اليوم قلنا بنجرب سويتس من مطعم فوندو الصالحيه
رحنا
مع ان تغدينا بسلايدر
بس قلنا خنجرب شي من الموالح عندهم
تقيمي ماقدر اقول ان بيرفكت لان ماجربت الوجبات الرئيسيه اللي تعتمد على التشيز فوندو
لكن بشكل عام التجربه كانت جدا عااديه
يعني الصور اللي شفتهم بالبلوقات والفيس بوك خلوني اتوقع تجربه احلى من جذيه
هذا من الاشيا اللي طلبناها يتروالي اسمه fried mushroomيعني حتى الجبن اللي اهو اساس المطعم توقعت يكون مميز وهاي كواليتي طلع عادي
مو سيء
بس عادي
والسويت طلبنا نوتيلا براوني
ماحبيته لان طعمه نفس البراوني الجاهز مال بيتي كروكر اللي بس نضيف بيض وزيت وجذيه
يعني حتى الوصفه يتروالي مو مميزة
والنوتيلا عباره عن صوص فقط
بشكل عام احلى شي كان الديكور والمديره كانت وايد لبقه وحبوبه
