Sunday, 8 March 2009

Graphology


Graphology is the study and analysis of handwriting especially in relation to human psychology. (By Wikipedia)
me know english... me this!;p
اليوم حضرت محاضره تعريفيه بعلم القرافولوجي, والمحاضره من انشطه الاتحاد الوطني لطلبه الكويت ويلقيها الاستاذ عبدالرحمن القريشي
كانت جدا ممتعه ومن التعريف بالاعلى واضح ان هالعلم يعتمد على تحليل خط اليد وطريقه رسم الكلمات والاشكال
انا نقلت بعض المعلومات حبيت افيدكم فيها , هالعلم قديم جدا لكن اعتبروه علم قابل للدراسه والتعليم من وقت قصير (من 104 سنين في امريكا) . هالعلم تتحكم فيه او نقدر نقول تلم باكبر اسراره خمس دول اهم اسرائيل, المانيا, امريكا وكندا لكن الجدير بالذكر ان اغلب الممارسين لهالعلم يتمركزون بفرنسا
لهالعلم فوائد كبيره طبعا ولكن نقدر نختصرها بالتالي
-بالامكان تحليل الشخصيات اعتمادا على الخط
-معرفه مهارات الشخص ومميزاته وميوله
-معرفه الامراض النفسيه والعضويه
هالعلم تستغله اكبر الدول باختيار الاشخاص المناسبين للوظائف , معرفه جرائم انتحال الشخصيه عن طريق التواقيع, وبامريكا يتم اختيار هيئه المحلفين بالمحكمه عن طريق عينه خطوط عشوائيه لاعداد مختاره من البشر
--
وبالحصول على مذكرات صدامو الملعون لما كان بالسجن تم التأكيد ان هالشخص المسجون اهو صدام حسين عن طريق تحليل الخط , من التحليل تبين ان الشخص مصاب بسرطان الدم كما كان صدام , وان قوي الشخصيه وذكي ومهذب لكن على عكس صدام قبل السجن كان خطه السابق فيه قوه وتحدي
وهالشي اكدته عالمه او استاذه قرافولوجي اسرائيليه اسمها ستيلا مادري شنوالباجي -اهم شي اني موقادره افهم خطي-;p
--
حبيت جمله قالنا اياها الاستاذ عبدالرحمن ان اليد تعمل عمل الطابعه يعني مجرد اداه لرسم الصور المحفوظه بالذاكره
our hands work as printers
من فروع تحليل الشخصيات اهو تحليل التوقيع
وهالتوقيع ينقسم لاربع اقسام
-انا وعائلتي
-انا والاخرين
-البيئه
-الاهداف
وتحليل التوقيع يعتمد على عده امور مثل:ضغط القلم على الورقه, حجم التوقيع,الهوامش,ميل التوقيع,مكان التوقيع,طريقه الكتابه اما ان تكون حاده او سلسه
--
طبعا كان في عده تمارين بالمحاضره
الاول عباره عن كتابه رساله كلها جذب لشخص معين
ان مافي شي بهالرساله صحيح
وبالتالي نعد عدد مرات كتابتنا لحرف ال(نون) وعدد التكرار يدل عن اشيا معينه انا رسالتي كانت جدا قصيره فما كررت حرف النون الا 6 مرات
والتمرين الثاني عباره عن رسم مربع وداخله دائره وداخل الدائره نرسم اي شي نبي
وطبعا لكل شي دلاله معينه
اعلمكم؟;p
مابي اطول بالحجي
لكن المحاضره جدا ممتعه
وفي دوره قادمه بالاسبوع القادم مدتها 5 ايام جايز اسجل فيها عن علم القرافولوجي
والتسجيل بالاتحاد الوطني بالخالديه مبنى 20
--
وبما اني ماقدر ماتحرش ولا اطفر الاتحاد
الدورات مختلطه;p
بس خوش انشطه صراحه قواهم الله

32 comments:

esTeKaNa said...

عاشت المهندسه اللي تستغل وقتها صح
:)
دورة مفيده
واحس معلوماتها ممتعه
انا من الناس اللي خطوطهم واضحة وكبيرة
بس مشكلتي كلها بضغطي على القلم
اكتب بالرصاص لو تشوفينه جني كاتبه بالحبر من كثر ما اضغط عليه
شوفي حالتي يا مهندستنا اشفيني
:Pp~

قواج الله

Sn3a said...

استكانه
ومنكم نستفيد حبيبتي


الخطوط الواضحه معناته يتروالي الشخص منظم ولكن لكل حرف رسمته تفسير مختلف
لكن الخط الكبير بشكل عام معناته اثبات وجود

لكن درجه الضغط عالقلم ماقالنا عنها للاسف لول

لكن تفسيري الخاص انج عسل وماكو مثلج

a7mad Nabeel said...

اذا هالعلم طلع صج معناتاه اتوقع محد يقدر يحلل شخصيتي
!!
لاني و باختصار اذا كتبت شي على الطوفة
عادي يصورونه السياح علبالهم خط هيروغليفي من ايام الفراعنة
;p

اختي sn3a
بما انه موضوع البوست الاسبق عن البحث عن وظيفة

ليش ما تشتغلين عالمة
قرافولوجي
!!!؟؟؟؟؟

شنو الاسم الكريم؟
sn3a
شنو الوظيفة ؟
اقرأ خطوط الأوادم

قوية
!

Kuwait said...

@@
سنـعه
انتي روحي مثل هالدورات بعدين تعالي علمينا ..
البوست الياي انا بحطلج توقيعي وخطي التحفه بالعربي وبالانجليزي وبرسملج جم شخبوطه عشان تحلليين شخصيتي ;p
اتفقناااااااااااااااااا ؟

Sn3a said...

احمد نبيل
دام حللو صدامو يحللون الكل لاتحاتي لول

عشان اصير عالمه او استاذه قرافولوجي يبيييلي دربببب
لا وفوق هذا في شغلات ماراح اعرفها لانها محتكره من علماء اسرائيل وامريكا

Sn3a said...

كويت الغاليه

لول ماعرف احلل انا للحين اليوم بس رحت محاضره تعريفيه
ان سجلت بالدوره ان شاءالله احللكم من عيوني
لول


نورتي البلوق

N a 9 i R said...

hello :)

awal shay 3albaraka elta5aroj :)


madry wain shift e3lan haldawara china 3al net !!

elmohim madry laish ma bala3t el maw'6o3 ! ya3ny 9a7 fe nas t7alil el sha59ya min el face to face talking aw el tv interviews bs min el 5a6 madry !!

3omaman hope u had fun :)

Sn3a said...

ناصر
وينك انت
تو مانور النت

يبارك فيك خيو ثانكس
انا اكثر وحده ماكانت تؤمن بهالسوالف
بس اي شي في علم اصدقه

لاتقاطع

بـابـل said...

الله الله

والله انا قارى عن هالعلم وااايد

وحاب أتعلمه بس ماكو مزاااج

ووقت


بس انا عندى علم قراءة الشخص من
خلال عيونه

طبعا موهبة ربانية

:)

مشكوورة سنعة


وبس


بابل

Mok said...

عاشت سنعه
:)

الزين said...

خووووش دورة

خصوصا اني كنت معاج فيها

:))))


عدي احرف النون وتعرفين الحقيقه

:**

صباحج سكر

|:| DUBAI |:| said...

بأيام الثانوية يا سنعة
كانت مدرسة يديدة تصلح ورقة امتحاني
طبعا ما كانت ادرسني
قالت حق مدرستي
أبى اشوف راعية هالخط
يوم شافتني
أونها حللت شخصيتي
قالت من خطج .. أحس انج معقدة
LOOOOOOOOOOOOOOOOOL

كبرياء وردة said...

الله

احب هالسوالف

يلا بعطيج خطي وحلليه:p

صار ودي اسجل بالدورة:(

chandal/danchal!! said...

Sn3a

تصدقين!!

والله قلبج على قلبي!!! صارلي فترة افكر بخطي!!! من وعيت على هالدنيا

تبين تعرفين ورقتي؟؟؟

شوفي افتح خط!!!!!!!!!

ما اعطي من روحي كلش!!!

الكل يتذمر مني... المدرسات المعيدين دكاترة الجامعة والحين رئيسي بالشغل!!!

مو قادرة اغير او اتتك عل قلم

على قولتهم" انتي تكتبين بالحبر السري"؟؟؟؟

حتى توقيعي... طرق الاسم... مالي خلق اتفنتق!!!

تهقين لو تشوف خطي "ستلا ماتيوووووس"

شبتقول عني!!!!

Blog 3amty said...

والله ..

خوش معلومات وأهم معلومة أن الدورة مختلطة :P

Don Juan said...

سنعه
انا بكتب بايدي اليمين على ورقة و بدزها لج بالايميل و انتي وديها معاي المحاضرة و قولي حق المحاضر هذي سامبل قولنا هالشخص شنو مايته ;Pp
احتمال تلقين مخه يسيح من خشمه ;D

Don Juan said...

^^
وديها " معاج "
مادري متى بلوقر بتطلع فيه خاصية ال edit حق الكومنتس :@

ANGEL HEART said...

حلوو ومعلومات مفيده
تصدقين انا خطي ماحسه ثابت دايما متغير انفع حق التزوير :Pp

أحمد الحيدر said...

والله شوقتينا أخيتي .. وأخيرا شفنا هالسنة شي حلو ومميز من ربعنا بالاتحاد ؟

لو يمكن يسوون وانا مو متابع الله يعطيهم العافية عموما :))

وعادي مختلطة لا تتحرشين .. اختلاط شرعي ;p

بس فعلا حبيت الموضوع .. ودي لو أدرسه .. خاصة الحمد لله عندي قدرة على تمييز خطوط الزملاء معاي لأني أصحح وراهم الكتابات .. يعني مثل المدرس يميز خطوط طلبته ..

بس شلون من الخط يعرفون فيه سرطان دم ؟

كل شي يجوز بهالزمن ..

عموما تدوينة جميلة ..

تحياتي :)

Free_Moi said...

اول مره اسمع الاتحاد يسون انشطه جي


بس شكله خوووش دوره كانت


يالله تعلمي عشان تدرسين شخصيتي :p

Sn3a said...

اخوي بابل

عجبتني فكره علم قراءه الشخص من عيونه
يسلمو عالمرور

Sn3a said...

mok
عاش من قال لول

Sn3a said...

الزين
لول حرفين نون يعني انتي انسانه جاده ماتحبين الغشمره ;p
عاد صج كنتي معاي;p

يسلمو عالمرور

Sn3a said...

دبي
لووول ضحكتيني يالغاليه
انا خطي بالثانويه كان حلوو
لا وكنت مسئوله السبوره جم مره ;p
اكتب تواريخ واكتب بسم الله الرحمن الرحيم

بس بالجامعه مالي خلق انقش كله عالسريع
واخرتها اسوي كوبي على نوتات رفيجاتي لاني مافهم خطي

Sn3a said...

كبرياء ورده

لول انا حضرت المحاضره اللي تتكلم بشكل عام عن هالعلم ماعرف احلل جدامي درب

والله الدوره جدام ممتازة انا بسجل فيها ان تكررت مستقبلا

Sn3a said...

جندل

لووول انا بالجامعه اخترب خطي
لاني قمت اكتب واسمع الدكتور بنفس الوقت
بالثانويه يعطونا مجال نكتب
بالجامعه كلشي عالسريع

طلع اسمها استلا ماتيوس
;p

عاد بالكليه علمونا نكتب بالحبر السري
ماصارلي شهرين تخرجت ونسيت اسم الماده المكونه للحبر السري
الله يستر لول
نورتي البلوق

Sn3a said...

بلوق عمتي

لول انا من اقرا نكك ادري بضحك
;p

Sn3a said...

دون

لول ماسجلت بالدوره
انا بس رحت المحاضره الرئيسيه اللي تتكلم عن العلم بشكل عام

بس ترا الدوره مو تابعه الاتحاد
بس المحاضره كانت تابعه لانشطه الاتحاد حسب ماقالولي هناك

Sn3a said...

angle heart

انا لي خطين
خط الدراسه
وخط اذا كنت فاضيه ماوراي شي
وقالي بالعكس هذي موهبه حلوة ان يكون لج خطين مختلفين

والخطوط غالبا تعتمد عالحاله النفسيه والامراض النفسيه والعضويه اسم الله عليكم وشلون يشوف الشخص نفسه
وشلون يبي الناس تشوفه

Sn3a said...

اخوي احمد الحيدر

والله انا بنت خالتي قالتلي عن هالانشطه لانها تحب هالسوالف

لول من دشيت المحاضره جان تقولي اكيد بتحرشين بالاتحاد مو
قلتلها يه لازم خو يدرون فيني
;p



وايد ترا حلو الموضوع ومتفرع
يعني لتحليل التوقيع والخط بشكل عام تاخذ دوره لمده 5 ايام
لمعرفه الامراض النفسيه والعضويه دوره لمده 7 ايام
وهلم جرا
بس يعرفون الامراض من ميل الاحرف , طريقه رسمه الاحرف سواء حاده او على شكل كيرفز واشيا وايد
وقال مهما وصلتو بهالعلم ماتقدرون تمسكون كل مفاتيحه لان باجي المفاتيح محتكره من اسرائيل وامريكا

بس شي حلو والله

Sn3a said...

فري موا

والله انا مادري بس بنت خالتي قالتلي لانها وايد تحب هالاشيا
فقالتلي ان المحاضره من تنظيم الاتحاد
بس الدوره المفصله مالها علاقه بالاتحاد يتروالي لكن تقام بجامعه الكويت
بصراحه معلوماتي مو دقيقه عن الدوره المفصله

نورتي

Salah said...

ما أعتقد في أحد يقدر يحلل توقيعي

شكرا على المعلومات

:)