Friday 14 March 2008

بعد ما اصرخ.. شسوي؟




شخصيتي غريبه
مصدر غرابتها
اني عشت بكل مرحله من حياتي حياة مستقله تماما عن الاخرى
طفوله ملتصقه باهلي منعزله عن العالم بما فيه
مراهقه منعزله عن اهلي متصله بالعالم بكل مافيه
شابه منفصله متصله

الكل جرب يفقد صديق
بس اكثر شي يؤلم
او يضحك
ان نفقد باكج من الاصدقاء
بكل سنه شخص
وبكل شخص تسأل ليش
وماتلقى جواب
جايز الصداقه تختلف
صحيح انها كلمه غير مطاطيه
لكن نيه الشخص لما يقيم هالصداقه ماتكون نظيفه 100%

صديقاتي السابقات
الى لحظه الخلاف
كانت الواحد منهم كفر يدفيني
مخده تجمع دموعي
وكتاب يجمع لحظاتي
ما انكر
غالبا ماقصرو معاي
لكن بالاخير
عوضو كل هالاهتمام بطراقات

والحال نفسه بالنسبه حق قريناتي من الاهل

هالشي خلاني لفتره معينه منعزله
اراجع نفسي
طبيعي مو كل الناس غلط وانا الصح
لكن اللي ضعت فيه
شنو الغلط
او شنو اهو الصح!

ماعلينا
كانت دايما تمر علي لحظات اتمنى فيها اختبر الحياة بدون احد
شسوي
ان كنت على جزيره منعزله
مافيها الا انا
شنو اول شي بسويه
؟
اصارخ
يس
ابي اصرخ من قمه راسي
ابي اجرب صرخه قمه الراس هذي اللي يقولون عنها
وبعدين؟
ابي اركض
اركض لين ينهد حيلي
الركض مريح حيل
بره الديره
استغل فرصه ان رحنا مثل رحلات لمناظر طبيعيه
اني اركض حيل
جد الحيويه اللي تلبسني تكون حلوة والهوا نظيف وبارد

وبعدين؟
عقب كل هذا
راح اقول يريت احد معاي

المشكله ان احنا نعرف بعجزنا عن الحياة بدون ولا شي
لكن نتمناها
قالها الامام علي سلام الله عليه:
رب دهر بكيت منه,فلما صرت في غيره..بكيت عليه

ليش نطمع باشيا
ماراح ترضينا
او جايز
ترضينا لفتره بسيطه جدا


بس السؤال:
شسوي بروحي بعد ما اصرخ؟
شبسوي بروحي بعد ما اركض؟

38 comments:

عثماني said...

سنعة شلونج؟

جميل هذا البوح الذاتي

صدقيني هذي بداية الطريق الصحيح

وصدقيني كذلك هناك...حول ... الكثير ممن يعيد اليك ذاك الدفئ الذي تبحثين

فقط ..ابحثي عنهم

`~MnO YeNSa! ~` said...

ابتدى المشوار
و الدنيا فيها
الحلو والمر
وهني العقل يسيرنا
و احنا نملك الحدود
في كل شي و باي علاقة

Shather said...

@@ we we شفييج عسى ما شرر !!

بـابـل said...

صباح الورد


عزيزتي عجبتني هذي الجملة


/كانت الواحد منهم كفر يدفيني
مخده تجمع دموعي
/

الدنيا تعلم وتكشف أقنعة الأصحاب مع الوقت


وبالنسبة لسؤالك

شسوي بروحي بعد ما اصرخ؟
شبسوي بروحي بعد ما اركض؟

أحب اقولك جنة من غير ناس ماتنداس

وشنو معنى الصرخة إذا مافيه شخص ثاني يسمعها ويتجاوب مع صاحبها ويخفف عنه الألم ويداوى جروحه



شكرا لك بوست حيل عجبني



وإنشاء الله ماتصرخين من مكروه


وبس


بابل

فتى الجبل said...

الحياة اخذ وعطا
الحياة لازم احيانا تشدين فيها واحيان ثانية ترخين
طبعا كل هذا بالصح مو بالغلط
يمكن انتي ورفيجاتج كل وحدة فيكم خذتها عزة النفس بالاثم وما قدرتوا متى تشدون ومتى ترخون بعلاقتكم...يمكن
وبما انج بجزيرة بروحج فعقب ما تصارخين وتركضين روحي البحر وسبحي عشان تهدا اعصابج

Sn3a said...

عثماني
هلا والله اخوي عثماني
انا بخير عساك بخير خيو

i will keep on searching

شرفتنا بهالمرور الحلو

Sn3a said...

الغاليه منو ينسى

و احنا نملك الحدود
في كل شي و باي علاقة

بالضبط

يسلمو عالكومنت الحلو

Sn3a said...

شذر
ماكو شي الغاليه
بس تحلطم بيني وبين نفسي
لول

Sn3a said...

صاحب الابيات الرائعه
بابل


أحب اقولك جنة من غير ناس ماتنداس

وشنو معنى الصرخة إذا مافيه شخص ثاني يسمعها ويتجاوب مع صاحبها ويخفف عنه الألم ويداوى جروحه

كلامك عين العقل
سواء صرخت بنص ناس مايهتمون
او بمكان مافيه احد
النتيجه وحده

يسلمو عالمرور والتواصل الحلو

Sn3a said...

اخوي فتى الجبل

دايما مشرفني بالتواصل الحلو

وما قدرتوا متى تشدون ومتى ترخون بعلاقتكم...يمكن

صح100%
اما سالفه البحر
فكرتك روعه!

بس اذا كانت الجزيره وبحرها نفس مسلسل لوست جايز اتصبر جم يوم لول


يعطيك العافيه

Sn3a said...

اضافه على كل اللي شرفني بالتعليق
ماشاءالله عليكم
كل واحد عالج المشكله او ساهم بكومنت
وكل كلامكم صح
ومريت فيه
وحسيت فيه

يعطيكم الف عافيه لانكم معاي بكل وقت

Maximilian said...
This comment has been removed by the author.
Maximilian said...

اصعب شي حينما يعيش الانسان في وحشة
بين الناس ..

صج ترى مو شرط الناس يكونون اهم الصح ،، مرات الناس ما تفكر ب منطقية وانتي الوحيدة الصح ، بس راح تتعبين اذا ما جاريتيهم

لذلك احيانا هجران الناس انس لج بس صعب هالشي ، ان تكون مجنونا في ارض المجانين خير من ان تكون العاقل الاوحد

الحل الاسهل هو ان لا تكوني العاقل الاوحد في ارض المجانين

شقاعد اخربط لول

Sn3a said...

ماكس

ان تكون مجنونا في ارض المجانين خير من ان تكون العاقل الاوحد

اي والله
المشكله تدري وين
لما ترد عليهم بكلمات اهم يستخدمونها
او تنبههم ان اهم يسوون نفس الشي اللي قاعدين يتطنزون عليه
تكون انت الغلط حزتها!

نورت خيو

loco said...

very nice walla :)

فريج سعود said...

احاسيس رائعة
بس الوان تعور العين
عمليتي الليزك الثانية على حسابج

Sn3a said...

Loco
thanx bro:)

Sn3a said...

فريج سعود
مرورك الاروع خيو
سمالله عليك لول
خلاص المره اليايه ماراح احط الوان جذيه:)


يعطيك العافيه

mowa6en said...

كلام ليس كالكلام .
كلام مبطن بالحزن ولكن دائما وفي الحالات الطبيعية وليست الاستثنائية ان بعد الحزن فرح ، ولكن كله يعتمد عليك أنت .

اعانك الرب

Anonymous said...

شوفيها اب هالطريقه ترتاحين .. فكري ان كل مرحله بحياتج تكونين تبين شي معين .. الله ايبلج هالانسان عشان هالشي ولما تخلص مهمته يروح ويي غيره .. تقولين ليش مافي احد يظل مثل ما اهو طول العمر .. ببساطه لان مافي احد دايم غير ربج .. فالله يبي يعلمج على الامان والفراق .. لانا كلنا راح نروح
اتمنى فهمتي كلامي

Sn3a said...

مواطن

تدري اول ماكتبت البوست كنت عادي
بس لما رديت قريته هني وصلني الحزن

اني وي
الدنيا جذيه
يوم لك
وجايز اكثر من يوم عليك

تسلم على هالكومنت
ونورت البلوق

Sn3a said...

feelingstalk

تدري
مره شفتها بهالطريقه
لكن حسيت اني استغلاليه
مادري ليش!

يعني حلو الواحد يكون له صديق يكبر معاه مو

يعطيك العافيه ونورتو البلوق

5roofa said...

ابجي

طبيعي بما اني خروفه هذي الخطوة الثالثه

و مادري بعدين اقعد اتامل بالبحر و انسى كل ي و ما افكر و اصفيي بااااالي على الاخر و يمكن ادش البر اسبح

ماادري وايد اشياء ممكن اسويها لي انوجدت بمكان اتمنى اكون في من زمااان

ما شتوفين شر بالغاليه

طمنيني علييج

salamz sweetee....

Sn3a said...

ابله خرووفه!
اسفرت وانورت
تبين الصج
توقعت منج تقولين الشي الثالث

اقولج سر
اهو الشي الثالث مالي بعد
نورتي

Mok said...

:) خوش بوست

Sn3a said...

mok
ثانكس خيو
نورت:)

Anonymous said...

nice blog...

bs friendship is overestimated :)

Don Juan said...

give people what they deserve not what they want so that you will feel comfortable and you'll never have such thoughts :)

live it ,, just live it don't think about the others that much except if they deserve your caring :)

by the way before I forget , it's a " THUMBS UP " post ;)

وردة حب said...

أخ ياسنعة

طحتي عالجرح

الصدااقة شي ناادر

ووينة المخلص اللي يستم العمر كلة

كلهم من يتزوجون او يتوظفون او تنتهي الدراسة يتفرقون

انا اقول عودي نفسج انج فيهم وبلياهم عايشة

وموضروري يكون عندج صديق طول ما اهلج وخواتج وامج حوالينج صدقيني سنوعة مابتلقين اوفى واقرب واأمن منهم على سرج

والله يعوضج خير

وكااني اهني لوووول اعتبريني صديقتج:):):)

Sn3a said...

anonymous

thanx for passing by
it's overestimated
but we should always give it 110%

Sn3a said...

don juan
give people what they deserve not what they want

حبيت هالجمله!
عدل كلامك

ثانك يو عالتواصل الحلو خيو

Sn3a said...

ورده حب
منوره البلوق اختي

عدل كلامج
وجود الاهل اكبر نعمه
بس مرات ودج تحجين زياده
يعني مو كل شي ينقال حقهم

عشان جذيه سويت البلوق

انا الحين عندي صديقات نيو
بس مابي اوصل لمرحله اني اقول كل شي

تسلمين اتشرف بهالصداقه

~Lush said...

i liked the way u expresaed urself, el 9ada8a shy thamen,jarbi el 9ar5a ely mn Qimat el ras tra 5osh shy ana mjarbat`ha ETRAYE7 :P

Fahad Al Askr said...

ليش بتصرخين قلتي لي؟

esTeKaNa said...

مسا السنع والاحساس كله
:)
تدرين سنعه؟
كل مرحله نمر فيها بحياتا ناخذ منها وتعطينا
ناخذ منها لحظات سعيده
وخبرات تفيدنا
وتاخذ منا ناس ربي مو كاتب يكلمون حياتهم ويانا للعده اسباب
قد يكونون طيبين ويانا بالظاهر بس قلوبهم مو علينا
وقديكون الله كتب يروحون منا بهالوقت عشان ما ننصدم فيهم اكثر بعدين
!!
تدرين؟
يمكن لو غيرج ما دقق بالتفكير بكل مرحله شنو كان اهو فيها
بس انتي لانج شفافه مع نفسج
تتأملين بحياتج كثير
راح توصلين حق هالتفكير
بسطيها وحبي كل مراحلج بكل اخطائج وكل تجاربح فيها

عندي احساس غريب
يخوفني مرات
!!
ان الانسان اللي يفقد ناس في بداية حياته،او الانسان اللي يتعب في بداية حياته
مصيره يرتاح
وبمرحله بمراحل حياته يكون كل شي حوله
:**
اتمنى لج سعاده دايمة

Sn3a said...

lush
intresting nickname btw
so you recommend it? i will try it someday

thanx for passing by sis
hounred

Sn3a said...

فهد العسكر
اسفرت وانورت
وينك ياخوي ماتبين!

بصرخ
من كل شي
من اني اسوي الاشيا اللي ابيها
بالوقت اللي مابيه
او انها تصير بالوقت اللي مابيه
هذا سبب من الاسباب:)

Sn3a said...

مسا الورد
مسا الفل استكانه

مشرفتنا اليوم عسى دوم الغاليه

عندي احساس غريب
يخوفني مرات
!!
ان الانسان اللي يفقد ناس في بداية حياته،او الانسان اللي يتعب في بداية حياته
مصيره يرتاح
وبمرحله بمراحل حياته يكون كل شي حوله


جد حتى انا
بس انا من نوعي مستعيله
اقول متى
يعني حلاة الواحد بهالعمر يبني صداقات تظل وياه عرفتي
مابي شي مؤقت او لمصلحه معينه

نورتي