ايام الجنت وياك,اناغيك و تناغيني

طحت يا حسين بالحومة !وخيمتنا عمدها طاح!

عقبك ما نشف دمعي !

لا يرضى القلب ينسى !و لا ترضى العيون تنام !

و لا طيفك يفارقني !و لا تنسيني الأيام !

وحشة تاكل بروحي !و الدمع ماينقطع سجام !

ونين أهلك يذوبني و يهزني من الأيتام صياح !

انجان تريدني انسى ..!وابطل النوح و أونيني!اخذ ذكراك من قلبي ! و أخذ صورتك من عيني !

ايام الجنت وياك يا خويه !اناغيك و تناغيني !

شبيدي عايشة وياي من ذيج الايام اشباح!

عمر ما فاريقيتك بيه ! تذكر يوم احنا صغار !

من حظن أمنا الزهرة إلجوانح حيدر الكرار!

عيني تبحر بوجهك و روحي وياك ليل نهار !.

بسماتك بعيني نور و صوتك بالسمع صداح !

يا وجه على ملقاه يزور وينجلي همي !

و ياجسم الذي برداه ريحة والدي وأمي !

يا عشرة عمر راحت ..

و كل عمري عقبها راح !

جزء من قصيده الدكتورالشيخ احمد الوائلي الله يرحمه