Thursday, 3 April 2008

تذكـــــ ! ـــر


يباغت اباه


ويطلق لساقيه العنان


وكأنه يهرب من شي ما


يرتطم برجليها


برائته كطفل لاتخفي شقاوته


وصوت والده يناديه ويتوعده بالعقاب الكبير فهو قد فشلهم!


تثني ركبتيها حتى تقارب طوله


وتناظره


اطالت النظره


انها تعرف عينيه الجميلتين


بل انها تحفظ تماما تلك التقاسيم


يقترب الوالد


تراه


يختل توازنها فتمسك اقرب كرسي حتى تقف


تناظر الوالد


ها هو والده


وهي من كان يفترض بها ان تكون الام!


يقترب خطوة ويرجع خطوتين


تمسك الطفل تضمه تشم شعره بكل انفاسها


تقبل جبينه


وعينيها تناظر الطفل الكبير الذي قد كبر معها


وتدلل بحنانها


وتمتع بمشاعرها


ورحل


تمسك يدي الطفل


حتى تقدمها لوالده


تمضي


فتسابق دموعها خطواتها على الارض


حتى تخلف اثرا رسم ذكرى اخيره على فصوله


بل ربما تكون الاولى


فهي حتى الان لاتعلم ان كانت تنبض بالحياة بعد انتقال قلبه الى جوف اخر!




تذكر .. لما كنا احباب انت وانا؟


تذكر, لما كنت تغيب..وكنت انا اشتاق..والثواني تمر! اطول من سنه


لما ترجع (بابتسامه) انسى نفسي و (الملامه) وكل شــــي يغيب..الا انت..وانا!


http://iraqi.salmiya.net/songs/rabab/ram/rabab84.ram




هالاغنيه timeless


enjoy!



ذكريات


وش يفيد الماضي فينا


غير امل عدانا, وفات


غير قلب بصغره.. مات


غير احزان تهجر الدنيا وتجينا


الا يالغالي تعال


انا من زمان كان بودي اسئلك


يللي قلم الخواطر ماجف واهو يكتبك


ليه بعد ماكان ودك تصرخ بهالدنيا بهوانا


صرت منه تبتعد و تستره تحت الظلال؟


ماهو اللي بينا كان خطوة نحو رابط بالحلال؟


ولا لعبه مغامر!


لعبه اسمها.. حب ..عابر

30 comments:

5roofa said...

امبي سنعه انتي كلامج مادري مادري

احس ما ينوصف من حلاته

صج صج صج روعه كل كلمة كل حرف كل شي والله

و الاغنيه تييييييييينن

salamz sis...

Sn3a said...

تلميذتج ابله ولو
عيونج الحلوة تسلمييين
اشوه عجبتج

هذي انا صارلي سنين معلقه عليها

نورتي البلوق

وردة حب said...

الحجي عذااااااااااااب

والاغنية عذااااااااااااااب

شتبييييييني اقوولج؟

مبدعة ومميزة صج سنعة وام السنع بعد:P

N a 9 i R said...

سنعة ..

في كلمة كنت أكره لما الناس تكتبها بالكومنت وهي ( مادري شقول ! )

بس راح أضطر أكتبها لج ! لأني صج مادري شقول و شكتب ، حسيت بوايد شغلات وانا أقرى كلامج و مرت ببالي وايد صور ..


لكن الشي الي متأكد منه إنه شعور دافي وجميل إجتاح شعوري وانا اقراها و هاذي إهي روعة كلماتك !


تظلين رائعة سنعة :)

ناصر

Sn3a said...

ورده حب
سمالله عليج من العذاب لول
مشككووورة حبيبتي على هالتواصل تسلميين

Sn3a said...

ناصر
صج صج تو مانور البلوق
والله استانس من اشوف اي كومنت منك
عسى يارب احلى المشاعر تغمرك

مشكور خيو
شرفتنا بهالكلمات

Fenrisar said...

SECURITY CENTER: See Please Here

Najmah said...

اي والله عذاااب

سنعة
كان للبوست تأثير كبييير
واقع مؤلم
لكن هذي الدنيا
والخيرة بالمكتوب
وعلينا نرضى فيه
:)

Eng_Q8 said...

الله يا دنيا تدور .. مهما نكبر ما نطول النجوم تبقى بعيده ومالنا سكت وصول

يا سلام

Sn3a said...

نجمه
يسلملي هالتواصل الحلو
بالضبط
علينا نرضي فيه

تسلميين

Sn3a said...

eng_q8
رباب صوتها حده مناسب الاغنيه مو

يسلمو عالتواصل بش مهندس

بـابـل said...

تمسك الطفل تضمه تشم شعره بكل انفاسها


هالمقطع ذكرني بشي


عزيزتي البوست مؤثر ولمس كل عابر سبيل على هالمدونة


وشكرا على الأغنية الحلوة


وزيدينا نبي بعد




وبس


بابل

esTeKaNa said...

بتشوف ناس
وتحب ناس
وتنسى
وأكون بدنيتك
.
.
واحد من الناس
!!
حقيقة ان الدنيا تنسيه
انه سيعيش
سيرزق من غيرك اطفال
وربما يرتاح
حقيقة مؤلمة لكل عاشقه ظنت ان برحيلها ستقف حياته
والحيااة لا تقف ابدا عند أحد


دمعتي عيوني على الصبح
بس بوست حلو
:)

Sn3a said...

بابل
هلا والله خيو
نورت البلوق
مشكور عالكومنت

Sn3a said...

والحيااة لا تقف ابدا عند أحد
بالضبط


ماعاش اللي ينزل دموعج استكانه

تسلمين حبيبتي

الدائرة الثانية said...

تفضلو بزيارة موقعنا والذي ينقل آخر الاخبار والتطورات في الدائرة الثانية بكل شفافية بدون اي تحيز لأي مرشح كان
وأرجو من صاحب هذاالموقع ان ينشر عنوان موقعنا وشكرا
http://ommah2.blogspot.com

Mok said...

روعة :)

من وين اتيبين هالكلام؟
:)

فتى الجبل said...

تسلمين على هالبوست

الأستاذ بلاليط said...

مرحبا و سهلا

مسا الخير
مسا الورد

نقطة اعجاب في بحر عذوبة حروفك

Sn3a said...

mok
الروعه مرورك اخوي
مرات اشوف موقف
او نظره بين اثنين
واترجم الموقف بكيفي

Sn3a said...

فتى الجبل
يسلمك خيو ماقصرت على هالتواصل الحلو

Sn3a said...

هلا باهل الامارات
هلا اخوي بلاليط

تو ما نور المكان يبا
مسا الفل نورت

عبثي said...
This comment has been removed by the author.
Aldenya said...

شعور صعب ومؤلم
بل
قاااااااتل
الذي شعرت به هي
بيدها الابن
وهو
امامها
تقفز كل الذكريات بذاكرتها
من ذكريات سعيده وحتى اليمه
حتى تتيقن
بان الواقع واقف امامها
هو
رحل واستقر
وهي
لازالت تصارع امواج حبه وفقدانه


كنتِ مبدعة
بل
انتِ دائما مبدعة

Sn3a said...

عزيزتي
الدنيا

رجل واستقر
اي عدل كلامج

مشكوورة على هالتواصل الحلو
تسلميين

waterfall said...

سنعه ما يطلع منج الا كل السنع

الله يستر هالأيام البوستات كلها عن هجر وخيانه


أصعب شي انج تتخيلين ان حياتج وقفت بدونه واهو مكمل بحياته ولا جنه بيوم صار شي

يعطيج العافيه على هالكلمات الروعه

Anonymous said...

San3a mn zmaan mo katbah shay... we missed ur stories tara...

hope to see something new soon

Dumuro said...

See Please Here

Sn3a said...

water fall

تسلمييين حبيبتي انتي
شسوي مودي جذيه ضيقه خلق لول
يسلملي هالمرور الحلو

Sn3a said...

any.
النكات ببلاش:p

والله مالي مزاج
حده المود معتفس

انشالله بكتب قصه تعجبكم عن قريب