Monday 15 September 2008

صفحات من مذكراتها 5


وُلدت الفراشه!

"كل عام وانتي بالف خير"
مسج يوصل لرغد بعد اشهر من انكسارها لايعني شيء سوا مرور اشهر على ذلك اليوم وانقضاء اشهر من حياتها فلم تقابله برد لان تلك اليد التي كانت تندفع لتكتب ماتكتب اليه نفرت من احرف الهاتف وتركته بعيدا مهملا كما هو قلبها.. كما هي حياتها

ثم يعاندها ذلك الهاتف ويرن مره اخرى

قوة
اهلين وسهلين
كل عام وانتي بخير يالعيوز وين بتروحين اليوم احتفالا بهذه الذكرى العظيمه
وديني اي مكان على حسابج
يلا قومي تشيليز

"بالعافيه"
مسج اخر الا انه غير متوقع ويحمل صدفه لم تشأ حدوثها ولانها على يقين انه على مقربه منها خافت ان تراه حتى لاينبض القلب من جديد معلنا تجديد ميثاقه مع الهوى وعالم الاحلام البعيده..البعيده جدا
لذا تعمدت القاء الهاتف في حقيبتها مسجله موقفا ليذكره بما فعل

شيبي بدير قطيعه!
شدراج
بعد شدراني شوفي ويهج شلون متعومس عساج للحين متعومسه من مسج الصبح
لا اهو هني وشافنا
قومي عيل نروح مكان ثاني
محنا رايحين مكان ماني مغيره الاماكن اللي اروحلها عشان خاطر عيونه بنقعد ونطلب ابتايزر ومين دش وسويت وعقب السويت بنشرب قهوه
ماتبين ننام هني
اذا يصير اي
يما منج زين ماتخافيين ايي يم طاولتنا
مايسويها
ليش؟
لانه ردي


وتمضي شهور اخرى معلنه انتقالها من الثانويه الى عالم الجامعه فكثير من الاشياء ستتغير بالاضافه الى تبديل زيها الموحد بازياء متعدده ومن حجابها الابيض ستلبس جميع الالوان معلنه رغد ..رغد جديده
اعلان صدمه جديده تنضم الى غيرها في عالم رغد لم تقبل في كليه الطب لما حققته من نتيجه متواضعه باختبار القدرات وقبولها في كليه العلوم الاداريه جنب لجنب معه مع من ارادت ان يفرقهما قطبي الكره الارضيه
فهي الان زميله له سيجمعهما نفس المكان لمعظم الوقت.


مبروك القبول
الله يبارك فيك احمد
وشفيج جذيه عاقده النونه خو الكويت انترست اطبه بعدين منو يعالج عند كويتيين الحين
انا كنت بعالجهم.. بس اخسروني
ايي قلعتهم .. في شي ثاني مزعلج بالكليه
مثل؟
تدرين
ماكو شي احمد صفحه وطويناها
زين اشوه .. لحظه شوي

ويقطع حديثهما صوت هاتفه النقال الذي جعله يبتسم بطريقه غريبه
فتعلق نور على تلك الابتسامه الغريبه!
شاللي مضحكك ضحكنا
نورو وانتي شكو
منو داقه ..اقصد داق وغيرلك المود
استحي على ويهج يلا مناك
زين مو تعصب ترا يغيرون رايهم فيك
تسألها رغد

شفيج مناجرته
اكيد يكلم وحده ماشفتيه مستانس جنه محصل مليون
الحين مسويلي محاضره على البنت والبنت ستر والبنت سمعه والبنت حاله واخرتها يكلم
وي حظي كل الشباب جذيه بنات الناس عادي بناتهم لا

ثم يتقدم احمد ويحرجها بظنها !

شوفي حق موعد تسجيلج تروحين حق وحده اسمها ابتسام اهيا بالتسجيل ضبطتلج جدولج عساس تصير كل موادج بشويخ وعند دكاتره زينين
شلون سويت جذيه
هذي ابتسام اخت صاحبي الكبيره توها دقت لما دزيتله مسج عشان يكلمها واهيا ماقصرت
فتهمس نور
ويه جنه ظلمناه
سكتي

شقالت سحيله؟
ماقالت شي.. مشكور احمد
ولو..حياج يبا,حاظرين للطيبين


صباح الخير ماودي ازعجج .. هذا اول يوم دوام وانا بس حبيت اقولج ان احتجتي شي بالكليه قوليلي ويريت نطوي الصفحه القديمه وان شاءالله ماراح تشوفين مني كل خير بس مايردج الا لسانج

غلت تلك الكلمات دمائها خصوصا انه يظن بهذه الحروف الوضيعه انه سعيدها الى اسواره حتى يمتع ناظريه برؤيتها من خلف تلك الاسوار .. اكيد ماعنده احد ماعنده بنيه يلعب عليها
بس انا اعلمه منو رغد

فتسير بالكليه بحثا عنه فتراه واقفا في زاويه ينفث دخان السيجاره ممسكا بهاتفه
قوة بدر
كاد ان يحرق دشداشته من السيجاره صدمه من هذا الموقف

هلا.. هلا والله شلونج رغد.. انا دزيتلج مسجات بس مادري يمكن مغيره رقمج او شي انا..
شوف وصلوني كل مسجاتك ولما ما ارد على مسج مسجين مو معناته مستمتعه بتواصلك الخفيف ولا اني ناطره مسجات اكثر هذا يسمونه تجاهل والشاطر يفهمها ترا لين دزيتلي مسجين ثلاثه ماتقدر فيهم تبرر فيهم الشي اللي سويته
رغد شفيج
اسمعني ياولد الناس انا داشه الكليه ادرس يعني ماراح اكرر هالحوار مره ثانيه انت بتوخر عن طريجي وبتمر يمي جنك ماتعرفني وان سمعت بس ان سمعت يابدر ان في احد درا انك تعرفني لاخلي رياييل العايله كلهم يتعرفون عليك عدل .. ترا انا ماني الياهل اللي قصيت عليها واستغليت حاجتها لاحد والحين وخر عن طريجي اهوو
يتبع


27 comments:

mo3ath said...

عفية عليها والله

لوووووول حدي اندمجت مااستوعبت انها خلصت

جان زايده الجرعه اليوم :)

mo3ath said...

احمد لهالدرجة انسان كامل ؟ :)

Fahad Al Askr said...

ما أحب تشيليز

الزين said...

هياااا

عجبتني

عفية عليها

وعندي نفس تساؤل معاذ

احمد وايد كامل

مو صج يعني


:)

Sn3a said...

بش مهندس معاذ
اهلين وسهلين

صغرت البارت اليوم شسوي
من عيوني اخلص الجزء التالي بسرعه

احمد مو كامل
لكن جايز شفته كامل لان تعامل معاها بطريقه مختلفه شوي عن الطريقه المعتاده اللي يعاملون فيها بنت غلطت

Sn3a said...

فهد العسكر
ياهلا ويامرحبا
نورت البلوق


خلاص يبا نخليها تعزل تشيليز تلقى زهيوي بالمطعم بعدين

Sn3a said...

هلا بالزين اسم على مسمى والله

احمد مو كامل لكن اهو تعامل وياها بطريقه مختلفه
ماكو انسان ماعنده عيوب
لكن اهيا ماشافتهم لحد الحين

ضـاد said...

ايي والله وخر عن طريجي اهوووو!!!!!

ترى اشتطيت وهالشي مو زين وايد ديري بالج p;



بنطر وبشوف التاليتها معاهم @:





:)

Najmah said...

احداث غير متوقعة

ومتابعيييين

Anonymous said...

السلام عليج سنعة ..

الصراحة ما شبعت من هالجزء احسه وايد صغير و الاحداث قليلة ...

ادري طفرناج وحده اتقولج الجزء طويل و حد يقولج شوي ..

لول سوي اللي يريحج غناتي المهم ماطولين علينا ^_^ ..نتريا الجزء اليديد

بحفظ الرحمن

أبو لطيف said...

هل تصمد ؟

ما بين العقل والعاطفة ... ايهما الاكثر سطوة ؟

Cesc said...

جميل جدا ً ,
البارت هذا حلو اعجبني سردج العفوي يبيله ارجع لـ باقي الاجزاء بس يبيلنا زقارة وجو ,
اول زيارة لي بس ان شاءالله ماتكون الاخيرة ,

Sowhat said...

عاشت رغود -صفقة - عاشت رغود -صفقة

الوحيد الي شخصيته متوقعة ... أحمد

كل احمد زين :)

لايحوشك ويفشلنا بالاخر

ZooZ "3grbgr" said...

زين تسوي عجبتني والله صج كبرت
من اول يوم جامعه سوت فيه جذيه
حسيت انه بلع الزقارة لووول
مسيجينه خفوا عليها قاعدة تكتبلنا مهي مقصرة
سنعة يلا يبا ما خلصتي
يلااااااااااااااااااااااااا
;D~
على فكرة اليوم كنت بشيليز
Chicken Crispers
amazingggggg

Anonymous said...

nice

على نفسها جنت براقش said...

لوووووووووووووووووووووووول

عفيه عليها

اهووو

لووووووول

Anonymous said...

ثانكس
عجبني الموضوع وايد

حمزة

Sn3a said...

ضاد

لا مبين ان زين لا يوقف لول

Sn3a said...

الغاليه نجمه
نورتي المكان يبا

Sn3a said...

هلا والله عواشي بنت الامارات

لا حشا ماطفرتوني المكان مكانكم يبا

ان شاءالله يعجبج الباقي

Sn3a said...

ابو لطيف

بنشوف
الف شكر على هالمتابعه

Sn3a said...

cecs

لا زقاره ولا شي
اشربلك نسكافيه واقرا
تدري ان كل زقاره تقصر من عمرك دقيقه:P

Sn3a said...

دكتور سو وات

لول هلا والله
ليش احس ان اسمك احمد:P

Sn3a said...

زوز

لووول حلوة بلع الزقاره
عليج بالعافيه والله جيليز من احلى المطاعم يمي يمي

Sn3a said...

لوكو

مرورك النايس خيو

Sn3a said...

على نفسها جنت براقش

دوم هالضحكه
عاجبتكم الاهو اشوف لول

Sn3a said...

حمزة

اهلين وسهلين بالزائر الجديد
يسلمو عالكومنت الحلو