه يختفي من اشوف زولك
واعجز رغم عني.. رغم محاولتي
اعجز ارد السلام
وافشل حتى برسم الابتسامه

الا ان التافتك وانت ماشي
كنك ناسي شين تاخذه
او شين تقوله
ترضي بهاللفته غروري
وتولد بهاللفته ابتسامه.. مني ومنك
واجلس انتظر بعدها نفس السلام
ونفس الالفتاته
وانتظر نفس الابتسامه باجر وعقبه
مابي اطمع بالكثير
لجل ماخسر ابتسامه