شمس

لين سلت الشمس نورها بوجهي,
سألتها ياشمس هو عناد تبجرين؟
توني بأول السهره وقلبي لهالحين يهذي,
وشهو صباح؟ مامر علينا الا دقيقتين...
***
توها السوالف..مازال جوعان الحنين,
ياكبرها الحسايف..قلبتي اشواقنا لعزف حزين
***
ياشمس ليه مكابره ردي؟
مستحيه بسبه سواتج تردين؟
شجابج وانا حلفتج بصدي,
ولا مستقصده بقلبي تلعبين؟
***
توها العيون تلاقت..هوى مكتوب برسم الجبين
وحروفنا هالحين هامت..بين الحشا واسمعوها الساهرين
***
شمس بلاها هالمكابرة وغلاة جدي,
تراني مثلج عبد من عباد ربي العالمين
لكن لي عقل كبير يوزن بلد ماهو على قدي,
لأشوف خلي وانتي مصبحه وعناد حتى وانتي تمسين!