السلام عليكم
الكل يدري بعظمه الايام اللي نمر فيها
واللي يمر فيها المسلمين بكل بقاع الارض..
ومايخفى عليكم مدى الفتن اللي قاعدين يزرعونها نسبه حقيره من الناس
يحاولون يكسرون هالوحده
ويحاولون يقسمون هالديره وغير هالديره
لكن
مثل ماتعودنا
بكل سنه
وبكل ليله مرت علينا احنا كشيعه نقيم الشعائر الحسينيه من نعي وتذكير بمحاسن اهل بيت رسول الله والمصائب اللي مرت عليهم
وحتى حين مولد ووفاه الرسول الاعظم محمد صلى الله عليه وعلى اله وصحبه اجمعين
مالقينا من اخوانا الا كل تعاون
وتفاهم
ومساهمات عظيمه
كانت كالابره بعين المشككين بوحدتنا واجتماعنا تحت مظله اسلام واحد
البيوت تسخر كل امكانياتها
البيت اللي يسخر مساحته الخاليه كمسفط لسايير الموالين لأهل البيت
والبيت اللي يسخر ساحاته للكراسي
صارت الكويت كأنها فريج واحد ماعرفنا بيت السني من بيت الشيعي
ماعرفنا بيت السيد من الشيخ من المطوع من السلفي من الاخواني
الكل جاد بكل مايملك
كعادة الكويتين
امس كنت وغيري وغيري قاعدين بنص فريج
كله كراسي
وجدامنا بيت
فيه شاشه وعلى الشاشه السيد يقرا وينعي
مافي احد شكا
ولا احد قال روافض
ولا احد قال اصحاب بدع
مع العلم ان مجرد شخص واحد يشتكي له القدره ان يخلي صاحب الحسينيه يقتصر الشعائر ببيته
لكن شاللي شفته من هالفريج وغير هالفريج؟؟
شفت الكويت
وشفت معدن اهل الكويت
الله يخلينا لبعض ويخلي الديره لنا
وعسانا دوم بهالحال وافضل
وتظل وحدتنا شمس ومنخل الطائفيه عمره ماراح يغطيها
من لايشكر الناس
لا يشكر الله
0 comments:
Post a Comment