Sunday 23 December 2007

اعترافاتي!




اعترف


اني احب الشتا عشان المطر




اعترف




اني احب اشوف المطر يضيع بين طيات البحر




ينزل من الغيوم قاسي




ينصدم باقسى منه




هذا حالنا جميعا!




اعترف




اني احيانا ماحب اسمع الحقيقه ان كانت بتلسعني!




اعترف




اني احيانا استغرب من التغيرات اللي غزتني..واعترف اني استمتع لما يتفاجأ غيري ..بتغيراتي!




اعترف




اني احب صوت اليسا




واني ما اذكر جم مره عدت اغنيه (اواخر الشتا) ومازلت اعيدها




اعترف




اني احب اقعد بالسرير ساعه عقب ما اقوم من النوم..ارتاح من النوم نفسه




ان بدا يصعب علي اكتب بيتين شعر ..يصعب علي اترجم نفسي




ان ماعاد يهمني عدد المسد كولز او المسجات




اعترف




ان الاعداد..التواريخ..الاسعار..الاصدقاء..التنافس..اهيا وسائل احنا خلقناها..وخليناها تتحكم فينا ..وتقيمنا..ونتعب من هالتقييم وايد!









اعترف




اني مليت من الدراسه اللي كنت اعشقها واعشق التعب فيها




واني ماجست ولا كتاب بالايام اللي طافو




واني عشت العيد بكل مايحمله من ضحكات !









ايضا,




اعترف..اني بديت اعشق الانتظار




واني استخدم حساسيه عيوني عذر عشان ابعد الوالد عن التدخين اللي يزوره احيانا!









اعترف




اني حبيت اعتراف رويشد لما قال




اعترفلك..انتي اول حب




وانتي اخر حب




انتي اول حب وانتي اخر حب عشته في حياته!




حبيت الاحساس




ان اهو مازال على قيد الحياة




لكنه حكم بانتهائها لمجرد فراق..محبوبته!




وبهالمناسبه اعترف ان




life DOES depend on someONE









اعترف




اني shopaholic




وفي منتصف طريقي للمعافاة!









اعترف




اني بحتفظ بباجي اعترافاتي لنفسي




:)

36 comments:

Eng_Q8 said...

وانا اعترف ان بوستج عجيب :))

واعترف اني اتفق معاج باشياء كثيره قلتيها بالبوست

Sn3a said...

eng
مشكوور خيو ماقصرت
نورت البلوق

Najmah said...

اعترف
ان غالب اعترافاتج تتفق مع اعترافاتي

واعترف
ان البوست امتعني

Sn3a said...

نجمه

تسلمين يالغاليه
احنا اعمارتنا متقاربه
طبيعي نتشابه بنقاط كثيره
لكن ماراح نعرفها الا لما نقولها:)
نورتي

الحب said...

ابدعتي :)

انا اعترف اني قاعدة افكر بشكل جدي اني اكشت بالدوام باجر

ما شبعت من النوم

Sn3a said...

الحب

يسلمو
انا قريت الكومنت مالج الساعه 6 وانا قايمه حق الدوام
بغيتي تشيشيني الا شويه

الحب said...

زين اللي ما شيشتج جان حسيت بذنب :)

انا تعوذت من ابليس و داومت :)

5roofa said...

لووول ياااختي على هالاعترافاات

بوست روعه و فكره حلوه

اوف انا اكثر منج اموت على المطر و الشتاا

وايد اشياء قلتيها حسيتها موجوده باغلب الي شفتهم

و في شي قلتيه حبيته واااايد

life does depend on someone

thasnk alot 3ala el great words

وانا اعترف انج طيبه و حبوبه و ادشين القلب بسرعه لوول

salamz sweetee...

Sn3a said...

الحب
لول ضحكتيني
انا كل مايرن المنبه اتعوذ من ابليس!



ابله خروفه الغاليه
يسلمو حبيبتي عيونج الحلوة
من طيب اصج:)

حياتي هدف مو عبث said...

خووش إعترافات :p
وأحلى إعتراف إعتراف 6

Sn3a said...

حياتي هدف
مو عبث

تسلمين حبيبتي
نورتي

Fahad Al Askr said...

أنا بعد أحب أليسا بس أغنية لو تعرفوه

Abdulla Al Ameri said...

من اروع المواضيع اللي قريتها صباح اليوم

Sn3a said...

فهد العسكر

انا احب كل اغاني اليسا
صج لوتعرفوه كانت روعه ومازالت

نورت خيو

Sn3a said...

الاستاذ بلاليط
صباح الخير خيو
مشكوور ماقصرت على هالكلام الحلو:)

فتى الجبل said...

يا كثر اعترافاتج
شكله التحقيق حده قوي:p

بـابـل said...

مساء الورد سناء



::::::::::::::::
اعترف

اني احيانا ماحب اسمع الحقيقه ان كانت بتلسعني!

:::::::::::::

رووووعة هالمقطع

.
.
.

إعترافات حلوة من قلب شفاف

وعفوية جدا وتقطر صدق

وشكرا لك لأن خليتينا نطالع شاشة روحك الطاهرة


وبس


بابل

Sn3a said...

فتى الجبل
اهو تحقيق مع الذات نقدر نسميه

:P

في بعد اشكثر
بس ماكتبت

نورت خيو

Sn3a said...

بابل
النك سنعه مو سناء خيو
الاروع تعليقك ومتابعتك

شكرا لك على هالكلام الحلو
ماقصرت

عالية said...

اعترافات جميلة منج

دمتي بحب ياحلوة

Sn3a said...

عاليه
مرورج اهو الاجمل خيتو
ماقصرتي

فريج سعود said...

وانا اعترف اني مثلج اقعد ساعة بالسرير علما اقوم ويمكن اكثر شوي
نوعج المباحث ما يتعبون وياج بسرعة تخرين الاكو والي ماكو

Sn3a said...

فريج سعود
حجي فريج سعود احلا..
اول شي نورت البلوق خيو

اشوه مو بس انا اقعد بالسرير وايد لول
اييي انا بسرعه اقول كل شي
بس لاتحاتي احيانا اقول كل اللي ابيه واللي مابيه اخشه مو هينه

الخيلاء said...

ليتنا نملك الشجاعه و نعترف .. بوست روعه :)

الخيلاء said...

ليتنا نملك الشجاعه و نعترف .. بوست روعه :)

Sn3a said...

الخيلاء
كلنا بداخلنا شجاعه
بس للحين ماعرفنا مقدارها

Anonymous said...

nice

esTeKaNa said...

أعترف لج...بالليالي في غيابج سهرني
!!
سمعيها حق عبدالكريم وانتي تعترفين لا هالاعترافات الجميله

اشاركج بعشق الشتا
واعترف لج..للمطر بعد وعمق في روحي
وانا مثلج
اغمض عيني احيانا..عن حقائق واضحة وضوح الشمس جدام عيني
نخاف على قلوبنا؟
ولا شفينا؟
:)
تستغربين من تغيراتج
بس اشلون تكتشفينها؟
عادة..ما يحس بالتغير الا البعيد من زمان عنج
!!
أواخر الشتا سمعتها صدفه
واعتقد انها نازله بوقت مناسب


الراحة من النوم تعريف ذكي للتنح اللي ايييني عقب النوم
:)
وان كان يصعب عليك ترجمه نفسك
فاسمحي لي...انتي تجيدين ذالك اكثر من ما تتصورين صدقيني


ما يهمك عدد المس كولز والمسجات؟
هنيالج
كبرتي
وحققتي اتفائج النفسي والعاطفي والاجتماعي مع نفسج
:)


ملل من الدراسه..ملينا
وتحلطمنا
وكنت اكره من يقولي بتفقدينها
ولكني اعترف
فقدتها
!!
احساسج بالنجاح عقب التعب
راج يبدد احساس الملل


عشق الانتظار؟
مممم
ذاك الشء اللي يقتل تفكيري
يا انتظر
يا افكر
:)

اعتراف رويشد احلى اعتراف
تهقين في بنت ما تحلم بهالاعتراف؟
:)

اعترف لج؟
اني فعلا استمتع بقراءة حروفج
وصدى صوت تفكيرج
واعترافاتج الجميله
واتمنى تكونين بخير
:)

Sn3a said...

حمودي
ثاانكس
يسلمو عالمتابعه الحلوة

Sn3a said...

استكانه
عقب الكومنت بسمعها
بس جد
الكومنت مالج احلى من البوست بكبره
حبيت الكومنت واحد

مرات نحب نخلي الناس بنفس صورتهم الحلوة بداخلنا
نسد اذونا حق الحقايق عشان لاتنجرح هالصوره
اما بالنسبه للتغيرات
لأنها كانت عمدا
مو تغيرات على مدى بعيد

اعتراف رويشد روعه
وكبير!

اعترف
اني جد حبيت الكومنت وردج على كل اعترافاتي

Anonymous said...

that was nice :)

Sn3a said...

ثانكس انونمس
:)

عثماني said...

جميلة جدا هذة الاعترافات

كل عام و انتي بخير اخيتي العزيزة

و عساها سنة سعيدة عليج

:)

Sn3a said...

الاجمل مرورك اخوي عثماني
وانت بالف خير وصحه وسلامه ماقصرت

Little Bird said...

اعترف ان هناك ثمة تشابه بيننا فانا من عشاق الشتاء وصديقي المطر
اعترف ان مدونتك سوبر رائعه
اعترف اني من برج الميزان لكن ميزانيتي تحتها مئة خط
اعترف انني اتطر احيانا الى البجاحة

Sn3a said...

توني انتبه عالكومنت
مي وعشرون عاما

انا بعد ميزان
وميزانيتي تعبانه

ثانكس عالكومنت اللطيف