Tuesday, 14 October 2008

-تحديث-الهندسيه




هندسيه...هندسيه


هي كلمه


هي همه


هي عزم لا يلين!




الصوت الوطني


الذي ولد من ارض الكويت قبل 30 سنه


ونجح باول نزول له لساحه الانتخابات


تسيد المنافسه ...المنافسه الشريفه


وحظي بثقه الطلبه لسنين عديده متصله ومنفصله




قائمه تتخذ شعارا يلخص هدفها..فكرها..وتحدياتها


خدمه الجميع بعيدا عن التعصب والطائفيه




ماتدرون شكثر احب هالقائمه


اشوف فيها مستقبلي


امل اجدادي


وامان عيالي




جايز الناس يشوفونها انتخابات والسلام


هذيل الشباب اهم اللي بيبنون البلد


ولازم نحرص عليهم نحط ايدنا بايدهم ونساعدهم


هذيل باجر بيقولون للحرامي انت حرامي وبيحاسبونه


بيقولون للمقصر انت مقصر ويحاسبونه


بيقولون للوطن انت وطنا ويبنونه


اهم من مسك الدستور


واهم اللي بيحمونه




لاتشوفونه صوت!


شوفوه وطن






اول صوره اهيا صورة المهرجان الخطابي للقائمه الهندسيه واللي كان اليوم من الساعه 11 الى الساعه 1 الظهر
تدرون منو ماسك المايك
مهندس
مرشح من القائمه المستقله سابقا
تدرون شيقول
الهندسيه فادتني
شلون فادته؟
ببساطه اقولكم : توفير الدورات العلميه لطلبه كليه الهندسه والبترول على اختلاف المواد هذي ابسطها
لكن الشي اللي ماذكر
حمله القائمه الهندسيه لاقرار كادر المهندسين , الحمله اللي كانت تكلفتها 67 دينار فقط واخوانا بالقائمه المنافسه قالو ان هالحمله كلفت فوق الالف دينار وتالي نسبو الانجاز لنفسهم .. لهم رب يحاسبهم اهو بيعلمهم الدين مو شعار لجذب عقول الطلبه وضمان اصواتهم والدين لا يعني التشكيك بالذمه الماليه لاي احد لاي سبب واكيد الدين مايعني نسب خدمات غيرك لك بدون وجه حق



يوم الخميس

ادعو ان الكليه ترجع بيد اللي يحافظ عليها ويخدم ابنائها

تحديث:

1321 شكرا

لكل طالب وطالبه صوتو للصوت الوطني في كليه الهندسيه والبترول واعادوه الى مكانه الطبيعي في المقدمه

ربي يكتبلكم عام سعيد مليئ بالخدمات التي ترضيكم

والجمعيه؟

هندســــــــــــــــــــــــــــــــــــــــــــــيه

71 comments:

Mok said...

عدل عدل الوسطيااااات


اشتغلوا على المنتدبات ومواقع الشبابية

نرى اخباركم كلها عندي واترقب الجمعيات


والمدد قادم

:)

Sn3a said...

mok

الله كريم ان شاءالله
دعواتكم!

kuwaitawy said...

بالتوفيق انشاءلله


ويستاهلون الهندسية

Sn3a said...

كويتياوي

اجمعين خيو
ماقصرت

موفق ان شاءالله

Anonymous said...

what a waste :s kent a7bech san3a bs al7een mabech 5ala9 :p

Sn3a said...

المحبه من الله
حبتج العافيه على اي حال

Blog 3amty said...

ربي يوفقهم ويبعد عنهم أعيال حدس وأعيال من ليس لديهم أي شي يجول في عقلهم؟

Bu Jassem said...

:)))))
مشكوره على الصوره
ردتني 5 سنين لما مسكت المايك في مهرجان الهندسيه
والله يذكر شبابها وبناتها بالف خير وعساهم بصحه وعافيه
بس ملاحظتي اليديده انه شباب الهندسيه قاموا يلبسون شماغ بهالحر :)))))
وتطورت الدنيا وصارت الميكروفونات وايرلس
الحين اشلون نلعب بالواير علشان نطفر الي يتحجه

:)))))))))
سامحوني بس الكبر شييييين


وموفقين يا رب :)

abu eldestor said...

وليه أذيتونا
بانتخابات الجامعه
:)

BLaSha said...

beeeh! el ba6a eli 3al ymen hatha df3iti! ana 9arli 2 yrs mit5arja!!!! ana agool 5alo 3ankom ha swalif eli ma wara ela 3awar eras!

sha5bari enti5abat,,, kil sina youm il enti5abat ykoon ejazat nom 3ndi! LOL

ضـاد said...

امل اجدادج و امان عيالج

بيد شباب وبنات يصوتون او يمسكون قائمه بكل الهندسه !!


ما تتوقعين فيها من المبالغه الشيء الكثير؟؟؟


انا اتوقع - بالذات في الهندسه- ان الناس تصوت لمصلحتها الشخصيه.. بغض النظر عن توجه و فكر القائمه

ويمكن انتي متعصبه لها لان العلميه ائتلافيه والمستقله مستقله... فماكو الا هندسيه

اللي معظمهم يعطون للوسط ( اللي لا له حس ولا خبر !! ) في انتخابات الاتحاد

...

انتي حره باختيارج طبعا مثل غيرج..
بس للامانه.. انا بعد 5 سنين بالهندسه شفت جمييييييييع انواع والوان التعصب والطائفيه والقبليه من الهندسيه
وحتى من غيرها علشان ما اخصص!!


الهندسه تحتاج اللي يخدم ماتبي اللي يسوي منشورات اسفاف بعيال اوادم و كاريكتيرات ماسخه و تصيّد على فلان و علان...

اما بالنسبه للاهداف.. فكل القوائم لو بتقرين اهدافهم بتدخل العقل وبتكون منطقيه

و ترى الكلام للكل مو للهندسيه!

رغم اني من الله ماحبهم :)



ارد و اقول انا مالي شغل من يفوز خصوصا واني تخرجت يعني ماتفرق معاي

و ماقولج وييي ماعندج سالفه تعطين هندسيه او غيرها
لان انا شكو؟؟؟

بس الكلام اللي انقال عنهم اكبر من يستحقون



امل الاجداد و امان العيال بيد كل مواطن مستقيم يخاف الله ويعرف واجباته و يناشد بحقوقه -بالسلم- و يخلص بشغله و يصون ديرته و و و و و ...


و هالشي ليس قصراً على عيال هندسيه -
اللي بعضهم بيكمل اليوبيل الفضي بالكليه-
:)


بالتوفيق للجميع في انتخابات الجمعيات



و لا يسير زعل !!
:)

Sn3a said...

بلوق عمتي
اللهم امين

Sn3a said...

بوجاسم

قيادي هندسي سابق
والله نتشرف

اي ماتقدرون تطفرونهم
لا ومايكين مو مايك واحد:P

Sn3a said...

ابو الدستور

سلامتك من الاذيه
كل واحد له اهتماماته وميوله

RoOra said...

waiii
قايلين المهرجان الخطابي الأربعا ليش سووه الثلاثا ;x

من غير أي مبالغه الهندسيه اهيا القائمه الوحيده اللي قاعده تشتغل بضمير , مو شغل أدور الممستجدين و اقص عليهم وإلا انزل بروشورات خرابيط (a)
خوش سايت سنعه
و إنشالله الخميس نحسمها :))

Sn3a said...

اهلين بلاشا

كان في وايد خريجين ترا
مو كل اللي واقفين مستمرين

لاتحاتين انا شخصيا الزم ماعلي دراستي والحمدلله ان الله كتبلي بتخرج مبجر
لكن مايمنع اني اسجل موقفي

Sn3a said...

ضاد
مادري شفيج معصبه
انا ماطلبت انكم تحبونها ولا طلبت انكم تأيدوني
انا هذا رايي
وحاطه بلوقي عشان اقول رايي
اسجل مواقفي
واتحجى لان هني محد يقدر يمنعني


ولما انا قلت امل اجدادي وامان عيالي
انتي استصغرتي بهالقائمه
ترا الجامعه تخرج اجيال
والجامعه ماكانت ولا بتكون للدراسه وبس لكن في ناس ميولهم واهتماماتهم ماتعدا قلم واله حاسبه وانا الحمدلله ماني منهم

الشباب اللي موشايفتهم يحركون بلد
ترا هذيل بيتخرجون
ومنهم اللي بيملك صحف وتلفزيونات
ومنهم اللي بيكون قلم سياسي
منهم اللي باجر جايز يقعد على كرسي بمجلس الامه

هذيل اللي مستصغرتهم وشايفه تجمعهم عشان قائمتهم شوي
قاعدين يحاولون يخدمون زملائهم مثل ماحاولو يخدمون شهادتهم بحمله الكادر على سبيل المثال

هالشباب واقفين بهالحر والخيسه بالكليه بمكان مكشوف لا صاله ولا غيره مو عشان صوت
ماراح يدش جيبهم دينار ترا من النجاح
ولا راح تقل كرامتهم لين مافازو
هذيل يبون شي واحد
يسجلون موقف
ان الصوت الوطني موجود وقوي

وعلى فكره انا اعرف الهندسيه قبل لا ادش الجامعه
بس مامنع اني ما اشيل باج الا لما اعرف شنو يعني هندسيه


طبيعي مو كل الناس راح يعجبهم فكر القائمه ولا توجهها ولا جان مافي منافس
طبيعي بتلقى القائمه اللي بيحاول يوقف جدامها فقط لتحقيق مأرب او مصلحه مؤقته
يعني بالنهايه اهو شي راجع للانسان نفسه

انتي شفتي فيها طائفيه
اوكي
ماجذبج
بس انا ماشفت هالشي والحين انا داشه سنه خامسه وبعون الله اتخرج هالكورس
5 سنين ماشفت فيها طائفيه

جايز كان في طلبه منتمين لها حزه ماكنتي بالكليه وكان فيهم طائفيه وتعصب لمذهب ما
بس هذا ابد ماراح يغير من فكر اي احد تجاه القائمه لان طالبين او 3 او حتى عشره مايشكلون القائمه باي حال من الاحوال


ولما اقول اهيا تمثل الصوت الوطني
او تحافظ عن الدستور
هل معناته زميلتي بالمستقله مالها اي حس بالوطنيه
او ان زميلتي بالعلميه ماتعرف حق الكويت
لا حبيبتي
انا كلامي واضح
قلت تمثل الصوت الوطني
معناته شنو
ان هدفها الاول والاخير والاساسي الوطني

لاهدفها تيارات خارجيه ولا ترزز بالجرايد والمجلات


اما عن الاصدارات
ترا الكاركتير فن من الفنون
والحمدلله ماشفت اي كاركتير يسيء لشخص معين
وبحق اي انسان يعبر عن رأيه بكل شي
انا وحده لما اشوف شي مايعجبني اروح اقولهم ترا في كيت وكيت
مو اكره القائمه بكبرها لان تصرف فردي او ورقه ماعجبتني


صح كلامج اغلب القوائم مو الكل اهدافهم حلوة ومفهومه ماعدا المستقله ماني فاهمه 4 اهداف كلهم مثل مثل
اني وي
لكن منو قاعد يركز على الاهداف
منو ماشي على الاهداف
مو الكل
بكل بساطه اقدر اسوي قائمه اقول انها شرعيه واسلاميه والى اخره من عوامل الجذب واسوي ندوتين واصبوحتين شعريه باختلاط واقول ان هذا شي مو دائم مثل المحاضره

وحتى لو حبيتيهم ماحبيتيهم هذا شي راجعلج يعني طبيعي ماراح تحبين كل شي
وهذا شي ماراح يأخر ولا يجدم اي قائمه

وبالنسبه لامل الاجداد اللي كررتيها لانها مو عاجبتج
ارد واقول انا ما احصر هالشي بالهندسيه
لكن ان كان هالشي تدعمه الهندسيه وتعمل عليه انا ليش اكون ضدها؟لاني ماحبها فقط؟


هذي قوائم باجر تخرج ناس يمسكون البلد
تخرج ناس يسنون قوانين وقرارات

ولا عاجبكم مجلس الامه اللي كل ريال فيه طول بعرض واقل هوشه تساببو وحذفو كراسي ومادري شنو
طبعا مو الكل عشان لاتقوليلي والله النائب الفلاني ولا النائب العلاني


صدقيني
ماكنت بحط موضوع ان ماكنت مقتنعه بالشي و أأيده
ومثل ما انتي ماتحبين القائمه

انا امووووت فيها


يعطيج العافيه

Sn3a said...

roora

حتى انا تفاجأت والله اليوم
الحمدلله القائمه قاعده تخدم كثر ماتقدر
وماكو انسان بيرفكت


من بعد ربي
بيدكم تحسمونها
شدو حيلكم

Makintosh said...

الله يوفقكم ان شا ءالله
ويوفق المستقله بكليتنا لانهم يستاهلون على الشغل الي اشتغلوه هالسنه

ضـاد said...

افا بس عليج يا سنعه:)

شفيج عصبتي! انا لا معصبه ولا شي.. انتي فكري فيها ليش بعصب؟
انا ما انتمي لأي قائمه منهم فكريا ولا قلبيا

وانا ماناقشتج برايج, وقلت لج طبعا طبعا طبعا انتي حره بتفكيرج واللي تكتبينه في بلوقج

بس هم انا لي حق عندج لما تقولين سالفه اناقشج بجوانب فيها

ولا ما يحق لي؟
:)


القصد ان الامال و الامان ممكن تحقيقهم من قبل وايد ناس

و ليش لأ!! يمكن يكون احد اعضاء او منتسبين او حتى المصوتين للقائمه الهندسيه.. احد هالناس


بس نطاقها وايد اوسع من اللي فهمته من كلامج...
و ان شا الله الله يطرح الخير و البركه بالكل




و انا ماقلت ماعطيهم لان ماحبهم! ولا قلت لج لا تعطينهم لانج بس ( تموتين فيهم) !!


ما راح اناقشج بالاسباب اللي خلتج تصوتين لأي أحد ولا راح اعرض عليج اسبابي.. احتراما لحرية الاختيار اللي تكفلها مواد الانتخابات


مابي اطول عليج شكلج خذيتي الموضوع بشكل شخصي وانا ماكان هذا هدفي من التعليق!




آسفه اذا وصل لج مسج مني غلط



و قلت لج ليصير زعل :)

و مره ثانيه


بالتوفيق للكل في الجمعيات
هالخميس... و كل سنه

Sn3a said...

ماكنتوش

هلا والله اختي
ربي يوفق الجميع وعسا الله مايضيع تعب احد

Don Juan said...

شنو هذا ؟
مسخره هذي !
ما يصير جذي

مو تقولولي المهرجان يوم الأربعا و تسوونه اليوم ,, كنت بصوركم :(

انا احب الهندسية
i'm lovin it ;D

و يوم الخميس ان شاء الله بكون موجود عشان أوثق فرحة فوز الهندسية

هي كلمة ,, هي همة
هي عزم* لا يلين ;D

* صج مهندسين حتى بالشيلات ذاكرين العزم ;Pp

Sn3a said...

ضاد
اختي انا لو مابي احد يعطي رايه جان سكرت الكومنتس
او جان ماحطيتلي بلوق بالاساس


وانتي جذيه ايدتيني
الامال والامان تتحقق بوايد اشخاص
هل معناته مثل طالب بالطب ماراح يفيد الوطن
او زميله بالاداريه بيكون خوفها عالديره اقل
طبعا لا
انا بكليه الهندسه دورت اللي يمثلني دورت اللي يفيدني على نطاق دراسي وووظيفي ووطني وهالشي لقيته فيهم


اللي يلقى هالاشيا بالعلميه بالعكس هذي حريته
واللي يشوف ان المستقله تحققله هالاشياء يختارها

هذا اختيار شخصي



وصدقيني انا عمري مازعل على احد
اصلا انتو بكل كومنت قاعدين تشجعوني وتخلوني افكر الف مره بالشي اللي اكتبه
فشلون ازعل من ناس قاعدين يضيعون دقايق من وقتهم ببلوقي
ابد والله

واصلا لو ما انا ابي رايج وراي غيرج جان مادشيت بلوقاتكم وتعرفت على افكاركم من خلال بوستاتكم
صدقيني انا ماحب احد يشيل علي
ولا احب اشيل على احد


والمكان مكانج ولو

Sn3a said...

دون جوان

ببدي من اخر كومنتك
لووووووووووووووووووووووووووووووووووووووووووول
من صج موتني ضحك
شفت شلون احنا مهندسين بحا وحئيئي
الا عيال الاداب قسم انجلش شعرفهم بالعزم؟
ماشاءالله عليك



والله حتى انا اصلا مادريت الا قبل محاضرتي الاولى بعشر دقايق
تهقى اعاقبهم وما اصوت هالسنه


حتى الهندسيه تحبك اهيا قالتلي
:P

دعواتك

Free_Moi said...

باذن الله هندسيه


شدوا حيلكم ;)

Sn3a said...

فري موا

ان شاءالله
الله يسمع منج
وقود لك بالعلوم ترا الوضع غير عن السنين اللي طافو

Eng_Q8 said...

جايز كان في طلبه منتمين لها حزه ماكنتي بالكليه وكان فيهم طائفيه وتعصب لمذهب ما
بس هذا ابد ماراح يغير من فكر اي احد تجاه القائمه لان طالبين او 3 او حتى عشره مايشكلون القائمه باي حال من الاحوال


هالفقره قريتها من ردج على الاخت ضاد

جميل اني ارى من يعترف بوجود من خرب على القائمه بكبرها ماادري عن القائمه الحين بس اتمنى انهم ارجعوا مع ان لي الحين اصوات الاسلاميه اكثر من الوسط مع الاسف ولكن هم نتأمل خير انهم يتغيرون والي سويناه انا وزملائي خلاهم يحسون

بس لا تتعصبين وايد كل القوائم بالنهايه اخوان والكل يخدم الكليه وبس ماني متحجي اكثر اخاف اخر الاولي والتالي حرام ماابي احد ينضر

elq87obi said...

بالتوفيق إن شاء الله

سلامي لج :)

Sn3a said...

مهندسنا

اني احب الهندسيه شي
واني احسبها كامله شي ثاني

اكيد في طلبه او منتمين جايز مرشحين كانو مو مطبقين مبدأها الاساسي
بالنهايه هذي نفوس مختلفه جايز داشه لمصلحه معينه او تضيعه وقت او فرصه لعدم الدراسه او طريقه للظهور الاعلامي والترزز
تصير بكل القوائم

صحيح انا ماشفت هالشي
بس هل معناته ماصار؟
هل معناته ماراح يصير

يمكن صار قبل
بس اتمنى مايصير بالمستقبل لان حرام هالاشيا تخترب


صدقني لاني متعصبه ولا شي
حمدلله مرافجه البنات من كل القوائم واباركلهم بالفوز مثل ما ابارك للهندسيه بالفوز
صدقني انا همني اكون علاقات مع ناس يذكروني بالخير
اكثر من اني اكره فلانه واتصيد لعلانه
نتيجه لاختيارها الحر

Sn3a said...

الكويت حبي
اجمعيين
ربي يسمع منك

وربي يسلمك ويخليك

عاجــل said...

لها الفوز انشاله

Sn3a said...

عاجل

الله يسمع منك اخوي ثانكس

Anonymous said...

هيا هندسيه
هيا هندسيه
والكليه هندسيه .. قولي آمين
تسلمين على هالبوست سنعه بردتي جبدي والله
وشدو حيلكم ترى ما بقا شي خلاص
واذا هالسنه ما ردت الكليه هندسيه راح اتحطم لأني خريجه هالسنه وودي اودع الكليه والهندسيه ماسكه الجمعية
نحن الهندسيون
نحن الهندسيون
:(
الله يوفقنا يا رب نبي همتكم

صبا said...

يستاهلون

منها للاعلي

يـــااارب

Eng_Q8 said...

كفو والله وهذا اهو الصحيح

تدرين اشلون شيشتين باجر بروح الكليه بوصي الي بقوا من العصر الحجري :))

تستاهلون دام التفكير تطور لي هالدرجه

موفقين

Ra-1 said...

الوسط طول عمرها متبرية من الهندسية والهندسية يقولون إحنا مو وسط
زين هالسنة اعترفوا :)

بحاول أمركم باجر لأن انتخابات الهندسة دايما قوية وما تتطوف
:)

Fahad Al Askr said...

على فكرة ترى هالبوست والاثنين اللي قبله حسيت إن إحنا وايد قراب على بعض

الله يكافينا الشر

Safeed said...

مع احترامي كله حجي فاضي ، او مثل ما يقول العراقيين : خراط في خراط
جميع هذه الشعارات و القوائم مستوى تأثيرها الفعلي ما يتعدى ممر 9 خ ، و هذا هو الواقع الجدي
رغم اني اشتغلت معاهم بالـ 2003 و 2004
إلا أن كلمة الحق لازم تنقال ، مسألة المحافظة على الاجيال و أمان الدولة ما تكون بشعارات و انتخابات جامعية اشبه بصراع الديكة ، و بجي و نواح بعد ظهور النتائج ، مسألة الدولة أكبر و أوسع من فكر قائمة تتبع تيار فلاني او تدافع عن الفكر العلاني

أوزنوا الامور بموازينها و لا تخلون العاطفة تطغى على الواقع و العقل

BLaSha said...

:) good luck babes :)

Sn3a said...

بش مهندس

ماكو شي يستمر طول هالسنين بدون زلات
اكيد في زلات ماكان المفروض تحصل
وعلى اللي ماسكينها الحين واللي بيمسكونها بعدين يقللون هالزلات كثر مايقدرون
لان اهيا عباره عن تجمع اشخاص مختلفين بوايد اشياء ماتقدر تمنع الخطأ موليه


ايي وصهم ماقصرت

Sn3a said...

انونيميس

مي تو زميلتي انا خريجه بعد
يقولون دفعتي قبست عالهندسيه سنه 2004
اشوه الكليه بتفتك من القبس :P

Sn3a said...

صبا

تسلمين اختي
مشكوووره

Sn3a said...

صبا

تسلمين اختي
مشكوووره

Sn3a said...

روان
محد اعترف بشي
مادري وين اعترفو

انا وحده وسطيه وهندسيه
هل معناته انا امثل القائمه نو
انا امثل نفسي
لاني منسقه ولا حتى مرشحه

مجرد طالبه تحب تأيد الصوت الوطني
ما امثل القائمه بشكل رسمي
الا اني فرد اتشرف اني اكون من مؤيدينها

Sn3a said...

فهد العسكر


اولااا يكافينا الشر مره وحده
شدعوة يبا
عاد اذا اسمك فهد بالصج اسمي نفس الطريقه بس مو فهده لول

Sn3a said...

سفيد
اوكي

Sn3a said...

بلاشا

thaaaanx we need it

Anonymous said...

MABROOOOK =D

Don Juan said...

حطيلهم الصورة الي انا مصورها ,, كون انج ما تقدرين تكونين تحت الطاولة نفس ما انا كنت :Pp

Sn3a said...

انونمس


اييييي
مبروك علينا احناااا

Sn3a said...

don juan

اي صورة؟
حط الصور بالمنتدى او ببلوقك لاني كنت بعيده عن الاجواء:(

Anonymous said...

Oo el Jam3eeYaaa HANDASIAAAAH Oo EL KaoleYah HANDASIAAAAAH ;P

HANDASIAH 3lemehom kaif y2te el ent9aar ;p

mshkorreeen el 1321 jmeee3n ;)

Bu Jassem said...

مبروكين يا ابطال :)))

بس جنج من العيله بالتحديث وايد بدليات :))))

عفيه عليكم ونستونا :)

Sn3a said...

انونيمس

بنات الهندسيه انتو لوتسوولكم اكاونت بدال ما انا ما ادري ارد على منو احسن


عالبركه يبا
الجمعيه ردتلكم
وروونا همتكم عاد واشتغلووووو
من الحين روحو سوو كتب حق شعب الصيفي وسوو الاله باميه فلس
وسوولنا جسر من بيوتنا لين الكليه
قولو ماتقدرون بعد

Sn3a said...

بوجاسم

لول يبارك فييييك
يستاهلون والله اشتغلو من قلب خنت حيلي حيلهم


صج
لول خل اجيك بدلياتي

Anonymous said...

مبرووووووووك مبروك مبروك حق قائمتي الهندسية
والكليه هندسيه
وانتي قلتيها
هي عزم لا يلين .. :))))))))))
واحلى ويك اند للجميع يا رب
سمعتي الشيلات اليوم ؟ وااااااي عورو قلبي لما ايقولون : للمرأة حق ونضال ومساواة
كفو والله كفــــــــــــــو

Sn3a said...

انونمس يننتوني بنات الهندسيه اففف
لو ادري مو مصوته
:p

ماسمعت
طلعت مبجر
:(

bo 7ami said...

مبرووووووووووووووووووووكيييييين :D

Makintosh said...

سنعــــــــة
مبـــــــــــــــــروك
مبـــــــــــــروك
مبــــــــــروك
مبــــــروك
مبــــروك
مبــروك
مبـروك
مبروك

|:| DUBAI |:| said...

GOOD LUCK GUYS!

a7mad Nabeel said...

الف مبروك الفوز تستاهلون
الى الامام
نبي السنة الياية فرق الاصوات يزيد ان شالله

Sn3a said...

بو حامي


يبارك بعمرك مشكووور

Sn3a said...

ماكنتوش

يبارك بعمرج مشكوووره
وايد مشكوره

Sn3a said...

دبي

ثانكس قلبي
ماقصرتي

Sn3a said...

احمد نبيل

يبارك فيك ويخليك
الله يسمع منك السنه اليايه واللي وراها واللي وراها الى الابد

alsaronah said...

عاشت الهندسية عاشت:)

وناسة والله كونوا قد المكانة مشان تاخذونها السنة الياية

Q8Sky said...

مبروك تستاهلون :)

vancouver said...

مبروووووووووووووووووووووووك
:))

سنعة

متى العشا
?

توصلون ديليفري الى كندا
:Pp~

Sn3a said...

السارونه
صح كلامج
الطالب مايبي الا القائمه اللي تكون قد فوزها
ان شاءالله ماراح يقصرون

Sn3a said...

q8sky

يبارك بعمرك ماقصرت

Sn3a said...

فانكوفر

تو مانور البلوقر
هلا والله

يبارك بعمرج اخيتي
انتي والميبل سيرب اللي ماظل احد ماقلتله عنه
لا ومتفلسفه عرفتي جنه انا صاحبه الوصفه واللي مكتشفيه الشيره

الله يسلمج لو يخلون التصويت بكندا الواحد يغير جو وايد احسن
ندزلج ميبل سيرب شتبين بعد