Wednesday 8 July 2009

صبحج الله بالخير..بالليل;p



اليوم كان جدا ممتع
ترا بدت تعجبني البطاله خلاص مابي اداوم
;p

باجر عندي مقابله عمل
كاااشخه سنعه تروح مقابلات بعد

قمت اليوم صباحا لاني معزومه على ريوق ب Dean and Deluca
جان شنو اكل

طبعا دندرمه بدعت فيني شويه بريوق دين اند ديلوكا بالصور القاتله
http://danderma.wordpress.com/2009/07/06/the-yummiest-breakfast-in-q8-so-far/
ومايلي هو افطاري اللذيذ

احم احم

حبيت الوافل وايد ,علي بالف عافيه

واختي كلت بان كيك



وتمشينا بالافنيوز وكانت رحله ممتعه ورديت البيت

وانا للحين بخاطري شي:(

بخاطريUP


جان بالغلط ادش سايت السينما اختي قالت جربي وجان ما اشوف الجمله المعهوده Seat:0

شفت ان في كراسي تنطرني

وين؟

ب 360

ورحنا , صراحه حلو المجمع صج مابطلو الا جم محل بس له مستقبل واعد



لاتشوفوني شلون مستانسه لما سحبت التكتس

والله يهبلللل, اشوه اني رحت حدي حبيت الفلم صج صج حلو شكلي اخر وحده شفته بالكويت

اشوه اني رحتله ولا جان صار فيني شي;p

ولفت نظري مطعم زهر الليمون يبيله تجربه ان شاءالله عن قريب


وبعدين جان انزل جيان الجمعيه العوده;p

ولقيت كاكاو بو فلفل اللي قريت عنه ببلوق من البلوقات

اهو فلفله مو قوي بس اشوه ماحطيت بخاطري وذقته


واخر شي رحت بيت عمتي

كان يوم جميل وممتع وانختم بخبر حلوووووو الحمدلله


ربي يرزقكم احلى الايام ان شاءالله

48 comments:

Dr. Ali Maarafi said...

امس تتحلطمين من البطالة و اليوم تحبينها ! 00
يلا دام انج مستانسة و مرتاحة استغلي كل دقيقة عشان ما تحسين انج ضيعتي ذيج الايام الخوالي :-) 00

ساره النومس said...

لووووول سنعة انا موقفة قيدي وعندي احساس اني ببطالة مو طبيعية حتى المجلة ما اداوم فيها من طيحتي لووووول


اهم شي الثقة يا سنعة خليج واثقة من نفسج :)


وزهبي لج السيرة الذاتية الحلوة :)

esTeKaNa said...

يا صباح البطالة
:)
من اجمل اوقات عمري سنة البطالة
تمتعت فيها بكل شكل
وكتبت احلى بوستات استكانة
:)
بالنسبه للمقابلة:
الله يحفظج ما عليج قاصر ثقه وشخصية جميلة وما تحتاجين نصيحة،كل ما تحتاجينة دعاء من القلب ان اذا كان مكان زين ربي يفتح عليج ويوفقج واذا مكان بيكون تعب لج ربي يصدج عنه ويعوضج خير
:)
والريوق شكله يشوق
ولا مرة تريقت هناك
شوقتيني

Anonymous said...

Bel3afiyaaaa dear! Ao Zain etsaaween … Enjoy your time to last drop :)

I saw couple bad reviews about Zahr El laimon, but we are planning to go this weekend … en sha’a Allah

Good luck on your job interview … Impress but be yourself

Daddy's Girl said...

و الله يا حلو البطالة ...

و إشرايك بذوقي بالريوق؟ عسى بيضنا الويه؟؟؟؟؟

ريلي يقول اللحم بعجين خيال بعد بس انا ما أكل لحم...

و علييج بألف عافية

الدســتور said...

امممممم
اي ساعه رحتي
؟؟؟

NewQ8 Bride said...

الله يوفقج انشالله و صج استانسي بالبطاله :)

و عليج بالعافية الريوق واااي شوقتوني انتي و دندرمه عفية يفتح قبل ال 10 ؟؟؟؟ ودي اروح بس ابي ريوق مبجر


o UP

اااااخ اينن هالفلم

عليج بالعافية

ميمة السبيت said...

** عليج بالعافيه

استانسي يايج الدوام حق الغثا

ونامي نامي شبعي نووووم بعدين ادورين
النومه دواره ال 5 دقايق تفرق معاج الصبح

يالله بالتوفيق

a7mad Nabeel said...

الله يرحم الرجيم !!!
:P


عليج بالعافية

Nikon 8 said...

عسى أيامج كلها حلوة... يا حلوة
:)

Sn3a said...

Dr.Maraafi

لا هذا حب مؤقت
الحب الدائم اهو الشغل

كافي اني قمت اطلع وماحاتي امتحان وكويز وريبورت hehehe

Sn3a said...

طموحه

اي الواحد مرات يحتاج لاحساس اللامسئوليه

اليوم بالمقابله شكلهم حبوني بس انا ماحبيت المكان لول

Sn3a said...

استكاانه
هلا بالغاليه

المقابله عدت على خير
بس المكان مو مقتنعه فيه

جربي الريوق
لذيذ

Sn3a said...

360dewan

الله يعافيكم ويخليكم
ايي انا بعد جم شخص مامدحولياه بس هم بجربه

المقابله عدت على خير
الحمدلله
بس نشوف شيصير

Sn3a said...

Daddy's Girl

بيضتيه ونص
ماشاءالله ذوقج حلو مبين فلما اخترت الوافل كنت واثقه بتكون يمييي

ذقت الزعتر والسبانج
المره اليايه لحم بعجين بس الظهاري نفسيا ماحب اكل ايدام قبل الساعه 12 ونص

Sn3a said...

ابو الدستور

الريوق الصبح طبعا
الفلم المغرب
بس حمدلله لقينا حجز لان كلمن كان يقول شلووون مارحتي اب
جان اروحله

Sn3a said...

new bride

اهلين وسهلين
الله يوفق الجميع حبيبتي

اتوقع اي
اهو ريوقهم بعد يطول لين ال 2 مكتوب
يدرون كويتيين يحبون النوم
احنا طلعنا من المجمع عقب التمشي عال 12 ونص الظهر والناس للحين يتريقون ماشاءالله

Sn3a said...

ميمه السبيت

الله يعافيج ويخليج
لول نومه الخمس دقايق كانت بالثانويه
بالجامعه كنت غالبا قبل المحاضره بساعه عالاقل انا بالكليه هذا كورس التخرج
بس اللي قبله كلهم قبل المحاضره بساعه ونص عالاقل;p

Sn3a said...

احمد نبيل

ويه اخوي جنك تدري
صايره اسوي روحي ماشوف الميزان;p
امبيه لازم اكمل مادري متى
ليش هالكومنت القاسي;p

Sn3a said...

nikon

اجمعيين ياارب
تسلميين والله عيونج الحلوة حبيبتي

أُمْ حَــسَـــنْ said...

دامت أيامك أفراح أختي العزيزة
X

الجـــوري..كـــلام الصمــــت said...

وياااج ان شالله :)

سنعه تكفيين عدي معاي جم مره قلتي جان لوووول :p

احب اتحرش ترى :$

وبعدين ليش ماتعزمييين الاكل يشووق عليج بالف عاافيه :)

وعسى دووووم تكونين مفرفشه يارب

bakah said...

موآخر وحده .. :)

انا توني ادري ان الفلم نزل اصلا !!

مع اني كنت ناطره :)

بالتوفيق بالمقابله :)

اهم شي لو سألوج شي ما تعرفينه لا تتفلسفين :) ..

قولي ما اعرف واحاول اتعلم , هذا احسن جواب , :)

وبالتوفيق يا سنعه :)

Mar8adoosh said...

7araaam 3alaikum laish kila 3n ilakil :( msawy rijeeeeem :'(

Sn3a said...

أم حسن

اجمعين ان شاءالله
يسلمو عالمرور

Sn3a said...

الجور كلام الصمت

غير الجانات اللي مسحتهم ترا;p
انا ناويه اعزم
بس لازم اجرب الاكل مايصير اعزم على شي ماعرفه;p

Sn3a said...

مطعم باكه

انا من زمااان كنت ناطرته
بس كنت من اواخر الناس اللي شافوه
شوفه دي في دي بس لازم تشوفه صراحه صج ان كارتون لكن كان قوي وايد


سألوني سؤال عن موقف من المواقف
قلتلهم لما امر بهالموقف تالي اعرف اتصرف
ضحكو
بس اللي صج استغربت
سألوني عن ماده كيميائيه قالولي اسمها بالعربي والانجليزي
قالولي شالفرق
قلتلهم اللغه

يقولون كل اللي قابلناهم قبلج توهقو
معقوله؟

bakah said...

اي معقولة .. :)

بالمقابلة وايد ناس يضيع وبعضهم ينهار ويقوم يصبصب عرق :) ..

عموما الحمد لله ان مقابلتج سرت بشكل جيد وان شاء الله القبول وتتوظفين وساعتها راح تشتاقين للبطالة :)

Sn3a said...

صباح الخير

اخوي مطعم باكه
المقابله كانت اوكي واايد يعني مادري ليش وايد ناس خوفوني
بس المكان ماعجبني واصلا ماله اي علاقه باي شي من تخصصي

بس الحمدلله دقو علي شركه ثانيه امتحاني الاحد
الله كريم يارب

Sn3a said...

مرقدوش

امبيه ترا امس رديت عليج بس مبدع فيني البلوقر جم يوم

الله يستر انا مستعبطه عالرجيم من شهر بس اشوه وزني مازاد الا كيلو او اقل بشويييي تقريبا

ان شاءالله برجع للرجيم بس هم بحطلكم اكل بين فتره وفتره;p

Najmah said...

عليج بالف عااااافية
ياصديقتي
:**
تدرين
انا بهالبطالة صرت اداوم بالافينيو
كل يوم رايحة هناك
يعني اذا مالقيتي احد يطلع معاج
ترى انا ما اردج
:Pp
ربي يوفقج ويسهل كل امورج حبيبتي

Sn3a said...

Najmah

ومنو قالج اني مو كليوم هناك;p
اصلا لو اتغدا بمكان ثاني لازم امر اطق كرتي
من يوم الاربعا مو رايحه;p

الله يوفق الجميع حبيبتي

kazmawy said...

عليج بالعافية يالسنعة
وبشرى شلون المقابلة عسى الامور عدت على خير
فيلم اب شريته دى فى دى
بس ما شفته للحين :)

The.One said...

الحمدالله من بعـد هالغيبه سمعنـا أخبار حلوه

وفلم Up بدّع !! fullعلى مداري الساعه


وعليج بالعافيـه ..شكلـه يشوووق


:)

Fishah said...

يا حلوها البطاله .. يبيلي آخذ اجازه من الدوام بس طوييييييييييله جدا اجدد نشاطي ومووودي

وبالعافيه عليكم هالريوق الحلوو .. وبباي UP
مادري انه حلو .. دعايته ما توحي :(
وبعدين مو انتي اخر وحده تشوفينه.. انا ليلحين ماشفته خخخخ

وان شاءالله يارب تكون ايامج كلها سعاده واخبارج دايما حلوه يا حلوه :)

fatto said...

قوه سنعه اشلونج شخبارج .. ولهت على سوالفج :)


الكل يتحجى على هالفلم .. وااايد حلو .. بس لاتخافين انا ماشفته .. يعني انتي مو اخر وحده اتروحله لووول :)




والسموحه على القطاعه :)

fatto said...

وصج .. موفقه انشاءالله بالمقابلات :)
ونشاءالله تلقين لج مكان سنع نفسج يالسنعه :)

Sn3a said...

كظماوي

الله يعافيك خيووو
المقابله مرت تماام بس ماعجبني المكان
شوفه واايد حلو

Sn3a said...

The One

ايي والله الحمدلله
عجييب اب

يسلمو عالمروور

Sn3a said...

Fishah

البطاااله مو واايد حلوة
حليوة
بس تحسسني اني فرد غير منتج
فرد مستهلك لراتب ابويه فقط;p

الله يعافيج الريوق كان يمزز
الفلم اينن


اجمعييين ياارب

Sn3a said...

فاتوو


هلااا والله
تو مانور المكااان

اي والله واايد حلو
شكلي صج مو اخر وحده وايد ماشافو ومايدرون عنه



لاتعيدينها وتقاطعينا

مشكوره والله يوفق الجميع
الله يسمع منج ياارب

Ansam said...

LOL I also went to Dean & Deluca after Danderma and 360Dewan's posts and ate that waffle! It was good bas ana ray7a mazaaj bedait-ha eb egg benedict heheh

Sn3a said...

Ansam

eh ,Danderma wethaqt feeha 7g l ma6a3m hehehe
l meshkela a7eb akel egg weya 5bz irani so i can't eat it in public;>

kuwaitawy said...

سنعه شلونج شخبارج




ها ما قلتي لنا



قطاع حكومي ولا خاص ولا نفطي

Sn3a said...

Kuwaitawy

هلا والله خيو فاير فايتر
تو مانور البلوق

والله انا عيني عالخاص
بس الكل يبوني اتوظف بمؤسسه البترول KPC
بالنسبه لي الخاص بياخذ يومي لان يومي كله فاضي فماعندي مانع اشغله بالدوام

بس الاهل يقولون ماكو امان وظيفي وماكو مميزات
وبالنسبه لي ماحاتي الامان الوظيفي لان ادري ان تخصصي مطلوب ومحتاجينه

انا قدمت كل مكان
والله يجدم اللي فيه الخير

kuwaitawy said...

مؤسسة البترول الكويتية



انا قلتها لج من زمان


هو المكان الافضل من وجهة نظري


واذا عالدوام


اكيد راح تداومين صباحي


هذا انا دوامي صباحي من الساعه 7 لي الساعه 3



يومي رايح كله


وما تقدرين تقارنينه بالخاص



صلي ركعتين استخاره والله يكتب لج اللي فيه خير انشاءلله


بالتوفيق

Sn3a said...

اخوي فاير فايتر

انا عاجبتني المؤسسه
وقدمت عليها
بس مكتوب يبون بس 40 جامعي
وانا بصراحه مابي احد يتوسطلي ابي اتوظف بدون مساعده احد غير ربي ومن بعده شهادتي

يعني مادري شنو فرصتي بالبترول
الله كريم وان جد جديد انا اكيد بقولكم:)

ماقصرت والله

Daddy's Girl said...

سنعة شلونكم؟ مبارك عليج الشهر و عساج من عواده إنشاء الله و إنتي بصحة و عافية :D