Monday 9 March 2009

Open Day






مسا الخير

هالاسبوعين الكليه كل يومين فيها يوم مفتوح تقيمه وحده من الجمعيات اللي ماسكه الاقسام


اي ترا احنا بالهندسه حتى الاقسام فيها انتخابات ;p

المهم اليوم حضرت اليوم المفتوح مال قسم الهندسه الميكانيكيه اللي ماسكتها ASME

American Society of Mechanical Engineering

بس فرع الكويت طبعا


بكل مكان كانو حاطين نشاط مختلف

انا شاركت بمسابقه وربحت فلاش ميموري واشوه سؤالي سهل ماله داعي مرتزة واشارك واخسر برستيجي يخترب جدام الكليه
هذي الصوره من قوقل نفس فلاشي اللي ربحته;p

للاسف ماحضرت اليوم المفتوح اللي اقيم بتعاون جمعيه المهندسين المدنيين وجمعيه الهندسه الصناعيه لان محد عزمني:(

وامس كان اليوم المفتوح لجمعيه الهندسه الكيميائيه CHESS

CHESS:Chemical Engineering Student Society

يقولون كان عندهم خوش باستا;p


ويوم الاربعه يتروالي اليوم المفتوح لجمعيه الهندسه الكهربائيه

عاد مادري من الفراغه يمكن اروح واعطيكم اخر الاخبار


وعلى الاسبوع الياي اتوقع يبدا الاسبوع المهني

ان شاءالله اعطيكم خبر متى بالضبط

زقرت كليتنا مو






53 comments:

Kuwait said...

@@
تدرسون شي انتوا ؟
اشوف كل ايامكم يا انتخابات يا ايام مفتوحه يا معارض عيل مهندسين على شنو احنا نكرف اكثر منكم ;p
looooooooooooooooooooooooooool

مركبنا said...

زقرت من زقرت

الله يهنيكم ويوفقكم

Sn3a said...

كويت
لول اول شي انا تخرجت
ثاني شي خل اقولج السر

يقصون عالطلبه مساكين عبالهم الكليه وناسه ومو كد
اول اسبوعين
بعدين
هااا يورونهم الشغل المضبوط ;p

Sn3a said...

مركبنا

اهلين وسهلين
اي والله ماكو احلى من كليه الهندسه;p
شكرا

chandal/danchal!! said...

ما كانشي على أيامنا!


:)))

خمس سنين حتى قحفية ما طلعت منها!

joe said...

شي شي زقرت
لوول حلاته يحرجونكم ويحطون لكم اللعاب ودوراف وذرة ونفيش

Sn3a said...

جندل
لووول ودي اييبلج قحفيه بس ولا يضيق خلقج

لول

Sn3a said...

المباركيه

في نفيش وبوب كورن;p
بس دوارف ماكو
شقالولك اوبن دي الاداريه;p

Fahad Al Askr said...

إنت مو تخرجتي

ليش رادة الكلية مرة ثانية

Sn3a said...

فهد العسكر

يعني شسوي ماكو شغل:(
اروح الكليه اضيع وقتي

Eng_Q8 said...

وليش احنا على وقتنا ماكو جذي ؟؟؟؟؟؟


والله دلع

الله يرحم ايامنا حتى براس السنه نمتحن عادي والله مرات اقول انا متخرج قصاب مو مهندس

Sn3a said...

مهندسنا

يمكن ماكان في بالكليه ناس وقتها يهتمون حق هالاشيا ويمسكونها
الجانب النفسي مهم جدا للتحصيل العلمي ولا شو رأيك

Eng_Q8 said...

لا مايصير ظلم

عيل اطالب بتعويض نفسي اشمعنى يدلعون هذيل وما دلعونا

راح اقدم استجواب حق رئيس مجلس الوزراء عشان يعطيني تعويض نفسي حالي حال الجينكو

Sn3a said...

مهندسنا

قدم وخل يعطونك كيرفين على معدلك
الجينكو مو احسن منك

;p

لا والهبه الييديده مالت المشاريع
كل واحد يروح يسجل براءه اختراع لمشروعه
قول كان عندكم جذيه؟ ماعتقد;p

Eng_Q8 said...

لا مابي كيرفين ابي اصير دكتور على طول خلاص انا الحين عندي خبره مااحتاج معدل :p



هذي الله يسلمج جذبتنا كل شي براءة اختراع اول من اكتشفناها والمشكله محد له خلق يروح يسجل براءة اختراع بس جذي كشخه عشان لما نشرح حق خلق الله

Dr. Ali Maarafi said...

يلا زين فلاش ميموري حق الدوام بعد حكومتنا الكتونية
الله يوفقج بالدوام

Sn3a said...

ويييه مهندسنا
خبرك عتيج

الحين الموضه يعلقون شهاده براءه الاختراع فوق المشروع
او يحطونها ببرواز يمه
يعني الشغل بالسليم

;p

Sn3a said...

Dr Maarafi

الفلاش تصادر اول ماوريته حق اخوي قال باخذه اجربه زين مو زين
طبعا بجربه معناته ابيه

الله يسمع منك واداوم قريب عشان اتقاعد بسرعه وافتحلي كوفي شوب;p

Anonymous said...

سنعه تكفا حولي علينا معرض يوم مفتوح شي يفتح النفس مره بالعلوم :p

تمنيت مره بالغلط يسوون مؤتمر ندوه اي شي عن الكيميا التخصصات الثانيه ماكو مافي شي مفيد ويشد


ترا احنا لزق فيكم عادي يصير تشفقون علينا :p


بس صج الحمدلله هالكورس كله بشويخ احس اني عايشه مو كله ناس قاعده وتحش وبس لا في اهداف ثانيه

Sn3a said...

فري مواا
لوول والله هالشي يعتمد علىالطلبه مو الكليه
يعني ماشاءالله عليهم كل واحد ماسك شي وكل ركن تلقين فيه طالبين يسوون نشاط معين

عاد في مؤتمر كيمياقريت عنه بالجريده امس
بس مو تابع للجامعه

RoOra said...

بيصيرلنا سبوعين و الكليه شي مو طبيعي حده وناسه
احلى open day
كان مال الصناعي و المدني اول يوم

و اليوم وعليه البترول عفسهم الجو ;Pp~
بس استانسوا عادي :)))

WELCOME back to colloge Eng sn3a :P

Sn3a said...

بش مهندسه روراا
ايي قالولي اليوم البترول
مو لاني بغيت السلاسل اللي عليهم حروف
قالتلي البترول يايبين المحل
حسافه
بس كنت نايمه فالنوم اولى من السلسله

شدو حيلكم

Don Juan said...

قاصين عليكم ,, مسوين الكلية دوار الجوازات و مسمينه اوبن داي ;Pp

Sn3a said...

دون

مو جذيه يحترون الناس مو جذيه;p

bakah said...

كليتكم حيل نشيطين في جانب النشاطات .. :)
انا لما كنت بالجامعة كليتي لو بدعوا يسوون دورة كوت بوسته والا بلوت ..! :)

كبرياء وردة said...

الله وناسة

انا جامعتي ميتة

دراسة وبس

ما اصدق متى اخلص الكلاسز واطلع

Sn3a said...

مطعم باكه
والله مو الكليه
الطلبه اهم النشيطين
واذا راده عالكليه مانشوف هالسوالف

Sn3a said...

كبرياء ورده
حرام
الجامعه احلى مرحله مريت فيها
بس شتسوين الله كريم

عفره said...

ونااااسه على جذي خلص السمستر
:P:P

علي said...

ماما سنعة

شوفي بقول لج
لا تنسين يوم الأحد الياي الظهر بكون يوم المفتوح عندنا في الجامعة حتى اتيين وتسألين عني وتشوفين شنو مبدع في الجامعة
لا تنسيني :(


===
ذبحونا صراحة الجمعيات حتى عندنا بالبحرين
احنا خل اول نحفظ اسماءهم وعددهم حتى نقدر نحفظ فعالياتهم وايامهم المفتوحة وايامهم المصكرة !!
مع اني اشوف جمعياتنا كل ايامها مصكرة مانشوفها مفتوحة بس يلا .


اقول سنعة عندي رسالة
اذا عندج تواصل مع الاخت زوز وصلي لها سلامنا من كل اهلها بالبحرين وخلها تطمنا على وضع الوالدة

ماكو أمل said...

هندسية ولا علمية ولا مستقلة ؟؟



** دمتم بكشخة .. يالخليجيين

** يا شيخ ناصر المحمد .. ألم تشتق إلى جنيف ؟

حياكم في مدونتنا الجديدة

ماكو أمل

http://makoamal.blogspot.com/

كاريكاتير said...

مبروك على الفوز الكبير ..

على ايامنا رابطة الآداب ما عندها غير تهني الطلبة بافتتاح حنفية يديدة او ايجاد شباصة مفقودة لطالبة دفعة 1978!!

الهندسة احسن مافيها الكافيتريا وسوالف الجمعيات تخلي الواحد يحب قسمه ما يذمه!!

Sn3a said...

عفره
لول شفيكم حاسدين الطلبه
كلها اسبوعين من حياتهم المديده بالكد والاحباط;p

Sn3a said...

اخوي علي الملا
حاظر دزلي التذكره ايي ليش لا;p
بنت خالتي كل اسبوع بالبحرين مسجله بجامعه عندكم

انت لاتحفظ اسمهم منت مناسبهم
بس روح تطمش شوف شالقصه لول

للاسف الاخت زوز حالي من حالكم مادري عنها من اخر بوست لها
ان شاءالله تطمنا قريب:(

Sn3a said...

ماكو امل

مادري شسالفه بس اكيد هندسيه ;p
ان شاءالله بنزور بلوقكم

Sn3a said...

اخوي كاركتير

لوول ضحكتني الله يهداك
هالانشطه تعتمد عالطلبه ونشاطهم نفسهم
لان مو اداره الجامعه او الكليه اللي تقيمهم
فالحمدلله الهندسه هالسنين فيها طلبه غيرو فكره الكليه من مجرد كليه للدراسه وانتهى الموضوع
اهم بنفسهم اشرفو واقامو هالانشطه يعطيهم الف عافيه

ماتلقى احد يذم قسمه الا اللي تخصص متأخر وانجبر يدخل قسم مايبيه

يعطيك الف عافيه

Salah said...

مبروك الهدية

والله يعوض الباستا

:)

Sn3a said...

اخوي صلاح

الله يبارك فيك
عليه العوض ومنه العوض

Paris said...

مبروك عليج الهديه
و زين يسوون لكم جذي لو زين احنا بعد :(
احنا مدرسه و ما يسوون جذي فعاليات و غيره الا نادراً
بالعيد الوطني و يوم الشجرة و المولد النبوي يوقفونا بالطابور جم ساعة يكسرونا بس

fatto said...

اي والله زرقت يوزعون فلاش ميموري وباستا .. اكيد ازقرت :)

|:| DUBAI |:| said...

سنعه

يا حلوكم
مخلينكم مرتبشين
بين فترة و فترة
و تعيش راعية الميموري بس

: )

@alhaidar said...

موفقين ..

بس نبي نقل حي بالصور :))

Sn3a said...

باريس
الله يبارك فيييج
ان شاءالله تدشين الكليه وبتشوفين احلى ايام
لان بالنسبه لي ايام الجامعه مابدلها باي شي

Sn3a said...

فاتووو
اي دام السالفه فيها فلاش وباستا تمام التمام

نورتي البلوق

Sn3a said...

الغاليه دبي

ايي شوراهم خل يستانسون بشبابهم
هالمرحله ماتتعوض
حرام تمر بس جذيه دراسه وجد

نورتي البلوق

Sn3a said...

اخوي احمد الحيدر
استحي اصور
انا طفروني كل شوي يقولون هديتج مو حلال انتي تخرجتي لوول
تبيني اصور شيسوون فيني

بـابـل said...

أنا مالي شغل بهالسوالف

:)


كل اللى اقدر اقوله الله يوفقك


وين مارحتي


وبس


بابل

علي said...

سنعة

بنت خالتك شكلها وياي في نفس الجامعة تدرين ليش؟
لأن بس جامعتنا اللي تدرس الكويتيين وتسمح لهم انهم يداومون يوم في الاسبوع او يومين بس الجمعة والسبت :D

اسأليها اكيد بجامعة دلمون (مقبرة دلمون) الله يرحمها ويرحمنا اذا كانت في هالجامعة

Barrak said...

واحنا شفيها ايامنا الجامعيه كانت تلوع الجبد

بس دورات كرة قدم وانقز

Sn3a said...

بابل

ماقصرت اخوي اجمعيين ان شاءالله

Sn3a said...

علي الملا

اي عدل بدلمون
لووول شفيها الجامعه ليش تذمها؟

Sn3a said...

براك
لوول والله مادري
الجيل الييديد يحب الوناسه بالدراسه
مسنعين الكليه
انا زين مني كنت احضر محاضرات بونص مادري شلون نظمو كل هذا سمالله عليهم ربي يوفقهم ان شاءالله مهندسين المستقبل

Anonymous said...

How did you manage to graduate in 4years with Dr's like ameer haddad, and osama teaching in the department???