.jpg)
اليوم كان في استقبال للاولى في الدائره الاولى
اول وزيره
ونقدر نقول اعلى نائبه بعدد الاصوات
واول نائبه عن الدائره الاولى
وان شاءالله اول رئيسه لمجلس الامه
طبعا انا وايد احبها
واتمنى اوصل مواصيلها واكون نفسي واسمي مثلها
فنطرت بالدور وصورت وياها
وطلعت الصوره مشوشه:(
بس لا والف لا
سنعه تخليهم
اخر شي خليتهم يصوروني مره ثانيه ;p
الصوره التاليه يتروالي مكالمه مع تلفزيون الراي!
الاستاذ محمد السنعوسي يهنئها
وتهنئه من يوسف الجاسم
طبعا يا مادري اي شيخ مادري وزير شدراني خو احنا كليوم وزير
والدكتوره موزة المالكي من قطر
وسفيرنا بالعراق علي المؤمن
وممثلين وفنانيين وغيرهم وغيرهم
وماذكر منو بالضبط قالها خليج نائبه لاتقبلين اي منصب وزاري جان تقول اكيد ان شاءالله
ويات المرشحه ذكرى الرشيدي جان سنعه تروحلها مادري من وينلي جرأه مسكينه امي تطالعني احسها تقول وين بنتي لاني لسان
عالفاضي;p
بس لازم اصير جذيه لان لازم ابني نفسي واحجزلي مكان بين هالرموز ان شاءالله
فلازم نتعرف على الزملا النيابيين والسياسيين
المهم مالكم بالطويله
قلتلها الف مبروك وعدد اصوات لايستهان فيه صراحه
جان تقولي الله يبارك فيكم
طبعا سنعه لازم تقطلها قطه واهيا ماشيه
جان اقولها ان شاءالله ارقامج تكون دبلات بالحل الياي
جان تخزني احسها تقول شفيها ناويه عالشر
بعدين قالتلي المجلس في عناصر جيده ومكتمل
طبعا هالكلام مو 100% لاني لما اكلم احد اول مره انسى شنو اكون قايله فاعذريني ذكرى ان في شي نسيته او شي بسيط ضفته
ولما يايت السفيره الامريكيه سلمت علينا بروحها يحليلها جان تقول لنا
future parliament
جان اقول ان شاءالله بحق محمد وال محمد
اهيا مادري فهمت محمد وال محمد
بس ردت قالت ان شاءالله;p
وعقب معصومه رحنا حق رولا بالجابريه
بس للاسف كانت توها طالعه رايحه تبارك لمعصومه
بس خوش حلو عنده مع اني ماذقته بس شكله يوحي;p
تصوير الوالده;p
لما وصل دوري اني اباركلها
.jpg)
قلتلها مبروك علينا احنا مثلج يمثلنا,مع اني ماقيدت بس اعتبرها تمثلني وليش اعتبرها الارقام تثبت انها تمثلني فديتها
وقلتلها ادعيلي اصير مثلج
جان تقول
ليش لا وبتصيرين احسن واحسن
ان شاءالله يادكتوره معصومه
منو مايتمنى
الف شكر للناخبين فرحتوني ووصلتو معصومه
والشكر موصول للمتطوعين اللي يتروالي للحين مانامو تنظيم ممتاز وطولتو بالكم عالكل مع ان في ناس نرفزوني من الحريم اللي ياييين اشوه اني ماشتغلت معاكم جان سكرت ليت الخيمه عناد;p
P.S.; الصوره الثانيه طلعت عجيبه بس مابي احطها لكم
43 comments:
تستاهل د. معصومه كل خير ومو بعيده عليها تكون اول أمرأة رئيسة لمجلس الأمه فهي الاولى دائما ونتمنى لها التوفيق
كفو والله .. هالمرأة دشيت التاريخ من أوسع أبوابه .. وبإستحقاق وبجدارة بعد:)
تستاهلكل خير والله :)
وعسى الله يوفقها وتكون عند حسن ظنا ..
خوش تغطية :)
وتحياتي ..
ويسلموااااااااااااااااا :)
يلا عالبركة
و تستاهل الدكتور النجاح الباهر و ان شاالله تبدع لنا بالمجلس
يلا شدي حيلج و من الحين هيئي نفسج حق الانتخابات
عشان نصوت لج
تستاهل الدكتورة معصومة حدي فرحت لها لأني مثلج واااااايد احبها
:)
عسى الله يوفقها اهيا و كل النواب اللي قلوبهم على الديرة
حطيلنا صورتج الثانية معاها
ليش النحاسة
;)
خوش تغطية يا سنعتنا
:)
وان شاء الله تمثلينا وتمثلين عيالنا بالمستقبل
:)
ضحكتيني بسالفتك مع ذكرى لوووووووووووووول
شناوية عليه؟
وعلى قولتك في ناس يبيلك تطفين الليتات والمكيف عنهم!
يبيلهم قلب ما يتعب
تستاهل هالدكتورة
على فكرة حتى احنا في البيت الحريم كلهم يببوا لما فازت معصومة
تستاهل والله
مغمعه
ان شاءالله يارب
الله يوفق الجميييع
كويت الخير
اي والله دشت التاريخ ودشته بخطوات نظيفه وواضحه
الله يوفقها ويوفق كل من عينه عالكويت
الله يسلمك ويخليك
دكتور معرفي
هلا دكتورنا
جدامي طريج طويل وان شاءالله اكون نفسي مثلها
Truth
اي والله تستاهل
الله يوفق كلمن قلبه على الكويت ويمثل شعب الديره بكل امانه
مايصير احط صورتي الثانيه فيها قبايل;p
تستــاهل معصـــومة
وانشاءلله انتي تحققين اهدافج بعد
هلا بجندللل هلا والله الغاليه
ان شاءالله ان كنت استاهل ياارب;p
اييي لا وفوق ان كلامي مع الناس اليدد كله بدليات رايحه مجابلتها المسكينه واقولها بالحل الياي
شسوي تعودنا خو;p
نورتي
علي الملا
هلا والله اخوي اي والله تستااهل
دكتوره ومثقفه وواعيه ومتزنه اكثر من جذيه شنو نبي
فاير فايتر كويتاوي
اي والله تستاهل
ان شاءالله يارب ارد للكويت جزء صغيييير من فضلها واحقق احلامي يارب
بصراحة القطة قوية خصوصا يوم قلتي "ارقامج تكون دبلات بالحل الياي
بس تعبر عن اهتزاز في الثقة بالمجلس
احنا نعيش تحت مرحلة اسميها الامل الجديد وتجديد الثقة
وبالنسبة للسفيرة الامريكية .. شكلها حبوبه ودمها خفيف وتشابه هيلاري كلنتون بس على اقصر :)
نصيحتي .. قيدي باقرب فرصة @@ لانه ما تدرين يمكن ينحل المجلس بعد 6 اشهر !! هذا اذا لحقتي تقيدين
تحياتي
تستاهل الفوز
q8cool
بالنسبه حق ذكرى
ترا تستاهل ارقام اكثر
لكن هم حققت نتييجه واايد حلوة بدائرتها مع اني توقعت ان ارقامها وايد اقل من جذيه
بس هذي نتيجه عزوف البعض عن التصويت بدائرتها بحجه ان الدوائر الرابعه والخامسه محسومين
لو يدرون ان في مجال غيرهم يطلع حتى لو مركز 11 او 12 جان راحو صوتوو
وصح كلامك انا كانت ثقتي باختيارات الشعب معدومه
صحيح اني وقت التقييد ماكنت بالكويت
لكن لما رديت سبحان الله مددو سبوع
جان اقول تكفا يعني نفس الشعب اختار نواب التأزيم وبيختارهم
لكن الف الحمدلله ان ظني خاب باهلي الكويتيين
صحيح اني كنت سلبيه وماقيدت
لكن شهر فبراير الياي اذا الله احيانا بقيد طبعا
ابو الدستوور
هلا والله اخوي
صدقت
واايد ناس فرحتلهم والله مو بس معصومه
لكن معصومه ركزت عليها لانها مواطنه ماكان لها امتيازات عايله سياسيه او تجاريه تدعمها
بنت نفسها بروحها
خذت اعلى الشهادات وطريجها نظيف
حبيت الدرب اللي مشت فيه
والله يقدرني اكون نفسي جذيه
انا كلش مادري عن هالسوالف حتى انتخابات البحرين مادري عنها و لا ادري اشصاير بالديره و لا ممثلين و لا مرشحين ماعرف حتى اساميهم
بس مبروك الفوز
شكله علي الملا قام يتابع سوالف الكويت بعد :P
معصومة تستاهل
مبروك
وان شاء الله بحق محمد وال محمد توصلون المجلس أو تخدمون بلدكم من أي موقع انتوا فيه
:)
هنيأ لها الفوز وهي بالفعل تستحق
حياكم اكبر تجمع بلوقرزي على قروب
q8_Blogarz
group171891@groupsim.com
اكتساح معصومة يعتبر ضربة قوية حق المخضرمين اللي في الدائرة..
عاد المفروض ألحين يبدي الشغل الصح ونشوف شنو راح يقدمون لنا في المجلس
..
Sn3a أقول
إنتي متأكدة السفيرة الأمريكية مو زوجة السفير الإيراني؟؟
موفقة بحق محمد وآل محمد
باريس
بالكويت مانحب نقول مانعرف شي;p
نحب نعرف عن كل شي ماتشوفين قنواتنا كل البرامج اللي فيها باختلافها نفس المذيع;p
حيااج الله يالشيخه
اخوي صلاح
اي والله تستاهل
ان شاءالله نخدم الديره باي مكان نكون فيه لان مو مهم المكان كثر ما اهي مهمه الخدمات
المباركيه
الله يسلمك ويوفقها مشكوور اخوي
Small River
انتصار معصومه انتصار لنا
لوووول ايي والله متاكده لاني شايفتها بالجرايد
;p
بنت العم الغالية
انتي رحتي وسويتي الي ودي اسويه
يالله انا وانتي واحد
:)
بس عاد الصورة الثانية تدزينها على الايميل بنطر ابي اشوف
:)
زمبروك علينا وعلى الكويت التغيير في المعترك السياسي
والخير بالطريج ان شاءالله
:)
خوش تستاهل الدكتورة معصومة، بس والله وارتفع سهمنا، اثنين حساوية مرة وحدة ؟
:P
نتمنى ان نفرح بأداء المجلس، مثل ما فرحنا بالنتيجة
------
على فكرة هذي صورة الاعلامي يوسف الجاسم اعتقد مو محمد عبدالقادر الجاسم
حماده
شكرا عالاعلان
منال
هلااا حبيبتي
كلنا واحد افا عليج بنت عمي
لول ان شاءالله
وان شاءالله يكون هالتغيير بدايه عهد جديد بالكويت وللكويتيين
دكتور ماكس
ماشاءالله عليك صج دكتور;p
اي والله واخزياه كاتبه اسم الريال غلط
حتى بوست مثل العالم موعارفه اكتب مادري شفيني لول
لوول ايي من قد الحساويه
بس صراحه معصومه مو عشان حساويه مثلي بس احب انها بنت نفسها بنفسها وماوقفها شي عن تحقيق حلمها ماشاءالله عليها
خل اغير اسم الريال لحد يشوف البوست بعدين ويعيب;p
محد درا محد درا
يستاهلون نائباتنا فى البرلمان
بس معصومه احبها واميزها غن غيرها
لان مواقفها بالغزو وبعده بالمحطات الفضائيه غسلت جبدونا هى والدكتور الربعي الله يرحمه
الله يوفقها و يعينها على المسؤليه
بالتوفيق يا رب
حدي استانست لمن فازت .. لأنها قدها وقدود
الل9ه يوفقها تستاهل
ماشاءالله بكل شي اهي اولى :)
وخوش صور بس في منهم موواضحين
خلج من معصومة الحين
الوالدة شنو عندها مستقبل بالتصوير
بنت الشاميه
اي والله يا اختي صدقتي
مو مهم نجاحهم كثر ما اهو مهم خدمتهم للديره وللشعب
اقصوصه
ربي يوفق الجميع ان شاءالله
فاتو
اي والله صدقتي قدها
الله يوفقهم كلهم
شيماء الكندري
اي ماشاءالله عليها
الله يسلمج استحي اصور بالعلن
خصوصا ببعض الصور اني كن واقفه يمها احس فشله;p
بس الصوره الاخيره امي وامي ماتعرف تصور بتلفوني
ولد الديره
لاتعطيها عين
خل ابخرها;p
من سار على الدرب وصل
مبروووووك
تستاهل والله
يلا ناطرينج بعد جم سنة
ان شاء الله نشوفج نائبة او وزيرة:D
بس ابي اشوف الصورة الثانية:p
Post a Comment