Wednesday 13 February 2008

دورها المفقود

افل عقده ايدينا
وابدي دور طفولتي تحت المطر
واجري.. ابعد منك ,وانت تعبس
وخوف بعيونك ظهر
بكره مريضه.. تجينا
غمزة..ضحكه ..وله اقول: نار حبنا تدفينا

واهو في البيت حايس
بين اوراق العمل
وبين سهم صاعد ونازل
بحنيه تربت ايدي على كتفه
كل صعب يالغالي يتساهل
وابدي حينها دور الصديقه
اللي بدعمها تتحفه

الغالي غرقان ضيقه
والحزن تملك قسمات وجهه
والخطوط تشابكت فوق جبهه
وانا اتسلل بفنجان قهوه
وبين كلمات رقيقه
خل الهم.. امانة عندي اضمه
لجل يبدي دوري كطويله العمر امه


وعلى غفله اسئله:
راضي يالغالي علي؟
بالله احلفك..ناقصك شي؟
او يمكن..ناقصني لجل ارضيك شي؟
اشر على غرض.. وانا ممنونه اجيبه
يفاجئني بجوابه: اكتمل دور الحبيبه

30 comments:

Awrad said...

الله !
عفويــه مفرطــه
وابتسامه رغم الآه ..

جميلــه تلك المشاعر
و ذلك الحنان و هذه الحروف
التلقائيه التي تتوغل
الى النفس فتدغدغ
جنبات الوجدان

احسنتِ
راق لي ما قرآت

ودي
AwraD

Manal said...

واقعي



:)

5roofa said...

واااي روعة انتي رووووووووووووعة من صج

يسلموو يالغاليه

salamz sweetee...

Sn3a said...

awrad

الاجمل كلماتج
شكرا على هالكومنت الحلو
نورتي

Sn3a said...

منال

شكرا على هالتواصل الحلو

Sn3a said...

خروفه

انتي اللي روعه ابله
ثانكس حبيبتي
نورتي

Eng_Q8 said...

احساس جميل

صح لسانج

Sn3a said...

شكرا اخوي Q8ENG
صح بدنك

SHAHAD said...

حيل عجبتني أحرفج : )
مدونة أكثر من رائعة .. أهنيج عليها :))

Sn3a said...

شهد

مشكوورة حبيبتي
مرورج وتعليقج الاروع ماقصرتي

Anonymous said...

رووووعه

وايد وايد وايد حبيته
أسلوبج وايـد حلوو ماشاءالله

Sn3a said...

مس فايتر
تسلمين حبيبتي
كلامج الاروع

نورتي

Najmah said...

وايد حلوة

البداية والنهايه شي عجيب
تسلمين يالسنعه :*

Sn3a said...

نجمه
عيونج الحلوه تسلمييين
ماقصرتي
ومشكوره على هالتواصل الحلو

بـابـل said...

صباح الورد


خاطرة رومانسية وكلها حب

وحبيبة ناذره عيونها وكل ذرة فيها لحبيبها وراحته وبس

يسلم هالإحساس العجيب



وبس



بابل

Shather said...

تسلم الايد اللي كتبت :))


حبيته

Sn3a said...

بابل
مساء الورد اخوي
شكرا للكومنت الحلو
والتواصل الاحلى
نورت

Sn3a said...

الغاليه شذر
مشكوورة حبيبتي
الله يسلمج
نورتي

فتى الجبل said...

تسلمين على هالخاطرة

هـــدب said...

استمتعت بكل كلمه كتبتيها يا سنعه يا غاليه
تسلمين
علي البوح ويعطيج العافيه

اجار الدين كشمش said...

هلا سنعه

انا اعتذر منج

للرد عليك عند عاجل

بعد ان استرجعت قرائة التعليق

ولكي مني يا السنعه صج

كل موده واحترام
وقد قمت بمسح التعليق

بس خل ترضى سنعتنا

حسبي يالله على من اثار الفتنه بالكويت
وسوف يعاقبه الله انشالله

عسى راضيه

فمالله

Sn3a said...

فتى الجبل
انت من زوار البلوق اللي اعتز فيهم اخوي
مشكور ماقصرت على هالتواصل الحلو

Sn3a said...

هدب
شهاده اعتز فيها يالغاليه ماقصرتي
الف شكر عالكومنت الحلو

Sn3a said...

اجار الدين
تبي الصج مادري اي تعليق او بخصوص اي موضوع

بس المهم مهما صار حصل خير:)
وزيارتك للبلوق على العين والراس
نورت اخوي:)

وربي يحفظ الكويت ويقوي عيالها

صبا said...

رائعه كلماتك

خاطره جميله

وسرحت معاها

فعلا كلماتك جدا رقيقه

ولك مني كل الحب

Sn3a said...

صبا
الاروع مرورج
وهالكومنت الحلو

مشكووره حبيبتي
نورتي

اجار الدين كشمش said...

عاااااجل

"""""""""""""""""""""""
لاخواني الاحبه المدونين

تم سرقة اسمي

اجار الدين كشمش

من احد الحراميه ويبدو

من لهجته انه غير كويتي

ويدور بين المدونات

لاشعال الفتنه بيننا

وخااااصة اخواني الاحبه
في البلوغات
اللذين اختلف معهم

بالراي واللذي لايفسد لمحبتنا للكويت وودها

قضيه
""""""""""""""
اهيب بمن يريد ان يطفأ

الفتنه ...ان ينشر

وشكرا للاخ مطقوق الشاب في عمره والرائع في عقله

وشكرا ل احلى مهندسه
ولجميع من كشف اللص

الفتني

ونقول للص وايد عليك
اجار سطوح الكويت المتماسكه ..بحب الكويت
""""""""""""""""""""
فمالله
من اراد التأكد بروفايلي

غير بروفايله

اخت سنعه

تعليقي الاولي

بالاعتذار هو لي

فمالله مرتين

Sn3a said...

اجار الدين
اعوذ بالله منهم
يعني للحين موقادره افهم عقليه الناس لما تبوق نك نيم او اسم او غيره

لاتحاتي اكيد الكل بيعرف ان هذا مو انت
حياك الله خيو

Don Juan said...

يفاجئني بجوابه: اكتمل دور الحبيبه



باعتقادي هالجزئية اهي الحبكة و المغزى و الفكرة الرئيسية و كل شي باللغة

النص رائع جداً و يدل على شاعرية كاتبه و عن نفسي أجيزه ;p

keep it up ;)

Sn3a said...

دون جوان
اشوى انك اجزته
;p
مرورك الاروع خيو
ميرسي