Monday 2 March 2009

Unemployed!


مسا الخير جميعا
انا تخرجت صارلي شهر والحمدلله
لكن السالفه مو هني
قبل يومين قدمت عالديوان اونلاين
وهم السالفه مو هني
قبل كان ببالي مؤسسه البترول
مكان مناسب جدا لتخصصي
ومكان سمعته حلوة
لكن كل شي تغير
كلمن يقولي ليش وشيوديج وكله واسطات وامورج ماراح تمشي
وبتشتغلين وبتتعبين وبتشوفين ناس مايدلون مكاتبهم صارو اكبر منج
وبتنقهرين
وافكارج بتنباق جدامج وانتي بنفسج بتحطين اسم غيرج عليها(صارت ببنت خالتي )
..
روحي معهد الابحاث
لا لا روحي التطبيقي
ليش ماتقدمين عالجامعه
روحي الدفاع بسرعه يوظفون
ترا وزاره الكهربا سهاله وخوش معاشات
لا خليج بالشركات الخاصه انتي ماوراج بيت وعيال داومي لين وقت متأخر وبتحصليلج خوش معاش
لا شلج بالشركات الخاصه ماتسوى عليج ميتين زود خلج بحكومه ولا تداومين
وغيرهم شيقول :الا انتي ليش دشيتي هندسه منو يدش هندسه الحين!
شمدخلج تخصص شباب
ليش مارحتي مدني سهاله
انتي لو صايره دكتوره جان تعرفين مكانج
ليش اللويه وتعبين عمرج .. جان رحتي كليه سهله
كملي ماستر
قدمي صندوق التنميه
..
صج تعبت مع ان مابدا التسجيل الا بالديوان
لكن كل مخططاتي اختربت
بتقولون ليش متفائله والناس سنتين ناطرين وظايف
بقولكم تخصصي واللي تخرجو علطول توظفو لا وفي منهم اللي تدلع ينقي المكان اللي يبيه
لكن انا مادري وين ابي
..
يعني لازم اكون بدويه باماكن
وباماكن لازم اكون بنت هوامير
وباماكن ثانيه ان ظليت شيعيه اموري تمشي
ليش جذيه:(
انا ادري بهالوضع من زمان
بس لما شفته جدامي صار اصعب
..
الحين بيدي اعلان صندوق التنميه اللي يوفر دوره لمده 13 شهر
ابوي نو كومنت من سمع ان السالفه فيها دوره بره الكويت
بس لان ماخلاني ادرس جامعه بره وشافني تبهدلت هني شكله بيوافق اروح اقدم على الصندوق
..
بس انا ماعرف اسوي شي مو متأكده منه اميه بالاميه
والماستر اجلته قلت اقدم عليه السنه اليايه بعد ما اكون مجربه الشغل
ادري هذرت وايد
بس مادري شسوي
اصير ربه منزل تهقون؟
اذا انا داري ماعرف ارتبها يعني حتى بهالشي مو فالحه!

54 comments:

Bella said...
This comment has been removed by the author.
Bella said...

سنعه حبيبتي الله يعينج والله بس اخذي نصيحة من اختج اللي صارلها 5 سنوات تشتغل :) وتكرف لووول

شوفي اول شي لا تسمعين كلام أحد ولا تتأثرين لأن الرزق بيد الله سواء بتروحين البترول ولا البنك ولا التنمية ... الأرزاق بيد الله والله بيكتبلج النصيب في دوام انتي ادعي ومالج شغل بأحد

الشغله الثانية شوفي لازم تحددين هدف معين من خلاله تقدرين توصلين وتحقيقين طموحج يعني اخذي ورقة وقلم وكتبي انا شنو أبي اكون بالمستقبل وبلشي شنو التدرجات الوظيفية اللي لازم تصير عشان اوصل

شوفي حبيبتي أرجع وأقولج لا تسمعين كلام أحد أهم شي ان تحقيقين اللي في بالج وحطيلج خط رجعه إن ما تدرين شنو الظروف اللي راح تواجهج يعني خلي عندج بدائل ولازم تؤمنين بالقضاء والقدر وبالآية الكريمة عسى أن تكرهوا شيئا وهو خيرلكم

والله يعينج ان شاء الله ويسرلج أموروج

Blog 3amty said...

نصيحة ببلاش

خلّج طموحة وتزوجي وقعدي بالبيت :P

Sn3a said...

ازوريا
هلا والله

صح كلامج الرزق بيد الله
بس هم لازم اتأثر من كلام ناس لهم خبره فوق 25 سنه

انا هدفي اصير شي ينفع الديره ويعرف الناس عليها وعلى اللي تسوي حق عيالها اكثر
مابي اكون مجرد رقم او كرسي بالشركه او بالوزاره

مافكرت بخط الرجعه
وكلامج صح لازم افكر شنو اسوي ان واجهتني اي مشكله وافكر بالبدائل الممكنه

الف شكر اختي على هالرد

Sn3a said...

بلوق عمتي

حرام عليك ادرس واتعب عشان اتزوج واقعد بالبيت
بس هم احتمال لول;P

c_sayed said...

نصيحة اخو... صلي صلاة استخارة... و تالي قدمي على كل شي... اللي فيه مصلحتج راح يصير
ملحوظه: لون الكومنت مره يعور العين !!! :)

Q8EL5AIR said...

الحال من بعضه .. كلنا بالهوى سوى !!

انا نفسج .. بس صارلي اكثر منج بشوي !!

ومع هذا متفاءل :)


وعسى الله يستر !!

الي الله كاتبه ان شاء الله فيه الخير .. علينا بس بذل الاسباب والتوكل على الله :)



وتحياتي ..
ويسلمواااااااااااااااااااااا :)

Anonymous said...

sn3a 7abebty awal shay mabrok 3al t5j mt2a5er
thany shay madany sahala haa ?? :P
thalth shay n9ee7a qmdmay kel mkan o le 6l3 qbolech shofehom o bro7ech e5taray elmkan ely ynasbech

p.s: etha 3rfteeny give me a call i lost ur no. "civil handasiah"

بـابـل said...

قوة سنعة

شلونك.؟

من زماااان عنك

بالنسبة لهالموضوع

انا انصحك استخيرى الله سبحانة وهوه بيدليك على المكان الأحسن
انشاء الله ومن استخار الله مايضيع

واتمنالك كل خير


وبس


بابل

Don Juan said...

اشتغلي بال call centre ;Pp

Salah said...

الحمد لله على السلامة

وين تقرير رحلة لندن؟

وبالنسبة للوظيفة لاحقين... ليش مستعيلة؟

Sn3a said...

c sayed

انا ناويه اسوي استخاره لكن الاستخاره بين امرين
مو بين مليون اوبشن حسب ظني
الله كريم

شلون يعور العين؟
انا ماعرفله خل احاول اغير الثيم ان قدرت

Sn3a said...

كويت الخير
انا متفائله مثلك
بس مادري بشنو اتفائل اكثر والله

الله كريم

Sn3a said...

سيفل هندسيه
لووول كلامهم مو كلامي
لا والمشكله كلام ناس مايعرفون شي بالهندسه

انا بالنسبه لي ماكو هندسه سهله وهندسه صعبه
كلهم هومووركات وبروجكتات ونفسيات دكاتره وديد تايمز ومانخلص

انا بقدم كل مكان ان شاءالله

اكيد عرفتج
وهل يخفى القمر
بس جم تعطيني عشان ادق
تدرين البطاله وحالتها

Sn3a said...

اهلين خيو بابل
تو مانور المكان

اي ان انشاءالله ناويه استخير
بس بين مكانين
يعني لازم اقرر مكانين
وانا للحين ماقررت
الله كريم

Sn3a said...

don juan

فكرت والله بس بارت تايم مو فل تايم لول

Sn3a said...

اخوي صلاح
تقرير لندن كله شوبنج يعني جدا مو مفيد;p

مو مستعيله بس احس اني عاله عالبلد لوول
لان اوريدي ماراح اتوظف الا بعد شهر 4 يمكن 6 حتى
بس كل من يتخرج لازم يفكر بالوظايف وشنو بيسوي مايصير اقعد جذيه

Don Juan said...

زين على ما هذا اخذي من الدولة بدل بطالة ;D

والله شوفي و انا اخوج ,, يا تشتغلين بالتريكوه و الحياكة يا كل يوم تكتبيلنا بوست احلى من الثاني ,, و انتي كيفج عاد ;D

الدســتور said...

نصيحه
اقدمها لج
بما اني مسؤول بجهة حكومية
حطي الرغبات بالديوان و اللي الله كاتبه كاتبه
يعني وين بيحطونج روحي ومالج شغل بالقيل و القال
والله يوفقج

Kuwait said...

لووووووووووووووووووووول
اكبـر مثال عندج انا ..
شحليلاتي أناقز من مكان لمكان ماكو مكان حبيته :\
عاد انا مزاجيه ماحب مسؤول يتشرط ويصارخ ولا أحب اقعد بدون شغل ولا أحب الدوام الي كلا اجانب ولا احب الدوام الي محد يسولف فيه ويلا لا أزال أبحث عن الدوام الي على مزاجي ;p
اذا حصلتي خوش مكان قوليلي انتقل وياج ..

Anonymous said...

civil handasiah : el civil mako ashl menh :Pp wlaw be fair

sn3a zamelty ;) : qadmy elle tgdren 3laih w btlqain el nas ytqalfonch mn kel mokan sm3y na9e7ty ana mjrbh la t3tmdain 3la one place 3shan y9er 3ndch options inch tnqeen ;P

Manal said...

join the club dear
انا بعدي ما توظفت

مستعيلة على شنو
هالاحساس راح تظحكين عليه من تتوظفين ويمر عليج فترة

لان ماكو وظيفة بالكويت من دون هضم لحقوق الموظف

ما عدا

انج تفتحين بزنز
:)

شرايج

نتشارك
؟!

موفقة يا رب باي درب تكونين

---------

همسة انتي لما الحين بمدينة الضباب
؟
انا راح اكون بلندن الاسبوع الجاي

kuwaitawy said...

لوووووووووووووووووووووول



انا عورني راسي وانا اقرا البوست


شلون عليج انتي


-------------



نصيحتي


وعلى فكرة هالنصيحه ما يبتها من فراغ

يعني شفت بعيني وقعدت مع مهندسين ومهندسات



انسب مكان لج


هو

مؤسسة البترول الكويتية


اولا


هو نفس تخصصج


وثانيا

اللي معاه شهادة هندسه بالبترول مستقبله قوي



وبالنسبة للامور اللي تصير وناس تسرق افكارج ومادري شنو

كل شي يعتمد عالمكان صدقيني


الناس اللي بالبترول ... او اغلب الناس


ناس حريصه على الكفاءات



ومن وجهة نظري

اذا رحتي مكان غير مؤسسة البترول الكويتية


انتي الخسرانه


صدقيني

وانتي على راحتج


وبالتوفيق يارب

esTeKaNa said...

صباح السنع على سنعة قلبي انا
:**
اول شي:
لا تخلين التوتر من المستقبل يخرب عليج احساسج اللحظي،ما صار لج وايد من تخرجتي
ما تخرجتي بشهاده عاديه
انتي مهندسه
وهذا شي مو سهل
هذا شي انتي تمنيتيه وحققتيه
عيشي جمال هالاحساس وكوني فخورة بنفسج مثل ما انا فخوره فيج
ثاني شي:
قبل لا تنوين اي نية
قلبج شفتيه؟
اخذيه وعلقيه برب االعالمين وعرفي ان اذا ربي كاتب لج رزق ماحد بياخذه
واذا مانع شي عنج ماحد بياخذه
ايا كان المكان اللي بتكونين فيه و
الواسطة واقع
!!
فلا نكون مثالين زياده عن اللزوم عشان جذي
تشوفي ناس وهذا من حقج
بس حطي بالج اهم سبب
وواسطتج تدرين منو؟
واسطتج رب العالمين
وفي احسن من هالواسطة
:)
ثالث شي:
قدمي بكل مكان
!!
عشان يصير فرصه الاختيار لج مو لهم
وصلي استخاره قد ما تقدرين
راح تشوفين امورتتسهل وامور تتعسر
الاستخاره بتعطيج احساس بالرضا
اذا ما انقبلتي ما تزعلين
واذا انقبلتي وصار اي شي راح ترضين
مرات في اماكن سمعتها تعطينا ايحاء بامور كثيره،بس الواقع فيها مختلف
واقع ما يعرفه الا اللي يعيش فيها بقرب
ابسطها:
قد تنقبلين بمكان سمعته وايد زينه
بس اللي حوالينج من زملا متعبين
وراح تكرهين اليوم الي اشتغلتي فيه
وبالعكس
قد تروحين مكان عادي بنظر الناس،بس ربي يرزقج ناس على قلبج ما تقدرين ولا تفكرين تطلعين عنهم
!!
رابعا:
انا ماني مهندسه ولا اعرف تخصصج عشان اساعدج بالاختيار
بس اللي اعرفه ان البترول والصندوق وايد زينين حق المهندسين
وارد واقولج قدمي كل مكان
خامسا:
لا تستشيرين كل الناس
بالكويت..اربط صبعك وشوف المداوي
!!
الكل الكل بيتكلم ويششورون مخج صدقيني
سادسا:
قدمي وانسي كل شي
واستمتعي باجازتج بامور ما كنتي تسوينها من قبل
انا قعدت سنه يا سنعه
دشيت لغات،قرآان،سباحة،كمبيوتر
كل شي سويت
استمتعت
:)



ادري وايد طولت عليج
بس هذا البوست ذكرني بنفسي من فتره قريبه،وصدقيني كلامي كتبته من اقصى قلبي لج ومن واقع تجربه
انا كلام الناس ضيعني وانا ادرس
بس تعلمت استشير اللي اثق فيهم
وتالي استخير
اقرر
اتوكل على الله ومالي شغل باحد
وبالنسبه للواسطة
قالو لي واسطة ما يفيد شهادتج ولا تميزج
تدرين شنو صار؟
قدمت باكثر من مكان
كل مكان بس اخلص من المقابله يتم قبولي
وواسطتي اشخاص عادين
فكان عندي ثقه ان ما وفقني وسهل اموري الا رب العالمين
:)

وايد حاسه باحساسج
واتمنى من قلبي ربي يرزقج ما رزقني وافضل
لانج تستاهلين كل الخير
:*
وسامحيني على الاطاله

Sn3a said...

دون

مايصير اخر بدل بطاله يتروالي الا عقب سنتين
وبعدين مو جنه فشله اروح اقولهم ابي معاش لاني انام طول اليوم

تخيل ماسكه ابرتي واحيك واسوي كبابيس وبروشات
والله انا عندي مواهب بس ماحب اضيع وقتي الا بالنوم اللي فقدته بالجامعه لول

Sn3a said...

ابو الدستور
هلا والله اخوي
ابوي قال نفس الكلام
مالج شغل لا بخيرهم ولا بشرهم
الله كريم ان شاءالله
انا حطيت الرغبات واللي ربي كاتبه بيصير

Sn3a said...

كويت
يولي تخيل كل يوم بنتقل
انا ترا بغصب اتأقلم عالمكان والناس
صعب جدااا اني بسرعه ادخل بمود الناس وسوالفهم وبمود الوظيفه

الله يستر ان ماعجبني المكان بطقها بجيه واقعد بالبيت

Sn3a said...

any.
هلا بالكيميائيات;p
لوول لاتطفرين سيفيل ترا كل قصير مكير
انا بقدم مثل ماقلتي على كل مكان
وبشوف شنو الانسب الله كريم

Sn3a said...

الغاليه بنت العم منال
لول مو مستعيله
بس لان ماكو دراسه افكر فيها الحين فقاعده افكر بالدوام وجذيه

الله يستر من الدوام


والله مفكره افتح بزنس بس عقب الدوام وعقب ما اوفرلي مبلغ سنع
اما يروح على سياره
او بزنس لول


انا رجعت من لندن يوم اليمعه للاسف

Sn3a said...

كويتاوي
لول شفت شلون الدوامه اللي عايشه فيها مستر فاير فايتر

والله البترول كان ببالي من قبل لا ادش الجامعه اصلا
بس الحين كلمن يقولي لاتوقعينه مكان حلو وبتاخذين حقج ذاك قبل
كلمن يقول
تدري حتى المدرا اللي فيه يقولولي شيبيج هني؟ بلاها ميتين دينار زياده عالمعاش تييب مرض عالقلب روحي حكومه وساعه تداومين وساعه لا

قلت اذا المدرا جذيه منبطه جبودهم
الموظفين شيقولون
الله يستر

Sn3a said...

اي نسيت اقولك شي خيو
انا مو هندسه بترول
انا كيميائيه
يعني اصلح بالبترول وبالصناعات البترو كيميكالز

a7mad Nabeel said...

مبروك التخرج
تفاءلي و توكلي على الله
الله اللي وفقج من قبل بالدراسة ما راح يتركج الحين ان شالله

good luck :)

ZooZ "3grbgr" said...

شيخة السنع

يالغالية

مابي تاخذين اللي بقوله على انه عامل احباط لج

ترى كل مكان

حكومة
مؤسسة
خاص
عقود
أي شي
كل شي

يخضع لنفس مقاييس البشر وتعاملاتهم

اذا الواسطه موجوده

تراها بكل مكان

حتى عندنا بالخاص

واذا الترقيات ظالمة احيانا

تظل بكل مكان مع اختلاف النسبة

يعني

خلج واقعية ولا تخافين

دامه بتواجهينه بكل مكان

دشي دربج وكملي والله حافظج

وطالما عندج طموحج اللي تحافظين عليه

محد يقدر يكسرج

وانا رايي روحي الدورة اللي بره الكويت

اعتقد انها بتكون وايد قوية

وهم يبيلها واسطه

هههههههه

:**

Anonymous said...

Gowa Sn3a ,
awal shay alf mabrook 3ala alta5aroj oo 9ij ely yet5araj min alhandasah e7es ena 9ij ta3ab wayd oo a5er shay erta7 bas la terta7en tara tenseen ely darasteeh ! ...
thany shay na9ee7ty lich enich la etfakreen eb shay esma qe6a3 7koomy 3ashan ma et7ab6een oo tenseen enich mohandesa ! deshay qe6a3 5a9 oo la et7ateen ... alqe6a3 al5a9 ya36eech 5ebra oo karaf bas bel nehaya alwa7d e7es ena sawa enjazat eb 7yaata oo ta3alam shay mofeed ... sorry etha 6awalt bel kalam oo allah ewafgich

|:| DUBAI |:| said...

سنعة

ماعرف شو اقولج
لأن أنتوا ادرى بوضعكم عزيزتي
بس أقدر ادعيلج
بالخير
و ان شاء الله تلقين اللي يناسبج
استخيري

: )

Salah said...

http://www.aljareeda.com/AlJarida/Article.aspx?id=100076

شلون تقولين ما عندج واسطة

:)

Manal said...

اشعليه
:)

ضبطينا وياج

Sn3a said...

احمد نبيل

صح كلامك
اللي وفقني بالدراسه ماراح ينساني الحين
حبيت الجمله
قواك الله

Sn3a said...

زوزااا
هلا اختي الغاليه

انا واعيه ان بكل مكان راح اشوف تحديات وناس مختلفين
لكن لما اقرى عن الشي واسمعه غير لما اكون بواجهه
يعني طريقه التعامل معاهم ماني عارفتها

قبل حسب كلام الناس الواحد يترقى بالخاص حسب تعبه
الحين الفرق بين الخاص والحكومه المعاش بس
وساعات العمل


الدوره مالت الصندوق ماتحتاج واسطه حسب ماسمعت لانها تسوي كذا اختبار وتشسوف قدره المهندسه المتقدم على التحمل وان كفو هالمكان ولا لا

الله كريم انا بشوف اسبوع او عشر ايام وبقرر


يسلموو

Sn3a said...

B.Mohandes

ايي كلش ولا انسى اللي درسته
اني وي انا كتبي موجودين يعني قبل الدوام ومن اعرف قسمي شنو اقدر استرجع معلوماتي اللي نسيتها
وطبيعي بيكون جزء كبير بذاكرتي ..اتمنى لول

انا كلش مو مفكره بالقطاع الحكومي ماعدا معهد الابحاث حاطته بالاوبشنز
بس نشوف لي الصجيه شنو بختار
بالعكس كومنتكم مفيد و مو طويل

Sn3a said...

الغاليه دبي

اختي ماقصرتي تكفيني هالدعوة والله
نورتي البلوق

Sn3a said...

اخوي صلاح

لول موتني من الضحك
اشوه مايعرفون اسمي جان البترول فنشو بنت خالتي بسبتي

انا عندي واسطه
لكن في اماكن تحتاج واسطه عشان تحصل واسطه

Sn3a said...

الغاليه منال

لايخفى عليج اني وجه اعلامي معروف
ماشفتوني عيل لما سوو معاي مقابله تلفزيون الكويت ;p
لعبتي الاعلام شعبالج

سنعه صارت حليمه بولند الحساويه ;p

Manal said...

:)
هههههه

موتيني من الضحك

الله يغربل بليسج

والله ان انتي عسل

اكيد من كثر التمر

Sn3a said...

دوم الضحك بنت عمي
لا والله ماحب التمر;p
بس اكله ان يابولي معمول تمر من زلاطيمو

علي said...

سنعة

اسمعي نصيحة سماحتنا طيب الله ثرانا وقدس سرنا

انصحك بأن ترفعي كفيك شاكرة ربك بأنك لست مواطنة بحرانية ...

:D

وبس يؤمن قلبك بهذي النظرية بتشوفين ابواب الرزق تنفتح امامك وتتحرين وين تروحين :D


خخخخخخ


بالتوفيق سيدتي :)

Sn3a said...

علي الملا

بيه شدعوة
الحمدلله على كل شي
بس انت قول الحمدلله على نعمه الوطن

لول الله كريم ان شاءالله
يسلمو عالمرور

@alhaidar said...

مبروك التخرج .. وموفقة انشالله ..

ورحلة التوظيف صعبة .. لكن بعدها الاستقرار انشالله ..

التنمية أنصح فيه بقوة .. مكان راقي ومحترم

تحياتي :)

ماكو آحد said...

آول شي مبروك التخرج

وتري هذا حال كل حديثي التخرج ...... ،والارزاق علي الله


بالتوفيق



www.csayid.blogspot.com

Sn3a said...

اخوي احمد الحيدر


الله يبارك فيك ماقصرت
قاعده افكر بالتنميه
المشكله كنت مقتنعه بالفكره مليون بالاميه قبل التخرج
بس لما صارت الصجيه قمت افكر اكثر

Sn3a said...

ماكو احد
الله يبارك فيك اخوي ثانكس
الله كريم

chandal/danchal!! said...

مبروك على التخرج وراحة البال والفكة من مختبرات الساعة 5-8

الحين تبدي مرحلة الكوابيس... الا امتحان طافج والا ورقة امتحان متنحة عليها واخذي و شكي من هلحلوم

:)

الله يكون بعونك

أنا صارلي 11 سنة, ابوي كل ما يشوفني لازم يقولي, لو صايرة طبيبة والا مدرسة مو احسنلك من هالهندسة اللي بلشتي عمرك فيها!!!

صدقت يا يبا واللي ما يطيع يضيع

خلصنا بنتقاعد وبنزوج عيالنا!!!

"أليــــن"
؟؟؟

:)

ماراح تخلصين

Sn3a said...

جندل
عاد صج المخبرات كانت تطيح حيلي
على فكره
انا احلم بكوابيس الثانويه العامه
وبمدرستي ..
ماعمري حلمت بالجامعه كثر الثانويه


بس صج حبيت الهندسه والله
ماحس اني ممكن اتحمل اي كليه ثانيه

الحمدلله

رورو الشخبوطه said...

مبروك التخرج ..

والله يوفقج يارب..

انا كتخرجه قبلج بكورس بحكم انه احنا 4 سنين ..

طبعا تخصصي هندسه اعلاميه خخ..

اتغشمر اعلام..

المهم قدمت كل مكان كونا - البترول اللي طيحوا حظي بالامتحانات والمقابلة واللي قايلين لي يقبلون ع اساس المعدل جان اعيد اقول في امل اخر شي يبيلها واسطات..

المهم نقبلت بالديوان بوزاره كحيانه مادري شلون حطيتها رغبتي الاول كلش ماتوقعت انقبل لاني سجلت متاخر..

المهم لضغوط داومت طبعا شغل مال ابتدائي و شغلنا يبيله نت قطعوا النت مستوى فاشل..

المهم الوضع ماعجبني قلت خل اكمل ماستر رحت بكمل قضبوني الباب مو عشان معدلي اساسا ماسالوني عنه ..

بس قالوا مانودي اي احد اهي اهي وكل موظفة تقول شي غير عن ال2 بس اتفقوا انه ماكو بعثه الا ع حسابي..

لو عندي جان مارحت لهم :(

ان عن نفسي ارجح لج الماستر..

انتي حاولي تحصرين اختيارج بجم مكان وقبل لاتقدمين عليه مري شوفي المكان عساس ماتوهقين و قارني و شوفي الانسب لج..

وموفقه يارب..

وسوري ع القرقه :)