Saturday 31 May 2008

احـــ 1 ـــنا..واهم!






يصلح جدها برواز لوحتها
فهي رغم عدم المامها بابجديات اللون وهندسه الفرشاه
الا انها تمثل اعظم فنانه عند جدها العزيز
فتسمع الصوت الساحر
الذي كان يستقطب قلوب الاطفال وجيوب ابائهم
برييد
برييد
فتسرع الى حصالتها
تقلبها
وتحاول ادخال اناملها
فيسارع جدها باعطائها ربع دينار ورقي
ثروة لها فتركض مسرعه
وتصرخ امها من بعيد
فاطمه لاتفشلينا لبسي جوتي قبل لاتروحين
لكن فاطمه تلبس صندل ابيها فتجره
يعيقها
تخلعه وتركض
يكون هناك واقفا
فهد
فهووود شوف بابا عود عطاني ربع يكفي حقي وحقك
يقول
ويه مسكيينه انا امي عطتني دينار
وينهرها
البنات مايصعدون عالتاير
انا انقيلج برد وخلي الربع حق الفرع بعدين

فترجع الى بيتها بعد وجبتها البارده

والتي يسهل على الجميع معرفه ماختارها لها فهد من البرد من الوانه على فستانها
فتنهرها امها مره اخرى
حافيه وهدومج وصخه شتبين الجيران يقولون
طفله هيا لكنها تحاسب كناضجه بعيني والدتها
ولاتهتم

بابا عود ترا ماشريت بربعك فهود شرالي
فيضحك بابا عود
لان فهود هذا حفيد صديقه العزيز المرحوم فهد والذي كان والده عبدالرحمن من نواخذ الكويت المشهورين
وكان ابو عيسى جدها لفاطمه ابنا لعبدالله بحار عند النوخذه عبدالرحمن

بسج لعب مع فهد كبرتي
فتجاوب على امها
ماما للحين انا هالطول
ماكبرت
انتي قلتي لما توصلين حق يده الباب تصيرين كبيره


يتبع

!

20 comments:

صبا said...

واخيرا نزلتي بوست الحمدلله علي السلامه

طولتي ,,,

قصه فهود,,, وفاطمه
ذكريتني بطفولتي البريئه

وأيام البروي
.......الخ


ولا طولين علينا بالجزء الثاني
تحياتي

esTeKaNa said...

تدرين شلي خلا ناس كثير تحب مصر
في فترة من الفترات؟
الكتابات
والقصص
وكل شي كان يكتب عن مصر
!
نقل الصورة
والاحساس
والتفاصيل الصغيره التي جعلت الكثيرين يرتبطون في مصر

لما اكتب هذا الكلام؟
لان هذا البوست رغم ان في البدايه الا اني احببت تفاصيله
والعلاقه بين النواخذه
والبرد
والفكرة كلها احببتها
وبانتظار البقيه
وطالبتج طلبه
لا تتأخرين علينا
:)
تسلم ايدج على هذه القصه الجميلة

الزين said...

شدتني القصة

وشاغبتني

بانتظار البقية على احر من الجمر

5roofa said...

بوووووووووووست واااي اشتقناالج يالغالية

امبي فهوود يشووق و فطوومة تشوق اكثر
يااربي يا حلات اليهال و سوالفهم

احسها بتكون قصه عجيييييييبة من الحين اتخيل النهاية لوول حدي مطفوقه صايرة هالايام

ناطرييينج


salamz sis....

Don Juan said...

Sn3a

Welcome Back ,,

ايه الي قابِك حينا ... من بعد غيبة كم سنة ;p

و يلا ناطرين التكملة ما راح اعلق على كل شي الا لما نعرف النهاية

بس مو تكون تراجيدي احسن بعدين بيصير فيني شي من التراجيدي ;p

عثماني said...

شلونج اخيتي سنعة ؟؟

ترى ناطر التكملة

شوقتينا

Sn3a said...

صبا
هلا والله باول الزائرين
يسلملي هالاهتمام والتواصل
انا عبالي نسيتوني:p

Sn3a said...

استكانه

ثانكس على هالتشجيع الحلو احرجتيني

انشالله تعجبج القصه كامله
المشكله كل ما اكتب الجزء الثاني مايعجبني

بس انشالله يحوز على رضاكم

Sn3a said...

هلاا تيجر خروفه
نورتينا حبيبتي
على ايدج يامعوده تخيلي النهايه وقوليلياها ستين مره غيرت الاحداث

يسلمو عالتواصل

Sn3a said...

دون جوان
شفت شلون
ولهت عالكتابه شسوي

انشالله تعجبك القصه
عاد احلى شي التراجيدي شفيك
يعني بحطلك ان 2 مستانسين وبعدين يعني؟
:P

Sn3a said...

الزين
هلا والله
نورتينا
انشالله تعجبج القصه تسلمييين

Sn3a said...

خيو عثماني
شرفتنا بهالزياره الحلوة
انشالله تعجبك القصه بس خل اكملها لان ماعجبني الجزء الثاني اللي سويته بتضطر اعيده

يسلمو خيو

`~MnO YeNSa! ~` said...

الله
يا
سنعة

وايد
عجبتني
تفاصيل
القصة

ناطرة
part 2

please don`t be late '

Najmah said...

صديقتي السنعة شلووونج
اللــــــه
تدرين شكثر استمتعت بقصتج
فجرتي فيني الحنين حق ذكريات طفولتي
بنفس التفاصيل
وان اختلفت بعض الاشياء
بنفس الاشتطاط
والوقوف على التاير
والطيران بالربع دينار
تذكرت روحي وتذكرت احلى ايامي

نااطرة التكملة بكل شوووووق

فريج سعود said...

فهود هذا ذوييق لانه
اولا ما خلاج تستخدمين ربعج وهذي شهامة
ثانيا لانه اختار برد بو سندويتش وهذي قمة الذوق

Lavender said...

واااي اش هل فهد الزوووغة

"البنات مايصعدون على التاير "

هههههههه

ياختـــــــــــي !!



بانتظار البقية :)

Sn3a said...

منو ينسى
اهلين وسهلين اختي
مشكورة تسلمين
انشالله يعجبج الباجي

Sn3a said...

نجمه
اهلين خيتي صاحبه الابيات الروعه

انا اكثر شي اذكره التاير والربع عشان جذيه طريتهم بالقصه


تسلمين عالمرور الحلو

Sn3a said...

فريج سعود

اي فهود عنده ايتيكيت شعبالك
يسلملي هالتواصل الحلو

Sn3a said...

لافندر
شفتي شلون الولد ذويق على قوله فريج سعود

نورتي البلوق يسلمو