واقف تناظرني هناكوصوت نبضك واصل جنبي.. يلعب بحسبه قليبي
وينتفض
واللي مركون بحشاك
خجلان تفصح عنه ... وخجلي اكبر اني افتهم ..
او يصادفني سوء بالفهم
لاني من اصحاب الامل
ولاني افهم بالتفاؤل
اتعامل بالحساب.. زائد وناقص
شخص يعطي وشخص ياخذ
راضيه ابقى تلميذه بميادين الهوى
واتعلم كيف اعشق عيونك.. عيوبك
على اني اكون استاذه بميادين السياسه
واصدر لاطفال الاوامر
شفني اعيش احلام غيري
وانجز امالهم.. وتسيرني دوربهم
ودربي قدامي اشوفه
دربي بعيونك اشوفه
انا صرت منك اقوى وعرفت وش تعني مشاعري
وترجمت دقات قلبي لما اناظرك
وبمسا كل يوم خططت وش اللي بقوله لك
ان كلمتني.. ان كسرت حدود الخجل
ان حتى صادفتك بيوم
او ان جمعتنا ظروف العمل
صرت اتدرب على رسمه البسمه كل ليله
لجل احاول ابتسم لما ترميني بالسلام
رغم ان صوتي عالي
وغيري عيا ينصحني اخفضه
الا انه يختفي من اشوف زولك
واعجز رغم عني.. رغم محاولتي
اعجز ارد السلام
وافشل حتى برسم الابتسامه
الا ان التافتك وانت ماشي
كنك ناسي شين تاخذه
او شين تقوله
ترضي بهاللفته غروري
وتولد بهاللفته ابتسامه.. مني ومنك
واجلس انتظر بعدها نفس السلام
ونفس الالفتاته
وانتظر نفس الابتسامه باجر وعقبه
مابي اطمع بالكثير
لجل ماخسر ابتسامه
23 comments:
"
ونفس الالفتاته
"
الله يسامحج انعكف حلجي وانا أتهجاها :\
صح لسانج وربي لا يحرمج من الابتسامه الحلوه :***
اووووووووووووووووووولى
وثاااااااااااااااانيه
;p
شوقتيني للحب
:)
عاد الفالنتين جاي قريبا
:))
لوول كويت
تدرين قعدت اقرا بصوت عالي
قلت بجرب ينعكف حلجي ولا لا
بعد عمري صح بدنج
ويسلمو عالمتاابعه الاولى والثانيه والمليون
نيكون
لول اي والله قريب
ربي يرزقج باحلى حظوظ الحب
مساء الخير
يعطيج العافية على كلمات الحب الدافية
:))
تحياتى
مساائج حب وأحلى ابتساامة : )
يا حلااة لقا المحبين من بعيد لـ بعيد
تحسين القلوب تتواصل
والعيون تناااظر بعض بـ حب
بس كل شي مغطى بـ خجل
حتى الابتسامة تكون خجلى : )
اشتقت لحروووفج من صج ..
لا تحرميننا
اييييييي يا سنعه الحين تخرجتي و رديتي تكتبين خواطرج مرة ثانية ;D
A smile can explain better than a poem :)
شسالفة بوستات هاليومين
كلها حب و حب
الله يديم عليكم انشاءالله
قانوني كويتي
مسا الورد
ربي يعافيك ويخليك
يسلمو عالمرور
شهد
هلا والله
اشتاقتلج العافيه بعد قلبي تسلميين
كل شي من بعيد حلوو
نورتيني بهالتواصل الله لايحرمني منكم
don juan
لول شفت الفراغه شتسوي
عاد يريت خواطر حلوين شخابيط وبس لول
اي والله الابتسامه تغني عن الكثير
ابو الدستور
من الفراغه اخوي
دراسه وخلصت
وبديت عطله ووراي وظايف اقدم عليها
قلت نشخبط شوي لول
يسلمو عالتواصل
العفو ولو
بانتظار المووضع القادم
تحياتى
الله لا يحرمج من الابتسامه
الخاطره روعه
اول جملة دخلت قلبي
مشكورة خاطرة حلوه
يا ربي على الرومانسية
سنعة يا سنعة
نبى نسمع قصصج
متى ؟
شهالكلمات الفللي ..
اخيييييي لا تذكريني ..
الحب وما ادراكم ما الحب .. اخييييي
فديتج والله يالغالية ... تسلمين على الكلمات الروعة
قانوني كويتي
يسلمو عالتواصل
فاير فايتر كويتاوي
اجمعين ان شاءالله
مرورك الاحلى والله
عابره
يسلملي قلبج
مشكوره عالتواصل
هلا بالغاليه دبي
تسلمينلي حبيبتي
ان شاءالله اكتب قصه قريب
طموحه مملوحه
الحمدلله على السلاامه
لول يسلمو عالتعليق الحلو
جعل ايامج كلها حب بحب
Post a Comment