Sunday 16 August 2009

إنا لله وإنا إليه راجعون

لا حول ولا قوة الا بالله


حريق في محافظه الجهراء يخطف اروح نساء واطفال

الضحايا تجاوزو ال 44 امراه وطفله

والجرحى بالعشرات


الادله الجنائيه تدعو اهل الضحايا للتعرف على الجثث
المستشفيات لم تستوعب الاعداد
وقوانينا تقر بعد مصائبنا




جم بيت فقد بركته؟
يهال تيتمو
ويهال انطفت شمعتهم
اللي فقد امه
واللي ذبلت بنته بهالحريجه
واللي راحت اخته بدون وداع من هالدنيا

الله يرحم ميتهم
ويشفي عليلهم
ويصبر قلوب اهلهم

عظم الله اجرج يالكويت على هالمصيبه


محافظه طول بعرض مافيها الا مستشفى واحد يقدم خدمات طبيه اقل من المتواضعه
برقبة منو؟



درينا هذي سياسه

ودرينا بالواجبات الانسانيه

لكن مايجوز هالشي والديره نفسها بحاجه

سياسيا هالشي مقبول بل واجب لا ويريت عاد حامدين ربهم وشاكرين
نصهم ياكلون من خيرنا ويسبونا بعد اللقمه
بس هل ربي راح يتقبل مساعدات الكويت للدول واهلها معتازين جم مستشفى على جم بيت على جم شارع يتعدل؟
الاهم
هالضحايا بيحللونكم؟
تلفزيون حاطلي فلم
والثاني يدورله فتنه مني مناك حق رمضان
حافظج الله ياكويت
شنو البلوى اللي ناطرينها عشان تجابلون الديره؟
وانتو تتبرعون مني ومناك
وانتو تزورون الدول سياحه على بو اجتماعات
وانتو تمرون يم مناطق تشيب بالنسبه لكم
تخيلو منظر رب اسره فقد ايده اليمين بالبيت
او سايرو دمعته لما يشوف كتاب جامعه لبنته ومابقى الا اسبوع للفاينل بس لسان النار كان اسرع
ولا اقولكم شلون
تخيلو بنت مهي قادره تربط شعرها لان امها احترقت بالعرس
ولا اقولكم شتتخيلون.. شاب راجع من الدوام بيطل المطبخ بيشوف امه شنو بتسوي فطور بس يتذكر ان امه هدته قبل رمضان بايام لان الاسعاف اللي كان شايلها وصل مستشفى الجهرا وردوه لان فل

الموت حق
لكن التخبط واقع

13 comments:

reemas said...

لا حول و قوة الا بالله
ان العين لتدمع و ان القلب ليحزن
الله يرحمهم و يصبر اهلهم
و جزاج الله خير على الكلام الطيب
تشرفت بمروري هنا

Dr. Ali Maarafi said...

انا لله وانا اليه راجعون
الله يصبر اهاليهم و يصبرنا على المصيبة
و يسكن المرحومين فسيح جناته

Anonymous said...

صج قهر
كلامج عدل ويعور القلب صج دمعت عيني

:((

-mate said...

آميييييين

fatto said...

الله يرحمهم جميعا وصبر اهاليهم واهالي الجرحى وطلعهم بالسلامه يارب وحسبي الله على من كان السبب

رورو الشخبوطه said...

الله يرحمه ويشفي المصابين منهم وبصبر اهلهم يارب..

اللي صار كارثه وكان ممكن تلافيه انا ماقول نغير القضاء لا بس يبلنا نطور امكانياتنا الصحية لاتجاوز هذه الكوارث فالمستقبل الله لايقول ..

جزاج الله خير..

Anonymous said...

alla yer7amhom wesabbir ahalhom o 7abayebhom! Its a big tragedy!

Bahrain Fashion said...

انا لله وانا اليه راجعون

I heard about the fire. So tragic.

a7mad Nabeel said...

انا لله و انا اليه راجعون
ما حدث مأساة انسانية احزنت القلوب و ادمعت العيون
الله يصبر اهاليهم



لا اعتقد ان المساعدات الخارجية هي السبب
سوء التخطيط و الفساد الاداري مرض مستشري في الجسد الكويتي و هو السبب الاول و الاخير في تأخر عجلة التنمية
الكويت و لله الحمد فيها خير
لمن الانسان يعمل عمل الخير المفروض ان ما ينطر كلمة شكر لان الغاية من هذا العمل هو رضا الله
يمكن البعض يشوف انهم ما يستاهلون المساعدات لانهم جاحدين بس هذا ما يقتضيه الواجب امام الله

|:| DUBAI |:| said...

والله ما ندري كيف نعبرلكم عن شعورنا
صدق اعتصر قلبنا .. و ان شاء الله آخر الاحزان على الكويت و أهلها

fatto said...

مبارك عليج الشهر ياحلوه :)

بنت الشاميه said...

اكرمكم الله بشهر رمضان بعفو وعافيه و مغفره منه......مبارك عليكم الشهر
وعساكم من عواده

Sn3a said...

ان شاءالله هذي اخر احزان الكويت
لا اراكم الله مكروها بعزيز

قلبي انقمت زود من هالفقير اللي توفى من انفلونزا الخنازير ربي يرحمه ويغفرله ويشافي كل مريض بفضل شهر رمضان المبارك يارب


مشكورين جميعا

مبارك عليكم الشهر
وكل عام وانتو بالف خير