Friday, 3 October 2008

صفحات من مذكراتها 9






تبجي..و تبجي
لان بهالمواقف الوقت اللي تبجي فيه لازم تفكر شنو لازم تسوي
شتقول حق امها
حق رفيجتها
شلون اهلها بيعرفون
منو بيتشمت

يوصلها مسج( لقيتلج نفنوف عجيب بس لونه مو اخصر اخضر ..قريب من الليموني..لما تفضين خل امرج تشوفينه)

وقته .. بقى فيها اخضر ولا ليموني

وامها تدق.. امي ماعمرها استانست على شي سويته.. ماعمرها قدرت جهدي وتعبي .. ماعمري رضيتها بشي .. شبقولها؟ اقولها مابيه؟ اقولها اهو مايبيني؟ اقولها شنو! ان قلتلها مايبيني اكيد بتعصب وبتزف امه! ان قلتلها مابيه.. بتعديلي الاسطوانه
وبين هالافكار يقاطعها فاصل جديد من البكاء


الله يسامحك يابدر
بدر شكو رغد شفيج!
اخ لو حبيتني مثل ما عبدالرحمن يحبها
جان مو هذا حالي الحين.. جان ماخليت احد يطالعني ويطلع الاخطاء السبعه ويشوفني اصلح ولا ما اصلح
وينك ابيك الحين .. حقي عليك تكون معاي وينك بدر وينك!

وتركب السياره لما زادت الزحمه لان الناس يحبون يمشون بهالمكان

وتسند راسها على السكان.. ودموعها مازالت تتسابق على وجنتيها
ويقاطعها في هذه المره ضربات على زجاج السياره

اختي في شي؟
(شرطي يسألها )
لا ماكو شي
عيل ليش واقفه هني؟
ليش ممنوع نوقف ؟
مو ممنوع بس اذا في شي نوديج المستشفى او ندق على احد يمر ياخذج مشكور مابي شي
في احد مأذيج قوليلي مستعد اساعد
انت مو سألتني فيني شي وابي شي قلتلك مابي خلاص ياخي روح

ورفعت الجام وطلعت من المسفط والمكان
تدق على ساره

ساره وينج؟
شفيج تبجين شفيه صوتج شفيج؟
وينج قوليلي
انا بشقتي تعالي
ريلج موجود
لا اليوم زامه ليل ماراح ايي تعالي

وبالشقه

من صجه هذا؟ شنو بنات الناس لعبه؟ لاتزعلين رغود ترا والله ماكنت ادري وغلاتج والله...
تقاطعها رغد.. اكيد ماكنتي تدرين يعني من متى ضريتيني؟ بس شسوي قوليلي شسوي انا من الصبح طالعه موراده البيت وامي يننتني مالي خلق مالي خلق
زين كلميها ..طمنيها انج ببيتي على الاقل

رغد لاتبجين قطعتي قلبي
دقي على بدر
رغد شدق عليه انتي مينونه تبينه يتشمت ولا تبين يعطيج رد مثل ويهه انسي ماراح ادق ولا راح اخليج تدقين انسي
ساره .. فهميني..شوي فهميني.. بدر حتى لو اشوفه ومايتكلم ارتاح .. حتى لو يقول الو كل اللي فيني يروح.. انا تعبانه .. مو تعبانه وبس اول مره احس بجذيه
لاتدقين... تعالي وين بتروحين
البيت

وين كنتي؟
انتي للحين ماعرستي مايصير تروحين وتردين بكيفج دوامج خالص الظهر الحين الساعه 10 ليش مادقيتي ...شفيج ماتردين

يما مو وقته
لا وقته ونص مو تروحين تفرفرين بالشوارع والسوقه ويشوفونج الناس تالي الريال يقول مابيها ماتقعد ببيتهم لاتفشليني بين الناس ... شفيج ماتردين ماتقولين وين كنتي
مابي اتزوج
لا مو بكيفج.. عقب ماكلمنا الناس واتفقنا وياهم وزارونا ورضيتي تقولين مابي لا تبين غصبن عليج
مابي.. اتزوج
بتزوجين ترا والله يارغد ان مادشيتي غرفتج الحين ونمتي وباجر رحتي شريتي النفنوف وحجزتي صالون ترا لنتي بنتي ولا انا اعرفج بسج من صغرج عله على قلبي ماعمرج بردتي قلبي بشي ليمتى
انتي تسمعيني؟ انتي قاعده تسمعيني ولا تكلمين بروحج انا ماراح اتزوج خلاص دقي على الناس قوليلهم وقولي اللي بتقولينه يننتيني
حسبي الله عليج من بنت حسبي الله عليج من بنت


تقفل الغرفه وتقعد عند الباب مافيها حيل تمشي لي السرير .. تبجي وتشهق .. وترد تبجي لين نامت
الفير صحت مره وحده.. وتمسك التلفون وتدق
بدر
هلا.. شفيج بابا شفيج؟
نايم؟
لا مو نايم امريني شفيج شاللي مضايقج
تعبانه شوي كلمني
حاظر..
ويسولف وبين كل سالفه يسالها شفيها اما ترد ماكو شي او مافيني شي
وصارت الساعه 7
متى دوامج؟
10 اول محاضره
زين قومي لبسي خل اشوفج قبل دوامج
ماراح اداوم
ليش؟
مالي خلق.. باجر اداوم
رغد من متى تطوفين محاضرتج؟
من اليوم لاتحن بدر ماراح اداوم
قومي لبسي ودقي علي وانتي بالسياره ابيي اشوفج
ويم الكوفي شوب

نزلي من السياره خلنقعد بالكوفي شوب
لا انت تعال اصعد
اصعد السياره! سيارتج! انتي؟
اصعد
حاظر


شفيه ويهج.. شفيج
انا اكرهك
واكره الساعه اللي كلمتك فيها
اكره اللي سوى شي اسمه نت
واكره اللي فكر بشي اسمت تشات
اكرهك بدر اكرهك
ميخالف ميخالف قلبي قوليلي شفيج
شفيني ؟؟؟ اكرهك اكرهك وتبجي
منو مأذيج قوليلي
انت مأذيني انت ماتفهم انت ماتفهم قولي!
حقج علي .. قوليلي شاللي يرضيج اسوي .. شاللي يريحج بس لاتبجين تقطعين قلبي
من وينلك؟
من وينلي شنو؟
من وينلك قلب مثل الناس انت مو كفو يكون لك قلب انت بعتني بعتني
انا مابعتج رغد فهميني خلاص تكفين فهميني انا بس طلبت فتره
فتره شنو!
انا وعدت احمد
اي احمد
احمد ولد خالج! قلتله انا الحين مو بحاله تسمحلي اتزوج قلتله ابي 4 سنين منها اتخرج واتوظف وايمع فلوس اتزوج فيها انا مابي اقعدج بغرفه ولا ابي احكرج بشقه صغيره انا ابي اسكنج بمكان يليق عليج.. ابيج تلبسين مثل ماكنتي تلبسين ببيت اهلج واحسن.. مابيج اقل من غيرج واهو ضمنلي يعطيني خبر اذا انخطبتي رغد هالحجي كله صار وانتي تعرفينه ياقلبي انا مابعتج بس مابغيت اعشمج ولا بغيت اوقف بطريجج انا واحد على قد حالي حتى سيارتي كانت اجار بالكليه لين توظفت خذيتلي سياره عاديه شوفيها حتى مو سياره اللي حلمت فيها عشان منو؟ عشانج عشان لايكون علي مصرف كبير
شنو؟ شقاعد تخربط شقاعد تقول احمد شكو انا ماني فاهمه
رغد لما هدينا بعض مره شقالج احمد ماقالج نطريه ماقالج لاتكلمينه بس نطريه
لا
شنو!
احمد خطبني
خطبج! انتي مرته؟ شلون
اهو متزوج الحين بس خطبني بدر لاتجذب علي الحين.. مو بحاله تسمحلي اني..
اجذب عليج! شلون يخطبج وانا قايله ابيج شلون
ماقالي.. انا .. بدر ملجتي المفروض الاسبوع الياي
منو بعد ؟!؟
واحد .. وامس قالي مايبيني لان يحب!
رغد شلون ترضين تنخطبين وانا؟
انا شدراني انك تبيني انا عبالي تسليت فيني وخلص دوري.. انا شدراني انا نطرتك شدراني شدراني
وهالحمار منو يحب وشلون قالج وليش يخطب دام ان يحب
لان اهو احسن منك ... مو مثلك عشان جذيه اكرهك
لاتبجين
اهو يحب ومحد ترس عينه غير حبيبته مو مثلك
ومن قالج ان في احد ترس عيني غيرج ياقلبي لاتبجين خلاص
احلف ان كلامك صج
وغلاة عيونج كلامي كله صج ومثل ماصار قلتلج اياه .. ليش ماقلتيلي ان خطبج ليش؟ انا اتفاهم وياه ... رغود انا مستعد اخطبج من باجر لكن صدقيني انا محتاج وقت والريال مايقول كلمه محتاج الا لما يكون قاصدها لاتخليني اكررها قلبي
انت عبالك انا بس همني زواج وعيال .. بدر انا مادري شسوي بالمصيبه هذي امبي بصوب واهلي بصوب هذا غير احمدو اللي انا بشوف شقصته وليش سوى جذيه
انزين انتي الحين اهدي وقولي حق امج ان الريال قالج..
تقاطعه
انسى ماراح اقولها ان اهو مايبيني انا وعدته اهو يحب بدر.. اهو مثلي.. يمكن انا بيوم الملجه كنت بدق عليه اقوله مابيك
يتبع

40 comments:

Don Juan said...

أخيييييييييييييييييييه
عوار قلب والله ,, تحبه :(
و حتى أهوه بدر الحين قام يكسر خاطري ,, أثاري المسكين يبي يكون نفسه بس أحمد باشا كان بيلعب عليه منصف و يعطيه بومبه :/

ناطرين التكملة

مُحَسّدْ said...

احنا متابعين

بس لا يصير مسلسل مكسيكي :)

ZooZ "3grbgr" said...

مادري ليش ماني مصدقته
الله يستر
احساسي يقول فيها حبكة اكبر
ويتنق...لا تطولين بليز

Mok said...

شاطره كالعادة
:)

Makintosh said...

طلب اذا ماعليج امر كتبي بالوان غامجه

واحمد شكله طلع مو هين

وناطرين لاتطولييييييين

kuwaitawy said...

انا مشكلتي اني طوفت جم بوست من هالمذكرات

والنتيجه اني قريت اول فقره واحس ان اكو اشياء ناقصتني





ارجع واقول هالمذكرات يبيلها قعده وعلى فراق

خو تعرفين اخوج مشغول صارلة شهر ومو قادر يقعد



:)


حبيت اسجل وجودي وارسل تحياتي

alsaronah said...

امها حنانة جنها امي .. تشكي للناس بنتي ما تبي تتزوج وبنتي مينونة لوووول

احس قصتها مقاربة جدا لي ..
بس بدر فيه خير والله وعلشان جذي اهي قصة . ولا لو صج ماتلقين فيهم خير ..

امبي صج متى تحطين الجزء العاشر .؟؟

حدي تنرفزت من امها ومن هذاك المليق الي خطب وهدها ... شهالمصخرة لو انامكانه ما اخليه الا ومهزإته لوول

Najmah said...

انا وايد حبيت هالبارت
واااايد

متابعييين
:)

esTeKaNa said...

سنعه
مادري ليش طول ما انا اقرا هالبوست اسمع صوت شهقه البجي
البجي اللي يطلع من اقصى القلب
يعور
يهز كل ذرات الحزن فينا
!!
عورت قلبي
:(
ناطرة التكملة

أتيت متاخرة said...

وايااااااااااااااااا
سنعة ذبحتي قلبي
كملي يبه كملي


الي عور قلبي رغد >>>> صعب تحس انه محد معاك حتى الي تحبه في وقت محتاجه فيه
وكل الامهات جذيه اذا صارت على سالفة الزواج>>> حتى آنه يمكن اتم احن اذا بنتي كبرت وبغيت ازوجها !!!!

shakshaka said...

San3a ana tara emtab3itich mn muthakart 1 shay shay shay mo 6abeeee3i! i was a silent reader bs al7een la walla ghasib na6agteeeeni ehhehe! keep it up:)

ضـاد said...

كلبي يئورني! أيْـن الـ ... ??

3washy said...

السلام عليج ^_^

اقووووول متى الحلقه الاخيرة >>الاخت مستعيله وماعندها صبر ههههه

يعطيج الف عافيه سنعه ..


تحياتي لج

|:| DUBAI |:| said...

مسكينة

كسرت خاطري

يالله بدور استو ريال

و تقدم

!!

ShLaLaT said...

احمدوو بط جبدي

حتى بدير

وعبدالرحمن


ريايييييل ماكو فايده
:(



خلصيها
يالله ناااااااااطره

terkwaz said...

هممم
طله بدر الزين واحمد الشين!!!

عووورت قلبــي

فرحيها البوست الياي
خليها تستانس شوي

`~MnO YeNSa! ~` said...

وااااي على عوار القلب

من زمان ما علقت
بس قاعدة اقرى

و قلبي يعورني



من زمـــــــــــــان
:**
ترى من زمان عنج

Sn3a said...

دون هوان

سلامه قلبك
انت من وين تييب تعليقاتك لول

منور البلوق حجي

Sn3a said...

محسد
ياحيا الله محسد
منور البلوق
ان شاءالله ماراح يصير مسلسل مكسيكي لول

Sn3a said...

زوز
انا ماراح ادري الا لما اكتب لول
يسلمو عالمتابعه الحلوة

Sn3a said...

موك
انا ولا رغد؟
اني وي منور البلوق خيو
يسلمو عالمتابعه

Sn3a said...

ماكنتوش
من عيوني
اي شفتي شلون

يسلمو عالمتابعه

Sn3a said...

كويتاوي
هلا والله بها الطله فاير فايتر
المكان مكانك

Sn3a said...

السارونه

هلا والله
يسلمو عالتواصل اختي

في وايد امهات جذيه
الام تظل تخاف على عيالها وتحاتيهم
في منهم يحاتون اوفر

Sn3a said...

نجمه

هلا والله بالاديبه
حبتج العافيه
تسلمين قلبي

Sn3a said...

استكانه

هلا بالغاليه
اكيد كان هذا صوتها
لانج حساسه وحسيتي فيها


منوره البلوق اختي

Sn3a said...

اتيت متاخره

هلا والله
سلامه قلبج
يسلملي هالتواصل الحلو

ان شاءالله تعجبج القصه كامله وربي يحفظلج بنيتج وتجهزينها عروس

Sn3a said...

شكشكه

المكان مكانج
واشوه ان القصه عاجبتج
منوره البلوق

Sn3a said...

ضاد

سلامه قلبج
يسلمو عالمتاابعه اختي

Sn3a said...

عواشي
هلا الغاليه بنت الامارات
ان شاءالله قريب
يسلمو عالتواصل حبيبتي

Sn3a said...

دبي
هلا الغاليه
منورينا اهل الامارات والله


ضحكتيني استو ريال
اي والله


يسلمو عالمتابعه

Sn3a said...

شلالات

اشوه انا مابطيت جبدج لول
يسلمو عالتواصل قلبي

Sn3a said...

تركواز

هلا والله اختي
يسلمو عالتواصل الحلو
والله احرجتوني اشوه اللي اكتبه عجبكم

ان شاءالله تفرح
مابعد دموع الحزن الا دمعه فرح

Sn3a said...

منو ينسى
هلا والله
انتي وينج ماتبينين
ماتنلامين انا ماوجبتكم

يسلمو عالتواصل

عربي said...

ماشاء الله عليج يا سنعة

طلعتي مدونة من ورانا :]

بصراحة الفيلم "المسلسل"وايد حلو

واحنا متابعين :)

المدونة الخاصة بك مميزة جدا ما شاء الله

عسى ربي يوفقج

مع التحية
3Rbi.Org ;)

elq87obi said...

صباح الخير

متابعين

لا تطولين علينا :)

Aisha said...

ya mamiii akheeerraann!!!
ma bagha e9eer rayaal!! bes a7mad ba6 chabdii.. bas shakilha qamanda wallahu a3lam ;)

Sn3a said...

عربي
اهلا وسهلا زميلي
شفت شلون! بس لاتعلم احد:P
شكرا على المرور نورت البلوق
يعطيك العافيه

Sn3a said...

الكويت حبي
صباح الورد اخوي
اهلين وسهلين

ماطولت الجزء الاخير حطيته ان شاءالله يعجبكم

Sn3a said...

عايشه
اهلين وسهلين
نورتي البلوق اختي

لاتكرهين احد لول
انا حطيت الجزء الاخير اتمنى يعجبج