Thursday, 9 December 2010

معالي وزير الداخليه

تسلم ايدك وايد القوات الخاصه كلهم

للقانون هيبه
يتطبق عليهم قبل لا يتطبق علينا
والامير ان قال ممنوع
تقولون يا نواب تم طال عمرك
لسانكم الطويل مو على ديرتكم

وان كان لكم شي
عندكم مجلس الامه
تدلونه؟



واحمد ربي اني بريه من نواب مجلس الامه
ماستأثمت بالديره وصوت لاحد

وزاره الداخليه:قواكم الله:)

8 comments:

Q8i said...

عـمر القانون ما تطبق بالــطق

في الـدول المتحضره و المحترمه


عمر الأمير ماراح يطلب من الشرطه بضرب مواطنين عـزل !!


اليـوم ينطقون جماعة إلا الدستور
باجر الدور ياي عـليج

هذا للي يشوف ويعي شلون دول كانت ديمقراطيه و بجذبة تطبيق القانون بالطق صـارت دوله قمعيه



تـرى مافي دول عربيه تستخدم الشرطه و اساليب القمع الا ويقولون هــذا تطبيق للقانون وللحفاظ على الامن !!


جــذبة كل حكومه قمعيه

Amwaj said...

آنا معاج باللي قلتيه

وعسى الله يكفينا شر هالفتن

sa5er said...

إى الاخ صاحب اول تعليق :

الطق مرّات يفيد على الي يجعلون "القوة" هي عين الاعتبار أمام الحكومة !

يا أخي هناك 200 شخص ضرب شخص واحد وكلهم مدنيين - يمكن القليل منهم جداً عسكريين !
أيعقل ؟

لذلك الحكومة اتخذت اجراء لازم قبل ان يعم الفوضى وتحدث ثورة كما حدثت في اقرب البلدان لنا !!

الهيبة ثم الهيبة يا عمي الأخ !

t7l6m.com said...

أقول للأخ بو ميتين اللي طاقين الجويهل
من صجك
لو كل واحد قارصه قرصه جان صار هيكل عظمي

وعن الموضوع
لازم ما نشمت في بعض ونفرح إذا تعرض كويتي للضرب
الله يحفظ الكويت
ويرحمنا برحمته

Sn3a said...

Q8i

الطق اخر الحلول و اكيد الداخليه ما لجأت لهالحل الا لما ما شافت تجاوب
مشكلتنا عبالنا ان الحكومه ضدنا و الفرسان النواب اهم الخلاص والامل

والامير ما قال طقوهم
قال ماكو تجمعات خارج الدواويين
و اكيد قيادات الداخليه ما راح تتقول على الامير

هالنواب بغو رصيد حق الانتخابات اليايه على حساب استقرار البلد
و هالرصيد كل ماله و يزيد للاسف

القانون قانون

Sn3a said...

Amwaj

اللهم امين



Sa5er

عدل الطق ماكان غايه الداخليه
واحد برتبه يقولهم باحترام ممنوع
يسوون روحهم جونغر على افا الداخليه
مسرحيه معروفه الابطال و المشاهدين
للاسف المشاهدين بازدياد

|:| DUBAI |:| said...

يمكن حركة للاستجواب
بس صدق خربوا فرحة الازرق
: )

Sn3a said...

Dubai

خربو كل شي يالغاليه كل شي
الناس بالكويت قام يقولون مانبي مجلس

تخيلي وين وصلو الديره
حسبي الله عليهم