Tuesday 22 July 2008

الوطن زادت جراحه!




خلنا نبدي بكل صراحه
البلد زادت جراحه
اللي يطعن بالرموز
واللي نسى شنو يعني يجوز
وتغنى باللي مايجوز
والذيول اللي ودها
برضى روس عفنه تفوز

شافوالبلد كيكه كبيره
كلمن يطمع بنصيبه
مافكر بشقى ابوه وجده
وشيطانه مافكر يصده
وادعى ان الحاجه تحده
والبلد صارت نار
والله يعل النار تحرق كلمن
نوى على الكويت يمد يده

وشهي حاجه يامواطن
وانت بارض الخير ساكن
جنب الباب سافط البورش
وحمام سباحه بوسط الحوش
ومنت مقصر بالرتوش
ومن مطعم لقهوه لسينما
حيل تملي هالكروش


اللي طلع بلا دليل
واللي بمرض البوق عليل
واحنا مالنا الا الشكاوي
هذا باوروبا من انفلونزا يداوي
وهذا قول بلا فعل للجذب هاوي
ونقول خير ديرتنا لبره
ردو الديره نظيفه والله ملينا رجاوي

لكويتنا الماضي كلا فينا الحنين
اللي حماها دم بيت القرين
يوم كلمن عارف وطنه ودينه
وتفاخرنا بوجود احدث مدينه
ياللي حاط الكويت بنص عينه
وينك .. ارضك عيت تناديك
بيدك حطم اطماع لعينه





39 comments:

Shather said...

اي والله ردوو الديره نظيييفه

:*** يسلم بؤك

Sn3a said...

اهليين بالغاليه شذر

ان شاء الله ترد
يسلمج ويخليج
نورتي البلوق

chatterbox said...

ماشالله
قلتي الكلام اللي كلنا ودنا نقوله
والله جان زين هاذي رسالة وندزها حق كل الروس المعفنة يمكن ضميرهم يصحى

SHAHAD said...

اي والله الوطن زادت جراحه
ياليت في أحد يحس
بس المشكلة لا حياة لمن تنادي
صح لسااانج حبيبتي : )

kuwaitawy said...

والله يا سنعه مادري شقول


انا اذا تأثرت بشي يحوشني عجز التعبير


ما اقدر اقول شي لأن الكلام ما يوفي صدقيني

لكن اسمحيلي اني اقتبس من موضوعج واحطه رد




لكويتنا الماضي كلا فينا الحنين
اللي حماها دم بيت القرين
يوم كلمن عارف وطنه ودينه
وتفاخرنا بوجود احدث مدينه
ياللي حاط الكويت بنص عينه
وينك .. ارضك عيت تناديك
بيدك حطم اطماع لعينه



تقبلي مروري

Sn3a said...

وناسه نيو قيست على البلوق
صراحه شرفتوني بهالمرور


chatterbox
يريت نقدر بس نكون قد النعمه اللي ربي عطانا اياها واللي اهي الكويت
تسلمين حبيبتي

Sn3a said...

shahad
كلنا مردنا بنحس وبنعدل الوضع بيدنا ان شاء الله
نورتي البلوق تسلمييين

Sn3a said...

كويتاوي
مشكور وماقصرت على هالكلام
نورت البلوق بهالمرور الحلو
يعطيك العافيه

Blog 3amty said...

الله يستر علينا ويهدي النفوس :)

رائع ما كتب !


همسة من عمتي: أشرايج يا
Sn3a
لو نشيل حرف
S
ونحط رقم
9
ترى مطربة عمتي المفضلة :P

Sn3a said...

بلوق عمتي
يوز عني
الحين انا بتخليني طقاقه اخر عمري
هين
لووول


قول الصج ماعلم احد
مطربه عمتك ولا مطربتك المفضله:P

5roofa said...

صحححححححححححححححححححححح لسااااااااااااااااااااااااانج

مشالله علييج

مشالله مشالله مشالله

:* salamz 7elwaa....

Amphibious said...

كلمات تحرك المشاعر شكرا لك وانشالله مروري يكون خفيف عليك

Q8-MaNaL said...

ماشالله كلمات معبرة و صادقة
يعطيج الف عافية و صح لسانج

Don Juan said...

إذا كل مرة بتغطين و بترجعين بمثل هالبوست عيل اخذي راحتج بالغطة المرة الياية ;)

يعجز اللسان عن التعبير :)

دمت بود :)

elq87obi said...

سنعة

مساء الخير

و الله روعة حيل عجبني

و حسافة عالكويت يبون يخربونها و كل مالهم و يجرحونها و الله شيء يحزن و يضيق الخلق

مشكورة على البوست العجيب

و يعطيج الف عافيه

سلامي لج :)

Sn3a said...

تيجر خروووفه
صح بدنج حبيبتي تسلميين

Sn3a said...

ak-47

احلى مرور كثرو منه
نورتو البلوق

Sn3a said...

q8-manal

اهلين وسهلين
ربي يعافيج ويسلمج ويخليج
نورتي البلوق

Sn3a said...

دون جواان
عيل اشوفكم عقب رمضان:P

نورت البلوق
واصلا المكان مكانك

Sn3a said...

الكويت حبي
نايس نك نيم

مسا الورد
مرورك الاروع
وان شاء الله ماراح نسمحلهم يخربونها زود
ويشوهون جمالها
وطيبه اهلها

نورت البلوق

Unknown said...

صح لسانج وفعلا كلام حلو وجميل

Sn3a said...

مشاري
صح بدنك خيو
مرورك الاجمل
نورت

Mok said...

صح لسانج
:)

Sn3a said...

صح بدنك خيوو
نورت

الديوانية said...

الله يبارك هذي الموهبة وتوصل هالمعاني حق اهل الاختصاص يمكن يفهمون :)

استمري :)

فريج سعود said...

قلنا صيف خل نريح اعصابنا بس الله يهداج ذكرتينا بسواد ويهم

Sn3a said...

الديوانيه
اهلين خيو ضيف ييديد علينا
ان شاء الله نفهم ويفهمون

نورت البلوق

Sn3a said...

فريج سعود
شسوي
كل يوم اقرا واسمع خبر يضيق الخلق

منور البلوق كالعاده خيو

|:| DUBAI |:| said...

Allah yw7ed 9fofKM

: )

Sn3a said...

dubai

الله يسلمج
واايد واايد محتاجين هالدعوة!

sologa-bologa said...

صح لسان من قال هالكلام
وتسلم أنامل اللي كتبه وطبعه

Najmah said...

مؤلمة رغم واقعيتها
:(
صح لسانج يالسنعة
عسى ربي يحفظ لنا هالديره

Anonymous said...

sn3a nbee new story


nfs 6gt e7na oo ehma i liked it :(

تراب الكويت said...

والله تستاهل الكويت
وتستاهل بعد اكثر

يا رب دوم عمار يا كويت

صح احساسج

أثر فيني وايد والله

:)

Sn3a said...

سلوقا بلوقا

يه يه نيو فيزتر
نورتو الصفحه

الله يسلمك ويخليك ماقصرت

Sn3a said...

الغاليه نجمه

الصج يعور
ربي يحفظها ويخلينا نستاهل ترابها

Sn3a said...

فري موا

من عيوني ان شاء الله احاول
نورتي البلوق

Sn3a said...

تراب الكويت

اي تستاهل اكثر
ياريت احنا نستاهل ترابها

وان شاء الله نردلها عزها اللي كان
نورت البلوق

الأستاذ حمام said...

صدقتي اخلت احد.. الله الله بحزام الامان ولاتعدون ال120 ترى كلكم غالين عندنا.. والله الكويت محتاجه شبابها .. الله يحفظكم ويصونكم حق اهلكم